Sunday, 29 May 2016

ကောင်းသောဘဏ္႑ာစိုး တစ်ဦးဖြစ်ရန်အတွက် အကြံပြုချက် (၇)ချက်

7 Tips to becoming a good Steward
ခေါင်းဆောင်မှုဆိုင်ရာ ေ၀ငှချက်ဆောင်းပါး
 သည်ကနေ့ ယုံကြည်သူ၊ အမှုတော်ဆောင်
နှင့် ခေါင်းဆောင်များအတွက် အရေးအကြီး
ဆုံး မေးခွန်းတစ်ခုမှာ - “ကောင်သောဘဏ္႑ာ
စိုး တစ်ဦးဖြစ်ရန် မည်ကဲ့သို့ ပြုမူဆောင်ရွက်ရ
မည်နည်း” ဆိုသည့် မေးခွန်းပင် ဖြစ်သည်။
ဟုတ်ကဲ့၊ သည်အရာနဲ့ပတ်သက်ပြီး နှုတ်က
ပတ်တော်ကို အခြေပြုထားသော အကြံပြုချက်
(၇)ချက်ကို ကျွန်တော်ေ၀ငှသွားပါမည်။

၁။ သင်သည် ပိုင်ရှင်မဟုတ်၊ ထိန်းသိမ်းစောင့်ရှောက်သူသာဖြစ်ကြောင်း သိမှတ်ပါ
    Know that you are not an original owner, just a custodian 
    “ထိုအခါ ထာ၀ရအရှင် ဘုရားသခင်သည် လူကိုယူ၍ ဧဒင်ဥယျာဉ်ကို ပြုစုစောင့်နေစေခြင်းငှာ ထားတော်မူ၏” (ကမ်ဘာ၊ ၂း၁၅)။

    ဧဒင်ဥယျာဉ်၏ မူရင်းပိုင်ရှင် အစစ်အမှန်သည် ဘုရားသခင်သာဖြစ်ပြီး လူအာဒံသည် ထိန်းသိမ်းစောင့်ရှောက်သူသာဖြစ်ကြောင်း တွေ့ ရမည်။ သင်သည် အိမ်ထောင်ရှင်တစ်ဦး (သို့) ဘော်ဒါ ကျောင်းအုပ်၊ ကုမ္ပဏီမန်နေဂျာ၊ အစိုးရ ၀န်ထမ်း၊ စီးပွားရေးလုပ်ငန်းရှင်၊ ဓမ္မအမှုတော်ဆောင်တစ်ဦး စသည်ဖြင့် တစ်မျိုးမျိုးဖြစ်မည်။ မည်သည့်အလုပ်တာ၀န်ကို ထမ်းဆောင်ရသူ ဖြစ်ပါစေ၊ တစ်နေ့ ဘုရားသခင်ရှေ့ တွင် သင်လုပ်ဆောင်ခဲ့သည့် အရာအားလုံးအတွက် အစီရင်ခံရမည်ဖြစ်ကြောင်း သတိပြုပါ (၂ကော၊ ၂း၁၀)။ သင်၌ရှိသော သက်ရှိသက်မဲ့၊ မည်သည့်အရာကိုမျှ သင် မပိုင်ပါ။

 ၄င်းအရာအားလုံး၏ မူရင်းပိုင်ရှင်သည် သင်မဟုတ်၊ ဘုရားသခင်သာဖြစ်သည်ဟု ဆိုလိုခြင်း ဖြစ်သည်။ ထိုအရာတစ်ခုစီအားဖြင့် ဘု၇ားသခင်၏ ဘုန်းတော်ကို ထင်ရှားစေရန်အတွက် သင့်ကို ထိန်းသိမ်း စောင့်ရှောက်စေခြင်း (ဝါ) စီမံခန့်ခွဲစေခြင်းသာဖြစ်ကြောင်း ဆင်ခြင်သိမှတ်ပါ။

၂။ သမ္မာကျမ်းစာ၏ အခြေခံစည်းမျဉ်းများကို သင်ယူပြီး လိုက်နာကျင့်သုံးပါ။ 
    Learn and practice Biblical principles
    “ငါ့သား၊ ငါပေးသောတရားကို မမေ့နှင့်၊ ငါ့ပညတ်တို့ကို သင်၏နှလုံး စောင့်ရှောက်ပါစေ” (သုတ္တံ ၃း၁)။

    သင်သည် မိသားစုတစ်စု (သို့) လုပ်ငန်းတစ်ခု၊ အသင်းအဖွဲ့ တစ်ခုကို ဦးဆောင်ရသည့်အခါ သမ္မာကျမ်းစာနှင့် မကိုက်ညီသော နည်းစနစ်များ (သို့) လောကီစံသတ်မှတ်ချက်များအတိုင်း လုပ် ဆောင်ခြင်း မပြုမိဖို့ရန် သတိပြုရမည်။ သင်ဦးဆောင်ရသော ကဏ္႑တစ်ခုစီတိုင်းအတွက် သမ္မာ ကျမ်းစာ၏ အခြေခံစသည်းမျဉ်းများကို ရှာဖွေပါ။ မှတ်သားပါ။ ၄င်းတို့ကို လက်တွေ့ ကျင့်သုံးပါ။ လောကတွင် လူကြိုက်များနေသော နည်းစံနစ်များကို သမ္မာကျမ်းစာနှင့် တိုက်ဆိုင်စစ်ဆေးခြင်း မပြုဘဲ ပုံတူကူးချခြင်းမျိုး မပြုလုပ်ပါနှင့်။

၃။ စေတနာစိတ်ဖြင့် အကောင်းဆုံး လုပ်ဆောင်ပါ
     Do Your best with all your heart
    “လူ၏အမှုကိုသာ ဆောင်ရွက်သကဲ့သို့မဟုတ်၊ သခင်ဘုရား၏ အမှုတော်ကို ဆောင်ရွက် သကဲ့သို့ ပြုလေသမျှတို့၌ စေတနာစိတ်နှင့် ပြုကြလော” (ကောလောသဲ ၃း၂၃)။

    အလုပ်တာ၀န်ကို ပုံမှန်လုပ်ဆောင်နေသော်လည်း စိတ်စေတနာမပါတာမျိုး ဖြစ်တတ်ပါသည်။ သည်အချက်နဲ့ပတ်သက်ပြီး ကျွန်တော် အမြဲခွန်အားရသည့် ပုဂ္ဂိုလ်ကတော့ ဓမ္မဟောင်းကျမ်းစာထဲက “ယောသပ်” ဖြစ်သည်။ သူသည် မည်သည့်နေရာ၊ မည်သည့်အလုပ်ကို လုပ်ရသည်ဖြစ်စေ၊ အကောင်း ဆုံး စေတနာဖြင့် လုပ်ပေးခဲ့ကြောင်း တွေ့ ရပါသည်။ ကျွန်တော်တို့လုပ်ရသည့် အလုပ်သည် မည်မျှပင် သေးငယ်ပါစေ၊ စိတ်စေတနာ (နှလုံးသား)ပါလျက် လုပ်ဆောင်ဖို့ လိုပါသည်။ ရှင်ပေါလု တိုက်တွန်း သကဲ့သို့ စိတ်စေတနာဖြင့် အကောင်းဆုံး၊ အပြောင်မြောက်ဆုံး လုပ်ဆောင်လိုက်ပါ။

၄။ သင် တာ၀န်ယူရသည့် လုပ်ငန်းကို ကြီးထွားတိုးတက်လာစေရန် စွမ်းဆောင်ပါ
Attempt to grow your ministry
    “ထိုသို့မရှိသော်လည်း သင်တို့အပေါ်သို့ သန့်ရှင်းသော ၀ိညာဉ်တော် ဆင်းသက်သောအခါ သင်တို့သည် တန်ခိုးကို ခံရ၍ ယေရုရှလင်မြို့ မှစသော ယုဒပြည်၊ ရှမာရိပြည်နှင့် မြေကြီးစွန်း တိုင်အောင် ငါ၏သက်သေ ဖြစ်ကြလိမ့်မည်ဟု မိန့်တော်မူ၏” (တမန်တော် ၁း၈)။

    သင်၌ အပ်ထားသော အရာအားလုံး ကြီးထွားတိုးတက်လာစေရန်အတွက် ဘုရားသခင် အလိုရှိပါသည်။ ယေရုရှလင်မြို့ ၌ စတင်ခဲသော သခင်ဘုရား၏ သာသနာသည် နှစ်အနည်းငယ် အတွင်းမှာပင် ယုဒပြည်၊ ရှမာရိပြည်နှင့် မြေကြီးစွန်းတိုင်အောင် ရောက်ရှိပျံ့ န့ှံခဲ့ပါသည်။ ထိုသို့ လုပ်ဆောင်နိုင်ရန် သန့်ရှင်းသော ၀ိညာဉ်တော်ဘုရားက မစကူညိပေးခဲ့ခြင်း ဖြစ်ပေသည်။ တိုးပွားများပြားသည်ဟု ဆိုရာ၀ယ် အရည်အသွေး (Quatity) ပိုင်းသာမက၊ အရေအတွက် (Quantity) ပိုင်းပါ ပါ၀င်ပေသည်။ ရှုပါရုံ ရှိိရုံဖြင့် မလုံလောက်ပါ။ ရှုပါရုံကို ဘယ်လို အကောင်အထည်ဖော်မလဲ ဆိုသည့်အရာ (နည်းဗျူဟာ)ကို ရှာဖွေဖော်ထုတ်ရမည်။

၅။ သင်၌ ရှိသော အခွင့် အာဏာကို လုပ်ဖော်ဆောင်ဘက်များအား ခွဲေ၀ပေးအပ်ပါ
     Divide Your authority & Share it to co-workers
    “သက်သေခံအများရှိသည်နှင့် ငါ့ထံ၌ ကြားရပြီးသော အရာတို့ကို သစ္စာနှင့်ပြည့်စုံ၍ သူတစ်ပါး တို့ကို သွန်သင်ခြင်းငှာ တတ်စွမ်းနိုင်သောသူတို့၌ အပ်ပေးလော့” (၂တိ၊ ၂း၂)။

    အရာအားလုံးကို လုပ်ဆောင်နိုင်သော Super Leader များဖြစ်ဖို့ ကျွန်တော်တို့ကို ရွေးကောက် ထားခြင်းမဟုတ်ပါ။ အရာခပ်သိမ်းကို တတ်သိကျွမ်းကျင်ဖို့ရန်လည်း မလိုအပ်ပါ။ မိမိစွမ်းဆောင်နိုင် သော ကဏ္႑ကိုသာ အကောင်းဆုံး လုပ်ဆောင်ပြီး အခြားကဏ္႑၊ တာ၀န်များကို တတ်စွမ်းနိုင်သော သူတို့အား ခွဲေ၀ပေးရမည်။ ကျွနု်ပ်တို့သာ ဘဏ္႑ာစိုးမဟုတ်ဘဲ ကျွနု်ပ်တို့၏ လုပ်ဖော်ဆောင်ဘက် များသည်လည်း ဘုရားသခင်၏ ဘဏ္႑ာစိုးဖြစ်သည်ကို သိမှတ်လျက် အခွင့်အာဏာကို တစ်ဦးတည်း ချုပ်ကိုင်ထားခြင်း မပြုဘဲ ယုံကြည်စိတ်ချစွာ ခွဲေ၀အပ်နှင်းဖို့ရန်လည်း လိုအပ်ပါသည်။

၆။ သင်၏ ကိုယ်ကျိုးစီးပွားအတွက် ရည်ရွယ်၍ လုပ်ဆောင်ခြင်းကို ရှောင်ကြဉ်ပါ
     Avoid manipulation for your personal gain
    “ထိုမှတစ်ပါး ဘဏ္႑ာစိုးမည်သည်ကား သစ္စာရှိရမည်” (၁ကော၊ ၄း၂)

    သင်ရရှိထားသော နေရာ၊ သင်၌ရှိသော အခွင့်အာဏာသည် ဘုရားဘုန်းတော် ထင်ရှားရန်နှင့် သူတစ်ပါးအတွက် အကျိုးပြုရန် ပထမထားပြီး သင်နှင့် သင့်မိသားစု ကောင်ချီးခံစားရန်ကိုမူ နောက်၌ ထားရမည်။ သင်နှင့် သင့်မိသားစု ကောင်းစားရေးအတွက် အသင်းပိုင်၊ အဖွဲ့ ပိုင်ငွေများ၊ ပစ္စည်းဥစ္စာ များနှင့် ရာထူးများနှင့် မရိုးသားသောနည်းဖြင့် ကြိုးကိုင် ချယ်လှယ်ခြင်းမပြုလုပ်မိစေရန် သတိပြုရမည်။ မိမိပိုင် ငွေကြေးနှင့် အသင်းအဖွဲ့ ပိုင်ငွေကြေးကို သီးခြားသတ်မှတ်ထားရှိရမည်။ သင်လုပ်ဆောင်လေ သမျှတို့၌ သစ္စာရှိမှု၊ ရိုးသားမှုနှင့် ပွင့်လင်းမြင်သာမှုတို့ ရှိရမည်။ တစ်ခါအလွဲသုံးစားမူကြောင့် တစ်သက် လုံးရရှိခဲ့သော နာမည်ကောင်းကို မဖျက်ဆီးစေရန် သတိဉာဏ်ပညာဖြင့် ပြုမူဆောင်ရွက်ရမည်။

၇။ နှိမ့်ချခြင်း တန်ဆာကို အမြဲဆင်ပါ
     Always clothe yourself with humility
“…အချင်းချင်း တစ်ယောက်အောက် တစ်ယောက် နှိမ့်ချလျှက်နေ၍ နှိမ့်ချခြင်းတန်ဆာကို ဆင်ကြ လော့။ အကြောင်းမူကား ထောင်လွှားစော်ကားသောသူတို့ကို ဘုရားသခင် ဆီးတားတော်မူ၏။ စိတ်နှိမ့် ချသောသူတို့အား ကျေးဇူးပြုတော်မူ၏” (၁ပေ၊ ၅း၅)။

    လူသည် အောင်မြင်လာသည့်အခါ မာနထောင်လွှားတတ်သော သဘောရှိ၏။ အမှန်စင်စစ် သင်သည် ဘုရားသခင်၏ အစေခံကျွန်တစ်ဦးသာဖြစ်ပြီး ယခုသင်ရှိနေသောနေရာ၊ သင့်လက်၌ရှိသော အခွင့်အာဏာ၊ သင်ပိုင်ဆိုင်သမျှအရာအားလုံး၊ သင်၏ အောင်မြင်မှုဂုဏ်သတင်း၊ သည်အရာတွေ အားလုံးသည် ဘုရားသခင်၏ ကျေးဇူးတော်ကြောင့်သာ ဖြစ်ကြောင်း အစဉ်အောက်မေ့ပြီး ဘုရားကို ကျေးဇူးတင် ချီးမွမ်းဖို့သာ ဖြစ်သည်။ သင်၏ လုပ်ဖော်ဆောင်ဘကများအပေါ် မောက်မာစွာ ဆက်ဆံခြင်း၊ သင်သည် ၄င်းတို့ထက် သာလွန်မြင့်မြတ်ကြောင်း ပြောဆိုခြင်း၊ ပြုမူခြင်းကို ရှောင် ကြဉ်ပါ။

    ဖော်ပြခဲ့သည့် အချက်(၇)ချက်ကို သန့်ရှင်းသော ၀ိညာဉ်တော် ဘုရား၏ မစမှုဖြင့် သင်လိုက်နာ ဆောင်ရွက်နေသည်ဟု ဆိုလျှင် သင်သည် “ဘရားသခင်ဟ ဘဏ္႑ာစိုးကောင်းတစ်ဦး” အဖြစ် ဘုန်းတော်၊ နာမတော်ကို ထင်ရှားစေသူဖြစ်သည်ဟု ကျွန်တော် အသေအချာ ပြောနိုင်ပါသည်။




Thursday, 26 May 2016

သင်၏အချိန်ကို ပေးအပ်ရမည့် ပုဂ္ဂိုလ် (၇)မျိုး

(Seven kinds of person you need to
 spend time with)
မြေကြီးပေါ်တွင် အသက်ရှင်နေထိုင်လျက်ရှိ
သော ကျွနု်ပ်တို့၏ အသက်တာသည် အချိန်
 အကတ်အသန့်ရှိပါသည်။ ကျွနု်ပ်တော်တို့၏
 အချိန်သက်တမ်းစေ့သည့်အခါ ဤကမ်ဘာမြေ
ကြီးပေါ်ရှိ အရာအားလုံးကို စွန့်လွှတ်ထား ခဲ့
ကြရမည်။ (ဆာလံ ၉၀း ၁၀)အတိုင်း အသက်
 (၇၀)ခန့်နေရမည် ဆိုပါက ရက်ပေါင်း (၂၅၅၅၀)ရက်
သာရှိသည်။ အသက် (၃၀)ပြည့်ပြီးသောသူအတွက် (၁၄၆၀၀)ရက်၊ အသက် (၄၀) ပြည့်ပြီးသော သူအတွက်(၁၀၉၅၀)ရက်၊ အသက်(၅၀)ပြည့်ပြီးသောသူအတွက် (၇၃၀၀) ရက်သာ ကျန်ရှိပေသည်။

    သို့အတွက်ကြောင့် သင့်အသက်တာ၏ ကျန်ရှိသောအချိန်ကို ပညာရှိစွာ စီမံခန့်ခွဲပြီး ပုဂ္ဂိုလ် (၇)မျိုး အတွက် မှန်ကန်စွာ ပေးအပ်၊ အသုံးပြုဖို့ရန်အတွက် ကျွန်တော်ေ၀ငှသွားပါမည်။

၁။ ဘုရားသခင်အတွက် အချိန် (Time for God)
    “အမိန့်တော်ထုတ်၍ တံဆိပ်ခတ်ကြောင်းကို ဒံယေလသည် ကြားသိသော်လည်း မိမိအိမ်သို့ သွား၍ ယေရုရှလင်မြို့သို့ မျက်နှာပြုရာ အထက်ပြတင်းပေါက် ဖွင့်လျက်ပင် အထက်ပြုလေ့ရှိ သည့်အတိုင်း တစ်နေ့ သုံးကြိမ် ဒူးထောက်လျက် ဘုရားသခင်ကို ဆုတောင်း၍ ဂုဏ်ကျေးဇူးတော်ကို ချီးမွမ်းလေ၏” (ဒံယေလ၊ ၆း၁၀)။

    ဒံယေလ၏ အသက်တာ၌ ဘုရားသခင်နှင့် အချိန်ယူခြင်းကို မိမိအသက်ထက်ပင် ပို၍ အလေးထား ကြောင်းတွေ့ရှိရမည်။ သင်၏ကယ်တင်ရှင်၊ သင်ကို အသက်ပေးသူ၊ သင့်ကို မစ ထောက်ပ့ံသူ၊ သင်၏ခွန်အား၊ သင်၏မျက်မြင်မရသော အလုပ်ရှင်နှင့် တွေ့ဆုံ မိတ်သဟာယဖွဲ့ ဖို့ရန်အချိန်ကို အလေးအနက်ထားပါသလား? သစ္စာရှိပါသလား? သည်အရာကို Quiet Time (သို့မဟုတ်) ဘုရားနှင့် တစ်ဦးတည်းအချိန်ယူခြင်း (Time alone with God)ဟု ခေါ်ပါသည်။ သမ္မာ ကျမ်းစာထဲရှိ ဓမ္မဟောင်း၊ ဓမ္မသစ်ကာလမှာရော၊ သည်ကနေ့ထိ အသင်းတော် သမိုင်းမှာရော အောင်မြင်သော ခေါင်းဆောင်အားလုံး၏ တူညီသော လျိူ့၀ှက်ချက်တစ်ခုမှာ ဘုရားနှင့် တစ်ဦးချင်း အချိန်ယူခြင်းကို အလေးအနက် ထားခြင်းပင်ဖြစ်သည်။ သည်အတွက်ကြောင့် ဘုရားနှင့် တစ်ဦးတည်း တွေ့ဆုံသောအချိန်သည် သင့်အတွက် အရေးကြီးဆုံးအချိန်ဖြစ်ကြောင်း မှတ်ယူပါ။

၂။ သင့်မိသားစုအတွက်အချိန် (Time for your family)
    “မိမိလူတို့ကို မပြုစု၊ ထိုမျှမက မိမိအိမ်သူအိမ်သားတို့ကို မပြုစုသောသူ မည်သည်ကား၊ ယုံကြည်ခြင်း တရားကို ငြင်းပယ်၏ မယုံကြည်ဘူးသောသူတို့ထက် သာ၍ ယုတ်မာ၏” (၁တိ၊ ၅း၈)။ 
    မိသားစုဟူသည် ဘုရားပေးသော ဆုလာဘ်တစ်ခုဖြစ်၏။ အပြင်လူအားလုံးအတွက် ကောင်းပြီး မိမိ မိသားစုကို မပြုစုသေား ခေါင်းဆောင်သည် သမ္မာကျမ်း၏ သွန်သင်ချက်နှင့် သွေဖည်နေသူ ဖြစ်သည်။

    သင်၏ အချိန်အချို့ကို မိသားစုအတွက် ပေးအပ်ပါ။ မိမိဇနီး (သို့) ခင်ပွန်းသည်၊ သားသမီးများ နှင့် သီးသန့်တွေ့ဆုံ၍ နှုတ်ကပတ်တော် သင်ကြားပေးခြင်း၊ အတူတကွ ကျေးဇူးတော်ချီးမွမ်းခြင်း၊ အတူစားသောက် ခြင်း၊ ဈေး၀ယ်ထွက်ခြင်း၊ ကစားကွင်းသွားခြင်း၊ အပန်းဖြေခရီးထွက်ခြင်း စသည့် အစီအစဉ်များ ပြုလုပ်၍ မိသားစုအတွက် အချိန်ပေးနိုင်သည်။ ဤနည်းများအားဖြင့် မိသားစု၏ ၀ိညာဉ်ရေးရာနှင့် ကဏ္႑စုံကို ပြုစု ပျိုးထောင်ပေးခြင်း ဖြစ်သည်။

၃။ သင့်ကိုယ်တိုင်အတွက် အချိန် (Time for yourself)
    “ဘုရားသခင် ဖြစ်ဘွားစေတော်မူသောသူသည် မိမိကိုယ်မိမိ စောင့်ရှောက်သဖြင့် မာရ်နတ် သည် ထိုသူကို မထိမခိုက်နိုင်ရာ” (၁ယော၊ ၅း၁၈)။ 
သင်သည် ၀ိညာဉ်ရေးရာနှင့် စိတ်ဓာတ်ရေးရာ၌ အစဉ်လန်းဆန်းကျန်းမာနေဖို့ရန်မှာ သင့် ကိုယ်သင် သတိပညာဖြင့် ဂရုပြုစောင့်ရှောက်မှုအပေါ် မူတည်နေပေသည်။ ထိုမျှမက သင်၏ကိုယ်ခန္ဓာ ကျန်မာသန်စွမ်း နေဖို့ရန်လည်း လိုအပ်ပါသည်။ သည့်အတွက်ကြောင့် အခါအားလျော်စွာ အချိန်ပေး၍ သင့်၀ိညာဉ်၊ စိတ်၊ ခန္ဓာ ကျန်းမာရေးကို စစ်ဆေးရမည်။

 အထူးသဖြင့် အသက်(၄၀)ကျော်လာပြီဆိုလျှင် မိမိကိုယ်ခန္ဓာကျန်မာရေးကို မကြာခဏ စစ်ဆေး၍ သင့်လျော်သည့် လေ့ကျင့်ခန်းတစ်ခုခု (ဥပမာ-လမ်းလျှောက်ခြင်း)ကို ပုံမှန် ပြုလုပ်သင့်သည်။ ကိုယ်စိတ်ကျန်းမာရေး ထိခိုက်သည်အထိ အလုပ် ၀န်ပိခြင်းမဖြစ်ရန် ဂရုပြုရမည်။ မိမိအတွက် လိုအပ်သည့် စွမ်းရည်များ (ဥပမာ-ကွန်ပျူတာရိုက်ခြင်း၊ ကားမောင်းဖြင်း) ပြည့်စုံလာရန်အတွက်လည်း လေ့လာသင် ယူမှု ပြုလုပ်ရမည်။

၄။ သင်ရွေးချယ်ထားသော လူစုအတွက်အချိန် (Time for your key people)
    “ကိုယ်တော်နှင့်အတူ ရှိနေစေခြင်းငှါ၄င်း၊ တရားဟောသောအခွင့်၊ အနာရောငါတို့ကို ငြိမ်းစေ၍ နတ်ဆိုး တို့ကို နှင်ထုတ်နိုင်သောအခွင့်နှင့် စေလွှတ်ခြင်းငှါ၄င်း၊ တစ်ကိျပ်နှစ်ပါးသောသူတည်းဟူသော ....တို့ကို ခန့်ထား တော်မူ၏” (မာကု၊ ၃း၁၄-၁၉)။

    ယေရှုခရစ်တော်သည် သူနှင့်အတူ ရှိဖို့ရန်အတွက် တပည့်တော် (၁၂)ပါးကို ရွေးကောက် ခဲ့ပါသည်။ တစ်နည်းဆိုရသော် ယေရှုသည် သူရွေးကောက်ထားသော တပည့်တော် (၁၂)ပါးအတွက် သူ၏အချိန် အများစု ကို ပေးအပ်ပြီး ပြုစုပျိုးထောင်ပေးခဲ့ခြင်း ဖြစ်သည်။

