Wednesday, 26 August 2020

ဘုရားရှင်နှင့်ကိုယ်တိုင်ထိတွေ့ခြင်း

(၂-၈-၉၈)နေ့
Dr.တင်မောင်ထွန်း-တရားဒေသနာ

ဘုရားဟူသည် မေတ္တာတော်အရှင်ဖြစ်သည်။ အနန္တတန်ခိုးနှင့်ပြည့်စုံတော်မူသည်။ သစ္စာရှင်လည်းဖြစ်သည်။ ထို့အပြင် အရာခပ်သိမ်းကိုသိတော်မူလျက် ယနေ့အသက်ရှင်နေသော ပုဂ္ဂိုလ်တော်မြတ်ဖြစ်သည်။ ဤအကြောင်းကို လူအများသိရှိလက်ခံ ကြသော်လည်း အသက်ရှင်တော်မူသောဘုရားနှင့်ပုဂ္ဂိုလ်ချင်းထိတွေ့ကြသူမှာအလွန်နည်းပါးလှပါသည်။ အဘယ်ကြောင့် ထိုသို့ ဖြစ်ရပါသနည်း။ ဘုရားရှင်နှင့်ကိုယ်တော်ထိတွေ့သိရှိလိုသည့်စိတ်ဆန္ဒမရှိခြင်းကြောင့်ဖြစ်သည်။ ဘုရားရှင်ကိုဆာငတ်ထိတွေ့လိုသော စိတ်ဆန္ဒရှိသူသာ ထိတွေ့သိရှိနိုင်သည်။

မိရိုးဖလာ

ဤကမ္ဘာကြီး၌ မိဘဘိုးဘွားများ၏ဆင့်ကဲပြောပြချက်အရ ဘုရားသခင်ကိုသိသွားကြသူများရှိကြပါသည်။ အာဗြဟံသည် ဘုရားရှင်ကိုသိရှိသူဖြစ်သည်။ အာဗြဟံ၏ပြောပြချက်အရ ဣဇက်လည်း ဘုရားကိုသိခွင့်ရပါသည်။ ထိုမှတဆင့်ယာကုပ်နှင့် ဧသောတို့ သိရှိခွင့်ရကြသည်။ ဤသို့ဆင့်ကဲဆင့်ကဲ ဘုရားအကြောင်းကို ကြားသိကြရသော်လည်း ယနေ့လောကကြီးထဲ၌ ဘုရားကို ကိုယ်တိုင်ကိုယ်ကျထိတွေ့သိရှိကြသူ အလွန်နည်းပါးလှသည်။ ဓမ္မဟောင်းကာလ၌ ဘုရားသခင်ကို အသက်ရှင်တော်မူသော ထာဝရဘုရားအဖြစ်သိရှိနားလည်သော်လည်း ဓမ္မသစ်ကာလတွင်မူ ကားတိုင်၌အသေခံကာ သင်္ဂြိုဟ်ခြင်းခံပြီးမှ သုံးရက်မြောက် သောနေ့တွင် သေခြငးကိုအောင်၍ ရှင်ပြန်ထမြောက်လျက် အသက်ရှင်နေတော်မူသောဘုရားရှင်ဖြစ်ကြောင်း သက်သေကိုလက် တွေ့ခံစားရင်း ထိုအရှင်နှင့်အတူ အသက်ရှင်ခွင့်ရပါသည်။ အကယ်၍မရသေးလျှင် ယခုရရှိနိုင်ပါသည်။

