Wednesday, 20 April 2016

နိုင်ငံတော်၏အမွေအနှစ်

လောကကြီးတွင် ဘုရားသခင်၏ အကြောင်း
ကိုသာသိပြီး ဘုရားသခင်နှင့် ပုဂ္ဂိုလ်ချင်းထိ
တွေ့မှုမရှိသေးသူများရှိသလို ဘုရားသခင်ကို
သိရှိယုံကြည်၍ ဘုရားသခင်၏သားသမီးဖြစ်
ပြီးမှ အဖ၏အိမ်ထောင်နှင့်စည်းစိမ်ကိုစွန့်ခွာ
ပြီးလောကထဲသို့ ထွက် သွားမိခြင်းကြောင့်
ဘုရားသခင်ထံမှခံစားရမည့်ကောင်းချီး
မင်္ဂလာ ကမျိုးစုံကို လက်လွှတ်ဆုံးရှုံး ရသူများ လည်းရှိပေသည်။ သို့သော်
အခြားတစ်ဘက်က ဘုရားသခင်၏မေတ္တာဖြင့် ပြင်ဆင်ထားသောနိုင်ငံတော်၏ နက်နဲမှုနှင့်ကြီးမားသော အကျိုးရလဒ် ကိုသိရှိရပြီး လက်တွေ့ခံစားကြရသောလူနည်းစုလေးလည်းရှိပါသည်။

ဒုက္ခသစ္စာ
ဘုရားသခင်ကိုမသိရှိသေးသော လောကသားများသာလျှင် ဒုက္ခပြဿနာနှင့် ကြုံတွေ့ကြသည်မဟုတ်ပါ။ ဘုရားသခင်ကို ယုံကြည်ကြသောသားသမီးများလည်း ဒုက္ခပြဿနာနှင့် ကြုံတွေ့ကြတတ်ပါသည်(ဟေဗြဲ၊ ၁ဝး၃၂)။ သို့သော် ဒုက္ခရောက်ရသည့် အကြောင်းရင်းချင်းမတူကြပါ။ ပထမအကြောင်းအရင်းမှာ ဘုရားသခင်၏စကားကိုနားမထောင်၊ အလိုတော်လမ်းသို့မလိုက်ခြင်း ကြောင့်ဒုက္ခပြဿနာ ကြုံရခြင်းဖြစ်သည်။ ထိုမှားယွင်းသောလမ်းမှနောင်တရ၍ ဘုရားသခင် ဘက်သို့ပြန်လှည့်လာရန် ဘုရားသခင်ကပြန်ဆင်ခြင်ဖြစ်သည်။

 နောက်အကြောင်းအရင်းတစ်ခုမှာ ဘုရားသခင်၏ သားသမီးဖြစ်ပြီးမှ ဒုက္ခနှင့်အခက်အခဲ ပြဿနာကြုံတွေ့ရသူများမှာမူ ဘုရားသခင်၏ကောင်းမြတ်ခြင်း၊ သက်သေကို လောကဓံတရားနှင့် ဒုက္ခများကြားမှခံစားနိုင်ဖို့ရန် ဖြစ်ပေသည်။ ဘုရားသခင်၏နာမကြောင့်အခက်အခဲ ပြဿနာနှင့်ကြုံ တွေ့ရခြင်းသည် အမင်္ဂလာမဟုတ်ဘဲ မင်္ဂလာသာဖြစ်သည်။ ထိုဒုက္ခများကြားတွင် ဘုရားသခင်၏သစ္စာ တရားကိုနားလည် ဖို့ရန်အတွက်ဖြစ်ပေသည်။

သတို့သမီးဆယ်ဦး
(မဿဲ၊ ၂၅)တွင် သတို့သမီးဆယ်ဦးအကြောင်းဖေါ်ပြထားပသါည်။ ငါးဦးမှာပညာရှိဖြစ်ကြပြီး၊ ကျန်ငါးဦးမှာလူမိုက်ဖြစ် ကြသည်။ ‚င်းတို့အားလုံးသည် မီးခွက်များကိုကိုယ်စီယူကြသော်လည်း ပညာရှိသော သတို့သမီးငါးဦးက မီးခွက်အပြင်ဆီဘူးကို လည်းယူပါသည်။ မိုက်သောသတို့သမီးများက ဆီဘူးကိုမယူကြပါ။ သန်းခေါင်ယံ၌ သတို့သား လာသောအခါ သူတို့အားမီးခွက် များကို ကိုယ်စီထွန်းညှိကြပါသည်။ ဆီးဘူးမယူလာသောသတို့သမီးများ၏မီးခွက်သည် ခေတ္တသာထွန်းတောက်ပြီး မီးသေသွားပါ သည်၊ ဤပုံပမာထဲမှဆီသည် ခရစ်ယာန်အသက်တာအတွက် လွန်စွာအရေးကြီး သော ဝိညာဉ်တော်ကိုပုံဆောင်ပါသည်။

ယနေ့မိရိုးဖလာအရ ဓမ္မအမွေကိုခံစားကာ ခရစ်ယာန်ဖြစ်လာကြသူများစွာရှိကြရာ၌ အသက်တာ တွင်ဝိညာဉ်တော်ကို မခံစား၊ နားမလည်သူများစွာရှိပါသည်။ ထိုသက်သေကိုခံစားရန်မှာ မိမိသည်အပြစ်သားဖြစ်ကြောင်း ရှေးဦးစွာသိမြင်ဝန်ခံဖို့လို ပါသည်။ ထို့ပြင် အပြစ်ကြောင့်အပါယ်၌ ထာဝရပြစ်ဒဏ်ခံစားရမည်ကိုသိရှိ၍ ကြောက်ရွံ့သော စိတ်ဖြင့် သခင်ခရစ်တော်မှတစ်ပါး အခြားသောကယ်တင်ရှင်မရှိကြောင်းသိမြင်ဝန်ခံလျက် မိမိ၏နှလုံးသားအတွင်း သို့ခေါ်ဖိတ်လက်ခံပြီး နေရာပေးမည်ဆိုပါက သန့်ရှင်းသောဝိညာဉ်တော်၏သက်သေကို နှလုံးသားအတွင်း၌ ခံစားရသည် သာမက တမလွန်အရေးအတွက်လည်း စိတ်အေးချမ်းသာမှုကိုခံစားရပေမည်။

နာမတော်ကိုရိုသေပါ
ဘုရားသခင်၏သားသမီးတစ်ဦးအနေနှင့ ဝိညာဉ်တော်၏သက်သေကို နှလုံးသားအတွင်းခံစားရပြီးနောက် အရေးကြီး သည့်အရာတစ်ခုမှာ နာမတော်မြတ်ကို ကြောက်ရွံ့သောသဘောဖြင့် ဘုရားရှင်အားရိုသေလေးမြတ်ဖို့လိုပါသည်။ ဘုရားရှင်သည်ကြီးမြတ်သောအရှင၊ တန်ခိုးအနန္တနှင့်ပြည့်စုံသောအရှင်ဖြစ်ပါသည်။ ကြောက်ရွံ့သည်ဟုဆိုရာ၌ ဘုရားသခင်က အပြစ်ပေးဒဏ်ခတ်မည်ကို ကြောက်ရွ့ံရန်မဟုတ်ပါ။

 ကျွနု်ပ်တို့၏အားနည်းမှားယွင်းမှုကြောင့် ကိုယ်တော်ရှင် ဝမ်းနည်းမည်ကိုကြောက်ရွံ့ပါ။ ဘုရားသခင်၏ကောင်းမြတ်ခြင်းများကိုမချီးမွမ်းမိဘဲ ကျန်သွားမည်ကိုကြောက်ရွံ့ပါ။ နာမတော် ထိပါးမည်ကိုကြောက်ရွံ့ပါ။ ဘုရားရှင်သည်ကြောက်ရွံ့ရိုိသေထိုက်သောဘုရားရှင်ဖြစ်၍ နှလုံးသားအတွင်းမှ ကြောက်ရွံ့သော သဘောဖြင့် ရိုသေလေးမြတ်ဖို့သတိပြုပါ။ ဘုရားရှင်၏ကောင်းမြတ်ခြင်းကိုချီးမွမ်းဖို့ အကြွေးမတင်မိ ရန်သတိပြုပါ။

ကောင်းကင်ဘဏ္႑ာဆည်းပူးပါ
နှုတ်ကပတ်တော်၌ ကျွနု်ပ်တို့၏စိတ်နှလုံးသည် ကျွနု်ပ်တို့၏ ဥစ္စာဘဏ္႑ာရှိသောနေရာ၌ ရောက်နေကြောင်းသတိပေးပါ သည်။ အချို့သူများသည် လောကတွင်ငွေကြေးဘဏ္႑ာများစွာစုဆောင်၍ ကြွယ်ဝလာသည့်အခါ ထိုအရာများကိုအမှီပြုကိုးစား ပြီးအသက်ရှင် မိကြပါသည်။ လောကီဥစ္စာ ဘဏ္႑ာများသည် ပျောက်ပျက်သွားနိုင်ကြောင်း၊ စစ်မှန်သောအာမခံချက်ကို မပေးနိုင်ကြောင်း သမ္မာကျမ်းစာကသွန်သင်ထားပါသည်။ ထို့ကြောင့် ကျွနု်ပ်တို့ယုံကြည်သူများအနေနှင့် တစ်ခဏတာခံစားရ မည့်ကောင်းကောင်းဘဏ္႑ာကိုဆည်းပူးသိုမှီးထားကြရန် ဘုရားသခင်အလိုတော်ရှိပါသည်။

ကောင်းကင်အကျိုးရလဒ်ကိုမျှော်၍ ဘဏ္႑ာစုဆောင်းတတ်သူများမှာ ပေးကမ်းစွန့်ကြဲ တတ်သောသူများဖြစ်ကြသည်။ မိမိ၏လိုအပ်ချက်နှင့်အတ္တကိုရှေ့တန်းမတင်ဘဲ အခြားသူများ၏လိုအပ်မှုကိုကြည့်ရှုသိမြင်ကာ ပါဝင်တတ်သူများမှာ ကောင်းကင် ဘဏ္႑ာကိုစုဆောင်းတတ်သူများဖြစ်ကြပေသည်။ နိုင်ငံတော်နှင့် ဖြောင့်မတ်ခြင်းတရားအတွက်ဦးစားထား၍ ရှာဖွေအသက်ရှင်သူ များကို လောကအသက်ရှင်စဉ်သုံးဆောင်ရန်လိုအပ်သည့် အရာများကိုပေးမည်ဟု ဘုရားရှင်ကတိပြုထားပါသည်။

နိုင်ငံတော်အမွေ
လောက၌ အသက်ရှင်စဉ်ဘုရားသခင်၏နိုင်ငံတော်ထဲကျင်လည်အသက်ရှင်သောအသက်တာသည် လွန်စွာထူးကဲ ကောငး်မြတ်လှပါသည်။ (ရော၊ ၅)တွင် တမန်တော်ကြီးက ဒုက္ခဆင်းရဲထဲ၌ ဝမ်းမြောက်ကြောင်းပြောပါသည်။ သဘာဝလောကီ သားတစ်ဦးအနေနှင့် ဒုက္ခဆင်းရဲကြုံတွေ့ပါရက ဝမ်းမြောက်နိုင်မည်မဟုတ်ပါ။ ညည်းညူးမြည်တမ်းနေမည်သာဖြစ်သည်။ ဒုက္ခဆင်း ရဲထဲ၌ဝမ်းမြောက်နိုင်ခြင်း၊ ဝါကြွားနိုင်ခြင်းမှာ ဘုရားသခင်၏နိုင်ငံတော်အတွင်း ကျွနု်ပ်တို့ခံစားရသော အမွေပင်ဖြစ်ပေသည်။

ယောသပ်၏အသက်တာကိုဆင်ခြင်ကြည့်ပါက အစ်ကိုများ၏ မနာလိုရောင်းစားမှုကိုခံရပြီး တစ်ပါးအမျိုးသားများ လက်ဝယ်ကျွန်အဖြစ်ရောင်းရှိရသော်လည်း ယောသပ်နှင့် အတူဘုရားရှင်ပါရှိကောင်းချီးပေးမှုကြောင့်နောက်ဆုံးတွင် နိုင်ငံတော် အုပ်အရာတိုင်းချီးမြှောက်ခံရကြောင်းတွေ့သည်။