    ထိုတပည့်တော် (၁၁)ပါးနှင့် ရှင်ပေါလုအားဖြင့် ခရစ်တော်၏ “မဟာစေခိုင်းမှုကြီး”ကို ကမ်ဘာစွန်း ထိတိုင် ဆောင်ရွက်နိုင်ခဲ့ပါသည်။ သင်၏လုပ်ငန်းကို ပိုမိုထိရောက်အောင်မြင်နိုင်စေမည့် အလားအလာ ရှိသော လူတစ်စုကို ရွေးချယ်လိုက်ပါ။ သင်၏အချိန်ကို သူတို့အတွက် မြှုပ်နှံပါ။ သူတို့ကို ပြုစုပျိုး ထောင်ပြီး လေ့ကျင့်သင်ကြား ပေးပါ။ အလားအလာ မျှော်လင့်ချက်မရှိသော လူတွေအတွက် သင့် အချိန်ကို မဖြုန်းတီးပါနှင့်။
 
၅။ သင်၏ လုပ်ဖော်ဆောင်ဘက်များအတွက် အချိန် (Time for your co-workers / colleagues)
    “ထမ်းရွက်စရာ ၀န်ချင်းတို့ကို အချင်းချင်း ကူညီ၍ ထမ်းရွက်သောအားဖြင့် ခရစ်တော်၏ တရားကို ကျင့်ကြလော့” (ဂလာတိ ၆း၂)။

    ကျွန်တော်တို့သည် ဘုရားသခင်စေခိုင်းသည့် အလုပ်တာ၀န်ကို အသီးသီး ကိုယ်စီ ဆောင်ရွက်ကြ သည့်အခါ လုပ်ဖော်ဆောင်ဘက်အချင်းချင်း မိတ်သဟာယဖွဲ့ခြင်း၊ အားပေးကူညီခြင်း ပြုဖို့ရန် လိုအပ်ပါသည်။ မိမိနှင့် လူမျိုး၊ ဂိုဏ်းဂန၊ သြဝါဒ ကွဲပြားစေကာမူ ခရစ်တော်၏ မေတ္တာဖြင့် အချင်းချင်း ကူညီစောင့်မမှု ပြုအပ်ပေသည်။

    မိမိအား ကျေးဇူးပြုခဲ့သောသူများကို ကျေးဇူးတုန့်ပြန်နိုင်သော အခွင့်ရှိလျှင် တုန့်ပြန်ပြု အပ်ပေသည် (သု၊ ၃း၂၇)။ လုပ်ဖော်ဆောင်ဘက်နှင့်အတူ ဆုတောင်းခြင်း၊ လက်ဖက်ရည်သောက် မိတ်ဖွဲ့ခြင်း (Tea-fellowship)၊ Seminar အတူတက်ခြင်း၊ အတူတကွ သင်တန်းပို့ချခြင်း၊ ဒေသနာ ေ၀ငှရန် ဖိတ်ကြားခြင်း၊ နေထိုင်မကောင်းဖြစ်သည့်အခါ သွားရောက်ကြည့်ရှု အားပေးခြင်းစသည့်ဖြင့် သင်၏အချိန်ကို အသုံးပြု နိုင်ပေသည်။

၆။ သင်၏ သိုးစု/လူစုအတွက် အချိန် (Time for your sheep)
    “ငါ၏ သိုးတို့ကို ငါသိ၏။ ငါ့သိုးတို့သည်လည်း ငါ့ကို သိကြ၏” (ယောဟန် ၁၀:၁၄)
    ယေရှုခရစ်တော်သည် အကောင်းဆုံးသိုးထိန်းအဖြစ် ကျွနု်ပ်တို့အား စံနမူနာပြခဲ့ပြီး ဖြစ်သည်။ သင်၏ သိုးစု(သို့) လူစုအတွက် အချိန်ကိုလည်းထားရှိဖို့ လိုအပ်ပါသည်။ သင်၏ ဂရုစိုက်ခြင်းကို ခံရသည့် လူစုက သင်၏ခေါင်းဆောင်မှုကို ၀န်ခံလာမည်ဖြစ်သည်။ သင်၏ အသင်းတော် (သို့) ကုမ္ပဏီကို ယခုထက် ပိုမိုအောင်မြင်စေလိုလျှင် အသင်းသူအသင်းသား (သို့) ၀န်ထမ်းများအတွက် သင်၏အချိန်ကို ပိုမိုပေးအပ်ဖို့ လိုသည်။ ဆိုလိုသည်မှာ ၄င်းတို့၏ အခြေခံလိုအပ်ချက်များကို သိမြင်ပြီး ဂရုတစိုက်ဖြင့် တတ်အားသ၍ ဖြည့်ဆည်းဆောင်ရွက်ပေးဖို့ရန် ဖြစ်သည်။

၆။ ပျောက်ဆုံး၀ိညာဉ်များအတွက် အချိန် (Time for the lost Souls)
    “သင်တို့သွား၍ လူမျိုးတကာတို့ကို ငါ့တပည့်ဖြစ်စေလျှက် ခမည်းတော်၊ သားတော်၊ သန့်ရှင်း သော ၀ိညာဉ်တော်၏ နာမ၌ ဗတိ္တဇံကို ပေးကြလော့” (မဿဲ၊ ၂၈း၁၉)။

    သင်၏ မိသားစု၊ စီးပွားရေးအတွက်နဲ့ပဲ အချိန်ကုန်နေပြီး ပျောက်ဆုံး၀ိညာဉ်များ ကယ်တင်ခြင်း ရရှိရန်အတွက် အချိန်မပေးနိုင်လောက်အောင် အလုပ်မများနေဖို့ သတိပြုပါ။ ကယ်တင်ရှင်ကို မသိသေးသောသူများအတွက် သင်၏အချိန်အချို့ ကို ပေးအပ်ပါ။ ဆိုလိုသည်မှာ ကယ်တင်ရှင်ကို ဆာငတ်နေသူများဆီ အေ၇ာက်သွားပါ။ မေတ္တာပြပါ။ ဧဝံဂေလိတရားကို ဟောပါ။ ဆေးရုံ၊ အကျဉ်းထောင်၊ ရဲဘက်စခန်း၊ အနူရွာ၊ စစ်ရှောင်စခန်း၊ သဘာ၀ဘေးကြုံတွေ့ခဲ့သည့်နေရာ၊ မိဘမဲ့ ဂေဟာ၊ လူအိုရုံ စသည့်နေရာရှိ လူများထံ သွားရောက်ပြီး တတ်နိုင်သလောက် ကူညီမစပါ။ သင်၏ အချိန်ကို ပေးအပ်ပါ။

    “သင်၏ အသက်တာ၌ အချိန်ကို မှန်ကန်စွာ အသုံးပြုတတ်သူ ဖြစ်ဖို့ရန် သန့်ရှင်းသော ၀ိညာဉ်တော် ဘုရား မစပါစေ။

Rev. သိန်းသန်းထွန်း

Monday, 23 May 2016

အသစ်သော အသက်တာ (The New Life)

    ကလေးတစ်ယောက်သည် မွေးဖွားလာချိန်၌
မည်သည့်အရာကိုမျှ မလုပ်ဆောင်တတ်သေးပေ။
 လမ်းမလျှောက် နိုင်သေးသလို၊ စကားလည်း
မပြောနိုင်သေးပေ။ မိမိကိုယ်တိုင် အစားအစာကို
 မစား နိုင်သေးသလို၊ ကိုယ်တိုင် မရှာဖွေတတ်
သေးပေ။ ဗိုက်ဆာသည့်အခါ အနှီးစိုစွဲသွားသည့်
အခါ ငိုကြွေးခြင်းမှလွဲ၍ မည်သည့်အရာကိုမျှ မ
တတ်နိုင်သေးပေ။
    သို့သော် သူသည် တစ်ရက်ပြီး တစ်ရက်ကြီးပြင်း
လာပြီး ပြုံးပြတတ်လာသလို၊ စကားလည်း တစ်ခွန်းစ နှစ်ခွန်းပြောတတ်လာသည်။ အရုပ်ကလေးများနှင့် ဆော့ကစားတတ်လာသလို၊ ကိုယ်တိုင် စားတတ်လာသည်။ ထိုင်တတ်လာသလို၊ တဖြည်းဖြည်း လက်ဘက်ထောက်တွားတတ်လာသည်။

မတ်တပ်ရပ် လမ်းလျှောက်တတ်လာသလို၊ စကားကိုလည်း ပြောတတ် လာပြီး နောက်ဆုံး ပြေးလွှား ဆော့ကစားတတ်လာသည်ထိ ဖြစ်လာသည်။ ဆယ်ကျော်သက်အရွယ်မှ လူပျို၊ အပျိုအရွယ်သို့ ရောက်လာသည်။ ထိုအရွယ်မှာ ချစ်သူရှိလာသည်။ အိမ်ထောင်ကျလာသည်။ ကလေးရလာသည်။ မြေးရလာသည်။ နောက်ဆုံး အိုမင်းရင့်ရော်လာ၍ သေဆုံးချိန်ရောက်လာသည်။ ဤအချိန်မှာ လူ့ ဘ၀ အသက်တာ၏ ကြီးရင့်အဆုံးသတ်ပုံ ဖြစ်သည်။

    ၀ိညာဉ်ရေးရာ ကြီးထွားရင့်ကျက်မှုသည်လည်း ဤကဲ့သို့ပင် ဖြစ်သည်။ ကျွန်ပ်တို့ အားလုံး သည် ကယ်တင်ခြင်းခံရသည့် နေ့မှာ ၀ိညာဉ်ကလေးများသာ ဖြစ်ကြသည်။ ထိုအချိန်မှစ၍ ၀ိညာဉ် ရေးရာ ရင့်ကျက်မှု ခရီးရှည်ကြီးကို နှင်စပြုလာခြင်းဖြစ်သည်။ ဤခရီးရှည် တစ်လျှောက်လုံး လိုအပ်နေ သော ၀ိညာဉ်အစာအဟာရများကို ဘုရားသခင်က သူ၏ချစ်ခြင်းမေတ္တာ စကားတော်အားဖြင့် ပံ့ပိုးပေး သည်။ ထိုအစာအဟာရကို စားသုံးမှသာ ကြီးရင့်သောသူ အဖြစ်သို့လည်းကောင်း၊ ၀ိညာဉ်ကလေးများ မွေးဖွားခြင်း အဆင့်သို့လည်းကောင်း၊ ရောက်ရှိလာနိုင်မည် ဖြစ်သည်။

ကျွနု်ပ်တို့ အထဲ၌ ရှိသော ဘုရား God in us
    ကျွနု်ပ်တို့ကို အသစ်သော အသက်တာ၌ မွေးဖွားစေခဲ့သောသူသည် ကျွနု်ပ်တို့ အထဲ၌ အလုပ်လုပ်တော်မူသော ဘုရားသခင်ပင် ဖြစ်သည်။ တမန်တော် ရှင်ပေါလုက “သင်တို့သည် အလိုရှိ စေခြင်းငှာလည်းကောင်း၊ အကျင့်ကျင့်စေခြင်းငှာလည်းကောင်း၊ သင်တို့အထဲ၌ စေတနာတော် အားဖြင့် ပြုပြင်တော်မှုသောသူကား ဘုရားသခင်ပေတည်း” ဟု ပြောပါသည် (ဖိလိ၊ ၂း ၁၃)။ 
    ကျွနု်ပ်တို့မှာ ကောင်းသောအရာကို လုပ်ဆောင်ရန် စိတ်ဆန္ဒနှင့် အစွမ်းခွန်အားမရှိကြောင်း ဘုရားသခင် သိတော်မူ၏။ ထို့ကြောင့် သူ၏ စိတ်နှလုံးတော်ကို ထိတွေ့ စေမည့် အစွမ်းခွန်အားများကို ပေးသနားတော်မူပြီး ဘုရားသခင်၏ မစခြင်းအားဖြင့် အပြစ်တရားကို အောင်မြင်၍ အသက်သော အသက်တာ၌ အသက်ရှင်ကြသည်။

အပြစ်တရားနှင့် ဆိုင်ပြိုင်နေသော ပေါလု
Paul’s Struggle with Sin
    ရောမသြဝါဒစာ ၇း ၁၄ -၂၅ တွင် ရှင်ပေါလုက သူသည် အပြစ်တရားနှင့် လုံးပန်းခဲ့ရကြောင်း ရေးသားထားပါသည်။ ပညတ်တော်ကို လွန်ကျူးခြင်းသည် ဒုစရိုက်ဖြစ်သည် (၁ ယော၊ ၃း ၄)ဟု ကျမ်းစာက ဖော်ပြထားသော်လည်း ရှင်ပေါလုအနေဖြင့် မောရှေ၏ ပညတ်တော်များကို စောင့်ထိန်းနိုင် ခြင်းမရှိခဲ့။ ကြိုးစား၍ စောင့်ထိန်းနေပါသော်လည်း လွန်ကျူးနေရသည်။ 
    ထို့ကြောင့် သူက ‘ငါ့အထဲမှာ ငါ့ဖာတိပကတိ၌ ကောင်းသောအရာ တစ်စုံတခုမျှ မတည် သည်ကို ငါသိ၏။ အကြောင်းမူကား၊ ငါသည် ကျင့်ချင်သော စိတ်ရှိသော်လည်း ကောင်းစွာ ကျင့်တတ် သောအခွင့်ကို ရှာ၍မတွေ့ နိုင်။ ငါသည် ကျင့်ချင်သော အကျင့်ကောင်းကို မကျင့်။ မကျင့်ချင်သော အကျင့်ဆိုးကို ကျင့်၏’ (ရောမ၊ ၇း ၁၈-၁၉)ဟု ပြောပါသည်။

သူသည် ဘု၇ားသခင်ကို ပုန်ကန်သောသူ တစ်ယောက်တော့ မဟုတ်ပါ။ ဘုရားသခင်ကို ကြောက်ရွံ့ သောသူ၊ သန့်ရှင်းခြင်း၊ ဖြောင့်မတ်ခြင်းနှင့် သေက်ရှင်လိုသောသူ၊ ဘုရားဘက်၌ နှစ်ပိုင်းပိုင်းခြင်း ခံရသည်။ သူ၏ အပြင်လူ ဇာတိခန္ဓာကိုယ်က သူ့ ကို တစ်ဖက်သို့ ဆွဲခေါ်နေသကဲ့သို့၊ သူ၏ အတွင်း၀ိညာဉ်ကလည်း တစ်ဖက်သို့ ဆွဲခေါ်လျက်နေသည်။ သူ၏ အတွင်း၀ိညာဉ်က ပညတ်တော်ကောင်းသည်ဟူသော အချက်ကို လက်ခံထားသလို ထိုပညတ် တော်ကိုလည်း စောင့်ထိန်းလို၏။ အပြစ်တရားကိုလည်း ရွံ့ မုန်း၏။ သို့သော်အပြစ်တရားက သူ၏ ကိုယ်အင်္ဂါများ၌ အလုပ်လုပ်နေသည်။

    ရှင်ပေါလု လုံးပန်းခဲ့ရသော အပြစ်တရားသည် လူတိုင်းရင်ဆိုင်ရသော အပြစ်တရားပင် ဖြစ်သည်။ သူက ‘ထိုသို့ ကောင်းသောအကျင့်ကို ငါကျင့်ချင်သောအခါ မကောင်းသောအကျင့်ကို ကျင့်စေတတ်သောတရားကို ငါတွေ့ ၏။ ငါသည် အတွင်းလူအားဖြင့် ဘုရားသခင်၏ ပညတ်တော်ကို နျစ်သက်၏ သို့သော်လည်း ငါ့ကိုယ်အင်္ဂါများ၌ရှိသော တရားတစ်ပါးသည် ငါ့ကို ဖမ်းသွားအပ်နှံသည်ကို ငါမြင်၏’ (ရောမ ၇း ၂၁-၂၃)ဟု ဆိုပါသည်။

 ထိုကဲ့သို့ အပြစ်က ကျွနု်ပ်တို့ ကိုယ်အင်္ဂါ၌ ရှိနေသော ကြောင့် ကျွနု်ပ်တို့အထဲ၌ စစ်ပြိုင်ခြင်းရှိ၏။ ဘုရားသခင်ကို ချစ်သော ကျွနု်ပ်တို့၏ ၀ိညာဉ်က သာ၍ မြင့်ရာ ကုန်းမြင့်ပေါ်သို့ မြှင့်တင်ပေးနေသော်လည်း၊ ပျော်မွေ့ ခြင်းကို နှစ်သက်သော ကျွနု်ပ်တို့၏ ကိုယ် ခန္ဓာက အပြစ်တရားကဲ့သို့ ဆွဲခေါ်လျက်နေသည်။ ဘုရားသခင်၏ မစခြင်းကို မခံယူမချင်း အပြစ်တရား က အောင်မြင်စွာ ဖမ်းသွားချုပ်ထားနေမည်သာ ဖြစ်သည်။

ရှင်ပေါလု၏ အော်ဟစ်ငိုကြွေးခြင်း Paul’s Cry
    ရှင်ပေါလုသည် သူ၏ အသက်တာ၌ အပြစ်တရားနှင် ဆိုင်ပြိုင်နေသဖြင့် ‘ငါသည် ငြိုငြင်သော သူ ဖြစ်ပါသည်တကား’ (ရောမ ၇း ၂၄က)ဟု ဟစ်အော်ခဲ့ပါသည်။ ‘ဤအသေကောင် (၀ိညာဉ် သေခြင်း)မှ ငါ့ကို အဘယ်သူ ကယ်လွှတ်မည်နည်း’ (ရောမ ၇း ၂၄ခ)ဟု ဆက်၍ ငိုကြွေးခဲ့သည်။ ဂရိစကားလုံးက ‘ငြိုငြင်’ ကို ‘ပင်ပန်းခြင်း’ အနက်သဘောဖြင့် ရေးသားခဲ့သည်။

 ထို့ကြောင့် ရှင်ပေါလု သည် ပင်ပန်းသောသူ ဖြစ်ခဲ့ကြောင်း သိရသည်။ သူ့ မှာ အပြစ်တရားနှင့် ဆိုင်ပြိုင်ခြင်းက သူ့ အားခံ နိုင်ရည် နည်းပါးစေခဲ့သည်။ သူ၌ အစွမ်းခွန်အားများ မရှိတော့။ ထို့ကြောင့် သူက ‘အဘယ်သူ ကယ်တင်မည်နည်း’ ဟု ပြင်းစွား ဟစ်အော်ခဲ့ခြင်း ဖြစ်သည်။ သူ၏ မေးခွန်းအတွက် သူကိုယ်တိုင်ကပင် ချက်ချင်းဖြေကြားလိုက်သည်။ ‘ငါတို့သခင် ယေရှုခရစ်အားဖြင့် ကယ်လွှတ်တော်မူသော ဘုရားသခင်ဒ ကျေးဇူးတော် ကြီးလှပေ၏’ ဟူ၍ (ရောမ ၇း ၂၅)။ ရှင်ပေါလု၏ ဆိုးဝါးစွာ အော်ဟစ်ခြင်းနောက်မှာ ၀မ်းမြောက်ပျော်ရွှင်ခြင်းနှင့် ကျေးဇူးတော်ချီးမွမ်းခြင်းက လိုက်လာသည်ကို တွေ့ ရသည်။

အပြစ်တရားနှင့် ဆိုင်ပြိုင်နေသော ကျွနု်ပ်တို့ Our Struggle with Sin
    ခရစ်ယာန်တိုင်း ရှင်ပေါလုကဲ့သို့သော အတွင်းပိုင်း ၀ိညာဉ်တိုက်ပွဲကို ဆင်နွှဲနေကြသည်။ ဒုတိယ မွေးခြင်းခံပြီးပြီးချင်း စာတန်သည် ကျွနု်ပ်တို့ကို ပြန်လည် သိမ်းသွင်းရန် ကြိုးစားနေသည်။ ထို့ကြောင့် ကျွနု်ပ်တို့အားလုံးသည် စုံစမ်းနှောင့်ယှက်ခြင်းနှင့် ဆိုင်ပြိုင်ကြခြင်းဖြစ်သည်။ ကိလေသာ စိတ်၊ ဝါကြွားခြင်း၊ လောဘ၊ ဒေါသ၊ မောဟ စသည့်အပြစ်တစ်ခုခုနှင့် ဆိုင်ပြိုင်နေကြသည်။ အပြစ် တစ်ခုကို လွန်ကျူးမိတတ်ကြသည်။ ဤအသွေးအသားကို ပိုင်ဆိုင်နေသရွေ့ အပြစ်တရား လွန်ကျူး ခြင်းမှ အပြီးအပိုင် မလွတ်မြောက်နိုင်ပါ။

    သို့သော် ဘုရားသခင်သည် ကျွနု်ပ်တို့ကို ကူညီနေသည်။ ဘုရားသခင်သည် ၀ိညာဉ်တော်အား ဖြင့် ကျွနု်ပ်တို့၏ အတွင်းလူကို ခွန်အားနျင့် မြဲမြံခိုင်ခံ့စေသည် (ဧဖက် ၃း ၁၆)။ စာတန်မာရ်နတ်ရန်ကို အောင်မြင်နိုင်အောင် တန်ခိုးကိုလည်း ပေးတော်မူမည် (ရောမ ၁၆း ၂၀)။ ‘သို့ရာတွင် ငါတို့သည် ကိုယ့်တန်ခိုးကို အမှီပြု၍ ကိုယ့်အလိုအလျောက် တစ်စုံတစ်ခုကို ကြံစည်ခြင်းငှာ တတ်နိုင်တော်မူသည် မဟုတ်။ ဘုရားသခင်ကို အမှီပြု၍သာ တတ်နိုင်ကြသည်’ (၂ ကော၊ ၃း ၅)။ ‘ငါတို့ကို ချစ်တော်မူသော သူ၏ ကျေးဇူးတော်ကြောင့် ငါတို့သည် ထိုအမှုခပ်သိမ်းတို့ကို ခံစဉ်တွင်ပင် အထူးသဖြင့် အောင်မြင် ကြ၏’ (ရောမ ၈း ၃၇)။ ဘုရားသခင်သည် ကျွနု်ပ်တို့ အားနည်းခြင်းထဲမှလည်း ကယ်တင်တော်မူ၏။ ကျွနု်ပ်တို့၏ အပြစ်များမှလည်း ကယ်တင်တော်မူ၏။ ကျွနု်ပ်တို့၏ ပြင်းထန်စွာ ငိုကြွေးခြင်းများသည် အောင်မြင်ခြင်းနှင့် ကျေးဇူးတော်ချီးမွမ်းခြင်းသို့ ပြောင်းလဲသွားတတ်သည်။

ကျွနု်ပ်တို့ ဆုံးရှုံးမှုများကို ဘုရားသခင်အသုံးပြု God uses our failures
ယုံကြည်သူအသစ်များအနေဖြင့် အသက်တာ၌ ဟောင်းသော အကျင့်များပြန်လည် ကျင့်တတ် သည်ကို အံ့သြလျက် ၀မ်းနည်းတတ်ကြသည်။ ထိုကြောင့် ကျမ်းစာကဘုရားသခင်၏ အစဉ်အမြဲက ကွယ်ကာမှုကို ခံယူနိင်ရန် ဆုတောင်ပါမည်အကြောင့် သတိပေးနေသည်။ သို့သော် သူတို့အပြစ်များ က သူတို့ကို ဆုံးရှုံးခြင်းထဲသို့ ခေါ်နေသည်ဟု သူတို့ထင်တတ်ကြသည်။ သို့ဖြစ်၍ သူတို့အသက်တာ အတွက် ၀မ်းနည်းတတ်ကြသည်။ ဆုံးရှုးသွားပြီဟု ထင်တတ်ကြသည်။ စာတန်ကလည်း သူတို့အား ‘သင််သည် ကောင်းသောသူမဟုတ်၊ ဆိုးသောသူပဲ၊ အသစ်သော အသက်တာ၌ အသက်ရှင်နိုင်မည် မဟုတ်၊ သင်ကြိုးစားနေခြင်းကို ရပ်တန့်ပေတော့’ ဟူ၍ တိုးတိုးပြောလေ့ ရှိသည်။ သို့သော် စာတန်ပြောသော စကားများ တစ်ခွန်းမျှ မမှန်။ အားလုံး မှားသည်။

ကျွနု်ပ်တို့သည် များသောအားဖြင့် တစ်ချိန်မဟုတ် တစ်ချိန် ဆုံးရှုံးမှုကို ရင်ဆိုင်တတ်ကြသည်။ ထိုအခါ ၀မ်းနည်းကြေကွဲတတ်ကြသည်။ ကိုယ့်ကိုကိုယ် မုန်းသည်အထိ ခါးသီးမှုကို ခံထားတတ်ကြ သည်။ 
သို့သော် ဘုရားသခင်က ကျွနု်ပ်တို့၏ ဆုံးရှုံးမှုများကို အရေးကြီးသော သင်ခန်းစာများ သင်ပေး ရန် အသုံးပြုနေသည်။ ကျွနု်ပ်တို့ ဆုံးရှုံးမှုများအားဖြင့် ကျွနု်ပ်တို့၏ ကန့်သတ်ချက်သဘောကို သိစေသည်။