ကမ္ဘာ့အဆက်ဆက်အသက်နှင့်ပြည့်စုံသူ

(ဗျာ၊၁း၁၇)တွင် သခင်ခရစ်တော်သည်အဦးဆုံးသောသူဖြစ်သလိုနောက်ဆုံးသောသူဖြစ်ကြောင်း၊ အသက်ရှင်သောသူ လည်းဖြစ်ကြောင်းအရင်သေသည်ဖြစ်၍ ကမ္ဘာအဆက်ဆက်အသက်နှင့်ပြည့်စုံသောသူဖြစ်ကြောင်း ဖေါ်ပြထားပါသည်။ ယနေ့ လူသားတိုင်းသည် သေခြင်းကိုရင်ဆိုင်ရန်အတွက်ကြောက်ရွံ့ကြသည်။ သေခြင်းသည် လူသားတိုင်းမလွဲမသွေရင်ဆိုင်ရမည့် ဓမ္မတာ တရားတစ်ရပ်ဖြစ်သည်။ သို့ဖြစ်ပါလျက် သေခြင်းကိုလူတို့အဘယ်ကြောင့်ဤမျှကြောက်ရွံ့နေကြပါသနည်း။ သေပြီးသည့်နောက်တွင် မိမိတို့ရောက်ရမည့်နေရာနှင့်ခံစားရမည့်အကျိုးရလဒ်ကိုမသိကြရ၍ စိုးရွံ့ထိတ်လန့် နေကြခြင်းဖြစ် သည်။ ခရစ်တော်သည် လက်ဝါးကပ်တိုင်၌ အသေခံပြီးမှ သေခြင်းကိုအောင်၍ရှင်ပြန်ထမြောက်ကာ လူပေါင်းများစွာ ၏ရှေ့မှောက်တွင် မိမိသည်အသက် ရှင်သောဘုရားဖြစ်ကြောင်း မျက်ဝါးထင်ထင်တွေ့မြင်စေပြီး သက်သေထူခဲ့ပါသည်။ ဤအမှုအရာသည် စကားသက်သက်မဟုတ် ပါ။ သက်သေနှင့်တကွ တွဲဖက်နေသောသမ္မာတရားဖြစ်ပါသည်။

ခရစ်ယာန်မဟုတ်သောသူ

အသက်ရှင်သောဘုရားကို ဦးနှောက်နှင့်သာသိရှိပြီး နှလုံးသားနှင့်ထိတွေ့ဆက်နွယ်မှုမရှိသေးပါက ခရစ်ယာန်မဟုတ် သေးပါ။ (တမန်၊၉)တွင်ပေါလုသည်အသက်ရှင်သောဘုရားကိုသိရှိကိုးကွယ်သူဖြစ်ရုံသာမက ဘာသာတရားဘက်၌ စိတ်အားကြီး သူဖြစ်သည်။ သို့သော်ခရစ်ယာန်များအားနှိပ်စက်ညှဉ်းဆဲသူဖြစ်သည်။ နောက်ဆုံးခရစ်ယာန်များကို ချည်းနှောင်၍ ယေရုရှလင်မြို့ သို့ပို့ဆောင်ရန်အလာ ဒမာသက်မြို့သို့ သွားသောလမ်းတွင် သခင်ခရစ်တော်နှင့် တွေ့ပြီး အသက်တာပြောင်းလဲခဲ့ရလေသည်။

သခင်ခရစ်တော်သည် အသက်ရှင်တော်မူသောဘုရားရှင်ဖြစ်ခြင်းကြောင့် ရှောလုကဲ့သို့သောအတွေ့ခံလိုသူနှင့် အခြားတွေ လိုသူတိုင်းကိုလည်းအတွေ့ခံပါသည။ ရှောလု၏ ခရစ်တော်နှင့်မတွေ့မီ အသက်တာနှင့်တွေ့ပြီးနောက် အသက်တာသည် လုံးဝခြားနားပြောင်းလဲသွားပါသည်။ သူသည်ခရစ်တော်နှင့်မတွေ့မီက ခရစ်ယာန်များကို ညှဉ်းပန်းနှိပ်စက်ခဲ့ သော်လည်း ခရစ်တော်နှင့် တွေ့ပြီးသည့်နောက်၌ ခရစ်တော်၏အကြောင်းကို ရဲဝံ့စွာဟောပြောဝေငှသူတစ်ဦးဖြစ်လာခဲ့ပါသည်။