 ဘုရားသခင်သည်ကျွနု်ပ်တို့၏အသက်တာ၌ ဒုက္ခပြဿနာကိုတွေ့ကြုံခွင့် ပေးခြင်း ကိုပေးသောအခါ၌လည်း ထွက်မြောက်သောလမ်းကိုပါတစ်ပါတည်းပြင်ဆင်ပေးပါသည်။ ဤကဲ့သို့သောကောင်းကျိုး အဖြာဖြာကို ဘုရားသခင်နှင့်အတူ နိုင်ငံတော်အတွင်းအသက်ရှင်၍ နိုင်ငံတော်၏အမွေကိုခံစား နိုင်ဖို့ရန် ကျွနု်ပ်တို့၏ အသက်တာများကိုပြင်ဆင် ပါစို့ဟု မေတ္တာနှင့်အသိပေးဝေငှလိုက်ရပါသည်။

Dr.တင်မောင်ထွန်း-တရားဒေသနာ

Monday, 18 April 2016

သခင်ယေရှုခရစ်တော်၏ (၁၈)နှစ် ပြဿနာ

 ယေရှုခရစ်တော်၏ သက်တော်စဉ်ကို ဖတ်
ရှုလေ့လာကြသောအခါသက်တော် (၁၂) နှစ်
မှ အနှစ် (၃၀) အတွင်း ကြားကာလ (၁၈) နှစ်
တွင် ယေရှုခရစ်တော်သည် ဘယ်မှာရှိနေသ
နည်း။ ထိုကာလ ယေရှုခရစ်တော်၏ ဘ၀တ
စိတ်တပိုင်းနှင့် ပတ်သက်၍ခရစ်တော်ကြောင့် ...
    ခရစ်ယာန်ဘာသာဆိုတာ ဓမ္မဟောင်းကို အေ
ခေပြုထားတာမို့ အလွန်ရှေးကျတဲ့ ဘာသာလို့ ပြောနိုင်ပါတယ်။ သို့သော်လည်း တကယ့်
တကယ်တော့ ခရစ်တော်သာလျှင် ခရစ်ယာန်ဘာသာတရားကို စတင်တည်ထောင်သူဖြစ်ပါတယ်။ ဓမ္မဟောင်း ကျမ်းကာလဟာ ဂျူးဘာသာ ကာလလို့ ပြောရင် မမှားလောက်ပါဘူး၊ လောကကြီးစတင်ဖန်ဆင်းခြင်း ခံရပြီး ပထမလူသား အာဒံမှ ခရစ်တော်မပေါ်ပေါက်မှီကာလတိုင်အောင်ဖြစ်တဲ့ ဓမ္မဟောင်းကျမ်း အယူအဆကို ဂျူးဘာသာ၊ အစ္စလန်ဘာသာ နဲ့ ခရစ်ယာန်ဘာသာတို့က လက်ခံခဲ့ကြပါတယ်။

   အေဒီ ၃၀ ပတ်၀န်းကျင်မှာ ယေရှုခရစ်တော်က မိမိဟာ ထာ၀ရဘုရားသခင်က စေလွှတ်လိုက်တဲ့ ကယ်တင်ရှင်ဖြစ်တဲ့အကြောင်း ဟောပြော ကြေငြာခဲ့ပေမဲ့ ဂျူးလူမျိုး အများစုက မယုံကြည်ခဲ့ပါဘူး။ ခရစ်တော်ကို ငြင်းပယ်ပြီး မိမိတို့ ပရောဖက်ဟောခဲ့တဲ့ ကယ်တင်ရှင်ကို ဆက်လက်မျှော်လင့်နေတာမို့ ဂျူးဘာသာဟာ သီးသန့်ကျန်ရစ်ပြီး ခရစ်ယာန်ဘာသာဟာ သီးခြားပေါ်ပေါက်လာခဲ့ပါတယ်။ ခရစ်တော်ကြောင့်လို့ ပြောရမှာဖြစ်ပါတယ်။ ခရစ်ယာန်တွေရဲ့ ကျမ်းစာကတော့ ဂျူးတွေရဲ့ ကျမ်းစာဖြစ်တဲ့ ဓမ္မဟောင်းကျမ်းကို မိမိတို့ရဲ့ ကျမ်းရင်းတစ်ခုအဖြစ် အသိအမှတ်ပြုပြီး ခရစ်တော်ပေါ်ပေါက်လာပြီးတဲ့နောက် ခရစ်တော်နဲ့ပတ်သက်ပြီး ရေးထားတဲ့ကျမ်းများကိုတော့ ဓမ္မသစ်ကျမ်းလို့ သတ်မှတ်အသုံပြုခဲ့ပါတယ်။

ခရစ်တော်ဘယ်သူလဲ..
    ကိုးကွယ်ရာ ဘာသာတရားတို့တွင် အခြေခံပုဂ္ဂိုလ်ကတော့ရှိစမြဲပါ။ ကမ္ဘာပေါ်တါင် ယုံကြည်ကိုးကွယ်တဲ့ ဘာသာကြီးများစွာအနက် ဗုဒ္ဓဘာသာရဲ့ အခြေခံပုဂ္ဂိုလ် ဗုဒ္ဓလောင်းလျာ သိဒ္ဓိတ္တမင်းသားကို BC567 မှာ မွေးဖွားခဲ့ပါတယ်။ ခရစ်ယာန်ဘာသာရဲ့ အခြေခံပုဂ္ဂိုလ် ခရစ်တော်ကို AD 2 မှာ မွေးဖွားခဲ့ပါတယ်။ အစ္စလမ်ဘာသာကို ဖေါ်ထုတ်သူ မုဟမ္မာဒ်ကိုတော့ AD 571 မှာ မွေးဖွားခဲ့ပါတယ်။ ခရစ်ယာန်ဘာာကို ဖေါ်ထုတ်သူ ယေရှုခရစ်တော်ရဲ့ ဇာတိဇစ်မြစ်ကို လေ့လာကြည့်တဲ့အခါ ရောမများအုပ်စိုးရာ ပါလက်စတိုင်းဒေသကို ပြန်သွားကြရမှာဖြစ်ပါတယ်။

   ဘီစီ ၆၃ မှာ ဂျေရုဆလင်မြို့ဟာ ရောမတို့ လက်အောက်ကို ကျဆင်းခဲ့ရတယ်။ Augustus Caesar ဟာ ဘီစီ ၂၇ မှာ ရောမအင်ပါယာရဲ့ ဧကရာဇ်ဘုရင်တစ်ပါးဖြစ်လာခဲ့တယ်။ ဒီအချိန်မှာ ယာကုပ်ရဲ့ သားအကြီးဆုံးဖြစ်သူ ဧသောအနွယ်မှ ဆင်းသက်လာတဲ့ ဟေရုပ် Herod ဂျေရုဆလင်မြို့ရဲ့ ဘုရင်ခံဖြစ်လာခဲ့တယ်။ ဟေရုဒ်ဟာ အာဗြာဟံက ဆင်းသက်လာတဲ့အမျိုးအနွယ်ဖြစ်ပေမယ့် ဒါ၀ိဒ်အနွယ်ကတော့ မဟုတ်ခဲ့ဘူး၊ တစ်ခါ ဒါ၀ိဒ်ရဲ့ သားနှစ်ယောက်ဖြစ်တဲ့ ရှောလမုန် နှင့် နာသန်တို့ကနေ ဆင်းသက်လာတဲ့ အနွယ်ထဲက ယောသပ် နဲ့ မာရိကို ထိမ်းမြားဖို့ စေ့စပ်နေကြတယ်။ နာသန်ကနေပြီး ဆင်းသက်လာတဲ့ လူမျိုးဆက် (၄၀)မှာ မာရိကို ဖွားမြင်ခဲ့တာပါ။

  ယောသပ်နဲ့ မာရိ နှစ်ဦးစလုံးကို ဗက်သလီဟင်မြို့မှာ ဖွားမြင်ခဲ့ပါတယ်။ စေ့စပ်ချိန်မှာ နာဇရက်မှာ သူတို့ရှိနေကြပြီ။ ယောသပ်ရဲ့ အသက်မွေးလမ်းကြောင်းကတော့ လက်သမားအလုပ်၊ ခရစ်တော်ရဲ့ ဘ၀အစမှာပဲ ပြဿနာတစ်ခု တွေ့ရပါတယ်။ မာရိဟာ အပျိုစင်ကလေးတစ်ယောက်၊ ယောသပ်နဲ့လည်း မရင်းနှီးရပဲနဲ့ ကိုယ်၀န်ရှိလာတယ်။ ထာ၀ရဘုရား၏ သန့်ရှင်းသော၀ိညာဉ်တော် သက်ရောက်မှုဖြစ်တယ်။ မမွေးရသေးသောသားကိုလည်း ယေရှုဟု အမည်မည့်ရပြန်သတဲ့။

  မဖြစ်နိုင်ဘူးဟု တွေးစရာဖြစ်ပါတယ်။ သမိုင်းဆရာ၊ ဘာသာရေးဆရာတို့ အပြင်းအထန် အငြင်းသန်ခဲ့ကြရပါတယ်။ သို့သော် တကယ်ပင်ဖြစ်ခဲ့ပါတယ််။ အပျိုစင်ဘ၀နှင့် ကိုယ်၀န်ကို လွယ်ကာ အပျိုးစင်ဘ၀နှင့်ပင် ယေရှုကိုမွေးဖွားခဲ့တာပါ။ ယေရှုကို မာရိမွေးဖွားခဲ့တာပါ။ ယေရှုကိုမွေးဖွားပြီးသည့်တိုင်အောင် မယ်တော်မာရိဟာ အပျိုစင်ပဲ ရှိနေေးတယ်လို့ ဆိုပါတယ်။

   ဒီဘ၀ရဲ့ အစအဦးမှာ ယောသပ်နဲ့ မာရိရ့ဲ သားဟုတ်မဟုတ် ပြဿနာအပိုင်းအစကို တွေ့ရပါတယ်။ ယုံကြည်ဖို့ရန် ခက်ခဲပြီး အချို့သောခရစ်ယာန်ဘာသာ ဆန့်ကျင်သူ Anti-christ များက ထောက်ပြေ၀ဖန်စရာဖြစ်ပါတယ်။ တချို့ဆိုရင် ပိုပြီးဆိုးဝါးစွာ ပြောဆိုရေးသာရင်း မယ်တော်မာရိကို စော်ကားသလိုဖြစ်လာပါသေးတယ်။ စာပေလက်တံရှည်များနဲ့ သိမ်းရိုက်တဲ့အခါ ယုံကြည်သူအချို့ရဲ့ စိတ်ထဲမှာ ဇေ၀ဇဝါဖြစ်ရပါသေးတယ်။

စဉ်းစားကြည့်ရအောင် ....
 ကိုယ်၀န်အငှားလွယ်တဲ့အခါ မိန်မသားဟာ လင်ယောင်္ကျာတစ်ယောက်ယောက်နဲ့ ရင်းနှီးဖို့မလိုသလို သူမရဲ့ ဗီဇအသွေးအသားလည်း ပါ၀င်ဖို့မလိုဘူး၊ သူက သားအိမ်ကို ခေတ္တပေးထားရတာပဲ၊ ယောင်္ကျားတစ်ယောက်နဲ့ ဆက်ဆံမှုကင်းတဲ့ မိန်းကလေးဟာ အပျိုစင်ပဲမဟုတ်လားဗျာ၊ ကမ်ဘာပေါ်မှာ သံဝါသမပြုပဲ ပထမဆုံးကိုယ်၀န်အငှားလွယ်တဲ့ကိစ္စ (တနည်းအားဖြင့် သားအိမ်အငှားလွယ်ခြင်းကိစ္စကို စပြီးကျင့်သုံးသကတော့ ထာ၀ရဘုရားသခင်ပဲလို့ ပြောလို့ရတယ်။Testube Baby တွေထဲမှာ သားဦးဟာ ယေရှုခရစ်တော်လို့ ပြောကြည့်ကြရအောင် ...။

  ၁၂ နှစ်သားကာလအထိ ....
 ယေရှုခရစ်တော်ရဲ့ ငယ်စဉ်ဘ၀ကို ခရစ်၀င်ကျမ်းတွေမှာ ပြည့်ပြည်စုံစုံဖတ်ရတဲ့အခါမှာလည်း အင်မတန်မှ လှုပ်လှုပ်ရှားရှားနိုင်ခဲ့တာကို တွေ့ရပါတယ်။ ကိုယ်၀န်ဆောင်စဉ်ကတည်းက ပဟေဋိဆန်ခဲ့တဲ့ ဘ၀တခုဟာ မိဘများ ခရီးသွားရင်း မွေးဖွားခြင်းခံရပါတယ်။ အဲဒီနောက်ပိုင် တမြေရပ်ခြားကို သွားပြီး ပုန်းရသေး၊ အသက်ဘေးကလည်း သိုးကာသီကာ လွတ်ရုံကလေး ပြေးရလွှားရ၊ သက်တော် ၁၂နျစ်မှာ တကယ့်ကျမ်းတတ်ပုဂ္ဂိုလ်များနဲ့ နင်လားငါလား တရားစကားဆွေးနွေးခဲ့ကြတာကို ဓမ္မသစ်ကျမ်းမှာ တွေ့ရပါတယ်။

  အဲဒီနောက်မှာ ...
   သက်တော်စဉ်ရဲ့ အခန်းကဏ္႑ကွယ်ပျောက်သွားခဲ့ပါတယ်။ နောက်တဖန်ပြန်ပေါ်လာတဲ့အခါ သက်တော် ၃၀ အရွယ်ရှိနေပါပြီ၊ ဒီကြားထဲမှာ ၁၈ နှစ်တိုင်တိုင် ဆိတ်ငြိမ်သောနှစ်ကာလ Silent Years ဖြစ်ခဲ့ပါတယ်။ ဓမ္မသစ်ကျမ်းမှာတော့ ...