 ဘုရားသခင်၏ ကျေးဇူးကရုဏာတော်ကို ကျွနု်ပ်တို့ လိုအပ်ကြောင်း သိစေသည်။ ဘုရားသခင်၏ အကူအညီမပါဘဲ သန့်ရှင်းသော အသက်တာဖြင့် အသက်မရှင်နိုင်ကြောင်းကိုလည်း နားလည်စေသည်။ ဘုရားသခင်သာလျှင် ကျွနု်ပ်တို့၏ ၀ိညာဉ်ခွန်အား စီးဆင်းလာရာ နေရာဖြစ် ကြောင်း သဘောပေါက်စေသည်။ ထို့ကြောင့် သူ့ကို အပြည့်အ၀ ယုံကြည်ရန်နှင့် လုံးလုံးအပ်နှံလာရန် တွန်းအားပေးလာသည်။ ဤသို့သောအားဖြင့် ကျွနု်ပ်တို့၏ ဆုံးရှုံးမှုများသည် အသစ်သောအသက်တာ ၌ အောင်မြင်စွာ အသက်ရှင်ခြေလှမ်းနိုင်ရန် လှေကားထစ်သဖွယ် ဖြစ်လာသည်။

ဘုရားသခင်က ကျွနု်ပ်တို့ကို သူ့ ပုံသဏ္ဌာန်နှင့် အညီဖန်ဆင်း
God makes us a copy of Himself
    ဘုရားသခင်သည် အာဒံကို သူ့ ပုံသဏ္ဌာန်နှင့် အညီ ဖန်ဆင်းတော်မူ ခဲ့သည် (က၊ ၁း ၂၇)။ သူ့ လူမျိုးအားလုံးကိုလည်း သူ့ ပုံသဏ္ဌာန်တော်ဖြစ်စေဖို့ အမြဲ အလိုတော်ရှိသည်။ သူ၏ ပြည့်စုံတော်မူ ခြင်း ရှိသမျှနှင့်အညီ ပြည့်စုံစေလိုသည် (ဧဖက် ၃း ၁၉)။ သခင်ယေရှုသည် ကျွနု်ပ်တို့အား ဘုရား ပကတိကို ဆက်ဆံရသောသူဖြစ်ရန် ပြပြင်သောသူများဖြစ်ကြမည်အကြောင်’ ခေါ်တော်မူသည် (၂ ပေ၊ ၁း ၃-၄)။ ကျွနု်ပ်တို့သည် အသစ်သောသူဖြစ်ရန် ပြုပြင်ခြင်းခံရသော သူများဖြစ်ကြသည်။ အကယ်၍ လူသည် ခရစ်တော်၌ ရှိလျှင် ထိုသူသည် အသစ်ပြုပြင်သောသူ ဖြစ်သည်။ သူ၌ ဟောင်းသောအရာရှိ သမျှ ကွယ်ပျောက်၍ အရာခပ်သိမ်းသည် အသစ်ဖြစ်ကြပြီ။ ဤအရာအားလုံးသည် ဘုရားသခင်ထံ တော်မှ ဖြစ်သည် (၂ ကော၊ ၅း ၁၇)။

    ကျွနူ်ပ်တို့အသက်တာကို အသစ်ပြုပြင်ပေးသောသူသည် ဘုရားသခင်ပင်ဖြစ်ကြောင်း သတိပြု ရပေမည်။ ဒုစရိုက်အပြစ်ကြောင့် ကျွနု်ပ်တို့ ၀ိညာဉ်သည် သေလျက်ရှိသော်လည်း ဘုရားသခင်က အသစ်သော အသက်တာကို ခရစ်တော်၌ ပေးတော်မူ၏’ (ဧဖက် ၂း ၅)။ ‘ဘုရားသခင်က ကောင်းသော အကျင့်တို့ ကျင်လည်ရမည်အကြောင်း ကျွနု်ပ်တို့ကို ခရစ်တော်၌ အသစ်သောသူ ဖြစ်စေ၏’ (ဧဖက် ၂း ၁၀)။

 ထိုသို့ ‘ကျွနု်ပ်တို့၌ရှိသော ဘုရားသခင်၏ တန်ခိုးတော်အားဖြင့် ဘုရားသခင်သည် ကျွနု်ပ်တို့ တောင်းပန်ကြံစည်သမျှထက် သာ၍သာ၍ များပြားစွာ လုပ်ဆောင်နိုင်တော်မူ၏’ (ဧဖက် ၃း ၂၀)။ ဘုရားသခင်၏ တန်ခိုးတော်အားဖြင့် ကျွနု်ပ်တို့အသက်တာ ဟောင်းကို ကျွနု်ပ်တို့နောက်မှာ ထားရစ်နိုင် ၏။ တန်ခိုးတော်အားဖြင့် နှလုံးသားသစ်၊ သဘောသစ်ကို ရကြ၏ (ဧဖက် ၄း ၂၃)။ တန်ခိုးတော်အားဖြင့် သန့်ရှင်းခြင်း ပါရမီနှင့် ဖြောင့်မတ်သောသူ ဖြစ်မည်အကြောင်း ဘုရားသခင်နှင့် အတူအမျှဖန်ဆင်း သော လူသစ် ဖြစ်ကြ၏ (ဧဖက် ၄း ၂၄)။ ကျွနု်ပ်တို့၏ အသစ်သော မွေဖွားခြင်းက ကျွနု်ပ်တို့၏ အသက်တာဟောင်းနှင့် တမူထူးခြားသော အသက်တာသစ်သို့ ပို့ဆောင်လျက် ရှိသည်။

ခရစ်တော်ကို ယူတင်၀တ်ဆောင်စေသည်
God clothes us with Christ
    ခရစ်တော်၏ ကိုယ်ထဲ၌ ကျွနု်ပ်တို့သည် ဗတိ္တဇံကို ခံသောအခါ ကျွနု်ပ်တို့သည် ခရစ်တော်ကို ယူတင်၀တ်ဆောင်ကြခြင်း ဖြစ်သည် (ဂလာတိ ၃း ၂၇)။ ဘုရားသခင်က အသစ်သော၀တ်ရုံကို ခြုံစေတော်မူခြင်း ဖြစ်သည်။ ကျွနု်ပ်တို့၏ ‘အ၀တ်ဟောင်း၊ အစုတ်’ကို ချွတ်ပေး၍ မှန်သောအသက် တာနှင့် အသက်ရှင်စေသော ၀တ်ရုံအသစ်ကို ၀တ်ခြုံစေတော်မူခြင်း ဖြစ်သည်။ ဤသို့ဖြင့် ကျွနု်ပ်တို့ သည် ခရစ်တော်နှင့် ပတ်ရစ်ခြင်းခံရသူများ ဖြစ်ကြသည်။ ကျွနု်ပ်တို့သည် ခရစ်တော်၌ ဖွက်ထားခြင်း ခံရသူများ ဖြစ်ကြသည် (ဂလာ၊ ၄း ၁၉)။ ‘ယေရှုခရစ်တော်သည် အသက်ရှင်တော်မူကြောင်းကို ငါတို့၌ ထင်ရှားစေတော်မူ၏ (၂ ကော၊ ၄း ၁၁)။ ဤသို့ဖြင့် သူတပါးသည် ကျွနု်ပ်တုို့ကို မြင်သောခါ ကျွနု်ပ်တို့၌ ရှိသော ခရစ်တော်ကို တွေ့ မြင်ကြမည် ဖြစ်သည်။

    ထို့ကြောင့် ရှင်ပေါလုက ‘ယခုအသက်ရှင်သော ငါသည် အကျွနု်ပ် အစစ်အမှန်မဟုတ်။ ခရစ် တော်သည် ကျွနု်ပ်အထဲ၌ ရှင်တော်မူ၏’ (ဂလာ၊ ၂း ၁၉)ဟု ပြောပါသည်။ အကယ်စစ်စစ် ရှင်ပေါလု၌ ခန္ဓာကိုယ်ရှိသေးသည်။ သို့သော် သူ၏ အသက်ရှင်ခြင်းသည် ခရစ်တော်ဖြစ်သည်ဟု ပြောပါသည်။ အဘယ်ကြောင့်ဆိုသော် ခရစ်တော်ကို ယူတင်၀တ်ဆောင်သော အချိန်မှစ၍ ကျွနု်ပ်တို့၏ အသက်တာ သည် အသစ်သောအသက်တာနှင့် အသက်ရှင်ရန် ခရစ်တော်က လုပ်ဆောင်ပေးသွားသောကြောင့် ဖြစ်သည်။

ဘုရားခင်က ကျွနု်ပ်တို့၏ သဘောထားကို ပြောင်းလဲပေးသည်
God changes our behavior
    ခရစ်ယာန်တစ်ယောက် ဖြစ်လာခြင်းဖြင့် ကျွနု်ပ်တို့၏ ထူးခြားစွာအသက်ရှင်မှု အစပြုလာသည်။ ကျွနု်ပ်တို့အထဲ၌ ဘုရားသခင်ကို အခွင့်ပေးသောအခါ အံ့သြဖွယ်သောအမှုများ အသက်တာ၌ စတင်ဖြစ်လာသည်။ လိမ်လည်သောသူများက မှန်ကန်သောစကားကို စတင်ပြောလာသည်။ မဆင် မခြင် ဒေါနှင့်မောနှင့် ပြောတတ်သူက အမျက်ဒေါသကို ထိန်းတတ်လာသည်။

 ဒေါသနှင့် အော်ဟစ် ငေါက်ငေါ် တတ်ခြင်းမှ သနားကြင်နာခြင်း၊ ချစ်ခြင်းသဘော ရှိလာသည်။ သူခိုးက ခိုးတတ်သော အကျင့်ကို ရပ်တန့်လာသည်။ ဘုရားသခင်သည် ကျွနု်ပ်တို့ကို ချစ်သကဲ့သို့ ကျွနု်ပ်တို့သည်လည်း အချင်းချင်း၏ အပြစ်များကို ခွင့်လွှတ်တတ်လာ ကြသည်။ ဘုရားသခင်သည် ကျွနု်ပ်တို့အား ပို၍ ကောင်းသောသူ ဖြစ်လာရန် သဘောထားအသစ်သို့ တဖြည်းဖြည်း ပြောင်းလဲပေးသည်။

ဘုရားသခင်သည် အလျင်အမြန် ဆောင်ရွက်တော်မမူ 
God doesn’t hurry
    ဘုရားသခင်သည် ထာ၀ရတည်ဆော်မူသော ဘုရားဖြစ်သည်။ ထို့ကြောင့် ကျွနု်ပ်တို့အတွက် ထာ၀ရတည်မြဲသောအရာကို ပြင်ဆင်ပေးနေသည်။ သူသည် မည်သည့်အခါ၌မျှ စိတ်မြန်လက်မြန် မလုပ်ဆောင်ခဲ့။ ကျွနု်ပ်တို့အထဲ၌ သူလုပ်တေသော အလုပ်သည် အင်မတန် အရေးကြီးသည် ဖြစ်၍ မည်သည့်အခါ၌မျှ လျင်မြန်စွာ မလုပ်ဆောင်ပါ။ အချိန်ယူ၍ မှန်မှန်လုပ်ဆောင် ပေးနေသည်။

    သို့သော် ကျွနု်ပ်တို့သည် သည်းခံခြင်း မရှိကြ။ ရေနှစ်ခြင်းခံပြီးပြီးချင်း ၀ိညာဉ်ရေး၌ ရင့်ကျက်သူ ဖြစ်လိုကြသည်။ ခရစ်တော်ကဲ့သို့သော အသက်တာကို ချက်ချင်း လက်ငင်း ရရှိလိုကြသည်။ ဒုက္ခများ နှင့် အသက်တာကြီးထွားခြင်းကို အလိုမရှိကြ။ ကျွနု်ပ်တို့အထဲ၌ ဘုရားသခင်၏ ဖြည်းညှင်းစွာ လုပ်ဆောင်နေခြင်းကို မစောင့်နိုင်ကြပါ။ ထိုကြောင့် ကျွနု်ပ်တို့၏ အဖြည်းဖြည်း ကြီးထွားမှုကို မမြင်နိုင် တော့ဘဲ ဆင်ခြင်တုံတရားကင်းမဲ့ကာ ဆုံးရှုံးပြီဟု ထင်မှတ်တတ်ကြသည်။

    ၀ီစတန်ချာချီ ပြောသကဲသို့ ‘ဘယ်တော့မှ …. ဘယ်တော့မှ …. ဘယ်တော့မှ … အရှုံးမပေး သင့်ပေ’။ ရှင်ပေါလုက ‘သင်တို့တွင် ကောင်းသောအမှုကို ပြုစပြုတော်မူသော သူသည် ယေရှု ခရစ်၏ နေ့ရက်တိုင်အောင် ပြီးစီးလျက် ပြုတော်မူမည်ဟု ငါသဘောကျ၏’ (ဖိလိ၊ ၁း ၆)။ ဟု ရေးသားခဲ့သည်။ ဘုရားသခင်က ကျွနု်ပ်တို့ အသစ်မွေးဖွားသောအချိန်မှစ၍ ကျွနု်ပ်တို့အထဲ၌ စတင်အုပ်လုပ်နေပြီး ဖြစ်သည်။

 ထိုအလုပ်သည် ရပ်တန့်သွားခြင်း မရှိပါ။ ယခုလည်း လုပ်ဆောင်နေဆဲ ဖြစ်သည်။ ကျျွနု်ပ်တို့ သေသွားသည်အထိ ဆက်လက် လုပ်ဆောင်သွားမည် ဖြစ်သည်။ သို့မဟုတ် ခရစ်တော်ချီဆောင်ခြင်း နေ့ရက်တိုင်အောင် လုပ်ဆောင်သွားမည် ဖြစ်သည်။ 
    ထို့ကြောင့် ဘုရားသခင်သည် ကျျွနု်ပ်တို့အထဲ၌ လုပ်ဆောင် နေသောအလုပ် မပြီးစီသေးသဖြင့် သည်းခံ၍ စောင့်ဆိုင်ကြ့င် လိုအပ်သည်။ 

၀န်ခံချက်။ ။ “World English Institute” သင်ခန်းစာ Advanced Book Two, lesson မှ “The New Life” ခေါင်းစဉ်ကို ဆီလျော်အောင် ပြန်ဆိုခြင်း ဖြစ်သည်။ 

မေတ္တာဖြင့် - ပေါလ်ရာလ်မှုန်း

Saturday, 21 May 2016

မျိုးဆက်သစ်လူငယ်များအတွက် အောင်မြင်ရေးဆိုင်ရာ သော့ချက်(၇)ချက်

(7-Keys to Success for New Generation
 of Youth)
    အသက်(၄၀)ဆိုသည့် မှတ်တိုင်ကို ကျွန်တော်
 ကျော်ဖြစ်ပြီးသည့်အခါ အောင်မြင်သော အသက်
တာ တည်ဆောက်ရေးအတွက် သိထားရမည့်
 သော့ချက်တွေ၊ ပြင်ဆင်ရမည့် အရာတွေနဲ့၊ ဖြည့်
ဆည်းရမည့် လိုအပ်ချက်တွေကို အတော်အတန်
သင်ယူဆောင်ရွက်ပြီး ဖြစ်သည်။ သည်အရာ တွေ
ထဲက အချို့ ကို ယနေ့မျိုးဆက်သစ်လူငယ်တွေအ
တွက်ပြန်လည်ေ၀ငှပေးလျှင် အကျိုးကျေးဇူးရှိ မည်
ဟုယုံကြည်မိသည်။ အမှန်ပြောရလျှင် ယနေ့လူ
ငယ်များသည် နောင်အနာဂတ် နိုင်ငံတော်ကို ဦးဆောင်ရမည့် 
သူများ ဖြစ်သည်ကို မည်သူမျှ မငြင်းနိုင်ပါ။ သည်လူငယ်တွေ ဘက်စုံ ထူးချွန်ထက်မြက်ပြီး ခေါင်း ဆောင်ကောင်းများ ဖြစ်လာစေရန် ရည်ရွယ်လျှက် အချက်(၇)ချက်ကို ကျွန်တော် ေ၀မျှသွားပါမည်။

၁။ အခွင့်အရေးတွေကို မိမိရရ ဆုပ်ကိုင် အသုံးပြုပါ
    (Grasp the opportunities)
    “…အသက်တရားကို ရွေးယူလော့ဟု ဣသရေလအမျိုးအား ဟောပြော၏” (တရားဟော ၃၀း၂၀)။
    ကျွန်တော်အသက် (၂၀)အရွယ်မှာ ရရှိခဲ့သည့် အခွင့်အရေးတွေထက် သည်ကနေ့ လူငယ်တွေ က ပိုမိုရရှိနေပါသည်။ အခွင့်အရေးတွေကို ထိထိရောက်ရောက် ဆုပ်ကိုင်အသုံးပြုနိုင်သူတွေသာ တစ်နေ့ ခေါင်းဆောင်ကောင်းတွေ၊ အကြီးအကဲတွေ၊ အောင်မြင်သူတွေ ဖြစ်သွားကြပါသည်။

    ယနေ့သင့်ရှေ့ မှာ ပညာရေး၊ စီးပွားရေး၊ အနာဂတ်အိမ်ထောင်ရေးနှင့် ၀ိညာဉ်ရေး (သို့) နှုတ်က ပတ်တော်ဆိုင်ရာ အခွင့်အရေးတွေ ဘယ်လောက်ရှိနေပါသနည်း? သည်အရာတွေကို လိမ္မာပါးနပ်စွာ ေ၀ဖန်ပိုင်းခြားပြီး ဖမ်းဆုပ်ကိုင်ယူတတ်ဖို့ လိုပေသည်။ အချို့ သော အခွင့်အရေးများသည် တစ်သက် တွင် တစ်ကြိမ်တစ်ခါသာ ကြုံတွေ့ တတ်သည်ဖြစ်ရာ “ရွေးချယ်မမှားဖို့” ရန် သတိပြုရမည်။ သင်၏ ရွေးချယ်ဆုံးဖြတ်မှုသည် သင့်အနာဂတ်ဘ၀တစ်ခုလုံးနှင့် ထာ၀ရကာလအထိတိုင် အကျိုး၊ အပြစ် သက်ရောက်စေနိုင်သည်ကို ဆင်ခြင်ပြီး မှန်ကန်သော ရွေးချယ်ဆုံးဖြတ်မှုဖြစ်ရန် အကြံပြုလိုပေသည်။

၂။ ပညာရပ်တစ်ခုခုကို ကျွမ်းကျင်စွာ တတ်မြောက်သူဖြစ်ရန် လေ့လာဆည်းမူးပါ
(Study hard to be a skilled person)
    “ထိုသူတို့ (ဗေဇလေလနှင့် အဟောလျဘ)သည် ထုလုပ်တတ်သောသူ၏ အလုပ်၊ ဆန်းပြား သော လက်သမား၏အလုပ်၊ ပြာသောအထည်၊ မောင်းသောအထည်၊ နီသောအထည်၊ ပိတ်ချောကို ချယ်လှယ်တတ်သောသူ၏ အလုပ်၊ ရက်တတ်သောသူ၏ အလုပ်၊ အနည်းနည်းလုပ်တတ်သော သူ၏အလုပ်၊ ထူဆန်းစွာ ကြံစည်တတ်သော သူ၏အလုပ် အမျိုးမျိုးရှိသမျှတို့ကို လုပ်တတ်မည့် အကြောင်း ဉာဏ်ပညာနှင့် ပြည့်စုံစေတော်မူပြီ” (ထွက်မြောက်ရာ ၃၅း၃၅)။

    ထာ၀ရဘုရား၏တဲတော် တည်ဆောက်ရာတွင် ကျွမ်းကျင်ပညာရှင်များဖြစ်သည့် ‘ဗေဇလေလ’ နှင့် ‘အဟောလျဘ’တို့သည် အဓိကအခန်းကဏ္႑မှ ပါ၀င်ခဲကြပါသည်။ (ထွက်မြောက်ရာ ၃၅း၃၀-၃၅ထိ ဖတ်ရှုစေလိုပါသည်။) သည်အချက်သည် ယနေ့လူငယ်များအတွက် အောင်မြင်ရေးဆိုင်ရာ သော့ချက် တစ်ချက် ဖြစ်ပါသည်။

    ဘုရားအလိုတော်နှင့် ကိုက်ညီသည့် မိမိဝါသနာပါရာ ပညာရပ်တစ်ခုခုကို သင်ယူဆည်းပူးဖို့ရန် အတွက် အကောင်းဆုံးအသက်အရွယ်သည် လူငယ်အရွယ်ပင် ဖြစ်သည်။ အချို့ သော ပညာရပ်များကို တတ်မြောက်ဖို့ရန်အတွက် ဝါသနာအပြင် အချိန်၊ ငွေကြေး၊ အဖိုးအခများစွာ ပေးဆပ်ဖို့ လိုအပ်သည်။ မြန်မာနိုင်ငံမှာ တက္ကသိုလ်၀င်တန်းအောင်မြင်ဖို့ရန်အတွက် မည်မျှ အပင်ပန်းခံ ကြိုးစားရသည်ကို အားလုံးအသိပင် ဖြစ်သည်။

    “တစ်ခါအပင်ပန်းခံ တစ်သက်လုံးစံ” လို့ပဲ ကျွန်တော်ဆိုချင်သည်။ တစ်သက်လုံး ကောင်းစား မည့်အရာအတွက် တစ်ခဏတာ အပင်ပန်းခံဖို့ရန် မကြောက်ပါနှင့်။ ရဲရဲဝံ့ဝံ့ ပေးဆပ်လိုက်ပါ။ ပြီးမှ ယင်းနှင့်ညီမျှသည့် အောင်မြင်မှုကို ထိုက်ထိုက်တန်တန် ဆွတ်ခူး ရယူလိုက်ပါ။

၃။ ကမ္မာသုံး ဘာသာစကား တစ်ခုကို လေ့လာ သင်ယူပါ
    (Learn and practice on international language) 
    “ထိုသို့ မိမိတို့ ပြောဆိုကြသောစကားကို ယောသပ်နားလည်သည်ဟု သူတို့ မထင်ကြ။ အကြောင်းမူကား၊ ယောသပ်သည် စကားပြန်နှင့် သူတို့ကို ပြောဆိုတတ်သောကြောင့်တည်း” (ကမ္မာဦး ၄၂း၂၃)။

    သမ္မာကျမ်းစာကို လေ့လာသည့်အခါ ထူးခြားချက်တစ်ခုကို ကျွန်တော် တွေ့ ရှိမိပါသည်။ ယင်းမှာ ယေရှုခရစ်တော် အပါအ၀င် သမ္မာကျမ်းစာထဲ၌ ဖော်ပြပါရှိသော ခေါင်းဆောင်အားလုံး နီးပါးသည် မိခင်ဘာသာစကားအပြင် အခြားဘာသာ စကားတစ်ခု (သို့) နှစ်ခုထက်မကကို ကျွမ်းကျင် စွာ တတ်မြောက် ပြောဆိုခဲ့ကြကြောင်း တွေ့ ရှိရပါသည်။ (ဥပမာ-မောရှေ၊ ယောသပ်၊ နေဟမိ၊ ဧသတာ၊ ဒံယေလ၊ ခရစ်တော်၏တမန်တော်များ၊ ရှင်ပေါလု)။ မြန်မာပြည်ကို သာသနာပြုခဲ့သော ဆရာ ကြီးယုဒသန်သည်လည်း သူ၏ မိခင်ဘာသာစကားအပြင် ဂရိ၊ ဟေဗြဲနှင့် မြန်မာဘာသာစကားတို့ကို ကျွမ်းကျင်စွာ တတ်မြောက်ခဲ့ပါသည်။

    ကမ်ဘာလုံးဆိုင်ရာ ရောယှက်ဆက်နွယ်မှုတွေ ပြုရသည့် Globalization ဆိုသည့် ယနေ့အချိန် အခါတွင် တိုင်းတစ်ပါးသား လူမျိုးခြားတို့၏ ဘာသာစကား (သို့) ကမ်ဘာသုံးဘာသာစကား တစ်ခုခုကို တတ်မြောက်မှသာ အဆင်ပြေမည့်ခေတ်ဟု ဆိုနိုင်သည်။ မိခင်ဘာသာစကားနှင့် မိမိနိုင်ငံ၏ အများသုံး ဘာသာစကားကို အလွယ်တကူ တတ်မြောက်နိုင်သော်လည်း နိုင်ငံရပ်ခြား ဘာသာစကား တစ်ခုခုကို တတ်မြောက်ဖို့ရန်မူကား မလွယ်ကူလှပေ။ ဘာသာစကား တစ်ခုခုကို ကောင်းစွာ သင်ယူတတ် မြောက်ဖို့ရန်အတွက် (၃)နှစ်မှ (၁၀)နှစ်အထိ အချိန်ပေးဖို့ လိုအပ်ပေရာ လူငယ်များ အနေဖြင့် ပြုလုပ် နိုင်သည့် အရာတစ်ခု ဖြစ်ပေသည်။

၄။ ဘုရားနှင့် အကျွမ်း၀င်သော အသက်တာဖြစ်ရန် လေ့ကျင့်မျိုးထောင်ပါ
    (Build a strong personal relationship with God)
“ထာ၀ရဘုရားသည် အိမ်ကို ဆောက်တော်မမူလျှင် ဆောက်သောသူတို့သည် အချည်းနှီး လုပ်ဆောင်ကြ၏။ ထာ၀ရဘုရားသည် မြို့ ကို ောင့်တော်မမူလျှင် ကင်းစောင့်တို့သည် အချည်းနှီး စောင့်ကြ၏” (ဆာလံ ၁၂၇း ၁)
ဘုရားမပါဘဲ လုပ်ဆောင်သမျှ အရာခပ်သိမ်းသည် အချည်းနှီးသက်သက်ဖြစ်ကြောင်း သတိမူ လျှက် ဘုရားသခင်ကို မိမိအသက်တာကဏ္႑အသီးသီး၏ အရှင်သခင်အဖြစ် အုပ်စိုးခွင့်ပေးပါ။ ဘုရား နှင့် တစ်ဦးတည်းအချိန်ယူခြင်း (Quiet Time) အလေ့အကျင့်ကို ပြုစုပျိုးထောင်ပါ။ မိမိအသက်တာကို တည်ဆောက်ခွန်အားပေးသည့် ၀ိညာဉ်ရေးရာ စာအုပ်စာပေကောင်းများကို ဖတ်ရှုလေ့လာပါ။