စစ်မှန်သောနောင်တ

သခင်ခရစ်တော်သည် သေခြင်းမှရှင်ပြန်ထမြောက်ော်မူသောအရှင်ဖြစ်တော်မူသဖြင် မည်သည့်ဒုက္ခပြဿနာမျိုးမှမဆု ကျွနု်ပ်တို့အားကယ်လွှတ်နိုင်တော်မူပါသည။ လောကထဲ၌အချို့သောသူများသည် အရက်၏ကျေးကျွန်ဘဝမှ သော်လည်ကောင်း၊ အချီု့ကဖဲနှင့်လောင်းကစား၊ အချို့ကမတရားသောမေထုန်နှင် အခြားအရာများ၏ကျေးကျွန် အဖြစ်မှသော်လည်းကောင်း၊ ရုန်းမထွက် နိုင်ဘဲရှိနေကြသည်။ ကျွနု်ပ်တို့သည် ထိုအရာများကိုမကောင်းမှန်းသိရှိပြီး ထိုအရာများ၏ဖိစီးမှုအောက်မှလွတ်မြောက်ရန် စစ်မှန်သောနောင်တစိတ်နှင့် ကိုယ်တော်ကိုကိုးစား၍ ခေါ်မညဆိုပါက၊ ကိုယ်တော်သည် သေခြင်းမှရှင်ပြန်ထမြောက်တော်မူသည့် အရှင်ဖြစ်သောကြောင့် ကျွနု်ပ်တို့အားအံံ့သြဖွယ် ကယ်လွှတ်တော်မူလိမ့်မည်။

ထိုသို့သောကျေးဇူးကို ကျွနု်ပ်တို့ခံစားနိုင်ခွင့်ရခြင်းမှာ (ယော၊၁၄း၁၃)တွင် ဖေါ်ပြထားသည့်အတိုင်း ခမည်းတော်ဘုရားသည် သားတော်အားဖြင့် ဘုန်းတော်ထင်ရှားစေခြင်းအလိုငှါသဖြစ်သည်။ ထိုကတိတော်နှင့် အာမခံချက်သည် ခရစ်ယာန်များ အတွက်သာမဟုတ်ပါ။ ခရစ်ယာန်မဟုတ်သေးသူများလည်း နှလုံးသားမှကိုယ်တော် ကိုသိလိုသော သဘောဖြင့် သခင်ယေရှု၏နာမ၌ ခေါ်ကြည့်ပါက ကိုယ်တော်သည်သေခြင်းကိုအောင်၍ ရှင်ပြန်ထမြောက်တော်မူ သောအရှင်နှင့် ယနေ့အသက်ရှင်တော်မူသောအရှင် ဖြစ်ကြောင်းသက်သေကို အသက်တာ၌အမှန်ပင်ခံစားရမည်ဖြစ်ကြောင်း မေတ္တာဖြင့်အသိပေးဝေငှလိုက်ရပါသည်။

Monday, 24 August 2020

ဘုရားသခင်ရှိကြောင်း သိရှိခြင်း TO KNOW EXISTENCE OF GOD

ခရစ်တော်၌လူသစ် အခန်း (၃)

လူသားများအနေဖြင့် ဘုရာသခင်ရှိကြောင်းကို ဖော်ပြရန် အထူးခက်ခဲလှပါသည်။ သို့သော်လည်း ဘုရားသခင် ကိုယ်တော်တိုင်က နည်းလမ်းအမျိုးမျိုးဖြင့် ကိုယ်တော်ရှိတော်မူကြောင်းကို ဖော်ပြလျက်ရှိနေ ပါသည်။ ဘုရားသခင်အမှန်တကယ်ရှိကြောင်း အောက်ပါအချက်အလက်များအားဖြင့် သိရှိနိုင်ပါသည်။

၁။ ဖန်ဆင်းထားသောအရာများအားဖြင့် သိနိုင်ခြင်း
(WE KNOW GOD THROUGH HIS CREATION)
ယနေ့ ကျွနု်ပ်တို့ မြင်တွေ့နေရသော မိုးကောင်းကင်၊ နေ၊ လ၊ ကြယ်၊ တို့မှစ၍ တိရစ္ဆာန်၊ တော၊ တောင်၊ ဥစ်ပင်၊ ရေမြေသဘာဝအားလုံးတို့ကို ကြည့်ခြင်းအားဖြင့် ထိုအရာတို့ကို ဖန်ဆင်းသောအရှင် ဘုရား သခင် ရှိကြောင်းကို သိရှိနိုင်ပါသည်။ အရာခပ်သိမ်းကို ဖန်ဆင်းသောသူသည် ဘုရားသခင်ဖြစ်တော်မူ၏ (က၊၁း၁။ ဟေ၊၄၀း ၂၈း သု၊ ၈း၂၂-၃၁)။