    ယေရှုသည်လည်း အစဉ်အတိုင်းကြီး၍ ပညာတိုးပွားလျက် ဘုရားသခင်ရှေ့၊ လူရှေ့မှာ မျက်နျာရတော်မူ၏ (လုကာ ၂း၅၂) လို့ ဖေါ်ပြထားပါတယ်။ အင်္ဂလိပ်ဘာသာအားဖြင့် ...
  "Jesus went back with them to Nazareth, where he was obdient to them" 51.a
   "Jesus grew both in body and in wisdom, gaining favor with God and men." (52)

  ဟုတ်ပါတယ်။ ၁၈ နှစ်ကာလမှာ ခရစ်တော် ဘာလုပ်နေသလဲ၊ ဘာဖြစ်နေသလဲ၊ သို့မဟုတ် ဘယ်ကိုသွားနေသလဲ၊ H.E Dana ၏ A Life of Christ စာအုပ် စာမျက်နှာ ၁၈ တွင်
   "This experience, however, brought no expression of arrogance of ogotism on the parts of the boy Jesus. Here turned with Mary and Joseph to Nazareth subject to them as in the past. Of his experience from that time to the beginning his public ministry we know nothing in detail, but only in a general way that he led a normal but pure and benevolent life. It is generally believed that Joseph died in the early years of Jesus manhood and that Jesus then became the head of the Nazareth household .. ဟုဖော်ပြထားပါသည်။

  ၀င်းမော်ဦးစာပေမှထုတ်ေ၀ခဲ့ဖူးသော စာအုပ်တစ်အုပ်၌မူ အိနိ္နယနိုင်ငံ၊ ဘုံဘေမြို့ အယ်လိဖင့်စတုန်းကောလိပ်မှာ အင်္ဂလိပ်စာပါမောက္ခ ခရစ်ယာန်ဘုန်းတော်ကြီး J Wilson MA Oxford University ၏ အမေးနှင့်အဖြေကဏ္႑တွင် သက်တော်စဉ်၏ အပိုင်းအစ တချို့ကို မှားယွင်းကောက်ချက်ချထားသည်ကိုတွေ့ရသည်၊ ၁၈ နှစ်ကာလအတွင်း ယေရှုခရစ်တော်သည် တိဘက်ပြည်ကိုသွား၍ ... ဆိုသော အကြောင်းအရာများကို အမေရိကန်ပြည်ထောင်စု ချီကာကိုမြို့ ကမ်ဘာကျော်ခရီးလည့်လည်သူ သုတေသနပုဂ္ဂိုလ် ဂိုးရစ်ခ် ရဲ့ မှတ်တမ်းအရ .. ဟု ကိုးကားဖေါ်ပြခဲ့ပါတယ်။ ဂိုးရစ်ခ်၏ မှတ်တမ်းဆိုသော်လည်း စာအုပ်ထုတ်ေ၀မှု ပုံနှိပ်မှတ်တမ်း မှီငြမ်းပြုသည့် အချက်အလက်မပါပဲ နှုတ်စကားမှီြင်းသဖြင့် ပညာရှင်မဆန်ပါ၊ ယုံကြည်လောက်ဖွယ်ရာ အထောက်အထား အားနည်းခဲ့ပါတယ်။


   ပါမေက္ခဂိုးရစ်ခ်က ...
   ခရစ်တော် ကိုယ်တိုင် ဟေဗြဲဘာသာနဲ့ ရေးထားတဲ့ မှတ်စုကို ရရှိခဲပြီး ၁၉၂၅ ခုနှစ်က ခရစ်တော်မသိသေးသော သွန်သင်ဟောပြောချက်များ ဆိုတဲ့ နာမည်နဲ့ စာအုပ်ထုတ်ေ၀ခဲ့သတဲ့၊ ခရစ်တော်ရဲ့ ၁၈ နှစ်ကာလ သက်သေခံချက်တွေကို စာရွက်ပေါင်း ၁၀၀ ကျော်မှာ ခရစ်တော်ကိုယ်တိုင် လက်ရေးနဲ့ ရေးသားခဲ့တာလို့ ဆိုပါတယ်။

   အဲသလို စာရေးသားထုတ်ေ၀မှုတွေနဲ့အတူ ဟောပြောသွန်သင်မှုတွေကြောင့် ခရစ်တော်ရဲ့ သက်တော်စဉ်ဟာ ပိုပြီးရှုပ်ထွေးနောက်ကျိ လာခဲ့ပါတယ်။ တစ်ခါ ရောမလူမျိုး ဘုရင်ခံ ပွန်တီယပ်စ် ပစ်လေးရဲ့ စာတမ်းဆိုပြီး ကိုးကားမှုလုပ်ပြီး ရေးသားထုတ်ေ၀မှုတွေကြောင့် ခရစ်တော်ရဲ့ Silent Year ဟာ ပဟေဋိဆန်လာပါတယ်။ The Unknown Life of Christ ဆိုတဲ့ စာအုပ်တစ်အုပ်အတွက်နဲ့ ယုံကြည်မှုရေးရာမှာ အတော်ကလေး ကသောင်းကနင်းနိုင်ခဲ့ပါတယ်။ စာရေးဆရာတစ်ယောက်ဟာ သူ့ကလောင်ကို ပွဲဆူဖို့ သက်သက်အသုံးပြုတဲ့အခါ အလွန်စိတ်ပျက်စရာဖြစ်လာပါတယ်။ ကြောင်းကျိုးမခိုင်လုံပဲ ရေးသားချက်တွေကြောင့် အပေါ်ယံရှပ်ကြည့်ရင်တော့ ဟုတ်တုတ်တုတ်ပါပဲ။

(၁၈) နှစ်ကာလအပိုင်းအစ...
  ဒီမှာ သက်တော်စဉ် ဖော်ပြခြင်းရဲ့ အားနည်းမှုတစ်ခုကို တွေ့ရပါတယ်။ ရှင်လုကာဟာ ခရစ်၀င်ကျမ်းရေးသူတွေထဲမှာ ပညာအတတ်ဆုံး၊ အသေးစိတ်ဆုံး ပုဂ္ဂိုလ်ဖြစ်ပါတယ်။ ရေးချက်တွေ သိပ်ကောင်းတာကိုလည်း တွေ့ရပါတယ်။ ဒါပေမဲ့ အခန်းကြီး ၂ နဲ့ ၃ အကြားမှာတော့ (၁၈)နှစ် ကာလကို တိတိကျကျဖြက်တောက်ထားပါတယ်။

   ရှင်လုကာ St. Luke ဟာ ဒီခရစ်၀င်ကျမ်းကို အကြားနဲ့တင်ရေးတာမဟုတ်ဘူး၊ The Great Physician ဆိုတဲ့စာအုပ်မှာ လုကာန ရဲ့ အကြောင်းကို နှစ်ပေါင်း ၂၀ သုတေသနပြုခဲ့တဲ့ စာရေးဆရာ လုကာန ဟာ မယ်တော်မာရိကို တွေ့ဆုံပြီး (ဗျူး) ပြီးမှ ဒီခရစ်၀င်ကျမ်းကို ရေးကြောင်း၊ တွေ့ဆုံတဲ့နေရာ၊ မေးခွန်းတချို့နဲ့ ပတ်သက်တဲ့ မှတ်တမ်းတွေရှိခဲ့သတဲ့၊ လုကာန ဟာ ခရစ်တော်ရဲ့ Silent Year ကို မမေးပဲ မနေပါဘူး၊ မာရိကလည်း မပြောပဲ မနေပါဘူး၊ သို့သော် ဘာဖြစ်လို့ ဒီအကြောင်းအရာကို ခရစ်၀င်ကျမ်းထဲ ထည့်မရေးခဲ့တာလဲ၊ ရေးရဲ့သားနဲ့ ဓမ္မသစ်ကျမ်းစာကို သိင်္ဂါယနာတင်သူတွေက အက်ဒစ် Edit ဆန်ဆန် တည်းဖြက်လိုက်တာလား။ မဟုတ်ဘူး။ လုကာနကိုက မရေးခဲ့တာ်။

 အားစမ်းဖို့နေရာ ...
            သူ မရေးခဲ့တာပြဿနာမဟုတ်ဘူး၊ (၁၈)နှစ်ကာလကို ဝါကျတစ်ကြောင်းတည်းနဲ့ သူက ပိုင်းဖြက်သွားခဲ့ပေမဲ့ နောက်ပိုင်းမှာ ခရစ်ယာန်ဘာသာကို ဆန့်ကျင်သူတွေက ဒီနေရာကို အားစမ်းပြီး ဖြိုဖို့ ပစ်မှတ်ဖြစ်လာတယ်။ စာအုပ်စာပေတွေ ရေးသားထုတ်ေ၀ တိုက်ခိုက်လာတယ်။ ဒါကို ဖတ်မိတဲ့ အချို့ပုဂိ္ဂုလ်တွေဟာ ရင်ထဲမှာ ခံစာကြရတယ်။ ကျွန်တော် အယ်ဒီတာလုပ်နေတဲ့ဆီကို စာအချို့ရောက်လာတယ်။ ဒီပြဿနာနဲ့ ပါတ်သက်လို့ မေးမြန်းကြတယ်။ ခက်တာက ကျွန်တော်တို့ကလည်း ကိုယ်လုပ်နိုင်သလောက်ပဲ ဆိုတဲ့ အတိုင်းအတာက ရှိနေပြန်တယ်၊ ကျွန်တော်ကိုယ်တိုင်လည်း ဒီစာအုပ်များကို ဖတ်မိပါတယ်။ ယုံကြည်ခြင်း နုနယ်သူအတွက်တော့ လဲပြိုလောက်ပါတယ်။ အောက်ပါဥပမာကလေးများကို ဖတ်ကြည့်ပါ။

   မေး။ ။ ဘယ်အရွယ်မှာ ခရစ်တော်ဟာ ရေဟူဒီကျောင်းက ပျေက်ကွယ်သွားပါသလဲ။
  ဖြေ။ ။ ခရစ်တော်ဟာ (၁၂) နှစ်အရွယ်မှာ ရဟူဒီလူမျိုးတွေရဲ့ ဘုရားကျောင်းမှ ထွက်ခွာသွားခဲ့ပါတယ်။

  မေး။ ။ ခရစ်တော်ဟာ ဘယ်အရွယ်ကစပြီး တရားဟောခဲ့သလဲ။
  ဖြေ။ ။ သက်တော် ၃၀က စတင်ဟောခဲ့ပါတယ်။

  မေး။ ။ ဒါဖြင့် အသက် (၁၂)နှစ်က အသက်(၃၀)အထိ (၁၈)နှစ်လုံးလုံး ခရစ်တော်ဟာ ဘယ်သွားနေပါသလဲ။
  ဖြေ။ ။ သူ့ရဲ့ မွေးစားဖခင် ရှင်ယေသပ်နဲပ အတူတကွ နေထိုင်လျက်ရှိပါတယ်။

  မေး။ ။ အဖိုတန် (၁၈)နှစ် လုံးလုံး ခရစ်တော်ဘာများလုပ်နပါသလဲ။


တိဗက်ကို သွားမသွား ....  
   ပါမောက္ခဂိုးရစ်ခ်က ယေရှုခရစ်တော်ဟာ သက်တော် (၁၂)နှစ်မှ (၃၀)နှစ်အတွင်း တိဗက်ပြည်ကိုသွားပြီ ဘာသာတစ်ခုကို လေ့လာဆည်းပူးခဲ့တယ်လို့ ဆိုပါတယ်။
  R.W.F Wootoon ကတော့ သူ့ရဲ့ Christian Worship စာအုပ်မှာ "But we do not know of any other visit in the first 30 years of His life (Pg-41)" လို့ ဖေါ်ပြထားပါတယ်။