မည်သည့်အရာကိုမဆို မပြုလုပ်မီ ဘုရားအလိုတော်ကို တိကျရှင်းလင်းစွာသိရန် ရှာဖွေ ပါ။ တစ်စုံတစ်ခုလုပ်မည်ဆိုလျှင် ဘုရားထံ ဆက်ကပ်အပ်နှံပြီးမှ လုပ်ဆောင်ပါ။ “လူပျိုသည် မိမိသွား သောလမ်းကို အဘယ်သို့ သန့်ရှင်းစေနိုင်ပါမည်နည်းဟူမူကား နှုတ်ကပတ်တော်အတိုင်း သတိပြုရ မည်” ဆိုသည့် ဥပဒေသကို လိုက်နာပါ (ဆာလံ ၁၁၉း ၉)။ သန့်ရှင်းသော ၀ိညာဉ်တော်ဘုရား ၏ ဦးဆောင်မှု၊ ပဲ့ပြင်မှုကို ခံယူပြီး ဒုစရိုက်ပြုရာလမ်းမှ ေ၀းစွာ ရှောင်ကြဉ်ပါ။

၅။ သင်၏တိုင်းနိုင်ငံကို ပြောင်းလဲစေမည့် ပန်းတိုင်များကို ချမှတ်ပါ
    (Set the goals order to change your nation) 
    “သိုးစုငယ်၊ သင်တို့သည် မကြောက်ကြနှင့်။ သင်တို့အဘသည် သင်တို့အား နိုင်ငံကို ပေးခြင်း ငှာ အလိုရှိတော်မှု၏” (လုကာ ၁၂း၃၂)။
    လူငယ်တစ်ဦးအနေဖြင့် မိမိ၏ အနာဂတ်ပန်းတိုင်များကို ချမှတ်ရာတွင် မိမိအသက်တာနှင့် မိမိမိသားစုအတွက် လောက်သာ အကျိုးဖြစ်ထွန်းစေမည့် ပန်းတိုင်များကို မချမှတ်ပါနှင့်။ အမြင်ကျယ် ကျယ်၊ နှလုံးသားကျယ်ကျယ်ထားပြီး မိမိတိုင်းနိုင်ငံကို အကျိုးဖြစ်ထွန်းစေမည့် ရူပါရုံပန်းတိုင်များကို လည်း ချမှတ်ပါ။

    ယနေ့ မိမိနိုင်ငံ၏ မည်သည့်ကဏ္႑များ၌ ပြုပြင်ပြောင်းလဲဖို့ရန် လိုအပ်သနည်း? မည်သည့် နည်းလမ်းများဖြင့် ပြုပြင်ပြောင်းလဲနိုင်သနည်း? မိမိအနေဖြင့် မည်ကဲ့သို့ ပါ၀င်လုပ်ဆောင်နိုင်မည် နည်း? သည်မေးခွန်းတွေအတွက် အဖြေကို ရှာဖွေဖော်ထုတ်ပါ။ သင့်ကို မြန်မာပြည်၌ ထားရှိခြင်းသည် မြန်မာပြည်ကြီး ဘုရားသခင်ကောင်းကြီး ခံစားစေဖို့ရန်ဖြစ်ကြောင်း သိမှတ်လျှက် နိုင်ငံတော်အတွက် အကျိုးပြုနိုင်သည့် ပန်းတိုင်များကို ချမှတ်လိုက်ပါ။

၆။ လူမှုအကျိုးပြုလုပ်ငန်းများ လုပ်ဆောင်ပါ
    (Do humanization works)
    “ရှမာရိလူတစ်ယောက်သည် ခရီးသွားရာတွင် ထိုလူနာရှိရာသို့ရောက်၍ မြင်သောအခါ ဂရုဏာ စိတ်ရှိသည်နှင့် ချဉ်းကပ် သူ၏အနာများကို ဆီနှင့် စပျစ်ရည်ထည့်လျှက် အ၀တ်နှင့်စည်းပြီးလျှင် မိမိတိရစာၦန်ပေါ်မှာတင် ဇရပ်တစ်ခုသို့ ဆောင်သွား ပြုစုလေ၏” (လုကာ ၁၀း ၃၃-၃၄)။
    “ယုံကြည်သူများသည် ဤလောက၌ ခဏတာဧည့်သည်များအဖြစ် နေထိုင်ခြင်းဖြစ်ကြောင်း” သမ္မာကျမ်းစာ ဆိုပါသည်။ ကျွန်တော်တို့ ထာ၀ရနေရမည့် နေရာသည် “ကောင်းကင်သစ်နှင့် မြေကြီး သစ်” ဖြစ်သည်။ သည်အချက်ကို စွဲကိုင်ပြီး ယခုလက်ရှိ ကမ္ဘာမြေကြီးကို ထိန်းသိမ်းစောင့်ရှောက်ရမည့် တာ၀န်ကို လွှဲရှောင်ခြင်း မပြုသင့်ပါ။

    ဤကမ္ဘာမြေကြီးပေါ်တွင် ခရစ်တော် ဒုတိယအကြိမ်ကြွလာခြင်းအချိန်ထိ ဆက်လက်နေထိုင် မည့် လူသားများအတွက် အကျိုးပြုသည့် လုပ်ငန်းများကို တတ်စွမ်းသရွေ့ လုပ်ဆောင်ဖို့ လိုပါသည်။ ကျွန်တော်တို့ နေထိုင်သည့် ပတ်၀န်းကျင်နှင့် ကမ္ဘာမြေကြီး စိမ်းလန်းစိုပြေစေရန်၊ သစ်ပင်ပန်းပင်များ စိုက်ပျိုးခြင်း၊ မြို့ တော်သန့်ရှင်းရေးအတွက် အမှိုက်များ ရှင်းလင်းပေးခြင်း၊ မိဘမဲ့ကလေးများအား ကူညီစောင့်ရှောက်ခြင်း၊ ပညာဒါန စာသင်ပေးခြင်း၊ သွေးလှုဒါန်းခြင်း၊ သဘာ၀ဘေးဒါဏ်ခံရသူများအား ကူညီမစခြင်း စသည့် လုပ်ငန်းများကို လူငယ်တစ်ဦးအနေဖြင့် အင်တိုက်အားတိုက် ပါ၀င်လုပ်ဆောင် နိုင်ပါသည်။

၇။ ဧဝံဂေလိနှင့် သာသနာပြုခြင်းလုပ်ငန်း၌ ပါ၀င်ဆောင်ရွက်ပါ
    (Participate in Missions and Evangelism Works)
    “သင်တို့သွား လူမျိုးတကာတို့သည် ငါ့တပည့်ဖြစ်စေလျှက် ခမည်းတော်၊ သားတော်၊ သန့်ရှင်း သော၀ိညာဉ်တော်၏နာမ၌ ဗတိ္တဇံပေးကြလော့” (မဿဲ ၂၈း၁၉)။
    ခရစ်တော် စေခိုင်းခဲ့သည့် အကြီးမြတ်ဆုံးအမှုမှာ “သင်တို့ သွား၍ လူမျိုးတကာတို့ကို ငါ့တပည့် ဖြစ်စေပါ” ဆိုသည့် မိန့်မှာချက်ပင် ဖြစ်သည်။ ဧဝံဂေလိကယ်တင်ခြင်း သတင်းကောင်းကို လူတိုင်း ကြားသိစေရန် ပါ၀င်ဆောင်ရွက်ခြင်းသည် ခရစ်တော်၏ တပည့်တော်တိုင်း ထမ်းဆောင်ရမည့် တာ၀န်ဖြစ်သည်။

    သင့်အသင်းတော်၏ ဧဝံဂေလိအစီအစဉ်တွေင် တက်ကြွစွာ ပါ၀င်ပါ။ သာသနာ ခရီးကို (Short term mission trip) ထွက်သည့် အဖွဲ့ တွင် ပါ၀င်ဆက်ကပ်ပါ။ သင့်၀င်ငွေ၏ ဆယ်ဖို့တစ်ဖို့ကို အသင်း တော်၌ ထည့်၀င်ပြီး စေတနာအလှုငွေအချို့ ကို သာသနာပ ရံပုံငွေအဖြစ် ထည့်၀င်လှုဒါန်းပါ။ လူတွေ ထာ၀ရအပါယ်ငရဲမှ လွတ်မြောက်စေမည့် ဤအမှုတော် လုပ်ငန်းထဲ၌ သင်တတ်စွမ်းသည့်ဘက်မှ ပါ၀င်ဆောင်ရွက်ရသည်ကို ဂုဏ်ယူ၀င့်ကြွားလိုက်ပါ။ 
    ကျွန်တော် ဖော်ပြခဲ့သည့် အချက်(၇)ချက်ကို နောက်တစ်ခေါက်လောက် ဖြည်းဖြည်းချင်းဖတ် ပြီး ဆုံးဖြတ်ချက်တွေကို ယခုပဲ ချမှတ်လိုက်ပါ။

မေတ္တာဖြင့် - Rev. သိန်းသန်းထွန်း

Thursday, 19 May 2016

ထိရောက်အောင်မြင်သော မိတ်ဆွေဖွဲ့ခြင်း နည်းလမ်း(၇)ခု

(Seven Effective ways to make more 
Friends)
လူ့ဘ၀တွင် ရွှေငွေ စည်းစိမ်တွေထက် တန်ဖိုး
ရှိသော အရာတစ်ခုမှာ “မိတ်ဆွေစစ်များပင်”
 ဖြစ်သည်။ သင်သည် စသည်းစိမ်ချမ်းသာ မည်
မျှင် ပိုင်ဆိုင်ပါစေ၊ ရာထူးအာဏာ မည်မျှပင်ကြီး
ပါစေ၊ ဘွဲ့ဒီဂရီတွေ မည်မျှပင် ရရှိထားပါစေ၊ သင့်
အနီးအပါး၌ “မိတ်ဆွေစစ်များ” မရှိလျှင်မူကား
 အောင်းမြင်သူတစ်သီးဟု မဆိုနိုင်ပေ။ မိတ်ဆွေ

သင်္ဂဟပေါများခြင်းသည် ခေါင်းဆောင်မူ၏ အရည်အချင်းတစ်ခုဟုလည်း ဆိုနိုင်သည်။

အမှန်တရားတစ်ခုမှာ ကျွန်တော်တို့အားလုံး တစ်နေ့ ဤကမ္ဘာာလောကကြီးထဲမှ ထွက်ခွါသွား ကြရမည်။ အဲသည်အချိန်တွင် ကိုယ့်ရုပ်ကလပ်ကို ကိုယ်တိုင်ထမ်းသွား၍ မရပါ။ အခြားသူများက ထမ်းပေးကြရမည်။ ထိုသူများသည် ကျွန်တော်တို့၏ အရင်းနှီးဆုံးမိတ်ဆွေများပင် ဖြစ်လိမ့်မည်။ သည့်အတွက်ကြောင့် ကျွန်တော်တို့အသက်တာမှာ မိတ်ဆွေတွေရှိဖို့ လိုအပ်ပါသည်။

နောက်တစ်ခုမှာ “လူတိုင်း ခရစ်တော်ကို ယုံကြည်သက်၀င်၍ ကယ်တင်ခြင်းသို့ ရောက်သည်သာမက သမ္မာတရားကို သိလာစေရန်” ကျွန်တော်တို့အားလုံး ကြိုးပမ်းလုပ်ဆောင် နေကြပါသည်။ သည် တာ၀န်ကို ကျေပြွန်စွာ ထမ်းဆောင်ဖို့ရန်အတွက် “မိတ်ဆွေဖွဲ့ခြင်း (friendship)” သည် အဓိကအခန်းကဏ္႑မှ ပါ၀င်နေပါသည်။ “လူကိုခင်မှ တရားမြင်မည်” ဆိုသော မြန်မာစကားပုံ အတိုင်းပင် ကျွန်တော်တို့ ဧဝံဂေလိေ၀ငှနေသော (သို့) ေ၀ငှလိုသောသူများနှင့်ခင်မင်ရင်းနှီးမူကို ဦးဆုံး တည်ဆောက်ဖို့ရန် အရေးကြီးလှပေသည်။ သည့်အတွက်ကြောင့်ပဲ “ထိရာက်အောင်မြင်သော မိတ်ဆွေဖွဲ့နည်း” တွေကို သိရှိထားဖို့ လိုအပ်ပါသည်။ ကျွန်တော်ေ၀ငှမည့် နည်းလမ်း(၇)ခုသည် လူကြီးလူငယ် ကလေးလူတန်းစားမရွေး အသုံးပြုလို့ရသည့် နည်းလမ်းတွေဖြစ်ကြောင်း ရဲရဲကြီး အာမခံနိုင်ပါသည်။

၁။ အပြုံးဖြင့် နှုတ်ခွန်းဆက်ပါ။
    (Greet people with a Smile)
“အိမ်သို့၀င်သောအခါ မင်္ဂလာရှိပါစေသောဟု နှုတ်ဆက်ခြင်းကို ပြုကြလော့” (မဿဲ ၁၀း၁၂)
မိတ်ဆွေဖွဲ့ဖို့ ပထမဆုံးနှင့် အရေးကြီးဆုံးကတော့ သင့်မျက်နှာကို ပြုံးပြုံးလေး ထားလိုက်ဖို့ပဲ ဖြစ်သည်။ မျက်နှာထားခပ်တည်တည် ခပ်တင်းတင်းကြီး၊ မှုန်ကုပ်ကုပ်ကြီးနှင့် “မင်္ဂလာပါ”ဟု နှုတ်ခွန်းဆက်ပါက ထိရောက်မည် မဟုတ်ပါ။ သင့်စကားသံသည် အမူအရာနှင့် လိုက်ဖက်မှု ရှိရမည်။ ကလေးလူကြီး မည်သူမဆိုဖော်ရွေတတ်သူ၊ ပြုံးရွှင်နေသူ၊ လန်းဆန်းတက်ကြွသူ၊ မိမိကို ဦးစားပေးသူတို့နှင့် ခင်မင် ရင်းနှီးလိုစိတ် ရှိကြစမြဲဖြစ်သည်။ သည်နေရာမှာ သတိပြုဖို့က မိမိကို နှုတ်ခွန်းဆက်လာဖို့ အချိန် အထိ စောင့်မနေဖို့ပဲ ဖြစ်သည်။ မိမိက အရင်ဆုံးစလိုက်ဖို့ ဖြစ်သည်။ “မြင်မြင်ချင်း ချစ်ခင်စေသော နည်း - အပြုံးဖြင့် နှုတ်ခွန်းဆက်လိုက်ပါ” လို့ပဲ ကျွန်တော်ပြောချင်သည်။ 

၂။ ဂုဏ်ပြုချီးမွမ်းစကား (သို့) မှတ်ချက်ပေးပါ။
     (Give a compliment)
“ချီးမွမ်းခြင်းအရာမှာ သူတစ်ပါးကို ကိုယ်ထက် ချီးမြှောက်ကြလော့” (ရောမ၊ ၁၂း၁၀)
လူတိုင်းမှာ ချီးမွမ်းစရာ ‘ကောင်းကွက်’ တစ်ခုခုတော့ ရှိစမြဲဖြစ်သည်။ သည်အရာကို မြင်တတ်ပြီး ချီးမွမ်းစကားဆိုတတ်ဖို့ လိုသည်။ မဟုတ်သည့်အရာကို အသားလွတ်ကြီး မြှောက်ပင့်ပြောဆိုခြင်း ကိုတော့ရှောင်ကြဉ်ရမည်။ သို့မဟုတ်လျှင် ကဲ့ရဲ့့ရှုတ်ချသလိုဖြစ်ပြီး မိတ်ပျက်တတ်သည်။ ကလေးများ နှင့် ပတ်သက်လျှင် ‘အို၊ သားလက်ရေးလေးက လှလိုက်တာ’၊ ‘သမီးလေး သီးချင်းဆိုတာ သိပ်ကောင်း တာပဲကွယ်’ စသည်ဖြင့် ပြောနိုင်သည်။ လူကြီးများအတွက်မူ ‘အန်တီက ဟင်းချက်သိပ် တော်တာပဲ’၊ ‘အဘက အသက်(၇၀)ကျော်ပေမယ့် ကျန်းမာဖျတ်လတ်တုန်းပဲနော်’ စသည်ဖြင့် ပြောဆိုနိုင်သည်။ 

အများရှေ့တွင် ချီးမွမ်းစကားကို ပြောဆိုလျှင် အပြောခံရသူအဖို့ ၀မ်းမြောက်ပီတိဖြစ်စေပါသည်။ နောက်တစ်နည်းမှာ မိမိချီးမွမ်းပြောဆိုလိုသောသူအကြောင်းကို သူ့နောက်ကွယ်တွင် ပြောဆိုခြင်း ဖြစ်သည်။ သည်စကားကို သူပြန်ကြားသည့်အခါ ချီးမွမ်းပြောဆိုသူကို ပိုမိုချစ်ချင် နှစ်သက်စေပါသည်။ 

ကျွန်တော်တို့အမှုတော်ဆောင် တော်တော်များများ မှားတတ်သည့် အကျင့်တစ်ခုမှာ ရှေ့တွင် ချီးမွမ်း ပြောဆို၍ နောက်ကွယ်တွင် မကောင်းပြောတတ်ကြခြင်းပင် ဖြစ်သည်။ မကောင်းပြောသည့် အကြောင်း သူပြန်ကြားရသည့်အခါ ကျွန်တော်တို့နှင့် ခင်မင်ရင်းနှီးမှုကို ထိခိုက်စေပါသည်။ ကျွန်တော် တို့သိကျွမ်းသော သူများနှင့် ရေရှည်တည်တံ့သော မိတ်သဟာယကို တည်ဆောက်ရန်အတွက် “သူ့နောက်ကွယ်မှာ ကောင်းတဲ့စကား၊ ချီးမွမ်းစကားဆိုကြစို့”လို့ ကျွန်တော်အကြံပြုချင်ပါသည်။ 

၃။ အခါအားလျော်စွာ လက်ဆောင်တစ်ခုခု ပေးပါ။ 
   (Give a present occasionally)
“လက်ဆောင်ပေးသောသူကိုလည်း လူတိုင်း မိတ်ဆွေဖွဲ့တတ်၏” (သုတ္တံ ၁၉း၆)
“စည်းစနစ်ရှိခြင်း” နှင့် “ကပ်စေးနည်းခြင်း” မတူပါ။ “စည်းစနစ်ရှိခြင်း” ဆိုသည်မှာ မလိုအပ်သော နေရာတွင် မဖြုန်းတီးခြင်းဖြစ်ပြီး၊ “ကပ်စေးနည်းခြင်း” မူကား အမှန်တကယ်လိုအပ်နေပါလျက် လျော့ သုံးခြင်း ဖြစ်သည်။ ကပ်စေးနည်းသောသူကို မည်သူမျှ မိတ်ဆွေမဖွဲ့ချင်ပါ။

ကပ်းစေးနည်းသောသူကို “ဇီဇာကြောင်သောသူ”၊ “ကိုယ်ချင်းမစာတတ်သူ”ဟု သတ်မှတ်လေ့ရှိပြီး မည်သူမျှအပေါင်းအသင်း မလုပ်လိုကြပေ။ အခါအားလျော်စွာ (သို့) လိုအပ်သည့်အချိန်အခါတွင် လက်ဆောင်တစ်မျိုးမျိုးပေးတတ်ဖို့ လိုသည်။ မွေးနေ့လက်ဆောင်၊ ဂုဏ်ပြုလက်ဆောင်တစ်ခုခုကို သင့်လျော်သည့်အချိန်တွင် ပေးအပ်နိုင်သည်။ လက်ဆောင်ရသူသည် လက်ဆောင်၏ တန်ဖိုးထက် လက်ဆောင်ပေးသူ၏ ချစ်ခြင်းမေတ္တာနှင့် အသိအမှတ်ပြုခြင်းကို လက်ခံရရှိခြင်းဖြစ်ရာ လက်ဆောင် ပေးသူကို မည်သူမျှအလွယ်တကူ မမေ့လျော့တတ်ကြပေ။ 

၄။ ဧည့်သည် ၀တ်ကျေပြွန်ပါ။ 
     (Show Hospitality) 
“ညီအစ်ကိုချင်း ချစ်ခြင်းမေတ္တာ၌ တည်ကြလော့။ ဧည့်သည်၀တ်ပြုခြင်းအမှုကို မမေ့မလျော့ကြနှင့်”(ဟေဗြဲ ၁၃း ၁)။
ဧည့်သည်၀တ်ပြုခြင်းသည် မိတ်ဆွေဖွဲ့ခြင်း၏ သော့ချက်တစ်ခုဖြစ်သည်။ သည်အချက်ကို အကင်းပါး သော ခေါင်းဆောင်တိုင်းက သဘောပေါက်ကြသည်။ မိမိအိမ်၊ ရုံး (သို့) ဌာနသို့ ရောက်ရှိလာသူများ အား ပြုံးရွှင်စွာ ကြိုဆိုနှုတ်ဆက်ခြင်း၊ နေရာထိုင်ခင်းပေးခြင်း၊ ရေ/ရေနွေးကြမ်း (သို့) စားစရာတစ်စုံ တစ်ခုဖြင့် ဧည့်ခံခြင်း၊ လိုအပ်ပါက ခြေလက်ဆေးရန် (သို့) သန့်စင်ခန်းအသုံးပြုရန်အတွက် စီစဉ်ပေး ခြင်း စသည်တို့ ပြုလုပ်ပေးရမည်။ 

ညအိပ်ညနေ ဧည့်သည်ဖြစ်ပါက လိုအပ်သည့်အရာများကို စီစဉ်ပေးရမည်။ ဧည့်၀တ်ကျေပြွန်ခြင်းအား ဖြင့် ခင်မင်ရင်းနှီးသော မိတ်သဟာယကို တည်ဆောက်နိုင်သည်။ ဧည့်၀တ်မကျေပြွန်သော နေရာကို မည်သူကမျှ ‘နောက်တစ်ခေါက်’ လာဖို့ စိတ်ကူးတော့မည်မဟုတ်။ “အိမ်သာလို့ ဧည့်လာတယ်” ဆိုသည့် မြန်မာစကားပုံလေးကိုလည်း အမြဲသတိရသင့်ပေသည်။ 

၅။ တစ်ဖက်လူပြောသောစကားကို ဂရုတစိုက် နားထောင်ပါ။
   (Pay attention to them)
“သို့ဖြစ်၍ ငါချစ်သော ညီအစ်ကိုတို့၊ ခပ်သိမ်းသောသူတို့သည် နားကြားခြင်းငှာ လျင်မြန်ကြစေ။ စကားပြောခြင်းငှာလည်းကောင်း၊ အမျက်ထွက်ခြင်းငှာလည်းကောင်း နှေးကြစေ” (ယာကုပ် ၁း ၁၉)။

ကျွန်တော်တို့ တော်တော်များများ ဖြစ်တတ်သည်မှာ ကိုယ်ပြောချင်တာကို တရစပ်ပြော၍ သူပြောတာကို သေသေချချာ နားမထောင်မိတာမှိုးဖြစ်သည်။ လူ့သဘာ၀အရ မိမိပြောစကားကို ဂရုတစိုက် နားထောင်ပေးသူကို ရှာဖွေတတ်ကြသည်။ လူ၏စိတ်ပိုင်းဆိုင်ရာ လိုအပ်ချက်အရ လူသည် မိမိပြောစကား၊ မိမိခံစားချက်များကို နားထောင်ပေးသူကို လေးစားချစ်ခင်တတ်သည်မှာ ဓမ္မတာ ပင်ဖြစ်သည်။ “စကားပြောကောင်းသူ”ဟု လူအများက သတ်မှတ်ခြင်းခံရသူသည် အမှန်တကယ်တွင် စကားနည်းနည်းသာပြောပြီး သူတစ်ပါးပြောစကားကို များများနားထောင်ပေးသူပင် ဖြစ်သည်။ ဘုရားသခင်သည် ကျွနု်ပ်တို့ကို ဖန်ဆင်းရာတွင် နားနှစ်ဘက်နှင့် ပါးစပ်တစ်ပေါက်ကို ဖန်ဆင်းခဲ့ သည်ကို ကြည့်ပြီး “နှစ်ဆ နားထောင်၍ တစ်ဆကိုသာ ပြောရန်” ဖြစ်ကြောင်း သတိချပ်ဖို့ လိုပေသည်။ 

၆။ တစ်ဖက်လူ၏ ဒုက္ခအခက်အခဲကို တတ်နိုင်သလောက် ကူညီဖြေရှင်းပေးပါ။
   (Provide every possible help in times of trouble)
“ကျေးဇူးပြုခြင်း၊ ဥစ္စာေ၀မျှခြင်း အမှုတို့ကို မမေ့မလျော့ကြနှင့်။ ထိုသို့သောယဇ်ကို ဘုရားသခင်သည် အားရနှစ်သက်တော်မူ၏” (ဟေဗြဲ၊ ၁၃း ၁၆)