၂။ ယေရှုခရစ်တော်အားဖြင့် သိနိုင်ခြင်း (WE KNOW GOD THROUGH JESUS CHRIST)
ြုရားသခင်က မိမိကိုယ်ကို ထုတ်ဖော်၍ ပြသခြင်းငှာ မိမိသားတော်ကို လောကသို့ လွန်ခဲ့သည့် နှစ်ပေါင်းနှစ်ထောင်ကျော်လောက်က လူ့ဇာတိကို ခံယူစေ၍ စေလွှတ်ခဲ့ပါသည်။ ယေရှုခရစ်တော်ဟု အမည် ရပါည်။ ထိုသခင်ယေရှုခရစ်တော်အားဖြင့် ဘုရားအကြောင်းကို လူတို့သိရှိ နားလည်သဘောပေါက်နိုင် ကြပါ သည်။
ကျမ်းစာလာသည်ကား “ဘုရားသခင်ကို အဘယ်သူမျှ မမြင်စဖူးသော်လည်း ခမည်းတော်၏ ရင်ခွင်၌ ရှိသော တစ်ပါးတည်းသော သားတော်(ယေရှု)သည် ဘုရားသခင်ကို ထင်ရှားစေတော်မူပြီ” ဟု ဖော်ပြထားပါ သည် (ယော၊၁း၁၈)။ ယေရှုဟူသော အမည်နာမ၏ အဓိပ္ပါယ်မှာ “လူတို့ကို အပြစ်မှ ကယ်ချွတ်မည့်သူ” ဖြစ်ပါသည် (မဿဲ၊၁း၂၁)။ ထာဝရဘုရား၏ ဘိသိက်ခံဘွဲ့နာမမှာ “ခရစ်တော်” ဖြစ်ပါသည်။ အဓိပ္ပါယ်မှာ “ကယ်တင်ရှင်” ဖြစ်ပါသည် (လု၊၂း၁၁)။
ယေရှုခရစ်တော်သည် ဘုရားသခင်နှင့် တလုံးတဝတည်းဖြစ်ခြင်း (ယော၊ ၁၀း၃၀)။
ယေရှုခရစ်တော်သည် သေခြင်းကိုအောင်မြင်၍ ရှင်ပြန်ထမြောက်တော်မူခြင်း (ယော၊၁၁း၂၅။ ၅း၂၆။
၆း၃၉-၄၀)။
ယေရှုခရစ်တော်သည် သေသောသူကို ရှင်ပြန်စေခြင်း (ယော၊ ၁၁း၄၃-၄၄)။
ယေရှုခရစ်တော်သည် ကောင်းကင်မှဆင်းသက်၍ အသက်ကိုပေးသော အသက်မုန့်ဖြစ်ခြင်း (ယော၊
၆း၃၃)။

(၃) သမ္မာကျမ်းစာအားဖြင့် သိနိုင်ခြင်း (WE KNOW GOD THROUGH THE HOLY BIBLE)
သမ္မာကျမ်းစာတော်မြတ်က ဘုရားသခင်ရှိကြောင်းကို တိတိကျကျ ဖော်ပြထားပါသည်။ ထိုကျမ်းစာ သည် ဘုရားသခင်ကိုယ်တော်တိုင် မှုတ်သွင်းတော်မူသောအားဖြင့် ရေးသားထားသော စာအုပ်ဖြစ်ပါသည် (၂တိ၊၃း၁၆)။လူသားများ၏ ဉာဏ်ပညာ၊ အတွေးအခေါ်၊ အယူအဆအားဖြင့် ရေးသားထားခြင်းမဟုတ်။ ဘုရားသခင်၏ နှုတ်တော်ထွက်စကားများ ဖြစ်ပါသည်။
သမ္မာကျမ်းစာသည် ကမ္ဘာပေါ်တွင် အလွန်ထူးခြားသော စာအုပ်ဖြစ်ပါသည်။ ပျောက်ပျက်သွားခြင်း မရှိဘဲ ဘာသာစကားအမျိုးမျိုးဖြင့် ပြန်ဆိုပြီး ရောင်းရအကောင်းဆုံး အစ်အုပ်ဖြစ်ခြင်း၊ ကျမ်းစာ၏ကြိုတင် ဖော်ပြခက်များ မှန်ကန်ပြည့်စုံလာခြင်း၊ လူသားတို့၏ စိတ်နှလုံးကို ပြုပြင်ပြောင်းလဲ စေနိုင်ခြင်း၊ တိကျပြတ် သားသော ကတိတော်များပေးထားခြင်း၊ ကမ္ဘာ့သမိုင်း နှင့်ကိုက်ညီခြင်း၊ ရှေးဟောင်းသုတေသန ပညာရှင်တို့၏ ရှာဖွေတွေ့ရှိချက်များမှ ခိုင်လုံသောအထောက်အထားများရှိနေခြင်း၊ စသည်တို့က သမ္မာကျမ်းစာသည် ထူးခြား သော စာအုပ်ဖြစ်ကြောင်းဖော်ပြလျက်ရှိပါသည်။