  တကယ်စဉ်းစားကြည့်တော့ အေဒီ-၃၀ ခုနှစ်ပတ်၀န်းကျင်မှာ ခရီးလမ်းပန်းဟာ ခက်ခဲလှပါတယ်။ တိဗက်နဲ့ ပါလက်စတိုင်းဟာ မိုင်ပေါင်း ၄၀၀၀ မက ကွာေ၀းမယ်။ ခြေကျင်ခရီးကို (ဂိုးရစ်ခ်ရဲ့ အဆိုအရ လေးလကြာ ခရီးနှင်ပြီး) သွားတယ်ဆိုတာ ဖြစ်နိုင်စရာမရှိပါဘူး။ သူဘာအတွက် သွားသလဲဆိုတာကလည်း ရှိသေးတယ်။ ဘာသာတရားတစ်ခုကို သွားရောက်ဆည်းပူးတာလို့ ဆိုပါတယ်။ ဒါပေမယ့် ဂိုးရစ်ခ်ရဲ့ ပြဿနာကတော့ အဲဒီအချိန်မှာ ဘာသာတရားဟာ တိဗက်ကို မရောက်သေးဘူးဆိုတာ မသိတဲ့ပြဿနာပဲ။ သမိုင်းကျမ်းအဆူဆူအရ ယေရှုခရစ်တော် သွားရောက်လေ့လာတဲ့ ဘာသာတရားဟာ တိဗက်ကို (A.D 645-650) လောက်မှ ရောက်တာပါ။ ယေရှုခရစ်တော်သွားခဲ့တယ်ဆိုတဲ့ A.D (14-32) ကတော့ အဲဒီမှာ ဒီဘာသာတရားကို မပြန့်ပွားသေးတာပါပဲ။ ရိုးရိုးစဉ်းစားရင်ကို အဖြေပေါ်ပါတယ်။ ဘာသာတရားကို မသင်ကြား မလေ့လာခဲ့ပါဘူး။

   နောက်တခုက ခရီးသွားမသွား ။
   မဿဲ ၂း၂၃ မှာ ခရစ်တော်ကို နာဇရက်လူဟု ခေါ်ကြလတ္တံဟူသော ပရောဖက်တို့၏ နှုတ်ထွက်နှင့်အညီ နာဇရက်အမည်ရှိသော မြို့သို့ ရောက်၍ အမြဲနေလေ၏။
   လု ၄း၁၆ တွင်မူ ကြီးပွားတော်မူရာ နာဇရက်မြို့သို့ ရောက်တော်မူလျှင် ....
   စသည့် ခရစ်၀င်ကျမ်းပါ စကားများသည် ခရစ်တော် အဘယ်မှမသွားကြောင်းကို ဖေါ်ပြထားပါတယ်။ Rev.. သိမ်းအုပ်ဆရာကမူ ခရစ်တော် သွားခဲ့ရင် မှတ်တမ်းရှိရမယ်၊ အနည်းဆုံး ဂျူးသမိုင်းမှာ ပါကိုပါရမယ် ဟု ဆိုပါတယ်။

ဘာလုပ်နေပါလိမ့် ...
   နာဇရက်မြို့မှာ (၁၈) နှစ်တိုင်တိုင် နေထိုင်ခဲ့သော ခရစ်တော် ဘာလုပ်နေသနည်း။ ဤမေးခွန်းမှာလည်း စိတ်၀င်စားစရာဖြစ်ပါတယ်။ Rev .သိမ်းအုပ် ၏ (၁၈)နှစ် ပြဿနာစာစောင်ကလေးတွင်မူ (၁၈)နှစ်ကာလ သူဘာလုပ်နေသည်ကို ဓလေ့ထုံးတမ်းအမြင် Customary View မှ တင်ပြ Point out လုပ်ပါတယ်။

 မာကု ၆း၃ မှာ သူသည် လက်သမားသားမဟုတ်လော၊ မာရိ၏သားမဟုတ်လော။ ယာကုပ်၊ ယောသေ၊ ရှိမုန် ... တို့၏ အစ်ကိုမဟုတ်လော ဟု ဖေါ်ပြထားပါတယ်။ အချက်များမှ ..
   ယေရှုသည် လက်သမားသားဖြစ်သည်။ ယုဒထုံးစံ၌ သားသမီးတို့တွင် အကြီးဆုံးသောသားသည် မိမိဝါသနာပါရ ကြိုက်နှစ်သက်ရာ လုပ်ငန်းကို လုပ်ကိုင်ရွေးချယ်၍မပြုရ၊ ကြိုက်သည်ဖြစ်စေ၊ မကြိုက်သည်ဖြစ်စေ၊ ဝါသနာပါသည်ဖြစ်စေ၊ မပါသည်ဖြစ်စေ၊ ဖခင်၏ လုပ်ငန်းကို ၀ိုင်းကူလုပ်ကိုင် သက်မွေးရသည်။ ကျန်သားသမီးများက မိမိစိတ်ကြိုက် နှစ်သက်ရာ၊ဝါသနာပါရာတို့ကို လွတ်လပ်စွာ ရွေးချယ်လုပ်ကိုင်ခွင့်ရကြသည်ကိုလည်းကောင်း၊ အသက်(၃၀)နှစ်မပြည့်မချင်း ဘာသာရေး၀င်ရောက် ဦးစီးခေါင်းဆောင်ပါ၀င်လှုပ်ရှားခွင့်ပြုရိုးထုံးစံမရှိ၊ သဘာ၀လည်းကျပါသည်။

အသက်(၃၀)ရှိမှ အတွေ့အကြုံရင့်ကျက်မှု၊ ဗဟုသုတစုံလင်မှုရှိပြီဖြစ်၍ ဘာသာရေးလုပ်ငန်းကို ၀င်ရောက်လုပ်ခွင်ပေးမြဲဖြစ်သည်ကို လည်းကောင်း....
   ကောက်နုတ်၍ (၁၈)နှစ်ကာလသည် ခရစ်တော် နာဇရက်မြို့မှာပဲ လက်သမားလုပ်နေကြောင်း သက်သေထူခဲ့ပါတယ်။ H.E Dana က ယေရှုခရစ်တော်၏ ဖခင် ယောသပ်သည် ငယ်ရွယ်စဉ် ကွယ်လွန်ခဲ့သည်ဟု ဆိုသဖြင့် မိခင်၊မုဆိုးမနှင့် ညီ၊ညီမငယ်တို့အား (၁၈)နှစ်တိတိ လုပ်ကိုငကျွေးမွေးပြုစုခဲ့ကြောင်း ပြောဆိုသည်မှာ ယုတ္တိတန်လေသည်။
   
အကယ်၍ထိုအချိန်တွင် တိဗက်သို့ ယေရှုခရစ်တော်ရောက်နေပါက မုဆိုးမမိခင်အိုနှင့် ညီ၊ညီမငယ်များစွာတို့ ဘယ်လိုများ ၀အောင်စား၍၊ လှအောင်နေပါ့မလဲ၊ မိမိ မိသားစုအတွက် အလျင်ငြိမ်းအေးအောင် ဆောင်ရွက်ခဲ့သည်ကို မယုံနိုင်စရာမရှိပါ။

ခရစ်တော်၏မှတ်တမ်းဟုတ်မဟုတ်...
   တကယ်တော့ ခရစ်တော် တိဗက်ကို မသွားပါဘူးဆိုတာနဲ့ ပြီးပြတ်ပါပြီ၊ သို့သော် စာရွက်ပေါင်း ၁၀၀ ပေါ်မှာ (၁၈)နှစ်အတွင်း အတွေ့အကြုံကို သက်သေခံထားတယ်ဆိုတဲ့ စာအုပ်၊ ဟေဗြဲဘာသာနဲ့ ရေးတဲ့မှတ်စု၊ ၁၉၂၅ခုနှစ်မှာ ဂိုးရစ်ခ် ဆိုတဲ့ ပုဂ္ဂိုလ်က ထုတ်ေ၀ခဲ့တယ်ဆိုပဲ။ စာအုပ်ကိုတော့ ကျွန်တော်မမြင်ဖူးပါဘူး၊ ရှိတယ်ဆိုတာပဲ ကြားဖူးတာပါ။ သို့သော် ဒီအကြောင်းဟာ မမှန်နိုင်ဘူးခင်ဗျ။

 အဲဒီအချိန်မှာ စာရွက်မှ မပေါ်သေးပဲကိုး၊ စာရွက်၁၀၀ကို (AD-30) လောက်မှာ ဘယ်ကိုသွားရှာမလဲ။ ကျွန်တော့်မှာ သမီးတစ်ယောက်ရှိတယ်။ စာကျက်တဲ့အခါ အလွန်အော်ကျက်တတ်တယ်။ တစ်နေ့မှာ သူကျက်တဲ့ဆယ်တန်းစာတစ်ပိုဒ်မှာ
    "Paper was invented in China at the begining of the second century A.D" တဲ့၊ တကယ်တော့ ဂိုးရစ်ခ်ဟာ ပါမောက္ခတစ်ဦးလို့ ဆိုတယ်။ ဘယ်လိုပါမေက္ခမျိုးလဲတော့ ကျွန်တော်တို့ မသိတာအမှန်ပါပဲ ...

မှားနေတာတွေ ...
   တစ်ခါတစ်ခါလည်း ဒီပြဿနာတွေက အသံကျယ်လာတတ်ပါတယ်။ သို့သော် အဆံမပါပါဘူး၊ သေသေချာချာ ပိုင်းခြားစီစစ်ရင် ပြီးပျောက်သွားတာပါပဲ။ မှားနေတဲ့ မေးခွန်းတွေ အများကြီးမှ အများကြီးပါ။ သို့သော် ဒါတွေဟာ ခရစ်တော်ရဲ့ ဘ၀အစိတ်အပိုင်းတွေကို ရေညှိတက်အောင် ကြိုးစားချက်ကလေးများပဲ ..လို့ ယုံကြည်ပါတယ်။ ထစ်ချုန်းတဲ့ မိုးကြိုးသံကလေးများပါပဲ။

တကယ်တော့ ...
     အဖြစ်အပျက်အမှန်ကတော့ သမ္မာကျမ်းထဲမှာ ပါပြီးသားပါ။ သေသေချာချာစေ့စေ့ငှငှ ဖတ်ရှုရင် ပြီးပြည့်စုံအောင် သိနိုင်မှာပါ။ သမ္မာကျမ်းစာဟာ ပြီးပြည့်စုံတဲ့ နှုတ်ကပတ်တော်ဆိုတာကိုပဲ ယုံကြည်ရပါလိမ့်မယ်။ တစ်လုံးတစ်ပါဒမှ မပိုစွန်းသလို၊ တစ်ပုဒ်တစ်လေမှ မလိုလွန်းဘူး ဆိုတာကိုလည်း စိတ်နှလုံးမှတ်ကျုံးရပါလိမ့်မယ်။
  
 ယေရှုခရစ်တော်ရဲ့ (၁၈)နှစ်ကာလကို ညိုသောင်းဆိုတဲ့ စာရေးဆရာ (ဘာသာတရားများစွာကို သုတေသနပြုသူ) က .. "ယေရှုသည် ဖခင်ယောသပ်ကဲ့သို့ လက်သမားလုပ်၍ နေထိုင်ခဲ့သည်မှာ အသက်၃၀တိုင်အောင် ကြာညောင်းခဲ့လေသည်" .. ဟုရေးခဲ့ပါတယ်။ ကျွန်တော်တို့ ယုံကြည်သူတွေအနေနဲ့ကော ဘယ်လိုပြောမလဲ၊
 ကျမ်းစာထဲကအတိုင်းပဲပေါ့။

ကျမ်းကိုးစာရင်း
1. Christian News from Isreal Vol.1 No.(34), 1878
2. Wy of Salvation Booklet.
3. A Life of Christ (H.H Darna) 1966.
4. Christian Worship (R.W.F. Wottom)
5. ခရစ်တော်၏ သက်တော်စဉ် (သန်လျင်ဖေသွင်)
6. Buddhism (Kenneth W. Morgan)
7. ပြဿနာများ
8. သမ္မာကျမ်းစာ (ယုဒဿန်)
9. ကမ်ဘာကို ချုပ်ကိုင်မည့်သူ (ဌေးလှိုင်)
10. ကယ်တင်ရှင် ယေရှုခရစ်တော် (နှစ်ခြင်းသာသနာစာပေ)
11. ဘာသာကြီးလေးခုအနှစ်သာရများ (ညိုသောင်း)

