အခန်း (၁၇)
လူသစ်နှင့် ကျေးဇူးတော်ချီးမွမ်းခြင်း
NEW LIFE AND THANKS GIVING
ခရစ်ယာန် အသက်တာဟာ ဝမ်းမြောက်ရွှင်လန်းခြင်းနဲ့ ပြည့်ဝတဲ့ အသက်တာ ဖြစ်ပါတယ်။
ဆာလံ၊ ၁၂၆း၃ မှာ “ထာဝရဘုရားသည် ငါတို့အဖို့ ကြီးသောအမှုကို ပြုတော်မူပြီး၊ ငါတို့သည်လည်း ဝမ်းမြောက်လျက် နေကြ၏”လို့ ဆိုထားပါတယ်။ မိမိကို ကယ်တင်တဲ့ ကျေးဇူးကစပြီး နေ့စဉ်အသက်တာမှာ ကာကွယ်စောင့်ရှောက်ကျွေးမွေးပြုစုနေတဲ့ကောင်းကြီးမင်္ဂလာတွေကိုဝမ်းမြောက်စွာနဲ့ ရေတွက်ချီးမွမ်းနေခြင်းဟာ ခရစ်ယာန်ဖြစ်ရခြင်းရဲ့ အနှစ်သာရဖြစ်ပါတယ်။
ဆာလံ၊ ၅၀း၂၃ မှာ “ကျေးဇူးချီးမွမ်းခြင်းယစ်ကို ပူဇော်သောသူသည် ငါ၏ ဘုန်းကို ထင်ရှားစေသော သူဖြစ်၏” လို့ ဖော်ပြထားပါသည်။
(က) ကျေးဇူးတော် ချီးမွမ်းခြင်း၏ အဓိပ္ပါယ်
ချီးမွမ်းခြင်းကို ဟေဗြဲဘာသာစကားနဲ့ “ယာဒါ” လို့ခေါ်ပါတယ်။ မိမိရှိသမျှအရာအားလုံးကို ဘုရားသခင်ထံ အပ်နှံလိုက်ခြင်း၊ ဘုရားသခင်အား အမြင့်ဆုံးသောနေရာတွင် တင်ထားခြင်းလို့ အဓိပ္ပါယ်ရပါတယ်။
(ခ) ချီးမွမ်းခြင်းနှင့် ပတ်သက်သည့် သမ္မာကျမ်းစာ၏ မှာကြားခြင်း
ခရစ်ယာန်တစ်ယောက်ဟာ အရာရာမှာ ဘုရားသခင်ရဲ့ ကျေးဇူးတော်ကို ချီးမွမ်းဖို့ ကျမ်းစာက သွန်သင်ထားပါတယ်။ ကျေးဇူးတော် ချီးမွမ်း ခြင်းဟာ ခရစ်ယာန်တိုင်းမှာ ရှိကိုရှိရမယ့် အကျင့်ဓလေ့ ဖြစ်ပါတယ်။
ငါတို့ ဘုရားသခင် ထာဝရဘုရားကို ချီးမွမ်းကြလော့ (ဆာလံ၊ ၉၉း၅)။
လူပျိုနှင့် အပျိုများ၊ လူအိုနှင့် ကလေးများတို့ ထာဝရဘုရားကို ချီးမွမ်းကြလော့ (ဆာလံ၊ ၁၄၈း၁၂)။
လောကီရှင်ဘုရင်နှင့် ပြည်သူပြည်သားအပေါင်း၊ မင်းများနှင့် လောကီတရားသူကြီးအပေါင်းတို့ ထာဝရဘုရားကို ချီးမွမ်းကြလော (ဆာလံ၊ ၁၄၈း၁၁)။
အသက်ရှိသောသူအပေါင်းတို့ ထာဝရဘုရားကို ချီးမွမ်းကြစေ (၁၅၀း၆)။
သန့်ရှင်းသူတို့ ထာဝရဘုရားကို ထောပနာသီချင်း ဆိုကြလော့ (ဆာလံ၊ ၁၁ရး၁)။
လူမျိုးအပေါင်းတို့ ထာဝရဘုရားကို ချီးမွမ်းကြလော့ (ဆာလံ၊ ၁၁ရး၁)။
စိတ်နှလုံး၊ နှုတ်၊ ဝမ်းမြောက်ခြင်း၊ ကျေးဇူးတင်ခြင်းနှင့် နေ့စဉ်နှင့်အမျှ ချီးမွမ်းရန် (ဆာလံ၊ ၉း၁။ ၅၁း၁၅။ ၆၃း၅။ ၁၄ရး၇။ ၇၁း၆)။
(ဂ) ဘာကြောင့် ဘုရားသခင်ကို ချီးမွမ်းရမည်နည်း
ဘုရားသခင်၏ ကရုဏာတော်သည် အစဉ်အမြဲတည်သောကြောင့် (ဆာလံ၊ ၁၃၆း၂)။
ဘုရားသခင်သည် ကြီးသောအမှုကို ငါတို့အတွက် ပြုပြီဖြစ်သောကြောင့် (ဆာလံ၊ ၁၂၆း၃)။
ထာဝရဘုရားသည် ကောင်းမြတ်တော်မူသောကြောင့် (ဆာလံ၊ ၁၃၄း၂)။
အပြစ်မှ လွတ်မြောက်ခြင်းအခွင့်ကို ပေးသောကြောင့် (ဂလာ၊ ၅း၁)။
No comments:
Post a Comment
ဤနေရာမှာအကြံပြုစာရေးခဲ့ပါ.....