လူတိုင်းလိုလို အသက်တာမှာ တစ်ချိန်မဟုတ်တစ်ချိန် ဒုက္ခပြသနာ (သို့) ကံဆိုးမိုးမှောင်ကျသည့် အချိန်မျိုးကြုံတွေ့တတ်သည်။ ဥပမာပြောရလျှင် “သမ္မာကျမ်းစာထဲမှ ယောဘအသက်တာ” လိုမျိုး။ သည်လိုအချိန်မျိုးမှာ မိမိကို ကူညီဖေးမမည့်သူများကို မျှော်လင့်တတ်မြဲ ဖြစ်သည်။ သည်သဘော တရားကို နားလည်သဘောပေါက်ပြီး တစ်စုံတစ်ယောက် ဒုက္ခရောက်သည်သည့်အခါတွင် မိမိ တတ်နိုင်သည်အတိုင်း ကူညီမစပေးခြင်းဖြင့် ကူညီခံရသူသည် သင့်အားမိတ်ဆွေကောင်း တစ်ဦး အဖြစ် မှတ်ယူသွားစေပါသည်။ 

သူ့ကို ကူညီခြင်းအားဖြင့် မိမိအတွက် ၀န်ထုတ်ဖြစ်စေမည့် ကိစ္စများအတွက်မူ သတိဉာဏ်ပညာနှင့် ပြုမူဖို့ လိုအပ်ပါသည်။ ဥပမာ-ပမာဏများပြားသော ပိုက်ဆံချေးငှားခြင်းမျိုး။ မိမိ၌လည်း မလုံ မလောက်ဖြစ်နေပါက “ဟုတ်ကဲ့၊ ကျွန်တော့်မှာ ချေးဖို့မရှိဘူး ဖြစ်နေတယ်” ဟူသော စကားမျိုး ပြောပြီး အခြားနည်းတစ်ခုခုဖြင့် ကူညီမစပေးဖို့ လိုအပ်ပါသည်။ အကူအညီပေးတတ်သူကို လူတိုင်း မိတ်ဆွေဖွဲ့ချင်ကြပါသည်။ 

၇။ သင်သိသောသူများနှင့် မကြာခဏ တွေ့ဆုံပါ၊ (သို့) သူတို့ထံ အလည်အပတ်သွားပါ။
   (See your friends often or visit them)
သင်သည် တာရှည်ခံသော မိတ်သဟာယကို တည်ဆောငက်လိုပါက သင်သိကျွမ်းပြိးသော မိတ်ဆွေများနှင့် မကြာခဏ (သို့) အခါအားလျော်စွာ ပြန်လည်တွေ့ဆုံပါ။ ဥပမာ-လက်ဖက်ရည် အတူသောက်ခြင်၊ မိတ်ဆုံစားပွဲ၊ ကျေးဇူးတော်ချီးမွမ်းပွဲ၊ စသည်ဖြင့် တစ်ခုခုလုပ်ပြီး မိတ်သဟာယဖွဲ့ပါ။ နေရာဒေသေ၀းပါက စာရေးပြီး (သို့)ဖုန်းဆက်ပြီး သူ၏ မိသားစုနှင့် ဘ၀အခြေအနေကို မေးမြန်းပါ။ သင်၏ လက်ရှိဘ၀အခြေအနေကိုလည်း ေ၀မျှပါ။ ဆုတောင်းချက်တွေကို ဖလှယ်ပါ။ အတူတကွ ကျေးဇူးတော်ကို ချီးမွမ်းပါ။ 

အကယ်၍ သင်၏မိတ်ဆွေသည် ကျန်းမာရေးကြောင့် မသွားမလာနိုင်လျှင် သူ့ထံအရောက်သွားပါ။ အားပေးစကား ပြောပါ။ ဆုတောင်းကောင်းချီးပေးပါ။ သူသည်သင့်အတွက် မိတ်ဆွေကောင်းတစ်ဦး ဖြစ်နေဆဲပါဆိုတာ ပြောပါ။ မိတ်ဆွေများထံ မကြာခဏ အလည်အပတ်သွားခြင်းဖြင့် တည်ဆောက်ပြီး သား မိတ်သဟာယကို ပိုမိုခိုင်မြဲ စေပါသည်။ 

ချစ်သောမိတ်ဆွေ - သင်သည် သန့်ရှင်းသော၀ိညာဉ်တော်ဘုရားထံမှ ခွန်အားတန်ခိုါ်ကို တောင်းခံပြီး အထက်ဖော်ပြပါ အချက်(၇)ချက်ကို လက်တွေ့ လုပ်ဆောင်မည်ဆိုပါက တစ်နေ့အဖဘုရား၏ ရွှေအိမ် တော်သို့ ရောက်သောအခါတွင်လည်း သင့်ကိုချစ်သော မိတ်ဆွေများက သင့်ကိုပြုံးရွှင်စွာ ကြိုဆို နေလိမ့်မယ်ဆိုတာ မြေကြီးလက်ခတ်မလွဲပင် ဖြစ်ပါသည်။ 

“တစ်ဖန် ငါဆိုသည်ကား သင်တို့သည် စုတေ့သောအခါ အစဉ်အမြဲတည်သော ဗိမာန်၌ သင်တို့ကို လက်ခံလတံ့သော အဆွေရှိစေခြင်းငှါ မမြဲသော လောကီစည်းစိမ်ကို သုံးဆောင်ကြလော့” (လုကာ၊ ၁၆း၉)။ 

မေတ္တာဖြင့် - Rev. သိန်းသန်းထွန်း

Wednesday, 18 May 2016

သင်၏ အဖွဲ့ အစည်းကို အောင်မြင်တိုးတက်စေမည့် အခြေခံစည်းမျဉ်း (၇)ခု

7 Basic Principles to develop Your
 Organization 
    သင်သည် ပရဟိတဂေဟာ (သို့) အသင်းတော်
တစ်ပါးပါး၊ ကျမ်းစာကျောင်း (သို့) ဘော်ဒါ ကျောင်း
တစ်ကျောင်း၊ လူတစ်စု (သို့) အဖွဲ့ အစည်းတစ်ခုခု
ကို ဦးဆောင်နေသူတစ်ဦး ဖြစ်သည်ဟု ဆိုပါ
က သင့်အတွက်အရေးကြီးသော မေးခွန်းတစ်ခုမှာ - “မိမိဦးဆောင်နေသော အဖွဲ့ အစည်းကို မည်ကဲ့သို့ သန်စွမ်းကြီးပွားတိုး
တက်လာစေနိုင်မည်နည်း ဟူ၍ပင် ဖြစ်သည်။ သည်အတွက် လျှို့ ၀ှက်ချက် (သို့) သော့ချက်တွေ ရှိပါသလား? ဟုတ်ကဲ့။ ဘုရားသခင်၏ နှုတ်ကပတ်တော် သမ္မာကျမ်းစာ ထဲ၌ ရှာဖွေတွေ့ ရှိနိုင်ပါသည်။
    ကျွန်တော် တွေ့ ရှိသည့် အခြေခံစည်းမျဉ်း (၇)ချက်ကို ေ၀ငှသွားပါမည်။

၁။ တစ်ဦးနှင့်တစ်ဦး ဆုတောင်း မေတ္တာ ပို့သပါ 
    Pray for one another in love
    “ကာလအစဉ် စိတ်နှလုံးပါလျက် ဆုတောင်းပဌနာပြုခြင်း အမျိုးမျိုးတို့ဖြင့် ဆုတောင်းကြလော့။ ထိုသို့ဆုတောင်းခြင်းငှာ အားမလျော့ဘဲလျက် ငါမှစ၍ သန့်ရှင်းသူ အပေါင်းတို့အဖို့ ဆုတောင်းလျက် စောင့်ရှောက်ကြလော့” (ဧဖက် ၆း၁၈)။

    သင့်အဖွဲ့ အစည်း၏ စွမ်းဆောင်ရည်ကို မြှင့်တင်လိုလျှင် အဖွဲ့ သားအားလုံးသည် ခေါင်းဆောင် ဖြစ်သော သင့်အပေါ်တွင် ဗဟိုပြုခြင်းမျိုး မဖြစ်စေဘဲ အချင်းချင်း တစ်ဦးနှင့်တစ်ဦး ကြည့်ရှုစောင့် ရှောက်နိုင်ဖို့ရန်အတွက် သွန်သင်ပေးရမည်။ သည်အတွက် ပထမဆုံး လေ့ကျင့်သင်ကြားပေးရ မည့် အလေ့အထကို ပျိုးထောင်ပေးခြင်း ဖြစ်သည်။

    အချင်းချင်း ဆုတောင်းကောင်းချီးပေးခြင်းမရှိလျှင် အချင်းချင်း ေ၀ဖန်ပြစ်တင်ခြင်း၊ ကဲ့ရဲ့့ ရှုံ့ ချခြင်းများ ဖြစ်တတ်ပြီး အဖွဲ့ အစည်း၏ ညီညွတ်မှုစွမ်းအားကို ယုတ်လျော့စေနိုင်သည်။ ထိုမျှမက စာတန်မာရ်နတ် ၀င်ရောက်ဖို့ ရန်အတွက် အခွင့်ပေးသကဲ့သို့ ဖြစ်တတ်သည်။ သင်၏ လူစုအတွင်း၌ အချင်းချင်း ဆုတောင်းပေးသည့် အလေ့အကျင့်ကို ပုံမှန်ပြုလုပ်နေပြီဆိုလျှင် သင့်အဖွဲ့ အစည်းသည် အောင်မြင်တိုးတက်မှု၏ အုတ်မြစ်ကို တည်ဆောက်ထားပြီး ဖြစ်သည်။ 

၂။ တစ်ဦးနှင့်တစ်ဦး ကူညီဖေးမပါ
     Help one another
    “ကျေးဇူးပြုခြင်း၊ ဥစ္စေ၀မျှခြင်း၊ အမှုတို့ကို မမေ့မလျော့ကြနှင့်။ ထိုသို့သောယဇ်ကို ဘုရားသခင် သည် အားရနှစ်သက်တော်မူ၏” (ဟေဗြဲ ၁၃း၁၆)။ 
    သင်ဦးဆောင်နေသော အဖွဲ့ အစည်း၌ လေ့ကျင့်ပျိုးထောင်ပေးရမည့် ဒုတိယအချက်မှာ အချင်းချင်း ကူညီဖေးမခြင်းဖြစ်သည်။ ဒုက္ခရောက်သူ၊ ခက်ခဲသူ၊ အားနည်းသူများကို လျစ်လျူမရှုပဲ တတ်စွမ်းသ၍ ကူညီဖေးမဖို့ရန် နှိုးဆော်ရမည်။ သည်အရာအတွက် မိမိကိုယ်တိုင်က ပုံသက်သေ စံနမူ နာ ပြသရမည်။ “ဘယ်သူသေသေ၊ ငတေမာရင်ပြီးရော”ဆိုသည့် တစ်ကိုယ်ကောင်းဆန်သော၊ အတ္တကြီးသောသဘောကို ချိုးနှိမ်ဖို့ရန် သွန်သင်ပေးရမည်။

“သူတစ်ပါးကို ရေလောင်းသောသူသည် ကိုယ်တိုင်ရေလောင်းခြင်းအကျိုးကို ခံရလိမ့်မည်” ဆိုသည့် နိယာမကို လည်းကောင်း (သုတ္တံ ၁၁း၂၅)၊ “အငယ်ဆုံးသောသူ တစ်ယောက်အား ကြည့်ရှု ပြုစုခြင်းသည် ခရစ်တော်အား ကြည့်ရှုပြုစုခြင်းပင် ဖြစ်သည်” ဆိုသည့် အကြောင်းကိုလည်းကောင်း သွန်သင်ပေးရမည် (မဿဲ ၂၅း၄၀)။

၃။ တစ်ဦးနှင့်တစ်ဦး အစေခံပါ
    Serve one another 
    “ငါသည် သခင်ဖြစ်လျက် အရှင်ဘုရားဖြစ်လျက်နှင့် သင်တို့၏ခြေကို ဆေးလျှင် သင်တို့သည် အချင်းချင်းတို့၏ ခြေကို ဆေးရကြမည်” (ယောဟန် ၁၃း၁၄)။
    လူ့သဘာ၀အရ သူတစ်ပါးကို စေခံခြင်းထက် မိမိကို သူတစ်ပါးက အစေခံပေးတာကို လိုလား ကြသည်။ ခေါင်းဆောင်မှု၏ စံနမူနာကို ပြသခဲ့သော ယေရှုခရစ်တော်သည် တပည့်တော်တို့၏ ခြေကို ဆေးလျက် တစ်ဦးနှင့်တစ်ဦး အစေခံဖို့ရန် မိန့်မှာခဲ့သည်။ အဖွဲ့ အစည်းတစ်ခုအတွင်း အချင်းချင်း အစေခံသည့်အခါ ခရစ်တော်၏ သဘောသဘာ၀များ ထင်ရှားလာပါသည်။ အဖွဲ့ အတွင်း၌ တစ်ဦးနှင့် တစ်ဦး ဗိုလ်ကျစိုးမိုးခြင်း၊ ကြိုးကိုင်ချယ်လှယ်ခြင်း အလေ့အထ မရှိစေရန် ကြပ်မတ်ဆောင်ရွက်ရမည်။
    အချင်းချင်း ဧသည့်၀တ်ပြုခြင်း၊ သန့်ရှင်းရေးဆောင်ရွက်ပေးခြင်း၊ လုပ်အားဒါနပြုခြင်းတို့သည် အစေခံခြင်း၏ အသီးအပွင့်လက္ခဏာများပင် ဖြစ်သည်။

၄။ တစ်ဦးနှင့်တစ်ဦး အပြန်အလှန် လေးစားပါ
   Respect one another
    “သူတစ်ပါးသည် ကိုယ့်ထက်သာ၍ ကောင်းမြတ်သည်ဟု နှိမ့်ချသောစိတ်ရှိ၍ တစ်ယောက်ကို တစ်ယောက် ထင်မှတ်ကြလော့” (ဖိလိပိ္ပ ၂း၃ခ)။
    အဖွဲ့ အတွင်း၌ တစ်ဦးနှင့်တစ်ဦး အပြန်အလှန်လေးစားမှု (Mutual respect) ရှိမှသာ အဖွဲ့ ၏ ဂုဏ်ကျက်သရေကို မြင့်တက်စေပါသည် အဖွဲ့ ၀င်အချင်းချင်း အထင်အမြင်သေးခြင်း၊ နေရာမပေးခြင်း တို့သည် အဖွဲ့ ၏ကျစ်လစ်မှုနှင့် ကြီးထွားမှုကို လျော့နည်းစေသည်။ “ကျီးကို ဘုတ်ရုတ်ရိုသေ” ဟူသော စကားအတိုင်း သူ့ အမူအရာကို အလေးအနက်ထာခြင်းနှင့် ချိုသာယဉ်ကျေးသောစကားဖြင့် ပြောဆို ဆက်ဆံခြင်းတို့သည် တစ်ဦးနှင့်တစ်ဦး အပြန်အလှန် ရိုသေလေးစားမှုကို ဖော်ပြခြင်း ဖြစ်သည်။ 
    လူအသီးသီးတို့သည် ဘုရားသခင်ပေးသနားသည့် မတူညီသောဆုကျေးဇူး အသီးသီးရှိ ကြသည်ဖြစ်ရာ တစ်ဦးနှင့်တစ်ဦး ရိုသေခန့်ငြားလျှက် အမှုတော်ကို ဆောင်ရွက်ဖို့ရန် သွန်သင်လေ့ကျင့် ပေးဖို့ လိုအပ်ပါသည်။

၅။ တစ်ဦးနှင့်တစ်ဦး နားလည် ခွင့်လွှတ် ပေးပါ
    Understand and forgive one another
    “အချင်းချင်း ကျေးဇူးပြုခြင်း၊ သနားစုံမက်ခြင်း၊ ဘုရားသခင်သည် ခရစ်တော်ကြောင့် သင်တို့အပြစ်ကို လွှတ်တော်မူသကဲ့သို့ အချင်းချင်း အပြစ်လွှတ်ခြင်း ရှိကြလော့” (ဧဖက် ၄း၃၂)။
    လူတိုင်း အားနည်းချက်ကိုယ်စီ ရှိကြပါ၏။ အမှားနှင့် ကင်းသောလူဟူ၍ မရှိချေ။ သခင်ယေရှု၏ တပည့်တော် ပေတရုက “ညီအစ်ကိုတို့သည် အကျွနု်ပ်ကို ပြစ်မှားလျှင် ခုနှစ်ကြိမ်တိုင်အောင် လွှတ်ရ မည်လော”ဟု မေးလျှောက်သည့်အခါ “ယေရှုက အကြိမ်ခုနှစ်ဆယ်ခုနှစ်လီ မြောက်အောင် လွှတ် ရမည်” ဟု ဆိုခဲ့သည် (မဿဲ ၁၈း၂၁-၂၂)။ အဖွဲ့ အစည်းတစ်ခု၌ တစ်ဦးနှင့်တစ်ဦး ခွင့်လွှတ်ခြင်း မရှိ လျှင် နာကြည်းခြင်းများ၊ ခါးသည်းခြင်းများ ဖြစ်ပေါ်လာပြီး အဖွဲ့ အစည်းကို ပြိုကွဲစေနိုင်သည်ကို သတိ ပြုပါ။

    အချင်းချင်း နားလည်ပေးဖို့နှင့် ခွင့်လွှတ်ပေးဖို့အတွက် အခြေခံမှာ ဘုရားမေတ္တာနှင့် ကျေးဇူး တော်ကို နားလည်သဘောပေါက်ခြင်း ဖြစ်သည်။ သခင်ဘုရားသင်ပေးသော ပဌနာတော်၌ ပါရှိသည့် “ကျွနု်ပ်တို့သည် သူတစ်ပါးအပြစ်ကို ခွင့်လွှတ်သကဲ့သို့ ကျွနု်ပ်တို့၏အပြစ်ကို လွှတ်တော်မူပါ” ဆိုသည့် ဆုတောင်း၀န်ခံချက်ကို လက်တွေ့ ကျင့်သုံးဖို့ နှိုးဆော်ရမည်။

၆။ တစ်ဦးနှင့်တစ်ဦး ချီမွမ်း ဂုဏ်ပြုပါ
   Appreciate one another 
“ချီးမွမ်းခြင်းအရာမှာ သူတစ်ပါးကို ကိုယ့်ထက် ချီးမြှောက်ကြလော့” 
ကျွန်တော်တို့ အတော်များများဖြစ်တတ်သည့် အရာတစ်ခုမှာ သူတစ်ပါးကို ချီးမွမ်းဂုဏ်ပြုခြင်း ထက် မိမိကိုယ်ကို ဂုဏ်ယူဝါကြွားခြင်း ဖြစ်သည်။ တစ်ဦးနှင့်တစ်ဦး ချီးမွမ်းဂုဏ်ပြုစကား ပြောကြား ခြင်းသည် စိတ်ဓါတ်ခွန်အားကို မြှင့်တင်ပေးခြင်း ဖြစ်သည်။ တစ်ခါတစ်ရံ အပြုသဘောဆောင်သော ဆုံးမပြစ်တင်ခြင်း လိုအပ်သော်လည်း ချီးမွမ်းဂုဏ်ပြု စကားပြောခြင်း၊ တစ်ဦးနှင့်တစ်ဦး အသိအမှတ်ပြု ခြင်းတို့ကို သာ၍ လိုအပ်ပါသည်။ သည်အလေ့အထကို အဖွဲ့ အတွင်း၌ ကျင့်သားရစေရန် ပြုလုပ် ပေးရမည်။ ကျေးဇူးပြုသောသူအား ကျေးဇူးတင် ဂုဏ်ပြုခြင်းကိုလည်း စံနမူနာအဖြစ် အများရှေ့ တွင် ပြုလုပ်အပ်ပေသည်။

၇။ အချင်းချင်း စည်းလုံးစွာဖြင့် ပူးပေါင်းလုပ်ဆောင်ပါ
    Work together in unity
“အသင့်အတင့် ပေါင်းဖော်ခြင်း အဖွဲ့ အစည်းအားဖြင့် သင်တို့သည် အချင်းချင်း စိတ်သဘော မခြားနား၊ တလုံးတ၀တည်း ဖြစ်အ့ံသောငှာ ကြိုးစားအားထုတ်ကြလော့” (ဧဖက် ၄း၃)။
အာဖရိကစကားပုံတစ်ခု ရှိသည်။ “သင်သည် မြန်မြန်ပြေးလိုလျှင် တစ်ဦးတည်းပြေးပါ။ (သို့မဟုတ်) ေ၀းေ၀းပြေးလိုလျှင်မူကား အတူတကွ ပြေးပါ” ဟူ၍ ဖြစ်သည်။ အသင်းအဖွဲ့ တစ်ခုစီ တိုင်းတွင် ရှုပါရုံ ပန်းတိုင် ကိုယ်စီရှိကြပါသည်။ သည်ရှုပါရုံဆီိိိ အရောက်လှမ်းနိုင်ဖို့အတွက် တစ်ဦး ကောင်း တစ်ယောက်ကောင်းဖြင့် မရနိုင်ပေ။ တစ်လှေတည်းစီး၊ တစ်ခရီးတည်းသွားသည်ဆိုလျှင် အားလုံး ညီညွတ်စွာ လှော်ခတ်နိုင်ပါမှ ပန်း၀င်နိုင်မည်။

စည်းလုံးမှုကို ဖော်ဆောင်ရန်အတွက် မိမိအကြိုက်၊ မိမိနှစ်သက်ရာ သြဝါဒကို ဆုပ်ကိုင်ထား၍ မရပါ။ ဘုံတူညီချက် (Common ground) တစ်ခုခုကို အမြဲရှာဖွေရမည်။ အဖွဲ့ ၏စည်းလုံးမှုကို ပြိုကွဲစေမည့် လုပ်ရပ်များများကို ကြိုတင်တားဆီးရမည်။ တစ်ဦးနှင့်တစ်ဦး နှိမ့်ချခြင်းသည်လည်း ပူးပေါင်းလုပ်ဆောင်မှုအတွက် အခြေခံအုတ်မြစ်ပင် ဖြစ်သည်။ ဘောလုံးကစားနည်းကဲ့သို့ပင် တစ် သင်းလုံး၊ တစ်ဖွဲ့ လုံး စည်းလုံးညီညွတ်မှုအားဖြင့်သာ အောင်မြင်မှုကို ဆွတ်ခူးနိုင်ပါသည်။ 
သန့်ရှင်းသော ၀ိညာဉ်တော်ဘုရား၏ မစမှုတန်ခိုးဖြင့် အထက်ပါ ၀ိညာဉ်ရေးရာ စည်းမျဉ်းများအတိုင်း လိုက်နာဆောင်ရွက်လျှင် သင့်အဖွဲ့ အစည်းသည် ပိုမိုသန်စွမ်း ကြီးထွားလာ မည်မှာ ဧကန်မလွဲပင် ဖြစ်ပါသည်။

မေတ္တာဖြင့် - Rev. သိန်းသန်းထွန်း




Saturday, 14 May 2016

ဒံယေလ၏ အသက်တာ နှင့် အောင်မြင်ခြင်း

          ဒံယေလသည် ယုဒပြည်ကို နေဗုဒ်ခပ်နေဇာ
မင်းကြီး သိမ်းပိုက်ခဲ့စဉ်က ဗာဗုလုန်နိုင်ငံသို့ သိမ်း
သွားခြင်း ခံရသူများအထဲတွင် တစ်ယောက်အပ်အ
၀င် ဖြစ်သည်။ နန်းတော်၌ အမှုတော်ထမ်းခြင်း ငှါ
 ခါလဒဲဘာသာအတတ်ကို သင်ြားရန် ရွေးကောက်
ခံရသူ တစ်ယောက်လည်း ဖြစ်သည်။ ဒံယေလနှင့်
 အတူ ယုဒလူများဖြစ်ကြသော လူသုံးယောက် (ရှာ
ဒရက်၊ မေရှက်၊ အဗေဒနေဂေါ တို့လည်းပါ၀င်သည်။
 ဒံယေလနှင့်အတူ သူ၏မိတ်ဆွေများကို ရှင်ဘုရင့်
အစားအသောက်နှင့် ကျေွးမွေးရမည် အကြောင်း 
ရှင်ဘုရင်က မိန်းမ စိုးအုပ် အာရှပေနတ်ကို မိန့်တော်မူခဲ့သည်။ တစ်ပါးအမျိုးအသား ဖြစ်သော ဗာဗုလုန်ရှင်ဘုရင်၏ အစားအစာတွင် ယုဒလူမျိုးများ အစားမသောက်အပ်သော အသား၊ ငါး နှင့် တဆေးပါသော စပျစ်ရည်များ ပါ၀င်နေပေလိမ့်မည်။ အမှုတော်ကို ထမ်းရွက်ရသော ယုဒလူတစ် ယောက်သည် ညစ်ညူးသော အစားအသောက်များကိုလည်း ရှောင်ရှားရမည်အကြောင်း ဘုရားရှင် အလိုတော်ရှိသည်။ 

သန့်ရှင်းဖြောင့်မတ်၍ ဘုရားကို ကြောက်ရွံ့ သော ဒံယေလ
ကျွန်အဖြစ် သိမ်းသွားခြင်းခံရသော ဒံယေလသည် ဗာဗုလုန်ရှင်ဘုရင် လက်အောက်သို့ အနီး ကပ်ရောက်ရှိလေပြီ။ သို့သော် ဒံယေလသည် ရှင်ဘုရင်ကို မကြောက်၊ ဘုရားသခင်ကို ကြောက်ရွံ့ ၍ ပွဲတော်မှ ကြွင်းသော အစားအစာနှင့် သောက်တော်မူသော စပျစ်ရည်ကို မသောက်မစားဘဲ ညစ်ညူး ခြင်းကို ရှောင်မည် (သန့်ရှင်းစွာ နေမည်)ဟု အကြံရှိ၍ မိမိကိုယ်ကို မညစ်ညူးစေမည်အကြောင်း မိန်မ စိုးအုပ်ကို အခွင့်တောင်း၏ (ဒံ၊ ၁း၈)။ ရှင်ဘုရင်၏ အမျက်ဒေါသကို မမှု၊ ဘုရားသခင်၏ အမျက်တော် ကို ကြောက်ရွံ့ ၍ ဘုရားသခင်၏ မစခြင်းကျေးဇူးတော်ကို မြှော်လင့်သော ဒံယေလသည် ရဲရင့်ခြင်းစိတ် နှင့် ရှင်ဘုရင်၏ အမိန့်တော်ကို လိမ္မာပါးနပ်စွာ ရှောင်ရှားနိုင်ခဲ့သည်။ 

တစ်ပါးအမျိုးသားတို့၏ နန်းတော်မှာ အမှုတော်ထမ်းရန် လေ့ကျင့်နေသော ဒံယေလသည် သူလုပ်ဆောင်ရမည့်နေရာ၌ ဘုရားအတူပါရှိ၍ ပိုမိုထူးခြားသော ဉာဏ်ပညာရရှိကာ ဘုရားဘုန်းတော် ထင်ရှားပါမည်အကြောင်း သန့်ရှင်းဖြောင့်မတ်ခြင်း အသက်တာကို ရွေးချယ်ခဲ့သည်။ ယနေ့ ဘုရားအိမ် တော်မှာ လုပ်ဆောင်ဖို့ရန် လေ့ကျင့် သင်ကြားနေကြသော အမှုတော်ဆောင်လောင်းများနှင့် အမှုတော် မြတ်ကို ထမ်းဆောင်နေသောသူများ၊ ဘုရားသခင် ဘုန်းတော်ထင်ရှားစေရန် ညစ်ညူးသောအစား အစာများကို ရှောင်ရှားကြပြီလား?