MURANN မှတ်ချက်။ 2008 တွင်ထုတ်ေ၀သော ထစ်ချုန်းသောမိုကြိုးသံ စာအုပ်မှတဆင့်ဖေါ်ပြပါသည်။ ဆရာဆိုး၊ ၈၉၃(ခ)၊ ည/၁၁ရပ်ကွက်၊ ဘုရင့်နောင်လမ်းသွယ်(၃)၊ ရွှေပြည်သူမြို့နယ်၊ ရန်ကုန်တိုင်း cwhsoe@gmail.com

www.murann.com မှ ကူးယူဖော်ပြသည်။

ဧဝံဂေလိဟောပြောခြင်းနှင့် ဆုတောင်းပေးခြင်း

သေလွန်ပြီးသောသူများနှင့်ပတ်သက်၍ သမ္မာ
 ကျမ်းမြတ်ကမည်သို့သွန်သင်ပါသနည်း။ သေ
လွန်ပြီးသူများအတွက် အသက်ရှင်လျက်ရှိသော
 ကျွနု်ပ်တို့ကမည်သည့် အမှုပြုပေးနိုင်ပါသနည်း။
 (ဟေ၊၉း၂၇)တွင် လူသည်တစ်ခါတည်းသေ၍
ထိုနောက်မှ တရားစီ၇င်တော်မူခြင်းကိုခံရကြောင်း
 သွန်သင်ထားသည်ဖြစ်၍ သေလွန်ပြီးသူများအ
တွက်ဆုတောင်းခြင်းအမှုကို အကြောင်းပြု၍ အ
သက်ရှင်လျက်ရှိသူများအနေဖြင့် တမလွန်အတွက်သတိပြုဆင်ခြင်ပြီး အသက်တာကို
ဘုရားသခင်၏ အလိုတော်နှင့်အညီ ပြင်ဆင်နိုင်ဖို့သာ ကျွနု်ပ်တို့ပြုနိုင်ပါသည်။

ယုံကြည်ခြင်းအားဖြင့်သေလွန်သူ
အသက်ရှင်ထင်ရှားရှိစဉ် သခင်ယေရှုကိုမိမိ၏ကယ်တင်ရှင်အဖြစ်ယုံကြည်သူတိုင်းသည် ထာဝရဘုရားကိုရရှိသည် ဖြစ်၍ သေလွန်သွားသောအခါ အပါယ်ငရဲ၌အပြစ်စီရင်ခြင်းမခံရတော့ပါ။ သခင်ယေရှုသည်ကား တိုင်၌ ကျွနု်ပ်တို့ ကိုယ်စားအပြစ်တရား၏ အခကိုဆပ်ပေးပြီးဖြစ်သောကြောင့်မက ဘုရားသခင်၏သားသမီးဖြစ်ခွင့်ရရှိပြီးသူများဖြစ်ကြသည်။ သို့ဖြစ်ပါ၍ သူတို့သေလွန်သွား သည့်အခါ သူတို့၏ဝိညာဉ်များသည်သံသရာလည်စရာအကြောင်းမရှိတော့ပါ။

ခရစ်တော်ကိုယုံကြည်ပြီး သေလွန်သွားသူများအား ခရစ်တော်၌အိပ်ပျော်သည်ဟု ကျွနု်ပ်တို့ဆိုလေ့ရှိကြသည်။ အကြောင်းမှာ အိပ်ပျော်သောသူသည် တဖန်နိုးထလာဦးမည်ဖြစ်သကဲ့သို့ ခရစ်တော်၌အိပ်ပျော်ပြီးသူများသည်လည်း ထိုသခင် တစ်ဖန်ပြန်ကြွလာသောအခါ သေခြင်းမှတစ်ဖန်ထမြောက်လာကြဦးမည်ဖြစ်ကြောင်း မျှော်လင့်လျက်ကျေးဇူးတော်ကိုချီးမွမ်းပြီး ဝမ်းမြောက်နေကြဖို့ရန်သာဖြစ်ပါသည်။

ကြီးလေးသော တာဝန်
ခရစ်တော်ကိုယုံကြည်သောသူတို့သည် သေလွန်ပြီးနောက်တမလွန်တွင် ခံစားရမည့်အချက်နှင့် ဘုန်းစည်းစိမ်သည် မည်မျှ ကြီးကြောင်း ကျွနု်ပ်တို့ယုံကြည်သူများသိနားလည်ကြပါသည်။ ထို့နည်းတူ ခရစ်တော်ကိုမယုံကြည်ရသေး သူများ၏တမလွန်ဘဝ ရေးမှာစိတ်လေးစရာဖြစ်သကဲ့သို့ အပြစ်တရာကြောင့် ‚င်းတို့ခံစားရမည့်ကံကြမ္မာဆိုးကို ကျွနု်ပ်တို့သိကြသည်ဖြစ်၍ ထိုသူများ အတွက် ကျွနု်ပ်တို့မည်မျှဆုတောင်းပေးသင့်ကြောင်း သတိပြုဆင်ခြင်သင့်ပေသည်။ ကျွနု်ပ်တို့၏ ချစ်လှစွာသောခင်ပွန်း၊ ဇနီးနှင့် သားသမီးများအပြင် ဆွေမျိုးမိတ်သင်္ဂဟအားလုံး အတွက်ဆုတောင်းပေးရန်မှာ ကျွနု်ပ်တို့၏ တာဝန်ပင်ဖြစ်ပေသည်။ ထိုမျှမက ကျွနု်ပ်တို့၏ ရန်သူပင်ဖြစ်လင့်ကစား ခရစ်တော်ကိုမရရှိဘဲသေလွန်သွားပါက ၄င်းတို့ခံစားရမည့်ကံကြမ္မာဆိုးကို စဉ်းစားမိလေလေ ထိုသူတို့အတွက် မေတ္တာစိတ်နှင့် ဆုတောင်းပေးဖို့ မည်မျှအရေးကြီးကြောင့် ကျွနု်ပ်တို့သတိပြုမိလေလေဖြစ်ကြပေလိမ့်မည်။

ယုံကြည်သူတို့၏သက်သေ
စစ်မှန်သောယုံကြည်သူတစ်ဦးသည် အသက်တာ၌ကိုယ်တော်အသက်ရှင်ကြောင်း အတွေ့အကြုံအားဖြင့် ခံစားသိရှိ ထားသူဖြစ်သည်။ ဤအတွေ့အကြုံနှင့်သက်သေသည် လွန်စွာအရေးကြီးပါသည်။ မိတ်ဆွေ၏၏၏ သင်သည်ခရစ်ယာန် တစ်ဦးအနေဖြင့် ကြာမြင့်စွာအသက်ရှင်ခဲ့ပြီးသော်လည်း၊ ထိုသက်သေနှင့်အတွေ့အကြုံကို မခံစားမသိရှိရသေးပါက ကိုယ်တော့်ထံမှ သက်သေပေး ပါမည့်အကြောင်း နာမတော်၌ဆုတောင်းနိုင်ပါသည်။

သို့ပြုပါက ကိုယ်တော်အသက်ရှင် ကြောင်းကို နှုတ်ကပတ်တော်ပြောပြချက် အရသာလျှင်မဟုတ်၊ မိမိတောင်းသည့်ဆုအဖြေရခြင်းကိုယ်တွေ့သက်သေရကာ အတွင်းစိတ်ချမှုကိုခံစားရပေမည်။ ကိုယ်တော်ကို ကျွနု်ပ်တို့ယုံကြည်စိတ်ချနိုင်ခြင်းသည် ကိုယ်တော်အလင်းပေးဖွင့်ပြ၍ နားလည်စေခြင်းကြောင့်ဖြစ်သည်။ တမန်တော်ကြီးရှင်ပေတရု က ယုံကြည်သူ၌ထာဝရမျိုးစေ့တည်ကြောင်းပြောပါသည်။ ထိုမျိုးစေ့အားဖြင့် ဖြစ်ပွားသောသူသည် သဘာဝသစ်ကိုရရှိသူဖြစ်ရုံမက အသက်တာသက်သေနှင့် ရှင်သန်နေသူလည်း ဖြစ်ပေသည်။ (၁ပေ၊ ၁း၂၂-၂၃)

ကိုယ်နှင့်စပ်ဆိုင်သောသူ
အထက်တွင် ဖေါ်ပြခဲ့သည့်အသက်တာသစ်ကိုခံစားရရှိပြီးသောသူတိုင်းတို့သည် မိမိတို့ခံစား ရသောအာမခံချက်ကို အခြားသူများခံစားစေဖို့ရန်အတွက် ဝေငှပြောပြလိုသောဆန္ဒရှိကြသည်။ ဘုရားသခင်ကလည်း ထိုသို့အလိုတော်ရှိသည်ဖြစ်၍ ဝမ်းမြောက်ဖွယ်ဧဝံဂေလိ သတင်းစကားကိုမြေတပြင်းလုံး အနှံ့ဟောပြောရန်မိန့်တော်မူခဲ့ပါသည်။ ထိုသို့ဟောပြောရာတွင် မိမိတို့အိမ်သူအိမ်သားများကို ဦးစားထားအစပြုရမည်ဖြစ်သည်။ ထိုမှထပ်ဆင့်၍ မိမိအိမ်နီးချင်း၊ မိမိလူမျိုးနှင့်၊ နောက်ဆုံးတွင် မြေတပြင်လုံးအနံ့ှ ဧဝံဂေလိတရားကိုယူဆောင်သွားရမည်ဖြစ်သည် (မဿဲ၊၁ဝး၅-၇)(မာ၊၁၆းဿ-၁၆)။

အချို့သောသူများသည် မိမိ၏ဇနီး၊ ခင်ပွန်းနှင့် အိမ်သူအိမ်သားများကိုလစ်လျူရှုထား၍ အဝေးသို့သွားရောက် သာသနာ ပြုကြသည်။ ဘုရားသခင်၏ အလိုတော်မှာ “ကိုယ်နှင့်စပ်ဆိုင်သောသူကို ကိုယ်နှင့်အမျှချစ်ဖို့”ဖြစ်သည့်အတိုင်း ကျွနု်ပ်တို့နှင့် စပ်ဆိုင်သည့်အနီးဆုံးသောသူသည် ကျွနု်ပ်တို့၏အိမ်သူအိမ်သားများပင်ဖြစ်သည်။ ထိုပြင် ဧဝံဂေလိတရားဟောပြောရာတွင် ထိုသူများအတွက် ခရစ်တော်ကိုမရရှိပါက တမလွန်၌ခံစားရမည့်ကံကြမ္မာဆိုးအားမြင်၍ မေတ္တာစိတ်နှင့်ပြောပြဖို့လိုပါသည်။ မေတ္တာမပါဘဲ တာဝန်အရသာဟောပြောဝေငှမှုသည် ထိရောက်အောင်မြင်မှုရှိ နိုင်မည် မဟုတ်ပေ။

အလင်း၏သားကဲ့သို့
ယခုကာလသည် နောက်ဆုံးသောကာလဖြစ်သလို လောကတစ်ခုလုံးသည် ဒုစရိုက်အမှောင်ဖုံးနေသောအချိန်လည်း ဖြစ်သည်။ လောကသားများသည် မှောင်မိုက်၏အကျင့်တည်းဟူသော ယစ်မျိုးသောက်ကျူးခြင်း၊ မတရားသော မေထုန်၌မှီဝဲခြင်း၊ ကိလေသာညစ်ညူးခြင်း၊ ရန်တွေ့ခြင်း၊ ဂုဏ်ပြိုင်ခြင်းတို့ဖြင့် တစ်ဦးနှင့်တစ်ဦးမေတ္တာတရား၊ အကြင်နာတရား ကင်းမဲ့ကာအသက်ရှင် နေကြသောအချိန်ဖြစ်သည်။