(၄) ဘုရားဟူသော ဝေါဟာရရှိနေခြင်းဖြင့် သိနိုင်ခြင်း
(ALL MEN PRONOUNCE “GOD” IN THEIR OWN DIALECTS TO SHOW THAT
GOD IS IN EXISTANCE)
လူမျိုးအလိုက် ဘာသာစကားအမျိုးမျိုး ကွဲပြားခြားနားနေကြသော်လည်း ဘာသာစကားတိုင်းတွင် ဘုရား ဟူသော ဝေါဟာရသည် အဓိကအကျဆုံးအခန်းကဏ္ဍတွင် ပါဝင်နေသည်မှာ ထင်ရှားလှပါသည်။ မှန်သော ဘုရားဖြစ်သည့် မိမိတို့ကို ဖန်ဆင်းသည့် သခင်အား မတွေ့နိုင်ကြသောကြောင့် မိမိတို့ လက်လှမ်းမီရာ ကို ဘုရားအဖြစ်ကိုးကွယ်နေကြခြင်း ဖြစ်ပါသည်။ (ဥပမာ -– လဘုရား၊ နေဘုရား၊ သစ်ပင်ဘုရား၊ ကျောက်ဘုရား၊ တောင်ဘုရားစသည်ဖြင့်)။

(၅) ပိုင်ဆိုင်သူကို စဉ်းစား ကြည့်ခြင်းဖြင့် သိနိုင်ခြင်း
(WE KNOW GOD THROUGH CONCEPTION OF THE SOLE OWNER)
ဗလာကပေါ်ရှိမည်သည့်အရာကိုမဆို ပိုင်ဆိုင်သူနှင့် အုပ်စိုးသူရှိနေသည်ကို တွေ့ရပေသည်။ အိမ်မှစ၍ အတွင်း၌ရှိသော အိမ်ထောင် ပရိဘောဂ၊ အသုံးအဆောင်ပစ္စည်းအားလုံးကို ပိုင်ဆိုင်သူ၊ တာဝန်ယူထိန်းသိမ်း နေသူရှိနေသလို မော်တော်ကား၊ မီးရထား၊ လေယာဉ်ပျံစသည့် ယာဉ်အမျိုးမျိုးကိုလည်း ပိုင်ဆိုင်သူ၊ ထိန်ချုပ် မောင်းနှင်နေသူတို့ရှိနေသည် ဖြစ်ရာ ဤလောက စင်္ကဝြဠာတစ်ခုလုံးကိုလည်း ပိုင်သအုပ်စိုး ထိန်ချုပ်နေသူ မရှိဘဲ မဖြစ်နိုင်ပါ။
ကမ္ဘာမြေကြီးအပါအဝင် စကြဝဠာအတွင်းရှိနေ၊ လ၊ ကြယ်နက္ခတ်အားလုံး သူ့လမ်းကြောင်းနှင့်သူ စနစ်တကျ သွားလာလည်ပတ်နေသည်မှာ အံ့ဩဖွယ်ရာဖြစ်ပါသည်။ ဤအချက်သည်ပင်လျှင် စကြဝဠာတစ်ခု လုံးကို ဖန်ဆင်းပိုင်သအုပ်စိုး ထိန်းချုပ်နေသော ဘုရားရှိသည့်အကြောင်း ဖော်ပြနေသည့် အချက်ဖြစ်ပါသည်။ ထို့ကြောင့် အခြေအမြစ်ကျကျ စဉ်းစားဆင်ခြင်ကြည့်ပါက ဘုရားသခင်ရှိကြောင်းကို အလွယ်တကူပင် သိရှိနား လည်း သဘောပေါက်နိုင်ပါသည်။