 မိသားစု၌ ဘုရားသခင်ပေးသနားတော်မူသော သားသမီး ရတနာ များကို ကောင်းမွန်စွာ သွန်သင်လမ်းပြ၍ ဘုရားသခင်၏ အလိုတော်လမ်းထဲသို့ ပို့ဆောင်နိုင်ပါမည် အကြောင်း မိခင်ကြီး၊ ဖခင်ကြီးများကော၊ ညစ်ညူးခြင်းအသက်တာကို ရှောင်ရှားပြီး သန့်ရှင်းခြင်း အသက်တာနှင့် အသက်ရှင်ကြပြီလား? ကျွန်တော်/ကျွန်မတို့ အားလုံးသည် သန့်ရှင်းသော ၀ိညာဉ် တော်ကျိန်း၀ပ်ရာ ဗိမာန်တော်၌ နေ့တိုင်းအမှုတော်နေကြသူများဖြစ်ကြသည်။ ဒံယေလမူကား နန်းတော်မှာ အမှုထမ်းဖို့ရန် သန့်ရှင်းခြင်းအသက်တာကို ရွေးယူပြီး ညစ်ညူးခြင်းကို ရှောင်ခဲ့လေပြီ။

 မပြောပလောက်သော အစားအစာများနှင့် (ဣသရေလလူမျိုးများ သောက်တတ်သော) နာဇရိလူများ သာလျှင် မသောက်သော စပျစ်ရည်တို့ကို ရှောင်ခဲ့လေပြီ။ ယနေ့ ကျွနု်ပ်တို့သည် နှုတ်ခမ်းကို နီနီရဲရဲ ဖြစ်စေသော ကွမ်းယာ၊ ရောဂါအမျိုးမျိုးကို ဖြစ်စေသော၊ သန့်ရှင်းသော ဗိမာန်တော်ကို ဖျက်ဆီး နေသော ဆေးလိပ်၊ အရက်၊ ဘီယာ စသော မူယစ်ဆေးဝါးများနှင့် ကိလေသာ ကာမရာဂ ပျော်မွေ့ ခြင်းတို့ကို ရှောင်ရှား ကြပြီလား? အဆိပ်ပြင်းသော ဆေးလိပ်ကဲ့သို့သော ဆေးရွက်ကြီးမှဖြစ်သော အရာများကို ကိုယ်တိုင်သုံးစွဲလျက်ပင် ကိုယ့်သားသမီးများကို “အရက်သေစာ မသောက်နှင့်၊ ဖဲမရိုက် နှင့်”ဟု ဆုံးမနေတုန်းပဲလား? 

ယုံကြည်ခြင်းပြင်းပြသော ဒံယေလ
          ယခုခေတ်ကာလတွင် လူသားတိုင်း၏ စိတ်နှလုံးထဲ၌ အသောက်အစားနှင့် ပတ်သက်လာလျှင် အသားငါးမျိုးစုံနှင့် အရက်သေစာ အမျိုးစုံတို့ကို အသင့်အတင့် စားသောက်နိုင်မှသာ ခန္ဓာကိုယ် ကျန်းမာ သန်စွမ်းပြီး ဉာဏ်ပညာလည်း တိုးပွါးလာမည်ဟု ထင်မှတ်တတ်ကြသည်။ ထို့ကြောင့် ဗီဒီယို၊ ရုပ်ရှင်တို့မှ တွေ့ နေရသော အနောက်တိုင်း အစားအသောက်များကို အားကျနေကြသူများ ဒုနှင့်ဒေး ပင်ရှိကြသည်။ ခရစ်ယာန်အသိုင်းအ၀ိုင်းတွင်ပင်လျှင် ထိုကဲ့သို့ ထင်မှတ်ကာ ဘီယာနှင့် အခြားအရက် များကို တစ်ပတ်နှစ်ပတ်ခန့်ဖြင့် စားကောင်းသောက်ကောင်း လုပ်နေကြသူများ ရှိနေသည်မှာ ၀မ်းနည်း ဖွယ်ရာဖြစ်သည်။

 ထိုသို့သောသူများ၏ အသားငါးနှင့် အရက်သေစာ အနည်းငယ်မျှ မစားနိုင်လျှင် အဟာရဓါတ် လုံးမရှိသကဲ့သို့ ထင်မှတ်ကာ အသားငါးနှင့် အရက်သေစာ (ဘီယာအပါ၀င်) သုံးစွဲနိုင်ဖို့ အရေး တရားသောအမှု၊ မတရားသောအမှု အမျိုးမျိုးကို ကြံဖန်၍ ကြိုးစားလုပ်ဆောင် ရှာဖွေနေကြ သည်။ ဒံယေလမူကား ထိုသို့မဟုတ်၊ ဘုရားအလိုတော်ရှိသော အစားအစာနှင့်သာ ကာယခွန်အား၊ ဉာဏခွန်အားနှင့် ရူပါအလှ (အသားအရေ စိုပြေခြင်း)တို့ တိုးပွါးလာမည်ဟု ယုံကြည်ခြင်း အပြည့်ရှိ သည်။ ထိုကြောင့် မိန်းမစိုးအုပ်အား ဆယ်ရက်အစမ်း ကျေွးမွေးပါမည်အကြောင်း ထပ်မံခွင့်တောင်း ခဲ့သည် (ဒံ၊ ၁း၁၂-၁၃)။

 ဆယ်ရက်မျှသော နေ့ရက်အတွင်းတွင် အဟာရပြည့်၀လာပြီး ပိုမို ၀ဖြိုးလာဖို့၊ ဉာဏ်ရည် ဉာဏ်သွေး ထက်မြက်လာဖို့၊ ရူပအလှ (အသားရေ) စိုပြေလာဖို့မှာ အင်မတန်မှ ခက်ခဲလှ သည်။ မဖြစ်နိုင်သော အခြေအနေသာလျှင်ဖြစ်ပေသည်။ သို့သော် ဒံယေလသည် ဖြောင့်မတ်သန့်ရှင်း ခြင်းကို နှစ်သက်နော်မူသော ဘုရားသခင်၌ ယုံကြည်ခြင်းအပြည့်ရှိသည့်အတိုင်း ဘုရားသခင်က သူနှင့် သူငယ်ချင်းတို့၌ ပြုတော်မူသည်ကို တွေ့ ရသည်။ 

 ကျမ်းစာ၌ “ဘုရားသခင်သည် ထိုလုလင် လေးယောက်တို့အား အထူးထူးသော သိပ္ပံအတတ်ပညာတို့ကို သိစေခြင်းငှါ ထိုးထွင်း၍ နားလည် နိုင်သော ဉာဏ်သတ္တိကို ပေးသနားတော်မူ၏။ ဒံယေလသည်လည်း ဗျာဒိတ်ရူပါရုံနှင့် အိပ်မက်ကို နားလည်နိုင်သော ဉာဏ်ပညာနှင့် ပြည့်စုံ၏။ .... ရှင်ဘုရင် မေးတော်မူသမျှသော အတတ်ပညာကို ထိုလုလင်တို့သည် နိုင်ငံတော်၌ ရှိသမျှသော မာကုပညာရှိ၊ ဗေဒင်တတ်များထက်သာ၍ ဆယ်ဆ တတ်ကြသည်ကို တွေ့ မြင်တော်မူ၏” (ဒံ၊ ၁း ၁၇၊ ၂၀)။ 

          ထိုကြောင့် ယနေ့ ခဲယဉ်းဆိုးယုတ်သော ကာလရှိ ယုံကြည်သူများသည် ဘုရားသခင် နှစ်သက် တော်မူသော သန့်ရှင်းလတ်ဆတ်သော (အရက်သေစာ မပါသော)၊ ဘုရားသခင်ပေးသနား တော်မူသော (ဟင်း ကောင်းသည်ဖြစ်စေ၊ မကောင်းသည်ဖြစ်စေ) ကောင်းကြီးအစားအစာနှင့်သာ ရောင့်ရဲခြင်း စိတ်နှင့်တကွ ယုံကြည်ခြင်းပါလျက် ကျေးဇူးတော်ချီးမွမ်း စားသုံးမည်ဆိုပါက အသွေး အသား၊ ကာယဉာဏ ကြီးထွား တိုးတက်လာပါလိမ့်မည်။ ဘုရားသခင်ကို ယုံကြည်သောသူ အပေါ်၌ ဘုရားသခင်သည် ခပ်သိမ်းသောအမှုတို့ကို ပြုတော်မူသည် (မာကု၊ ၉း ၂၃)။ 

နှိမ့်ချခြင်း အသက်တာရှိသော ဒံယေလ
“ဤနက်နဲသော အရာကိုကား၊ အခြားသော သတ္တဝါအပေါင်းတို့ထက် အကျွနု်ပ်သာ၍ ပညာရှိ သောကြောင့် အကျွနု်ပ်အား ဘုရားသခင် ဖွင့်ပြတော်မူသည်မဟုတ်ပါ” (ဒံ၊ ၁း ၁၇၊ ၂၆ နှှင့် ယှဉ်ကြည့် ရန်)။ “ကိုယ်တော်သည် စိတ်နှလုံးတော်၏ အထင်ကို နားလည်မည်အကြောင်း ထိုအနက်ကို အကျွနု်ပ် ပြန်ကြားလျှောက်ထား စိမ့်သောငှါသာ ဘုရားသခင် ဖွင့်ပြတော်မူ၏” (ဒံ၊ ၂း ၃၀)။ 

ဘုရားသခင်က ဗာဗုလုန်ရှင်ဘုရင် နေဗုဒ်ခပ်နေဇာ၏ အိပ်မက်၌ နောင်ဖြစ်လတ့ံသောအရာများကို ရုပ်တုကြီးတစ်ခု အားဖြင့် ပြတော်မူခဲ့သည်။ ထိုအိပ်မက်ကို မာကုပညာရှိများနှင့် ဗေဒင်တတ် ခါလဒဲဆရာတို့သည် တစ်ယောက်မျှ အနက်မဖေါ်နိုင်ကြချေ (ဒံ၊ ၂း ၁၁)။ ဒံယေလသည် အိပ်မက်ရူပါရုံ၏ အနက်ကို ဖေါ်ပြနိုင်သောသူ ဖြစ်သော်လည်း ထာ၀ရဘုရားရှေ့ တော်၌ နှိမ့်ချလျက် ဆုတောင်းခဲ့သည် (ဒံ၊ ၂း ၁၈)။ ဆုတောင်းသည့်အတိုင်း ဘုရားသခင်က ထိုအိပ်မက်၏ အနက် အတိအကျကို ဖွင့်ပြတော်မူသည် (ဒံ၊ ၂း ၁၉)။

 သို့သော် ဘုရားသခင် ဖွင့်ပြတော်မူသောအရာကို သူသိကြောင်း၊ နားလည်ကြောင်း၊ ဟိတ်ဟန်ပြ၍ ဝါကြွားသော အမူအရာနှင့် အပြောအဆိုမျိုးကို ရှင်ဘုရင်ရှေ့ ၌ မပြခဲ့ပါ။ “ဘုရားသခင် ဖွင့်ပြတော်မူ၏” ဟုသာ နှိမ့်ချစွာ ပြောဆိုခဲ့သည်။ ယခုခေတ် သင်းအုပ်ဆရာ၊ ဓမ္မဆရာ၊ ဧဝံဂေလိ ဆရာ၊ သာသနာပြုဆရာများနှင့် အခြားအမှုတော်ဆောင်များ မည်ကဲ့သို့ ပြောဆိုပါသနည်း? “ငါသိတယ်၊ ငါနားလည်တယ်၊ ဒါဟာ ငါ့ဆုကျေးဇူးပဲ” စသည်ဖြင့် ပြောဆိုနေကြပါသလား? ‘ငါ’ ဟူသော အပြောအဆိုမျိုးမပါမိစေရန် သတိ္တရှိဖို့ လိုအပ်ပေလိမ့်မည်။ “ကိုယ့်ကိုယ်ကို ချီမြှောက်သော သူမည်သည်ကား၊ နှိမ့်ချခြင်းသို့ ရောက်လတံ့။

 ကိုယ့်ကိုယ်ကို နှိမ့်ချသောသူ မည်သည်ကား ချီးမြှောက် ခြင်းသို့ ရောက်လတံ့” (လုကာ ၁၄း ၁၁)။ “ထိုအခါ နေဗုဒ်ခပ်နေဇာ မင်းကြီးသည် ပြပ်၀ပ်၍ ဒံယေလကို ရှိခိုးကိုးကွယ်ပြီးလျှင် ... ဒံယေလကို ချီးမြှောက်၍ များစွာသော ဆုလာဘ်သပကာတို့ကို ပေး၍ ဗာဗုလုန် နိုင်ငံတွင် ၀န်ကြီးအရာ၌လည်းကောင်း၊ ဗာဗုလုန်ပညာရှိတို့ကို အုပ်စိုးသော ၀န်အရာ၌လည်း ကောင်း၊ ခန့်ထားတော်မူ၏” (ဒံ၊ ၂း ၄၆၊ ၄၈)။ 

သစ္စာရှိသော ဒံယေလ
          “ယေရှုက ဘုရားသခင်ကို ကိုးကွယ်သော သူတို့သည် နံ၀ိညာဉ်နှင့်လည်းကောင်း၊ သစ္စာနှင့် လည်းကောင်း ကိုးကွယ်ရမည်ဟု မိန့်တော်မူ၏” (ယော၊ ၃း ၂၄)။ ‘သစ္စာ’ ဟူသော စကားလုံး၏ အဓိပ္ပါယ်မှာ ‘အမှန်တရား’ဟု ရိုးရိုးလေး အဓိပ္ပါယ်ဖွင့်နိုင်သော်လည်း၊ ထိုထက် နက်နဲအောင် ရှင်းလင်းအောင် အနက် အဓိပ္ပါယ်ဖွင့်မည် ဆိုပါက ‘တစ်စုံတစ်ယောက်သော ပုဂ္ဂိုလ်၏ စံကို တသွေ မတိမ်း လိုက်လျှောက်ခြင်း’ ဟု ဆိုနိုင်ပါသည်။ ထိုစံကို ချိုးဖောက်ပါက အပြစ်ရှိသည်ဟု ခေါ်ပါသည်။ ဥပမာ - နိုင်ငံတော်၏ စံ (ဥပဒေ)ကို ချိုးဖောက်ပါက နိုင်ငံတော်ကို သစ္စာဖောက်သော အပြစ်ရှိသလို၊ ဘုရားသခင်၏ စံ (သန့်ရှင်းခြင်း၊ ဖြောင့်မတ်ခြင်း၊ ....)ကို ချိုးဖောက်ပါက ဘုရားသခင်အပေါ် အပြစ်ရှိသည်။ ထို့ကြောင့် ဘုရားသခင်က သူ့ကို ကိုးကွယ်သောသူတို့အား သစ္စာနှင့် ကိုးကွယ်စေ လိုပါသည်။

‘ဒံယေလသည် သစ္စာနှင့်ပြည့်စုံ၍ အပြစ်တစ်စုံတစ်ခုမျှ မရှိသောကြောင့် အပြစ်တင်ခွင့်ကို ရှာ၍ မတွေ့ ကြသည်ရှိသော်….’ ဟူ၍ (ဒံ၊ ၆း၄)တွင် တွေ့ ရသည်။ သူ့ကို အပြစ်တင်ရန် အပြစ်ရှာ နေသော သူတို့က သူ၌ အပြစ်တစ်ခုတစ်လေမှ မတွေ့ ကြောင်း ၀န်ခံကြသည်။ ထို့ကြောင့် သစ္စာရှိခြင်းဟူသည် ‘အပြစ်ကင်းခြင်း၊ အပြစ်တရားကို မကျူးလွန်ခြင်း’ ဖြစ်သည်ဟုလည်း အဓိပ္ပါယ်ဖွင့်နိုင်ပါသည်။ ဒံယေလသည် လောကီနိုင်ငံ အမှုအရေး၌ အပြစ်တင်ခွင့်ကို ရှာ၍မတွေ့ နိုင်လောက်အောင် သစ္စာရှိ သော ပုဂ္ဂိုလ်ဖြစ်သည်။ ထိုမျှမက ဘုရားသခင်ကိုလည်း ကျမ်းစာအတိုင်း သစ္စာတရားနှင့်အညီ ကိုးကွယ်သော ပုဂ္ဂိုလ်ဖြစ်သည်။

 ‘ဘုရားသခင်၏ ဘာသာမှတစ်ပါး အခြားသောအမှုတွင် ဒံယေလ၌ အပြစ်တင်ခွင်ကို ငါတို့မတွေ့ နိုင်ကြ ‘ (ဒံ၊ ၆း၅)၊ ဒံယေလသည် ရာထူးရာခံကြီးမားသော်လည်း ဘုရား သခင်ကို မပြတ်ပုံမှန် (တစ်နေ့သုံးကြိမ် ဆုတောင်း)ကိုးကွယ်သောသူ ဖြစ်သည်။ ထို့ကြောင့် ထိုအချက် ကို အပြစ်ယူရန် ပရိယာယ်ဖြင့် အကွက်ဆင်ကြသည်။ ရှင်ဘုရင်ထံသွားပြီး ရှင်ဘုရင်အား ‘ကိုယ်တော် မြတ်မှတစ်ပါး အခြားသောလူကို ဖြစ်စေ၊ ဘုရားကိုဖြစ်စေ၊ အရက်သုံးဆယ်အတွင်းတွင် ဆုတောင်း သောသူ မည်သည်ကို ခြငေ်္သ့လှောင်သော တွင်းထဲသို့ ချပစ်ရမည်ဟု … လျှောက်ထားကြ လျှင် ဒါရိမင်းကြီးသည် အမိန့်တော်ကို ပေး၍ တံဆိပ်ခတ်တော်မူ၏’ (ဒံ၊ ၆း၇-၉)။

 သို့သော် ဒံယေလသည် ‘အမိန့်တော်ထုတ်၍ တံဆိပ်ခတ်ကြောင်းကို ကြားသိသော်လည်း၊ မိမိအိမ်သို့သွား၍ ယေရုရှလင်မြို့ သို့ အထက်ခန်းပြတင်းပေါက်ဖွင့်လျှက်ပင် အထက်ပြုလေ့ရှိသည့်အတိုင်း တစ်နေ့သုံးကြိမ် ဒူးထောက် ဆုတောင်းလျှက် ဘုရားသခင်ကို ဆုတောင်း၍ ဂုဏ်ကျေးဇူးတော်ကို ချီးမွမ်းလေ၏’ (ဒံ၊ ၆း၁၀)။ ယနေ့ ကျွန်တော်ကျွန်မတို့သည် လူ့ မျက်မှောက်၌ သော်လည်းကောင်း၊ လူ့ ကွယ်ရာ(ဘုရား မျက်မှောက် တော်၌ သော်လည်းကောင်း၊ သစ္စာရှိရှိ အသက်ရှင်ကြပြီလား?
 
ဆုတောင်းခြင်းအသက်တာရှိသော ဒံယေလ
          အထက်ပါကျမ်းပိုဒ်အရ ဒံယေလသည် လာမည့်််််််ဘေး (ခြငေ်္သ့လှောင်အိမ်တွင်းထဲ ချပစ်ခြင်း) ကို ကြောက်၍ တစ်နေ့သုံးကြိမ် ဆုတောင်းသောသူ မဟုတ်ကြောင်း တွေ့ ရသည်။ “အထက်ပြုလေ့ ရှိသည့်အတိုင်း (အရင်ကဲ့သို့ပင်) တစ်နေ့သုံးကြိမ် ဆုတောင်းလျက် ဘုရားသခင်ကို ဆုတောင်း၍” ဟု တွေ့ ရသည်။ ဒံယေလသည် ဗာဗုလုန်နိုင်ငံ၌ ၀န်ကြီးချုပ်ရာထူးနှင့် တာ၀န်ကို ထမ်းဆောင်ခဲ့သော် လည်း တစ်နေ့လျှင် သုံးကြိမ် မပျက်မကွက်၊ ပုံမှန်ဆုတောင်းနိုင်သူ ဖြစ်သည်။

 ယနေ့လောကီမှုရေး ရာထူးရာခံ ဘာမျှမရှိသော ကျွနု်ပ်တို့သည် တစ်နေ့ ဘယ်နှစ်ကြိမ်ဆုတောင်းသနည်း? ဘုရားသခင်၏ အိမ်တော်၌ အမှုတော်ကို ထမ်းဆောင်လျက်ပင် ဘုရားသခင်နှင့် စကားမပြော (ဆုမတောင်း)ဘဲ နေကြ ပါသလား? သို့တည်းမဟုတ် အမှုရောက်မှ တစ်နေ့လျှင် အကြိမ်ပေါင်းများစွာသော်လည်းကောင်း၊ အစာရှောင်ခြင်းအားဖြင့်သော်လည်းကောင်း၊ ဆုတောင်းနေကြပါသလား? ထိုသို့မဖြစ်သင့်ပေ။ ဒံယေလကဲ့သို့ အမှုအခင်း မဖြစ်ခင် ဆုတောင်းခြင်း၊ အစာရှောင်ခြင်း အသက်တာ ရှိရပါမည်။ သို့မှသာ အမှုအခင်းရောက်သော်လည်း မကြောက်ရ၊ မစိုးရိမ်ရဘဲ နေနိုင်ရုံမက ထိုအမှုအခင်းများကို ဘုရားသခင် ဖြေရှင်းပေးမည်ဖြစ်သည်။ 

          ဒံယေလသည် အစဉ်အမြဲဆုတောင်းသော အသက်တာရှိသောကြောင့် လုပ်ဖော်ဆောင်ဖက် များက အပြစ်မရှိ အပြစ်ရှာ၍ ခြငေ်္သ့တွင်းထဲ ချပစ်ဖို့ ရှင်ဘုရင်အား အမိန့်ထုတ်စေခဲ့သော်လည်း၊ သူသည် လုံး၀မကြောက်ပေ။ နောက်ဆုံး ခြငေ်္သ့တွင်းထဲသို့ ချပစ်ခြင်း ခံရသော်လည်း သားရဲကြီး ခြငေ်္သ့နှင့်အတူ တစ်ညမိတ်ဆွေဖွဲ့ နိုင်ခဲ့သည်။ ဘုရားသခင်သည် ကောင်းကင်တမန်များကို စေလွှတ် ၍ ဒံယေလကို ခြငေ်္သ့ဘေးမှ ကွယ်ကာခဲ့သည် (ဒံ၊ ၆း ၂၂)။ 

          ယနေ့ ကျွနု်ပ်တို့သည်လည်း ဤခဲယဉ်းဆိုး ယုတ်သော ခေတ်ကာ လ၌ ဖြစ်ပျက်လာမည့် ပြသနာ များကို အောင်မြင်ကျော်လွှားနိုင်ဖို့ ဒံယေလ၏ အသက်တာကို အတုယူ၍ ဆုတောင်းခြင်း အသက်တာရှိကြရန် (၁သက်၊ ၅း ၇)၊ လိုအပ်ပါကြောင်း မေတ္တာနှင့် ေ၀ငှအားပေးပါသည်။

မေတ္တာဖြင့် - ပေါရာမှုံ (ရန်ကုန်)

Monday, 9 May 2016

ယေရှုခရစ်၏ လောကကိုအောင်မြင်နည်း အပိုင်း (၂)

        ချစ်သောမိတ်ဆွေ၊ ဤလောက၌ အသက်
တစ်ရာ မနေရသော်လည်း အမှုတစ်ရာနှင့်ကြုံ
တွေ့စ ရာရှိ၏။ သြမည ေါငည ဆရာတချို့၏
 ဟောပြောချက်ကိုနားယောင်ပြီး၊ ဒုက္ခထဲမှာ
 တွေဝေနေသော ယုံကြည်သူ များစွာရှိ၏။ အ
ထက်ပါဆရာတို့၏ ဟောပြောသောဒေသနာမှာ
 ဘုရားသားဖြစ်လျှင် ကျန်းမာရမည်။ ဘုရားသား
မှန်လျှင်ဒုက္ခဆင်းရဲမကြုံရ။ အားလုံးအ ဆင်ပြေ
နေရမည်။ ထိုဆရာတို့ဟောပြောသည့်အတိုင်း ဖြစ်မည်ဆိုပါက
ဤလောကဆင်းရဲဒုက္ခမှ လွတ်နိုင်စ ရာ အကြောင်း ရှိ၏။