 ဘုရားသခင်သည် အလင်းဖြစ်တေ်ာမူသကဲ့သို့ ကျွနု်ပ်တို့အသီးသီး သည်လည်း အလင်း၏သားများ ပီပီ မေတ္တာတရား၏ရှေ့ထားကာမှောင်မိုက်၏အကျင့်တို့ကိုပယ်၍ ဖြောင့်မတ်ခြင်း သစ္စာစောင့်ခြင်းနှင့်တကွ အသက်ရှင်ကြမည်ဆို ပါက ဒုစရိုက်အမှောင်ဖုံးလျက်ရှိသောလောကကြီးထဲတွင် ဘုရားရှင၏ ဘုန်းတော်ထင်ရှားကာ မှောင်မိုက်၌ကျင်လည်နေကြသော လောကီသားများသည် အလင်းတရား၏အကျိုးကို ကျွနု်ပ်တို့ အားဖြင့် သိမြငလာကာ အလင်းရှင်ထံတော်သို့ပြောင်း လဲလာမည် ဖြစ်ကြောင်း မေတ္တာနှင့် အသိပေးဝေငှလိုက် ရပါသည်။

 Dr.တင်မောင်ထွန်း-တရားဒေသနာ

Saturday, 16 April 2016

ယေဟောဝါ နာမတော်-၁၆ မျိုး

Jehovah ၏အနက်အဓိပ္ပါယ်မှာ ထာ၀ရဖြစ်သည်။
(က၊၂၁း၃၃၊ ထွ၊၃း၁၃-၁၄၊ ၆း၃၊ဆာလံ၊ ၈၃း၁၈၊
 ဟေရှာ၊ ၁၂း၂။ ၂၆း၄)

1. Jehovah Elohim-the Eternal Creator
ထာ၀ရဖန်ဆင်းရှင် အကြိမ်(၁၀၀)မကဖော်ပြထားပါ
သည်။(က၊၂း၄-၂၅ )
2. Jehovah Adonai – the Lord our Sovereign;
 Master Jehovah
တန်ခိုးအာဏာတော်အတိုင်းမသိ၊ကြီးကဲထွဋ်မြတ်

3.Jehovah Jireh –the Lord will see or Provide
ကြီးကြပ်ကြည့်ရှုသူ၊ (က၊ ၂၂း၈-၁၄။ ရော၊၈း၃၂ )

4. Jehovah Nissi -the Lord our Banner
အောင်မြင်ခြင်း၊(ထွ၊ ၁၇း၁၅ )

5. Jehovah Rophe –the Lord our healer
အနာရောဂါကိုငြိမ်းစေသည်။ (ထွ၊၁၅း၂၆ )

6. Jehovah Shalom– the Lord our Peace
ငြိမ်းသက်ခြင်းအရှင်၊ (တရားသူ၊၆း၂၄ )

7. Jehovah Tsidkeenu -the Lord our righteousness
ဖြောင့်မတ်ခြင်း ။(ယေရ၊ ၂၃း၆၊ ၃၃း၁၆ )

8. Jehovah Mekoddishkem -the Lord our sanctifier
သန့်ရှင်းခြင်း။ (ထွ၊၃၁း၁၃၊ ယေဇ၊ ၂၀း၁၂၊ ၀တ်၊၂၀း၈၊ ၂၁း၈၊ ၂၂း၉၊ ၁၆ ၊၃၂ ၊)

9.Jehovah Sabaoth –the Lord of hosts
ကောင်းကင်ဗိုလ်ခြေအရှင်၊အထွဋ်အမြတ်။ (၁ရာ၊၁း၃)(၂၈၁ကြိမ်ဖော်ပြထားသည်။)

10.Jehovah Shammah -the Lord is present
အတူရှိသောဘုရား (ယေဇ၊ ၄၈း၃၅ )

11. Jehovah Elyon –the Lord most high
အမြင့်ဆုံးသောဘုရား (ဆာ၊၇း၁၇၊ ၄၇း၂ ၊၉၇း၉ )

12.Jehovah Rohi –the Lord my Shepherd
သိုးထိန်း၊(ဆာ၊၂၃း၁ )

13.Jehovah Hosseenu –the Lord our maker
ဖန်ဆင်းပြုလုပ်သူ၊(ဆာ၊၉၅း၆ )

14. Jehovah Eloheenu –the Lord our God
ကျွန်ုပ်တို့ဘုရား၊ (ဆာ၊၉၉း၅၊ ၈၊၉၊ )

15. Jehovah Eloheka -the Lord the God
သင်၏ဘုရားသခင်၊( ထွ၊၂၀း၂၊ ၅၊၇၊)

16. Jehovah Elohay –the Lord my God
ငါ၏ဘုရားသခင်ထာ၀ရဘုရား၊ (ဇာခရ၊ိ ၁၄း၅ )

မူရင်း - http://simonkamta.blogspot.com
တာ်မူသော (က၊ ၁၅း၂၊၈ )

ကယ်တင်သောဘုရားရှင်

လူသည် လွန်စွာထူးဆန်းသောသတ္တဝါဖြစ်
သည်။ မည်သည့်အရာကိုမျှ လွယ် လင့်တ
ကူ မယုံကြည်တတ်ပေ။ သိပ္ပံပညာထွန်း
ကားနေသော အချိန်ကာလဖြစ်၍ လူ သည်
အကြောင်းအရာတစ်ခုကို လက်တွေ့ကျကျ
ထိတွေ့သိမြင်ခံစားပြီးမှသာ လက် ခံယုံ
ကြည်တတ်ကြသည်။ မိမိတို့၏ဦးနှောက်
အသိပညာကို အခြေထားစဉ်းစားပြီး အသက်
ရှင်တတ်သောလူသည် ဘုရားဟူသော ပုဂိ္ဂုလ်တော်မြတ်ကို မျက်စိဖြင့်မမြင်
ရသော်လည်း မနှောအာရုံအသိနှင့် နှလုံးတွင်းမှခံစားပြီး သက်၀င်ယုံကြည် ကိုးစား ကာ အလေးထားအသက်ရှင်ကြသည်မှာ သဘာ၀တရားထက်ကျော်လွန်သော ထူး ဆန်းအ့ံဘွယ်အမှုတစ်ခုပင်ဖြစ်ပေသည်။ လောကတွင် သဘာ၀တရားအများရှိကြ သည်ဖြစ်ရာ သဘာ၀တရားတ်ိုင်းက လောကုတ္တရာကဏ္႑တွင် သုခချမ်းသာခံစားနိုင် ရေးအတွက် ယနေ့ပစ္စုပ္ပန်ကာလအသက်ရှင်မှုကို သတိပြုကြဖို့ရန် အသိပေးနိုးဆော်ထားကြပါသည်။

လူမှန်လျှင်ကွာခြားမှုမရှိ
(လု၊ ၁၆း၁၉-၃၁)တွင်လူနှစ်ဦးကိုတွေ့ရသည်။ တစ်ဦးကငွေကြေးဥစ္စာပစ္စည်း ကြွယ်၀ပြည့်စုံသော သူဌေးဖြစ်ပြီးကျန်တစ်ဦး ကလာဇရုအမည်ရှိဆင်း ရဲသားဖြစ်သည် သူဌေးသည် နီမောင်းသောအ၀တ် ကို၀တ်၍ နေ့တိုင်းကာမဂုဏ်စည်းစိမ်၌ပျော်မွေ့ ကာလောကီအရေးကို သာစဉ်းစားအ သက်ရှင်နေကြောင်း တွေ့ရသကဲ့သို့ လာဇရုမှာ မူ စားစရာမဲ့ငတ်မွတ်လျျှက် သူဌေးစားပွဲမှကျသောအစာကိုစားရအံ့သောငှါ တောင့် တစိတ်နှင့် သူဌေးအိမ်တံခါးနား တွင်နေကြောင်းတွေ့ရသည်။

 ထိုနည်းတူလောကတွင် လူချင်းတူသော် လည်း လောကီ ကဏ္႑၌အခြေအနေမတူညီပဲ ကွာခြားမှုရှိကြပေသည် တချို့ကပညာတတ်သည်။ တစ်ချို့ကပညာမဲ့သည်။ တစ်ချို့ကဆင်းရဲကြသည်။ တစ်ချို့ကချမ်းသာကြသည်။ လောက၌အသက်ရှင်စဉ် ဤမတူညီမှုများရှိလင့်ကစား အဆုံးတစ်နေ့တွင်ကွာခြားမှုမရှိကြောင်းနားလည်ရသည်။ သူဌေးသည်တစ်နေ့သော အခါ သေဆုံးရသကဲ့သို့ ဆင်းရဲသားလာဇရုလည်း သေ ဆုံးရကြောင်းတွေ့ ရသည်။

တမလွန်အကျိုးရလဒ်ကွာခြား
သူဌေးသည်လောက၌အသက်ရှင်စဉ် စည်းစိမ်ခံစားရ၍ သက်သာမှုကိုရသော် လည်းသေလွန်ပြီး သည့်နောက် မရဏာနိုင်ငံ၌ ပြင်းစွာသောေ၀ဒနာကိုခံစားရကြောင်း တွေ့ရသည်။ လာဇရုအမည်ရှိသူ ဆင်းရဲသားမှာမူ လောက၌ဆင်းရဲငတ်မွတ်၍ ဒုက္ခ ေ၀ဒနာမျိုးစုံခံရသော်လည်း တမလွန်၌သက် သာခြင်းကိုရကြောင်းတွေ့ရသည်။ လူ သည်လောကီကဏ္႑၌သာအသက်ရှင်၍ အဆုံးသတ် ရမည်မဟုတ်ပေ။ လောကုတ္တရာ ကိုလည်း ခရီးဆက်ရဦးမည်ဖြစ် သည်။

 လောက ၌မည်မျှပင်ကြွယ်၀ပြည့်စုံ၍ ကောင်း ကျိုးမင်္ဂလာအဖြာဖြာကိုခံစားရပါစေ၊ တမလွန်၌အပါယ် ငရဲတွင် ပြင်းစွာေ၀ဒနာခံစား ရမည်ဆိုပါက မည်မျှအကျိုးဆုံးရှုံးမည်နည်း။ ယနေ့ကျွနု်ပ် တို့အသက်ရှင်နေကြသော ပစ္စုပ္ပန်ကာလသည် သင်္ခါရဖြစ်သော် လည်း သေပြီး သည့်နောက် ရောက်ကြရမည့် လောကုတ္တရာ(တမလွန်ခရီး)သည် တဒင်္ဂမဟုတ်သည့် ထာ၀ရကာလဖြစ်ပေသည်။

ဘာသာတရား
လောကတွင် ဘာသာတရားများစွာရှိပါသည်။ ဘာသာတရားတိုင်းက လူ့ အသက်တာအခြေအနေကို မီးမောင်းထိုးပြနေပါသည်။ မကောင်းသောအကျင့်အကြံ အပြုအမူ တို့ကို ရှောင်၍ ကောင်းသောအသက်တာ၌ရှင်သန်ဖို့ သတိပေးနိုးဆော်ပါ သည်။ လူသည်ကောင်းမကောင်း သိသောဉာဏ်အပေါ် အခြေထား၍ မကောင်းသည် နှင့်ကောင်းသည် ကိုခွဲခြားသိသော်ငြား လည်းလက်တွေ့မကျင့်သုံးနိုင်၊မကောင်းသည် ကိုသိလျက်နှင့် မရှောင်နိုင်၊ ကောင်းသည့်အရာကိုသိလျက်နှင့်လည်း မလုပ်နိုင်သည် မှာ လူ၏မပြည့်စုံသော အားနည်းချက်ပေတည်း။ ကောင်းသောအသက်ရှင်မှုတို့အ တွက် တမလွန်တွင်ကောင်းကျိုးချမ်းသာကို ခံစားရဖို့ရှိသလို မကောင်းသောကျင့်ကြံ ပြုမူအသက်ရှင်မှုအတွက် တမလွန်တွင် အပါယ်ငရဲ၌ ပြင်းပြစွာ ေ၀ဒနာခံစားရမည် ဖြစ်သည်။

မနှောအာရုံအသိက လူတွင်ရှိသည်ဖြစ်၍ တမလွန်အရေးကိုစဉ်းစားတိုင်း လူ သည် စိတ်ရတက် မအေးနိုင်ရလောက်အောင်ဖြစ်နေပါသည်။ ဘာသာတရားကလူကို အပါယ်ငရဲမှမကယ်နိုင်ပါ။ ဘာသာတရားကလူကိုမိမိအခြေအနေမှန်ကို သိဖို့ရန်မီး မှောင်ထိုးပြသည် သာမကအပါယ်ငရဲမှ ကယ်တင်နိုင်သောဘုရားရှင်ကို ကိုးစားအမှီပြု ဖို့ရန်ညွန်ပြနေပါသည်။

မေတ္တာတော်ရှင်
ဘာသာတရားနှင့်ဘုရားသည် များစွာကွဲခြားပါသည်။ ဘာသာတရား၌အသက် မရှိပါ။ ဘုရားဟူသည် မေတ္တာတော်ရှင်ဖြစ်ရုံမျှမက အသက်ရှင်တော်မူသော ပုဂိ္ဂုလ် တော်မြတ်လည်းဖြစ်သည်။ လာဇရုသည် လောကီအသက်ရှင်စဉ် အသက်ရှင်တော် မူသောဘုရားကို သိရှိယုံကြည်ကိုးစားသောသူဖြစ်ကြောင်း နားလည်ရသည်။ အကြောင်းမှာ လာဇရုသောသောအခါ သူ၏၀ိညာဉ်ကို ကောင်းကင်တမန်တို့က လာ ရောက်ခေါ်ယူသွားကြောင်းတွေ့ရသည်။ သူဌေးသည် အသက်ရှင်စဉ်က ဘာသာတ ရားကိုသိပါသည်။ အာဗြဟံ၏အကြောင်းကိုလည်းသူသိပါသည်။

သို့သော်ထာ၀ရဘု ရားကိုပမာဏမပြု။ လောကီကာမဂုဏ်စည်းစိမ်၌ နေ့စဉ်ခံစားပျော်မွေ့ရေးကိုသာ အလေးထားသောကြောင့် သေလွန်သောအခါသူဌေး၏၀ိညာဉ်အား ကောင်းကင်တ မန်များက လာရောက်ခေါ်ယူခြင်းမရှိသဖြင့်မရဏာနိုင်ငံသို့ရောက်ရှိသွားကာ ပြင်းစွာ ေ၀ဒနာခံစားရကြောင်း တွေ့ရသည်။

သူဌေးသည် တမလွန်ရောက်ပြီးမှ နောင်တရ၍ မိမိညီများအတွက် စိတ်ပူ ကြောင်း တွေ့ရသည်။ သို့သော်သူဌေး၏နောင်တသည်နောက်ကျသွားပြီဖြစ်သည်။ တမလွန်၌ကောင်း ကျိုးချမ်းသာ ခံစားနိုင်ဖို့ရန်အ သက်ရှင်စဉ်အချိန်၌သာကျွနု်ပ်တို့တွင် ရွေးချယ်စဉ်းစား ဆုံးဖြတ်ပိုင်ခွင့်ရှိပါသည်။ ယနေ့ကျွန်ုပ်တို့၏ အသက်တာအာမခံချက် သည် အဘယ်အရာပေါ်၌ တည်ရှိပါသနည်း။ သခင်ခရစ်တော် ၏ စကားအပေါ်၌ တည်မှီနေပါက တမလွန် အတွက်စိတ်ချနိုင်ပါသည်။ “ငါသည် သမ္မာတရား၊ အသက်၊ လမ်းခရီးဖြစ်၏။ ငါ့ကိုအမှီမပြုလျှင် အဘယ်သူမျှ ခမည်းတော်ထံသို့ မရောက်နိုင် ကြောင်း” သတိပေးပါသည်။ (ယော ၁၄း၆)။ သခင်ယေရှုကမိမိကိုယုံကြည်သူများနှင့် ကပ်ကမ္တာကုန်သည့်တိုင်အောင် အတူရှိမည်ဟု ဂတိပေးပါသည်။

မြည်းစမ်းသိမှတ်ယုံကြည်ပါ
သခင်ယေရှုက “ငါ့ကိုခေါ်လော့၊ ငါထူးမည် ။ ငါ့ကိုယုံကြည်သောသူသည် သေ လွန်သော်လည်း ရှင်လိမ့်မည်” ဟုမိန့်တော်မူပါသည်။ သခင်ယေရှုကို အသက်တာ၌ ယုံကြည်ကိုးစားနိုင်ဖို့ရန် သက်သေရလိုပါက ကိုယ်တော်၏နာမ၌ခေါ်ကြည့်ပါ။ ကိုယ် တော်သည်အမှန်တကယ် အသက်ရှင်တော်မူသောဘုရားဖြစ်ပါက ကျွန်တော်ကျွန်မ ၏အသက်တာကို ဤမည်သောပြသနာ အခက်ခဲမှ ကယ်မ၍ သက်သေထူပါဟု ဆုတောင်းကြည့်ပါက ကိုယ်တော်သည်ထူး၍ အသက်ရှင်ကြောင်းသက်သေကို ပြလိမ့်မည်ဖြစ်သည်။

ကျွနု်ပ်တို့၏အသက်တာ၌ ကိုယ်တော့်အားကိုယ်တိုင်မြည်းစမ်း၍ သက်သေခံ စားရပြီး ကယ်တင်ရှင် အဖြစ်လက်ခံယုံကြည်မည်ဆိုပါက ကိုယ်တော်သည်ကျွနု်ပ်တို့ နှင့်အတူရှိမည်ဖြစ်သည်။ ၄င်းအပြင် နေ့စဉ်အသက်တာ၌လည်း ကိုယ်တော်အတူပါ ရှိကြောင်းသက်သေကို ကျွနုပ်တို့အားဖြင့်ထင်ရှားစေမည်ဖြစ်ပါသည်။ ထို့ကြောင့် လူ သည်ယခုဘ၀အသက်ရှင်ပြီး အဆုံးသတ်သွားမည်မဟုတ်ကြောင်း၊ နောင်ဘ၀၌ ဆက်လက်ရှင်သန်ရန်ရှိသေကြောင်း၊ သခင်ယေရှုကိုယုံကြည်၍ အသက်ရှင်သူတို့ အတွက်၊ တမလွန်၌ ထာ၀ရဘုရားနှင့် အတူသုခချမ်းသာကို ခံစားနိုင်ကြောင်း သတိ ပြုဆင်ခြင်လျက် မိမိတို့အသက်တာကိုပြင်ဆင်ပြီး အသက်ရှင်ကြပါမည့် အကြောင်း
မေတ္တာနှင့်အသိပေးေ၀ငှလိုက်ပါသည်။

Dr.တင်မောင်ထွန်း ၏တရားဟောချက်

Friday, 15 April 2016

"သည်းခံခြင်း"

 ရွှေခါနာန်ဝိညာဉ်အာဟာရက ဓမ္မမိတ်ဆွေများ
 အားလုံးကို ခရစ်တော်နာမ၌မင်္ဂလာပါလို့ နှုတ်
ခွန်းဆက်သာပါတယ်။ ဘုရားသခင်ရဲ့ကျေးဇူး
တော်ကိုချီးမွမ်းပါတယ်။ ဒီနေ့တော့ ရှင်ယာကုပ်
သြဝါဒကျမ်းထဲက သည်းခံခြင်း နဲ့ပတ်သက်ပြီး
တော့ဝေဌချင်ပါတယ်။ အသက္သာမွ သည်းခံပြီး
တော့ အသက်ရှင်ဖို့ရန်အတွက် သိပ်ပြီးတော့အ
ရေးကြီးပါတယ်။

ဒါကြောင့်ယာကုပ်ကျမ်းထဲမှာဆိုရင် သည်းခံခြင်း
အကြောင်းနဲ့ပတ်သက်ပြီးတော့ အကြိမ်ပေါင်းများစွာရေးထားပါတယ်။ ယာကုပ် ၁:၂ , ၁:၄ , ၁:၁၂ , ၅:၇ , ၅:၈ , ၅:၁၀ , ၅:၁၁ ရေးထားပါတယ်။ စုစုပေါင်း ၉ကြိမ်ပါပါတယ်။ အခန်းကြီး ၅ခန်းတာရှိပေမဲ့ သည်းခံခြင်း ဆိုတဲ့စကားလုံးကို အကြိမ်ပေါင်းများစွာ ခဏခဏေရးထားရတာ အဓိပ္ပါယ်ရှိပါတယ်။ ဘာကြောင့်လည်းဆိုရင် ဒီကနေ့ ယုံကြည်သူတွေဟာ မသည်းခံနိုင်ဘူး ယုံကြည်သူပီသအောင် အသက်မရှင်နိုင်ဘူး ပတ်ဝန်းကျင်ကိုကြည့်ပြီးတော့မှ အားကျတယ် ပတ်ဝန်းကျင်တွေ မိုးခါးရေသောက်တဲ့အတိုင်းလိုက်သောက်ချင်တယ်။

 ရောမရောက်တဲ့လူတွေက ရောမကျင့်တဲ့အတိုင်းလိုက်ပြီးတော့ ကျင့်ချင်ကျတယ်။ ဒါဟာဘုရားသခင်ရဲ့သဘောတော်မဟုတ်ပါဘူး ယုံကြည်သူမှန်ရင် ဘယ်လိုအသက်တာနဲ့ အသက်ရှင်ရမှာလည်း? အခန်း၁:၂ မွေတာ့ ငါ့ညီအစ်ကိိုတို့၊ သင်တို့၏ ယုံကြည်ခြင်း ကို စစ်ကြောစုံ စမ်းခြင်း အရာသည် သည်းခံခြင်း ကိုပွါးစေတတ်သည် ဟုသိမှတ်လျက်၊ အထူးထူးအပြားပြား စုံးစမ်း နှောင့်ရှက်ခြင်း နှင့် တွေ့ကြုံသော အခါလို့ပြောပါတယ်။ အထူးထူး အပြားပြားသော စုံစမ်းခြင်းကိုတွေ့ကြုံရတဲ့အခါမှာ ဘာလုပ်ဖို့လိုလည်း သည်းခံဖို့လိုပါတယ်။

 ကျွန်တော်တို့ အဲစုံစမ်းနှောင့်ရှက်ခြင်း နောက်ကိုလိုက်သွားဖို့မဟုတ်ပါဘူး အဲဒီစုံစမ်းနှောင့်ရှက်ခြင်း တွေးဆောင်တဲ့အတိုင်း ကျွန်တော်တို့အသက်ရှင်ဖို့မဟုတ်ပါဘူး သူတို့ပြောတဲ့အတိုင်း သူတို့လုပ်တဲ့အတိုင်း သူတို့သွေးဆောင်တဲ့အတိုင်း လုပ်မယ်ဆိုရင် ဘုရားရဲ့အလိုတော်သဘောတော်ကနေပြီးတော့ သာ၍သာ၍ ကျွန်တော်တို့ဝေးသွားဖို့ရှိပါတယ်။

 ဘုရားသခင်ရဲ့ အလိုတော်နဲ့ ဆန့်ကျင်တဲ့ သာ၍ဖြစ်သွားမှာဖြစ်တယ်။ ဒါကြောင့် ကျမ်းစာကပြောတယ် အထူးထူး အပြားပြားသော စုံစမ်းနှောင့်ရှက်ခြင်းကိုတွေ့ ကြုံရတဲ့အခါမှာ သည်းခံလျှက်အသက်ရှင်ပါ။ အခန်း ၁:၄ မွာ သင်တို့ သည် အလျှင်းမချို့တဲ့ဘဲစေ့စပ်စုံလင် မည်အကြောင်း၊ သည်းခံခြင်း စိတ်သည် အကုန် အစင်ပြုပြင် ပါစေ။ ယုံကြည်သူမှန်ရန် ဝိညာဉ်အသီးထည်းမှာ သည်းခံခြင်း အသီးဟာလည်း တခုပါပါတယ် ချစ်ခြင်း၊ဝမ်းမြောက်ခြင်း၊ ငြိမ်သက်ခြင်း၊ နှိမ့်ချခြင်း၊သည်းခံခြင်းပါပါတယ် ဒီအထည်းမှာ သည်းခံခြင်းအသက်သာအားဖြင့် အသက်သာကိုအသက်ရှင်မယ်ဆိုရင် ဘုရားရဲ့ အလိုတော်သဘောတော်ထဲမှာ ဘုရားနှစ်သက်တဲ့ စုံလင်ခြင်းအရာတစ်ခုဖြစ်ပါတယ်။