သို့သော်လက်တွေ့မှာ အထက်ပါ ဆရာတော်များဟောပြောသည့်အတိုင်း ဖြစ်မလာ။
ဒုက္ခနှင့် ကြုံလာသောအခါ စိတ်ပျက်ဝမ်းနည်းရသည် သာမက ဘုရားသခင်ကိုပါ။
အသားလွတ်အပြစ်တင် ရသည် အခြေထိဆိုးဝါးခဲ့လေသည်။

        ဆရာကြီးများဟောပြောသည့်အတိုင်း ငါတို့ များ ဘုရားသားမဖြစ်သေးတာလား၊
သို့မဟုတ် ဆရာ ကြီးများ၏ ဩဝါဒကများ မှားနေရော့သလား၊ တစ်ခုခု
တော့မှားနေကြောင်း သတိရလာကြလေသည်။ ဤ အခြေအနေထဲမှာ ရောက်နေသော ယုံကြည်သူလူ
တစ်စုများအတွက် ရည်ရွယ်ပြီး ဤဆောင်းပါးအမှတ်
စဉ်(၂)ကိုရေးသားလိုက်ရခြင်းဖြစ်လေသည်။ ဤ ဆောင်းပါးသည် ကျွနု်ပ်ကိုယ်တိုင်
အခေါက်ခေါက် အခါခါဖတ်ရှုလေ့လာခဲ့သော ဒုက္ခပြဿနာ၊ ခရစ် ယာန်အဖြေစာအုပ်ကို
မှီငြမ်းပြီး ရေးသားကြောင်း ရှေးဦးစွာ ဝန်ခံလိုပါသည်။

       ယုံကြည်သူများအကြောင်း မစဉ်းစားမှီ ခရစ် တော်၏ အသက်တာကို ရှေးဦးစွာ
လေ့လာပါမည်။ အရှင်ယေရှုခရစ်သည် ကောင်းကင်မှ ြွကလာသော သခင်ဖြစ်ပါ၏။
        သူသည် ဘုရားစင်စစ်မှ လူ့ဇာတိခံယူလျက် မွေးဖွားခဲ့၏ (ဖိ၂း၆-၇)။
ထိုခရစ်တော်သည် လူ့ဇာတိ အဖြစ်၌ နေစဉ်ကာလ၊ သေခြင်းမှ ကယ်လွတ်နိုင်သော
အဖခမည်းတော်ထံ ကြီးစွာသော ေြွကးကြော်ခြင်း၊ မျက်ရည်ကျခြင်းနှင့်
ဆုတောင်းပဌာနာပြုလျက် ကြောက်ရွံ့စရာအမှု၌ ချမ်းသာရာရခဲ့၏။ ဘုရားသား
မှန်သော်လည်း ဆင်းရဲဒုက္ခကိုခံသောအားဖြင့် နား ထောင်ခြင်းအကျိုး
အကြောင်းကို သင်တော်မူ၏ (ဟေဗြဲ ၅း၇-၈)။

        ထို့အပြင်အရှင်ယေရှုသည် ဤလောက၌ ဒုက္ခ မျိုးစုံခံခဲ့လေ၏။ ကျမ်းစာ၌လာသည်ကား
ငါတို့ လွန်ကျူးခြင်းအပြစ်များကြောင့် နာကျင်စွာထိုးခြင်း၊ နှိပ်
စက်ခြင်းကိုခံရလေ၏ (ဟေရှာယ ၅၃း၅)။ ထာဝရဘု ရားသည် အရှင်ယေရှုကို
နှိပ်စက်ခြင်းငှာ အလိုတော် ရှိ၍ အနာခံစေတော်၏ (ဟေရှာယ ၅၃း၁၀)။ အရှင်
ယေရှုသည် ဤဒုက္ခမျိုးစုံကို ခံရသောအခါ မတတ်သာ ၍ သည်းခံနေခြင်းမဟုတ်။
မရုန်းထွက်နိုင်၍ အလျှော့ ပေးလိုက်ခြင်းလည်းမဟုတ်။ အဖခမည်းတော်၏
အကြံအစည်တော်ပြည့်စုံစေဘို့ရန် ကျေနပ်အားရစွာ ခံရခြင်းဖြစ်လေသည်။
ကျမ်းစာ၌လာသည်ကား မိမိ စိတ်ဝိညာဉ်ခံရသော ဝေဒနာ၏ အကျိုးကို မိမိမြင်
၍အားရလိမ့်မည်။

        သို့သော်ကျွနု်ပ်တို့စောဒကတတ်လေ့ရှိသော အချက်မှာ သခင်ယေရှုထိုသို့
ပြုတော်မူသည်မှာ မှန်၏။ ကိုယ်တော်သည် နာကျည်းဖွယ်သော ရက်စက် မှုကို ခံယူ၍
ဒုက္ခဘဝကို သုခဘဝဖြစ်အောင် ပြောင်း လဲတော်မူသည်မှာ မှန်၏။
သို့သော်ထိုနည်းလမ်းက အရှင်ယေရှု၏ နည်းလမ်းသာဖြစ်သည်။ ကျွနု်ပ်တို့
လိုက်နိုင်သောနည်းလမ်းမဟုတ်ဟူသော အချက်ပေ တည်း။

        အရှင်ယေရှုသည် သူ၏ နည်းလမ်းကို ကျွနု်ပ် တို့ နည်းလမ်းဖြစ်စေတော်မူပြီ။
တမန်တော်ဝတၳု ရှိ တမန်တော်တို့၏ အမှုဆောင်ပုံသည် သခင်ယေရှု ကိုယ်တိုင်
တမန်တော်များအထဲ၌နေ၍ သူ့အမှုတော် ကို ဆက်လက်လုပ်ဆောင်နေခြင်း ဖြစ်လေသည်။
အထူးသဖြင့် ဆင်းရဲဒုက္ခ ခဲရာခဲဆစ်တို့နှင့် ပတ်သက် ၍ တပည့်တော်တို့၏
အမှုသည်ကိုယ်တော်နှင့် ဆက်နွယ်လျက်ရှိ၏။ ထိုတမန်တော်တို့၌ခံရသော
ဆီးတားခြင်းအမှုများသည် အောင်မြင်တိုးတက်ခြင်း များဖြစ်လာ၏။
ဘေးဥပါဒ်များမှ ဥဒါန်းကျူးဧဖွယ်ရာ ဖြစ်လာကုန်၏။

        ဤတမန်တော်ဝတၳုထဲမှ အဖြစ်အပျက်အချို့ ကို ထုတ်နှုတ်၍ ဒုက္ခဆင်းရဲ
အတားအဆီးတို့ကို မည် သို့ မျက်နှာမူရင်ဆိုင်ကြပုံအကြောင်း ဆင်ခြင်ကြည့်
ကြကုန်အံ့။ ပေတရုနှင့် ယောဟန်တို့သည် ဗိမာန်တော် တို့တက်ကြရာတွင် တင့်တယ်
တံခါး၌ ခြေဆွံသူတစ် ယောက်သည် ထိုင်လျက် ဆီး၍ တောင်းခံ၏။ ထိုအခါ မိမိတို့
အိတ်ကိုလက်ဖြင့် စမ်းကောင်းစမ်းကြလိမ့်မည်။ စမ်းသော်လည်း
ငွေတစ်ပြားတစ်ချပ်မျှ မတွေ့သဖြင့်၊ ငွေကြေးမဲ့ခြင်းတည်းဟူသော
လောကဆင်းရဲခြင်းနှင့် သာ ကြုံနေမြဲရှိလေသည်။ ကျွနု်ပ်တို့သာဆိုလျှင်
ပိုက်ဆံပေးစရာမရှိ၍ ဝမ်းနည်းစွာ ခေါင်းကုတ်ပြီး ထွက်သွားကြလိမ့်မည်။
ပိုက်ဆံမရှိလေခြင်းဟူသော၊ ဒုက္ခဆင်းရဲ၏ နှိပ်စက်ခြင်းကို ခံစားရပေမည်။
များ သော သူတို့ပိုက်ဆံမရှိခြင်းသည် အလွန်ကြီးလေးသော
ဆင်းရဲဒုက္ခကြီးတစ်ခုဖြစ်၏။

        သို့သော် ယောဟန်နှင့် ပေတရုတို့မှာမူ ထိုဆင်း ရဲခြင်းအတွက်
ဝမ်းနည်းကြေကွဲနေမည့်အစား ပိုက်ဆံ မရှိခြင်းကိုပင်
အခွင့်အရေးသဖွယ်ရယူလျက် ငါတို့၌ ရွှေငွေမရှိ။ ရှိသည်အရာကို
ငါတို့ပေးမည်။ နာဇရက်မြို့ သားယေရှု၏ နာမတော်ကြောင့် လှမ်းသွားလော့ ဟူ
သော အံ့ဩဖွယ်စကားကို မိန့်ဆိုခဲ့လေ၏။ ခြေဆွံသူ သည် ထ၍ လှမ်းသွား၏။
ပေတရုနှင့်ယောဟန်တို့ သည် ငွေမရှိခြင်းဆင်းရဲကို တွေးပြီး ငိုေြွကးကြသည်
မဟုတ်။ ဆင်းရဲဒုက္ခကို ခေါင်းငုံ့ပြီး ခါးစည်းခံနေကြ သည်မဟုတ်။
ဆင်းရဲခြင်းကို လက်နက်သဖွယ်ဆုပ် ကိုင် အသုံးချခဲ့ကြလေသည်။ အကယ်၍
ပေတ ရုနှင့် ယောဟန်တို့၌ ပိုက်ဆံငွေကြေးရှိခဲ့ပါမူ မည်သို့ ဖြစ်မည် နည်း။
သူတောင်းစားကို ပိုက်ဆံတစ်ပြား တစ်ချပ် ပစ်ပေးရုံနှင့် ပြီးကြပေလိမ့်မည်။

        ဤတမန်တော်တို့မှာ ခရစ်တော်ကိုယ်တိုင် ရွေး ချယ်ထားသော
အထူးပုဂ္ဂိုလ်များဖြစ်သောကြောင့် ဥပမာပြုရန် ရှည်ဝေးလှသည်ဟုထင်လျှင် သာမည
အသင်းသားဖြစ်သော သတေဖန်ကို ကြည့်ကြစို့။ သူ သည် လွှတ်တော်၌
စစ်ဆေးခံရသောအခါ တစ်ဖက်မှ နေ၍ လိမ်လည်သက်သေထွက်ဆို ခဲ့ ကြသည်။ သူ့ကို
သေကြောင်း ကြံကြသည်။ သူ့အတွက် အလွန်ခံရ ခက်ပေမည်။ သို့သော် သတေဖန်သည်
ပြစ်မှားသမျှကို ခေါင်းငုံ့ခံနေသည်မဟုတ်။

  တုန့်ပြန်အသုံးပြုတော်မူပြီး
သူ့အပေါ် ကျလာသမျှသော မုသားသက်သေ စကား လုံးတိုင်းသည် အလင်းရောင်သဖွယ်
ဖြစ်လာသည်။ သူ့မျက်နှာကို မြင်ရသော သူတိုင်းက ကောင်းကင် တမန်၏ မျက်နှာကို
မြင်ရကြသည်အလား ထင်ရကြ ၏။ သူ့တစ်ဖက်မှ မတရားသက်သေခံလေလေ သူ့ မျက်နှာမှာ
တောက်ပြောင်လေလေဖြစ်၍ နောက်ဆုံး တွင် ကျောက်ခဲဖြင့် ပစ်သတ်ကြလေသည်။
ထို့အပြင် အသက်မထွက်မီ ပစ်သတ်သောသူတို့အပေါ် ထို
အပြစ်ဒဏ်မသက်ရောက်ပါစေကြောင်း မေတ္တာပို့ ဆုတောင်း ပေးသွားသေး၏။

        ထိုပဌာနာသံကို ရှောလုအမည်ရှိသော သူငယ် တစ်ယောက်သည်ကြားလျှင် နှလုံး၌
လွန်စွာ ထိခိုက်၍ နောက်ဆုံး၌ ဒမာသက်မြို့လမ်းတွင် ကိုယ်တော်ရှင်
ခြေရင်းသို့ အသက်တာကို ပုံ၍ အပ်နှံရ လေသည်။ သူ့ကို ပစ်သမျှကျောက်တို့ကို
မေတ္တာ စကားလုံးနှင့် သာချေပခဲ့သောကြောင့် နောင်တွင် တမန်တော်ဖြစ် လာမည့်
ရှင်ပေါ်လုအား ခရစ်တော်အတွက် သူကယ် ဆယ်ခဲ့လေပြီ။ ဤသို့ဖြင့် သတေဖန်သည်
ရန်ကို ရန် ချင်းမတုန့်နှင်းဘဲ မေတ္တာဖြင့် တုန့်ပြန် ခဲ့သောကြောင့်
လောကဓံတရားကို နိုင်နင်းအောင်မြင်၍ နိုင်ငံတော် ပြန့်ပွားရေးအတွက်
မိမိခံရသော ဆင်းရဲခြင်းကိုပင် အသုံးပြုချေပြီ။

        သတေဖန်ကို ခဲနှင့်ပေါက်သတ်ပြီးနောက် ခရစ် ယာန်တပည့်တော်တို့သည် ဆက်လက်၍
ညှဉ်းပန်းနှိပ် စက်ခြင်းကို ခံကြရလေသည်။ တပည့်တော်တို့သည် အရပ်ရပ်သို့
ထွက်ပြေးတိမ်းရှောင်ကြရသော်လည်း ကွဲလွင့်ကြသောသူတို့သည်
ဧဝံဂေလိတရားတော်ကို ရောက်ရာလေရာ၌ ဟောပြောကြကုန်၏။ သူတို့ကို
ပျက်စီးစေမည့် အကြံအစည်တော်တည်းဟူသော ''ပေ'' ပေါ်၌တင်၍ မတရားသော
အာဏာတန်ခိုး တည်းဟူသော ''တူ'' နှင့်ထုလိုက်သောအခါ ဧဝံဂေလိ တရားမီးလျှံသည်
နေရာအနှံအပြား ထွန်းလင်းပြီးသား ဖြစ်သွားလေသည်။

 ယုံကြည်သူများကိုယ်တိုင်
ထိုသို့ အထုအထောင်ခံရခြင်းကြောင့် သာ၍ရင့်ကျက် သော ခရစ်ယာန်များ
သာ၍စည်းလုံးညီညွတ်သော ယုံကြည် သူများဖြစ်လာကြရလေသည်။ ဘယ်လိုနှိပ် စက်ကြ
မည်နည်းဟူ၍ နှိပ်စက်သူများပင်လျှင် အကြံအိုက် ရချေပြီ။ သို့သော် ''နိပ်'' လေလေ ''ထက်'' လေလေ ရှိကုန်ကြပြီဟူသော ရလာဒ်သာအဖတ်တင် ကျန်ရစ်ခဲ့
လေသည်။ တရားလိုများသာ အဆုံးကြီးရံှုးလျက် တရားခံများမှာမူ၊
အောင်ပွဲခံလျက်ရှိကြလေပြီ။

        ချစ်သောမိတ်ဆွေ၊ ဤသို့သောဖြစ်ရပ်မှာ
ဓမ္မကျမ်းတစ်ခုလုံးပြည့်နှက်လျက်ရှိလေပြီ။ ပေါလုနှင့် သိလတို့ကို
ကြည့်ဦးမည်လော။ ထောင်အတွင်း၌ လက်ထိပ်၊ ခြေထိပ်ခတ်လျက်၊ ကျောကုန်း၌ ဒဏ်ရာ
အလျှိုးလျှိုးဖြင့် သွေးများပင် ယိုစီးလျက်ရှိကြ၏။

        ဘယ်အမှုကိုပြု၍ ဤသို့ဆင်းရဲကို ခံကြရသ နည်း။ ဧဝံဂေလိတရားတော်ကို
ဝေငှခဲ့သောကြောင့် အမြင့်မြတ်ဆုံးသော ဆုကျေးဇူးကို အခြားသူတို့အား
ဝေငှခြင်းကြောင့် ဤသို့ ဒုက္ခဆင်းရဲနှင့် ကြုံကြရသည်။ ထိုသို့သော
ဒုက္ခမျိုးကြုံတွေ့ရသောအခါ သူတို့၏ ကိုး ကွယ်ခြင်းသည်
အချည်းနှီးဖြစ်သွားပြီလော။ ဘုရား သခင်သည် သူတို့ကို မကြည့်ရှုဘဲ
မျက်နှာလွှဲသွား ပြီးလော၊ လောက၌ ဘုရားမရှိ တရားမရှိသော ငါတို့ သည်
ဤသို့ဆင်းရဲခြင်းကို ခံရချေသည်ဟု ထိုင်၍ ညည်းညူ နေကြသလော။
ထိုသို့အလျှင်းမဟုတ်ပါ သန်းခေါင်ယံ၌ ပေါလုနှင့် သီလတို့သည် သီးချင်းဆို
ကြ၏။ သီးချင်းကိုပင် သီဆိုကြလေပြီ။ ဤမျှလောက် မတရားခံနေစဉ် နှလုံးသားထဲမှ
ထွက်လာသော သီ ချင်းသံကို ကြားဖူးပါသလား။

 ကျေးဇူးတော်ကို ချီးမွမ်း သော
သီချင်းသံသည် ကောင်းကင်အထက်ဘုရားရှင် ထံတော်အပါးသို့ ရောက်သွားသောအခါ
ဘုရားသခင် သည် ကြားတော်မူလျှင်မနေသာ၍ အောက်သံဖြစ် သော ငလျှင်နှင့်
စည်းဝါးလိုက်ပေးတော်မူရလေသည်။ မိုးမလင်းမီ ထောင်မှူးနှင့်မိသားစုသည်
ပြောင်းလဲလာ သောကြောင့် ခရစ်ယာန်အသင်းတော်တစ်ပါး၏ အုတ်မြစ်ကို
တည်ဆောက်နိုင်ပေသည်။ထိုအကျဉ်း သား ပေါလုသည်ထောင်ထဲမှ ဖိလိပ္ပိမြို့ရှိ
အသင်း တော်သို့ ရေးလိုက်သော ဩဝါဒစာ၌ ဝမ်းနည်းသံမ ကြားရဘဲ
ကျေးဇူးတော်ချီးမွမ်းခြင်း ပြည့်လျှံလျက်ရှိ လေသည်။ ပေါလုနှင့်သိလသည်
ဒုက္ခဆင်းရဲကို သည်း ခံရုံနေကြသည်မဟုတ်။ ဖယ်ရှောင်၍ နေကြသည် လည်းမဟုတ်
ဆင်းရဲခြင်းကို ဆွဲကိုင်ယူ၍ အသုံး ပြုကြ လေသည်။

        ဓမ္မသစ်ကျမ်းတွင် ဤသို့သော သက်သေသာဓ ကမျိုး အများရှိရာမှ ကျွနု်ပ်တို့
ကိုယ်တိုင်တစ်ခါမဟုတ် တစ်ခါကိုယ်တွေ့ကြုံရကြသောအကြောင်း တစ်ခုကို
ထပ်မံတင်ပြလိုပါသည်။ ဘုရားသခင်ထံဆုတောင်း ခြင်းကို ဂါထာတစ်ခုကဲ့သို့
အသုံးချနေသော ''ဥုံဖွ'' ပျောက်စေဆရာကြီးအား ဤဖြစ်ရပ်မှန်ဖြင့် သတိပေး
လိုပါသည်။ ထို့အပြင် ''ဥုံဖွ'' ပျောက်စေဆရာကြီးများ နောက်သို့
တကောက်ကောက် လိုက်ပါလွယ်သော ယုံကြည်သူ လူသစ်များကိုလည်း သတိပေးနှိုးဆော်
အပ်ပါသည်။

        အကြောင်းမှာ ပေါလုကို နှိမ်နှင်းခြင်းငှာ စာ တန်၏ စေတမန်သဖွယ်
ကိုယ်ခန္ဓာ၌ ဝေဒနာတစ်ခု ရှိကြောင်းသိရသည်။ အမှုတော်ကို ကောင်းမွန်စွာ
ဆောင်ရွက်နိုင်ရန် ဘုရားသခင်သည် ထိုဝေဒနာကို ပျောက်ကင်းအောင်
ကုသပေးသင့်သည်။ ဤရောဂါမှ ပျောက်ကင်းအောင် ပေါလုသည် သုံးကြိမ်တိုင်တိုင်
ဆုတောင်းခဲ့သည်။ သို့သော် ဘုရားသခင်ထံမှရသော အဖြေသည်
အနာငြိမ်းခြင်းမဟုတ်။

 ဘုရားသခင်သည် ဂရုဏာတော်မရှိ။ လစ်လျှူရှုသကဲ့သို့
နေတော်မူ၏။ လူတွေက မတရားညှင်းဆဲသလို ဝေဒနာကလည်း ဖိစီး နှိပ်စက်
ဘုရားသခင်ကလည်း ဂရုမစိုက်ဖြင့် သုံးဌာန ၏ ဖိစီးခြင်းခံရသောအခါ
ပေါလုအနေဖြင့် နှလုံးကြေ ကွဲ စိတ်ပျက်ဝမ်းနည်းရုံသာ ကျန်တော့မည်မဟုတ်
လော။ လူတွက်နည်းဖြင့်တွက်သော် စိတ်ပျက်ခြင်းသို့ သာဆိုက်ပေမည်။

        သို့သော်ထိုသို့မဟုတ် သုံးကြိမ်တိုင်တိုင် ဆု တောင်းသည့် အဆုံး၌ပေါလုအား
ဘုရားသခင်က သင့်ဝေဒနာကို ငါသည် ပပျောက်စေမည်မဟုတ်။ သို့ သော်
ပပျောက်သည်ထက်သာ၍ ကောင်းသော အရာ တစ်ခုကို ငါပေးမည်။ ဤဝေဒနာစွဲနေစဉ်တွင်
သင်၌ အသုံးပြုနိုင်သည် ခွန်အားတန်ခိုးကို ငါပေးမည်။ ငါ၏ကျေးဇူးသည်
သင်အဖို့လုံလောက်ပေ၏။ ခွန်အား နည်းရာ၌ ငါတန်ခိုးသည် စုံလင်သည်ဟု
မိန့်တော် မူ၏။

 ဘုရားသခင်၏ သဘောတော် အလိုတော်ကို ပေါလုသည်
သဘောပေါက်နားလည်သောအခါ ရော ဂါရှိလျက်ပင်ထ၍ ဝမ်းမြောက်ရွှင်လန်းခြင်း
ရှိသည်။ ခရစ်တော်အတွက် အားနည်းခြင်း၊ အနာတရပြုခြင်း၊
ညှင်းပန်းနှိပ်စက်ခြင်း၊ ကျဉ်းကျပ်ခြင်းများကို ငါနှစ် သက်စွာ
နာခံပါမည်ဟု ဝန်ခံလေ၏။ အကြောင်းမူ ကား ငါသည်အားနည်းသောအခါ
တန်ခိုးနှင့်ပြည်စုံ ၏ (၂ကော ၁၂း၇-၁၀)။

        ဤနေရာ၌ ပေါလုသည် ဝေဒနာမှ သက်သာ ပျောက်ကင်းခြင်းကို မတွေ့ရသော်လည်း
ဝေဒနာကို အသုံးပြုနိုင်သည့်သာ၍ မြင့်မြတ်သော အခွင့်ထူးကို တွေ့လေ၏။
        အထက်ပါရှင်ပေါလု၏ ဝေဒနာနှင့် ပတ်သက် ၍ ကိုယ်ခန္ဓာကျန်းမာခြင်းပြဿနာကို
ကျွနု်ပ်တို့တိုက် ရိုက်တွေ့ရကြပြီ။ ဘုရားသခင်သည် လူတို့ကို ရောဂါ ဝေဒနာမှ
ချမ်းသာပေးပုံပေးနည်း အမျိုးမျိုးရှိသည်။ သင့်မြတ်သောနေရာဒေသ၊
တိုင်းရင်းဆေး၊ ဓါတ်စာ၊ ခွဲစိတ်ကုသခြင်း၊ လေ့ကျင့်ခန်းပြုလုပ်ခြင်း
စသည်တို့မှာ လည်း ဘုရားသခင်၏ နည်းလမ်းများပင် ဖြစ်ကြောင်း ဝန်ခံရပေမည်။

သို့သော် ဤသာမညနည်းလမ်းများ ထက် ထူးကဲ၍ ဘုရားသခင်ကိုယ်တိုင်
တိုက်ရိုက်တို့ ထိလျက် ကျန်းမာစေခြင်းမျိုး ဧကန်မုချရှိကြောင်း
ကျွနု်ပ်တို့ယုံကြည်ပါ၏။ ဤတန်ခိုးမျိုးကိုလောကီပညာ ဖြင့် နားမလည်နိုင်။
ဖော်ပြရှင်းလင်း၍လည်း မတတ် နိုင်သော တန်ခိုးကို တွေ့ထိခံစားသူတိုင်း
ဝန်ခံရကြ၏။

        သို့သော် ဤသို့ဘုရားသခင်၏ အနာငြိမ်းစေ ခြင်းသည်ရှိငြားသော်လည်း
ဘုရားသခင်သည် အမြဲ မပြတ်သုံးတော်မမူကြောင်းကို မှတ်သားရပေမည်။
ဘုရားသခင်ထံမှ တိုက်ရိုက်တို့ထိပြီး အနာငြိမ်းခြင်းမရ သောအခါများ၌
ကျွနု်ပ်တို့၌ ယုံကြည်တရားပျက်ကြရ လေသည်။ ဘုရားသခင်သည်အခါမရွေး တန်ခိုးပြ
လျက် ကုသပေးသည်ဟု မိတ်ဆွေယုံကြည်ခဲ့ပါမူ အနာ မငြိမ်းသောအခါ ဘုရားသခင်အပေါ်
ထင်ယောင် ထင်မှားဖြစ်လာပေလိမ့်မည်။ ထို့ကြောင့် သမ္မာတရား ကို
သိထားဖို့လိုအပ်လေပြီ။

        အမှန်စင်စစ်၊ ဘုရားသခင်သည် တစ်ခါတစ်ရံ တိုက်ရိုက်အနာငြိမ်းစေပြီဟု
ကုသပေးတော်မူ၏။ တစ် ခါတစ်ရံမှာ တိုက်ရိုက်အနာငြိမ်းခြင်းမပြုဘဲနေတော်မူ
၏။ ထိုသို့အနာငြိမ်းခြင်းမပြုလုပ်သောအခါ ထိုထက် သာ၍ အကျိုးကြီးသော
ကျေးဇူးတော် တစ်စုံတစ်ရာ ကို ပေးသနားတော်မူလိုသောကြောင့်ဖြစ်၏။ ဤသမ္မာ
တရားကိုသိထားပါက ဝေဒနာတစ်စုံတစ်ခုမှ ချမ်းသာ မရသောအခါ ဘုရားသခင်အပေါ်
သံသယစိတ်မဝင် နိုင်ပါ။

 အဘယ့်ကြောင့်ဆိုသော် အသက်ကိုပင် မ နှမြောဘဲ
ပေးခဲ့သောဘုရားမေတ္တာကို စိတ်ချယုံကြည် နိုင်သောကြောင့်ဖြစ်လေသည်။
တစ်ခါတစ်ရံ ဘုရား သခင်သည် ခန္ဓာကျန်းမာခြင်းထက် ဝိညာဉ်ပါရမီနှင့်
ပြည့်ဝလျက် ရင့်ကျက်စေလိုသောအခါ ရောဂါဝေဒနာ မှ ကုသပေးခြင်းမပြုသော်လည်း
သာ၍အကျိုးကြီး သော ဆုကျေးဇူးကို ငါတို့အတွက် ပြင်ဆင်တော်မူ၏။ ထို့ကြောင့်
တမန်တော်ပေါလုက အားနည်းသည့် အ ရာမှာ ခွန်အားနှင့်ပြည့်စုံ၏ဟူ၍
ကျေနပ်နှစ်သက်စွာ သူ့ဝေဒနာကို ဝန်ခံခဲ့လေသည်။

        ထို့ကြောင့် ယုံကြည်သူတိုင်း သတိချပ်ရမည့် အရာတစ်ခုမှာ ဘုရားသခင်သည်
မိတ်ဆွေ၏ ရောဂါ ကို တိုက်ရိုက်တို့ထိပြီး တန်ခိုးတော်ဖြင့် အနာငြိမ်းစေ
နိုင်ပါ၏။ ထိုသို့ အနာငြိမ်းခြင်းကို မပေးခဲ့လျှင် ထိုဝေဒ နာကို
အကျိုးရှိအောင် အသုံးပြုနိုင်သည့် တန်ခိုးကို ပေးလိမ့်မည်။

        ရွှေလင်းယုန်ငှက်ကို ကြည့်ပါ။ မုန်တိုင်းတိုက် ခတ်သောအခါ အတောင်ကိုဖြန့်၍
မုန်တိုင်းအရှိန်ကို ပင်အားပြုလျက်၊ မုန်တိုင်းအထက် လေပြေလေညှင်း
ရှိရာအရပ်သို့ တက်သွားလေ့ရှိ၏။ ထို့အတူ ငါတို့ခရစ် ယာန်များသည်လည်း
ဤဆင်းရဲခြင်းအပေါင်း၏ အ ဟုန်ကိုပင် အားပြု၍ မြင့်မြတ်ရာသို့တက်၍ ဝိညာဉ်
ခွန်အားကို ရရှိနိုင်ကြလေသည်။ ဤသည်သာလျှင် စစ်မှန်သော
လောကကိုအောင်နည်းဖြစ်သတည်း။

        ဘုရားသခင်၏ သားဖြစ်သော မည်သည် ကား လောကကို အောင်တတ်၏။ လောကကို
အောင်ခြင်းအကြောင်းမူကား။ ငါတို့၏ ယုံကြည်ခြင်း ပေတည်း (၁ယော ၅း၄)

ခရစ်တော်၏ မေတ္တာ၌
       (ဇေန)

Wednesday, 4 May 2016

မိခင်များနေ့

ယနေ့မျက်မှောက်ခောတ်တွင် ကမ်ဘာနှင့်အ၀ှမ်း
 တစ်လေးတစ်စားဖြင့် ကျင်းပပြုလုပ်လေ့ရှိသော
 မိခင်များနေ့သည် ဘာသာရေးသမိုင်းကြောင်း
တွင်၄င်း ဘာသာရေးသွန်သင်ချက်များတွင်၄င်း
အခြေပြုအစတည်ခဲ့ခြင်းမဟုတ်ကြပါ။ မိခင်များ
အား လေးစားသမှုပြုလျှက် ဂုဏ်ပြုရန် သားသ
မီးတို့ စိတ်အတွင်း၀ယ် နက်ရှိုင်းစွာအမြစ်တွယ်
နေသော်လည်း အကောင်အထည်အနေဖြင့်
သမိုင်းတွင်မရှိခဲ့ပါ။ သို့သော်လည်း မိခင်အတွက်ဘ၀ကို
နှစ်မြှပ် ပုံအောနှစ်မြှပ်ပြီး၊ မိခင်အားအလေးပေးသည့် သမီးလိမ္မာတစ်ဦးသည် မိခင်မရှိတော့သည့် နောက်တွင် မိခင်အားလေးစား ချစ်မြတ်နိုးကြောင်း သက်သေ ပြုရန် အာသီသပြင်းပြသောစိတ်မှ ကမ်ဘာသုံးပြက္ခဒိန်တွင် နေရာတစ်ခုအခြေအမြစ်တည်ရန် အစပျိုးခဲ့ခြင်းဖြစ်သည်။

မိခင်များနေ့သမိုင်းကြောင်း
ကနဦးအသင်းတော်တွင် ဘာသာရေးတွင်စတင်ပြီး မိခင်များကို အမှတ်ရဂုဏ်ပြုခြင်းများ ရှိခဲ့သည်ဟု ဆိုကြသော်လည်း အများစုမှ အမေရိကန် ကျောင်းဆရာမ တစ်ဦးဖြစ်သည့် အန္နဂျာဗစ်မှ မေလဒုတိယအပါတ်တွင် မိခင်များနေ့ကို တရား၀င်အသိအမှတ်ပြုရန် စေ့ဆော်အစပြုခဲ့သည်ဟု လက်ခံ ယုံကြည်ထားကြသည်။

လူတိုင်း၏ဘ၀တွင် လုံး၀မမေ့နိုင်သောရက်များရှိကြပါသည်။ အချို့က ကြည်နူးစရာများဖြင့်ပြည့်နှက်နေသည့် နေ့တစ်နေ့ဖြစ်ကောင်း ဖြစ်မည်။ အချို့က အတိဒုက္ခဖြင့် ပြည့်နှက်နေသည့် နေ့တစ်နေ့ဖြစ်ကောင်းဖြစ်မည် စသည်ဖြင့့်သာ ကွာခြားနေပါလိမ့်မည်။ ထိုနေ့ရက်တို့သည် မေတ္တာတရားနှင့် ကျေးဇူးတရားကို အရင်းခံဖြစ်တည်လာပြီး စံပြုထိုက်သောသူများထဲမှ မိခင်တို့သည် ရင်ဆိုင်ကြုံတွေ့ရသည့် အခက်အခဲအတားအဆီးများကြားထဲမှ မိခင်၏ ၀တ္တရားနှင့်အညီ သားသမီးများအပေါ် ကြီးမားသောမေတ္တာစိတ်ဖြင့် ပေးဆပ်ခဲ့ကြသည်။

အန္နဂျာဗစ်သည် ၁၈၆၄ ခုနှစ်တွင် မွေးဖွားခဲ့ပြီး၊ မွေးချင်းညီအစ်မနှစ်ယောက်တွင် သမီးဦးလည်းဖြစ်သည်။ သမီးများအပေါ်တွင် လျှစ်လျူရှု တတ်သော ဖခင်ကြီးကြောင့် သူမသည်မိခင်နှင့်သာ၍ ရင်းနှီးခွင့်ရခဲ့သည်။ ခက်ခဲသည့်အခြေအနေတွင်မိခင်နှင့် အိမ်ကိုပစ်၍ အေ၀းသို့ထွက်မသွား နိုင်အောင် သူ့အတွက် မိခင်အပေါ်တွင် စာနာသနားမိသည်။ သို့သော် ထိုသို့သော အခြေအနေတွင် သူ့အပူမီးကို မိခင်ဖြစ်သူမသိရှိစေဘဲနှင့် ကြိတ်မှိတ်ခံစားကာ အတန်းပညာကို လေ့လာဆည်းပူးခြင်းဖြင့် အဆုံးတွင် ဆရာဖြစ်သင်တန်း ကို အောင်မြင်ခဲ့သည်။ ဆရာဖြစ်သင်တန်း အာင်မြင်ပြီးနောက် နေရပ်ဌာနေသို့ပြန်လာ၍ ဌာနေတွင် ကျောင်းဆရာမအဖြစ် လုပ်ကိုင်ခဲ့သည်။

အန္နဂျာဗစ်အကြောင်းကို အသေးစိပ်ကျွန်ုပ်တို့ မသိနိုင်သော်လည်း၊ သူမဘ၀တွင် ရုန်းကန်နေရခြင်း၊ မိခင်အပေါ်ထားရှိသည့် စာနာစိတ်ကြောင့် အိမ်ထောင်ရေးကိုပင် ဦးစားပေးခြင်းငှါ တွေးတောရန် အချိန်မပေးနိုင်ခဲ့သူဖြစ်ကြောင်း အစဉ်အလာများအရ သိရသည်။ ထိုမျှမက သူ့ဘ၀တွင် အိမ်ထောင်ပြုခြင်းမရှိဘဲ နောက်ဆုံးထွက်သက်အထိ အပျိုကြီးဘ၀ဖြင့် အရိုးထုတ်တော့မည်ဟု ခိုင်မာသည့် သန္နိဌာန်ကိုလည်း ချမှတ်ခဲ့သည်။

အသက် ၃၈ နှစ်သို့ ရောက်သောအခါတွင် သူ့ဖခင်ဆုံးပါးသွားခဲ့သည်။ ၁၉၀၂ ခုနှစ်တွင် ဖခင်ဆုံးပါးသွားပြီးနောက် အန္နဂျာဗစ်တို့သည် အရပ် တစ်ပါးသို့ပြောင်းရွှေ့ခဲ့ကြရပြီး၊ မေလ၊ ၉ရက်၊ ၁၉၀၅ ခုနှစ်တွင် မိခင်ကြီးဆုံးပါးသွားခဲ့သည့်အတွက် သူ့အတွက် သောကပူဆွေးခြင်းများနှင့်အတူ ဖြေမ ဆည်နိုင်ဖြစ်ခဲ့သည်။ မိခင်ကြီးအတွက် အကောင်းဆုံးကျေွးမွေး၊ ထောက်မကာ သမီး၀တ္တရားကျေပွန်ခဲ့သော်လည်း ဆန္ဒရှိသလောက် မိခင်အပေါ်တွင် ကောင်းစွာ တာ၀န်ကျေပွန်ခဲ့သော သမီးမဟုတ်ခဲ့ခြင်းများအတွက် ယူကျူံးမရဖြစ်ခဲ့သည်။

အန္နဂျာဗစ်သည် ရက်သတ္တပါတ်ပေါင်းများစွာ မိခင်ဆုံးပါးမှုအတွက် ယူကျူံးမရ တစ်ကိုယ်တည်းနေထိုင်ခဲ့သည်။ မိမိကိုယ်ကိုမိမိလည်း မဖြေသိမ့် နိုင်၊ အပြစ်တင်ခံစားမှုများနှင့်အတူ အထီးကျန်စွာနေထိုင်ခဲ့သည်။ ပြန်ဖြစ်မလာနိုင်တော့သော်လည်း မိခင်ကြီးနှင့်အတူ ကုန်ဆုံးခဲ့သော နေ့ရက်များကို ပြန်လည်အမှတ်ရ အောက်မေ့နေခဲ့သည်။

နေ့ကိုရက်စား၊ ရက်ကိုလစားဖြစ်လာသည့်တိုင်၊ သူ့အနေဖြင့် ခံစားနေမြဲဖြစ်သည်။ မိခင်ကြီးဆုံးပါးသွားသည့်နောက် နှစ်နှစ်မြောက်သော အခါတွင် အန္နဂျာဗစ်စိတ်တွင် အတွေးတစ်ခုရရှိလာခဲ့သည်။ ၁၉၀၇ ခုနှစ်၊ မေ၊ ဒုတိယပါတ်သည် မိခင်ကြီးဆုံးပါးခြင်းအတွက် နှစ်နှစ်ပြည့်ဖြစ်နေသည်။ ထို့အတွက် အပေါင်းအသင်းများကို သူ့စိတ်ကူးကို မျှေ၀ခြင်းဖြင့် ' မိခင်များနေ့ ' ကိုအစပြုရာမှ နှစ်စဉ် တစ်ကမ်ဘာလုံး မိခင်များကိုဂုဏ်ပြုရာနေ့ စတင်ခဲ့ သည်။

 အပေါင်းအသင်းများကလည်း သူ့ဆန္ဒကို သဘောတူလက်ခံကြပြီး၊ အတူအကွပူးပေါင်းဆောင်ရွက်ခြင်းဖြင့် အကောင်အထည်ဖော်ကြရန် ဆုံးဖြတ် သဘောတူခဲ့ကြသည်။ ထိုစိတ်ကူးအား ဖခင်များနှင့် ကလေး၊ လူကြီးများပါမကျန် နှစ်ထောင်းအားရ ၀မ်းမြောက်ခဲ့ကြရသည်။

ထို့နောက်အန္နဂျာဗစ်သည် ငွေကြေးအားဖြင့် ကူညီပေးမည်ဟု ဆိုခဲ့သော မိတ်ဆွေကုန်သည် ဂျွန်၀ဏ္ဏမိက္ကာအား သွားရောက်ကာတွေ့ဆုံ ခဲ့သည်။ ထိုနှစ်တွင် မိခင်ဖြစ်သူ အနှစ်နှစ်ဆယ်လုံးလုံး သင်ကြားပေးခဲ့သော မက်သဒစ် အသင်းတော်ရှိ ကလေးဥပုဒ်စာဖြေဌာနသို့ သူ့စိတ်ကူးအား ရေးသားပေးပို့ခဲ့သည်။ ' မိခင်ဖြစ်သူအား ဂုဏ်ပြုခြင်း သက်သက်သာမဟုတ်၊ မိခင်များအား ဂုဏ်ပြုရာလည်းမည်ပါသည် ' ဟူသောစကားချပ်ကိုလည်း ထည့်သွင်းပေးပို့ခဲ့သည်။

ပထမဦးဆုံးမိခင်များနေ့ကျင်းပခြင်း
ပေးစာအားဖြင့် ဥပုဒ်စာဖြေဌာနမှလည်း လွန်စွာနှစ်ထောင်းအားရဖြစ်ကာ လက်ခံခဲ့ပြီး၊ ၁၉၀၈ ခုနှစ်၊ မေ၊ ဒုတိယအပါတ်တွင် မိခင်များနေ့အဖြစ် ကလေးပေါင်း ၄၀၀ ဖြင့်မိခင်များအား အောင်မြင်စွာဂုဏ်ပြုခဲ့ကြသည်။ ထိုနေ့၌ သင်းအုပ်ဆရာမှလည်း ရှင်ယောဟန်၊ ၁၉း ၂၆-၂၇ ကိုအခြေပြုကာ မိခင် များအကြောင်းကို ဟောပြောခဲ့သည်။ ၀တ်ပြုကိုးကွယ်ခြင်းပြီးဆုံးသော အခါတွင် အန္နသည် အသင်းတော်ရှိမိခင်များအား လက်ဆောင်များကို ကလေး များနှင့် အတူပေးကာ သူ့မိခင်နှစ်သက်သော ဇော်မွှားပန်းကိုပေးခဲ့သည်။ ထိုဓလေ့သည် ယနေ့တိုင်အောင် မိခင်များနေ့တွင် ဇော်မွှားပန်းက သက်သေပြု နေပါသည်။

ဇော်မွှားပန်းသည် ညိုးနွမ်းသွားသည့်တိုင် ပုံမပျက်လှပနေခြင်းက အရွယ်မည်သို့ပင်ပြောင်းပြောင်း သားသမီးများအတွက် တည်ကြည်တည်မြဲခြင်း ရှိနေသော မိခင်မေတ္တာကို ကိုယ်စားပြုခြင်းအသွင်ကို ဖော်ကျူးခဲ့သည်။

မေလ၊ ဒုတိယအပတ်ကို မိခင်များနေ့အဖြစ် ဂုဏ်ပြုခြင်းတွင် အောင်မြင်စွာ ပြုလုပ်ခဲ့သည့်တိုင်၊ အန္နသည် ထိုမျှနှင့် မကျေနပ်နိုင်ခဲ့၊ မိခင်များနေ့ ကို အသင်းတော်တွင်သာမက တကမ်ဘာလုံးတွင် ရှိနေစေချင်သည်။ ပြုလုပ်ကျင်းပစေချင်သည်။ ထို့အတွက်ကြောင့်လည်း မိခင်များနေ့ကို တစ်ကမ်ဘာလုံး အတိုင်းအတာဖြင့် ပြုလုပ်နိုင်ရန် ပေးစာပေါင်း ၁၀၀၀၀ တိတိကို အမေရိကန်တစ်နှံတစ်လျား ရေးသားပေးပို့ခဲ့သည်။

အန္နသည် အစိုးရမင်းများ၊ လွှတ်တော်အမတ်များ၊ သတင်းနှင့် စာနယ်ဇင်းမှ အယ်ဒီတာများ၊ အရပ်ဖက်များ၊ လုပ်ငန်းရှင်များ၊ အမှုတော်ဆောင် များစသည်ဖြင့် အတတ်နို်င်ဆုံး လက်လှမ်းမှီသမျှ မိခင်များနေ့ ဖြစ်မြောက်ရေးကို ရင်ဖွင့်တိုင်ပင် ပြောဆိုလေ့ရှိသည်။ ထိုသို့ပြုခဲ့ခြင်းတို့သည် အချည်းနှီး မဖြစ်ခဲ့။ ထို့အတွက်ကြောင့်လည်း လူတိုင်းနှလုံးသားတွင် အမြစ်စွဲသွားပြီး ဖြစ်သည့်အတွက် သတင်း၊ ဂျာနယ်၊ မဂ္ဂဇင်း၊ တရားပလ္လင်၊ ဟောပြောပွဲ၊ စင်မြင့်တို့တွင် သူ့ကိုယ်စား မိခင်များနေ့ကို ရေးသားဟောပြော ဖေါ်ပြလာခဲ့ကြသည်။

မိခင်များနေ့သည် တရား၀င်မဟုတ်သည့်တိုင်အောင် မြု့ိရွာ၊ ဇနပုဒ်၊ " လှည်းနေလှေအောင် မြင်းစောင်းမကျန် " ကျင်းပခဲ့ကြသည်။ အန္နဂျာဗစ်၏ ကြိုးစားအားထုတ်မှုအရ နောက်ဆုံးတွင် အမေရိကန်ဆီးနိတ်လွှတ်တော်မှ မေလ၊ ဒုတိယအပါတ်ကို မိခင်များနေ့အဖြစ် သမ္မတကြီး ၀ုဒ်ရိုး၀ီလ်ဆန်မှ ၁၉၁၄ ခုနှစ်၊ မေလ ၈ရက်နေ့တွင် မေလ၊ ဒုတိယပါတ်ကို မိခင်များနေ့အဖြစ် ကျင်းပကြရန် လက်မှတ်ရေးထိုး အတည်ပြုပေးခဲ့သည်။ အမေရိကန် သမ္မတ၏ အတည်ပြုချက်ရပြီးနောက် နိုင်ငံတိုင်းအားလုံးနီးပါးက မိခင်များနေ့ကို ကျင်းပခဲ့ကြသည်။

လက်ရှိအချိန်တွင် အမေရိကန်၌ မိခင်များနေ့အတွက် သန်းပေါင်းများစွာသော ဇော်မွှားပန်းများ၀ယ်ယူခြင်း၊ မိခင်များနေ့ကဒ်များကို ၀ယ်ယူခြင်း သည်အခြားသော ပွဲလမ်းသဘင်များထက် အမြင့်ဆုံးသောစံချိန်တွင် ရှိနေပါသည်။ မိခင်များနေ့ကို သမိုင်းစာမျက်နှာတွင် တင့်တယ်စွာတင်ပေးခဲ့သော အန္နသည် မိခင်များအတွက် လှပစွာရေးချယ်ခဲ့သော်လည်း သူ့ဘ၀နေ၀င်ရီအချိန်ကား မလှပခဲ့ပါ။

စီးပွားရေးလုပ်ငန်းရှင်များက မိခင်များနေ့ကို အကြောင်းပြုပြီး အမြတ်ထုတ်မှုကို တရားရင်ဆိုင်ကြရာ တရာရုံးတွင်ရံှုးနိမ့်ခဲ့ပြီး၊ အိမ်ယာပင်လက် လွတ်ခဲ့ရသည်။ ထိုမျှမက ညီမဖြစ်သူ အယ်စီနိုသည် ကျန်းမာရေးမကောင်းရာမှ၊ အမြင်ကွယ်ခဲ့ရသဖြင့် မိခင်ကြီးမရှိသည့်နောက်ပိုင်းတွင် မိခင်ကြီးကိုယ် စား ညီမငယ်ကို ကြည့်ရှုပြုစုခြင်းဖြင့် သူ့နောက်ဆုံးဘ၀ကို ပေးဆပ်ခြင်းဖြင့် အသက်ရှင်နေထိုင်ခဲ့သည်။

ညီမဆုံးသွားသည့်နောက်တွင် အန္နသည် လွန်စွာအခက်တွေ့ပြီး၊ အထီးကျန်ဆန်ခဲ့သည်။ မိမိဘ၀တွင် တစ်ပါးသူကိုအပူမပေးလိုသော်လည်း အန္န ၏ နောက်ဆုံးကျန်ရှိခဲ့သော လေးနှစ်တာကာလသည် လူထု၏ စောင့်မကြည့်ရှုမှုကို လက်ခံနေထိုင်ခဲ့ရသည်။

အန္နအဖြစ်ကို သိရှိသွားကြသော သူငယ်ချင်းမိတ်ဆွေများက သနားကရုဏာသက်ကာ သူ့နောက်ဆုံးအချိန်ကာလတွင် လိုလေသေးမရှိအောင် အစစရာရာ ထောက်မကူညီပေးခဲ့ကြသည်။ ကျန်းမာရေးလည်း သိသိသာသာ ဆိုးဝါးလာရာမှ အကြားအာရုံကင်းမဲ့လာပြီး၊ အမြင်အာရုံလည်း မြင်သည်ဆိုရုံမျှသာ ဖြစ်လာခဲ့သည်။ လောကတွင် ကျေးဇူးရှင်ဖြစ်သော မိခင်ကို တစ်ကမ်ဘာလုံး အတူတကွ ကြည်နူးစွာဖြင့် ဂုဏ်ပြုကြရန်၊ မိခင်မေတ္တာ တရားကို ဖေါ်ကျူးနိုင်ရန် အပျော်များကို ယူဆောင်လာပေးခဲ့သော အန္နသည် ကိုယ်ကျိုးမငဲ့ရှာဘဲ အသက်ရှင်နေထိုင်ခဲ့ပြီး ၁၉၄၈ ခုနှစ်တွင် အသက် ၈၄နှစ်မျှ အသက်ရှင်ခဲ့ရသည်။

ကျွနု်ပ်တို့ဖြစ်စေချင်သည့်အတိုင်း အန္နသည် ဘ၀နိဂုံးအဆုံးသတ် မလှခဲ့နိုင်ရှာသော်လည်း မိခင်အတွက် ဘ၀ကိုအနစ်နာခံခဲ့သူ၊ တစ်ကမ်ဘာလုံးရှိ မိခင်များကို ဂုဏ်ပြုရန် လမ်းဖွင့်စွမ်းဆောင်ပေးခဲ့သော အန္နအား ကျေးဇူးတင်ရပေမည်။ ထို့ကြောင့် မိခင်ကိုပေးသော ဘုရားသခင်နှင့် မိခင်များနေ့ကို ဖြစ်ပေါ်စေရန် စွမ်းဆောင်ခဲ့သော အန္နအား အမှန်တကယ် ကျေးဇူးတင်ပါက မိခင်၏ ကျေးဇူးတရားကို စိတ်တွင်သာမဟုတ် လက်တွေ့ ကျေးဇူးတင် ကြောင်းပြသရန် တကမ်ဘာလုံးက အညီအညွတ် ထောက်ခံနေပါသည်။