 ဒါကြောင့် မချို့သက်ဘဲ လမ်းမလွှဲဘဲနဲ့ ဆက်စပ်စုံလင်ပြီး အသက်သာထည်းမှာ ဘုရားသခင်ရဲ့ အလိုတော်ထည်းမှာ အကုန်အစဉ်အသက်ရှင်နိုင်ဖို့ သည်းခံခြင်း စိတ်နဲ့အသက်ရှင်ဖို့လိုအပ်ပါတယ်။ ယာကုပ် ၁:၁၂ မွာ စုံစမ်းနှောင့်ရှက်ခြင်း ကို သည်းခံသောသူသည် မင်္ဂလာရှိ၏။ အကြောင်းမူကား၊ စစ်ကြောစုံစမ်းခြင်း ကို ခံပြီးမှ သခင်ဘုရားကိုချစ်သောသူတို့အား ဂတိထားတော်မူသော အသက်သရဖူကိုရလိမ့်မည်။ မင်္ဂလာရှိပါတယ်တဲ့ ပတ်ဝန်းကျင် အခြေအနေဘယ်လောက်ဘဲ စုံစမ်းတွေးဆောင်နေပေမဲ့ ဒီအရာကို သည်းခံပြီးတော့ အသက်ရှင်တဲ့အခါမှာ မင်္ဂလာတစ်ပါးရပါတယ်။ ဘုရားဝတ်၌မွှေ့လျှော်တာလည်း မင်္ဂလာရတယ်။ နှုတ်ကပတ်တော်၌မွှေ့လျှော်တာလည်းမင်္ဂလာရတယ်။ အဲဒီမင်္ဂလာအများကြီးထဲက စုံစမ်းနှောင့်ရှက်ခြင်းကို သည်းခံခြင်းကလည်း မင်္ဂလာတစ်ပါးဖြင့်ပါတယ်။

 ဒါကြောင့် ဘုရားရှေ့မှာမင်္ဂလာဖြစ်စေမဲ့ အဲဒီအရာကို ကျွန်တော်တို့အသက်ရှင်ဖို့ရန်အတွင်အရေးကြီးပါတယ်။ အဲဒီလို သည်းခံတဲ့အခါမှာ ဘုရားက သည်းခံခြင်ူပါရမှီပတွက်ဆုပေးဖို့ရှိတယ်။ စုံစမ်းနှောင့်ရှက်ခြင်း ကို သည်းခံသောသူသည် မင်္ဂလာရှိ၏။ အကြောင်းမူကား၊ စစ်ကြောစုံစမ်းခြင်း ကို ခံပြီးမှ သခင်ဘုရားကိုချစ်သောသူတို့အား ဂတိထားတော်မူသော အသက်သရဖူကိုရလိမ့်မည်။ အဲဒီအသက္သရဖူကို ဘုရားပေးဖို့ရှိပါတယ်။

 ယုံကြည်သူတွေ သည်းခံခြင်းအသက်သာမှာ အသက်ရှင်မယ်ဆိုရင် မြတ်သောသရဖူရှိပါတယ်။ လောကမှာ ဘုရားသခင်နှစ်သက်တဲ့ အသက်တာဖြစ် တာမွက တစ်နေ့ယေရှုခရစ်တော်ရဲ့ရှေ့တော်မှောက်ကို ရှောက်တဲ့အခါမှာ ယုံကြည်သူရမဲ့ သရဖူငါးမျိုးရှိပါတယ်။ အဲဒီသရဖူငါးမျိုးထဲမှာ စုံစမ်းနှောင့်ရှက်ခြင်းကိုသည်းခံပြီးတော့ ဝိညာဉ်တဘောနဲ့ တကယ်အသက်ရှင်တာလည်း သရဖူတစ်ခုရဖို့ရှိပါတယ်။

 ဒါကြောင့်မလိုဒီအရာကမခက်ပါဘူး ဝိညာဉ်ဖမ်းဖို့လည်းမဟုတ်ပါဘူး ပေးလှူဖို့လည်းမဟုတ်ပါဘူး အသက္တာမွာ စုံစမ်းနှောင့်ရှက်ခြင်းကို သည်းခံဖို့ဘဲဖြစ်ပါတယ်။ ပြောချင်ဒါကယုံကြည်သူပီသအောင် နှုတ်ကပတ်တော် သမ္မာတရားလမ်းက သမ္မာတရားသွန်သင်ချက်လမ်းကြောင်းပေါ်မှာဘဲ သက်မှတ်စွာ အသက်ရှင်သွားမယ်ဆိုရင် အဲဒီသရဖူကိုရဖို့ဖြစ်တယ်လို့ သမ္မာကျမ်းစာထဲမှာ တိတိကျကျသွန်သင်ထားပါတယ်။

 ချစ်သောမိတ်ဆွေ ဒါကြောင့်ဒီအရာက ကျွန်တော်တို့ ယုံကြည်သူတွေမသိလို့ကျော်သွားတဲ့ သူတွေအများကြီးရှိပါတယ်။ ဒီကနေ့ ကျော်သွားသောသူမဟုတ်ဘဲနဲ့ သမ္မာတရားကိုသိပြီးတော့မှ ဖော်စားသောသူဖြစ်ဖို့ရန် အတွက်လိုအပ်ပြီမဟုတ်ဘုးလား? ယာကုပ် ၅:၈ မွာ သင်တို့သည်လည်း သည်းခံလျက်စောင့်နေကြလော့။ ကိုယ်စိတ် နှလုံးကို မြဲမြံစေကြလော့။ သခင်ဘုရားကြွလာတော်မူသော အချိန် ရောက်လုနီးပြီ၊ ခရစ်တော်ကြွလာတော့မှဖြစ်တယ် စုံစမ်းခြင်းက ပိုပြီးတော့ ပိုပြီးတော့များလာမှာဖြစ်တယ်။

 ဒါကြောင့် ကိုယ့်စိတ်နှလုံးကို မြဲမြန်စေပြီးတော့ စုံစမ်းနှောင့်ရှက်ခြင်းကို သည်းခံလျက်စောင့်နေပါ။ ယေရှုခရစ်တော်ရဲ့ကြွလာခြင်း နီးလေလေ စုံစမ်းနှောင့်ရှက်ခြင်းကများလေလေဘဲ ဘာကြောင့်လည်းဆိုရင် စာတန်ရဲ့အချိန်ကတခဏတာကျန်တော့ဒါဖြစ်တယ်။

 စာတန်အချိန်နည်းလေလေ အလုပ်လုပ်လေလေဘဲဖြစ်မှာဘဲ ဒါကြောင့် စာတန္မရ္နက သူအလုပ်ကိုသူလုပ်သလို ကျွန်တော်တို့လည်း ကိုယ့်အလုပ်ကို သာ၍လုပ်ဖို့ရှိတယ်။ ဘာကိုသာ၍လုပ်ရမှာလည်းဆိုရင် သာ၍သည်းခံသောသူဖြစ်ဖို့ရန်အတွက် လိုအပ်ပါတယ်။ ကောင်းကင်မှာ ကိုယ်တော်ပေးမဲ သရဖူရှိတဲ့အတွက် သည်းခံခြင်းက အလကာမဟုတ်ပါဘူး ဒီသမ္မာတရားနှင့်အညီရပ်တည်ပြီးတော့ စုံစမ်းနှောင့်ရှက်ခြင်းကိုမလိုက်ဘဲ ဘုရားရဲ့အလိုတော်ထည်းမှာ အသက်ရှင်တဲ့သူအတွက် ကိုယ်တော်ကအဲဒီအသက်ရှင်သောသူတွေကို အာခမဲ့ပေးဖို့ရှိပါတယ်။

 ဒါကြောင့်ဒီအရာကိုနားလည်ပြီးတော့ တကယ်အသက်ရှင်ဖို့ရန်အတွက်မေတ္တာအားဖြင့်ပြောပြချင်ပါတယ်။ ယာကုပ် ၅:၁၀-၁၁ မွာ ငါ့ညီအစ်ကိုတို့၊ ထာဝရဘုရား၏နာမတော်ကို အမှီပြု၍ ဟောပြောသော ပရောဖက်တို့သည် ဆင်းရဲဆင်းဒုက္ခ တွေ့ြ့ခင်း၊ သည်းခံခြင်း ၏ ပုံသက်သေကိုပြကြပြီဟု မှတ်ကြလော့။
၁၁ သည်းခံနိုင်သောသူတို့သည် မင်္ဂလာရှိသောသူဟူ၍ ငါတို့သည်ခေါ်ကြ၏။ ယောဘသည် သည်းခံကြောင်းကို သင်တို့ကြားရကြပြီ။ ထာဝရဘုရား သည် မိမိအမှုကို လက်စသတ်တော်မူရာမှာ အလွန်သနားစုံမက်တော်မူကြောင်းကိုလည်း သိမြင်ကြရပြီ။

 ဒီမွာ သည်းခံခြင်းနဲ့ ပတ်သက်ပြီးတော့ ယောဘရဲ့ အသက်သာနဲ့ပြောထားပါတယ်။ ယောဘဟာဘယ်လောက်အထိ စုံစမ်းနှောင့်ရှက်ခြင်းခံရလည်း တစ်ကိုယ်လုံးအနာရောဂါတွေဖြစ်တယ် ဥစ္စာ၊ဘဏ္႑အကုံလုံးကုံသွားတယ်။ သားတွေသမီးတွေ အကုံဆုံးရှုံးသွားတယ်၊ သူဘယ်မှာရပ်တည်တဲ့လူဆိုတာ တစ်ယောက်မှမရှိတော့ဘူး။ ဒါပေမဲ့ အဲဒီဆင်းရဲဒုက္ခကို အဲဒီစုံစမ်းနှောင့်ရှက်ခြင်းကို ယောဘကလုံးဝ ဘုရားအပေါ်မှာ သစ္စာမပျက်ပါဘူး သည်းခံသောသူဖြစ်တယ် အဲဒီကို သည်းခံသောယောဘကို ကိုယ်တော်ဘုရားက နှစ်ဆသောကောင်းကြီးပြန်ပေးပ်တယ်။

 ဒီနေ့ ကျွန်တော်တို့လောကမှာလည်း ဘုရားချီးမြောှက်ကောင်းကြီးပေးဖို့ရှိသလို၊ အထူးသဖြင့်ကောင်းကင်အိမ်တော်ကိုရောက်တဲ့အခါမှာ သည်းခံသောသူတို့အား သရဖူကို ကိုယ်တော်ဘုရားဆုချပေးမှာဖြစ်ပါတယ်။ သစ္စာရှိသောငယ်သားကောင်းအဖြင့်လောကမှာ သမ္မာတရားကိုလေ့လာပြီး၊ သမ္မာတရားကိုခံယူပြီး၊ သမ္မာတရားရဲ့လမ်းကြောင်းပေါ်မှာ ကိုယ်နော်ကြွလာတဲ့နေ့ရက်တိုင်အောင် သည်းခံလျက်အသက်ရှင်ကျပါစို့။ ကြားနာသူအယောက်စီတိုင်းကို အသစ်တဖန်ဘုရားသခင်ကောင်းကြီးပေးပါစေ။

 (တရားဒေသနာ Rev. Saw Kay)

Thursday, 7 April 2016

ကျေးဇူးသိမှတ်၍ ချစ်တတ်သောစိတ်


လူ့အသိုင်းအဝိုင်းကိုကျွနု်ပ်တို့သတိပြုဆင်ခြင်ကြည့်
မည်ဆိုပါက ကျေးဇူးတရားကင်းမဲ့သောလူအချို့ကို
တွေ့ရပေမည်။ ကျေးဇူးတရားကင်းမဲ့ရခြင်းမှာ တစ်
ချို့ကကျေးဇူးမှန်းမသိ၍ဖြစ်သည်။ မိမိအပေါ်တဖက်
လူက စေတနာမေတ္တာစိတ်နှင့် အကောင်းဆုံး ပြုပြင်
ပေးသော်လည်း မိမိ၏အလိုဆန္ဒမျှော်လင့်ချက်နှင့်မ
ကိုက်ညီသည့်အခါ အပြစ်တင်တတ်သည်။ ဝေ
ဖန်ရှုတ်ချ တတ်သည်။ ထိုသို့သောသူ၏အသက်
တာ၌ဝမ်းမြောက်ခြင်းမရှိနို်််င်ပေ။ ဤကဲ့သို့သော
သူကို လူ့အသိုင်း အဝိုင်းတွင် တွေ့ကြုံရသည်မှာ 
ဓမ္မတရာ တရားတစ်ခု ပင်ဖြစ်သည်။

နောက်ဆုံးသောကာလ
နောက်ဆုံးသောကာလတွင် ရှိမည့်လူတို့၏ စိတ်နေသဘောထားများကို သမ္မာကျမ်းစာကကြိုတင် သတိပေးဖေါ်ပြထား ပါသည်။ (၂တိ၊၃း၂)။ ထိုကာလ၌ လူတို့သည်ကိုယ့်ကိုကိုယ်ချစ်သောသူ၊ ကျေးဇူးမရှိသောသူ၊ မေတ္တာခေါင်းပါးသောသူများဖြစ်မည် ဟု ဝိညာဉ်တော်ကအတိအလင်းပြောထားသည့်အတိုင်း ယနေ့လူများစွာတို့သည် ထိုသဘောဖြင့် အသက်ရှင်နေကြသည်ကိုတွေ့ ရသည်။

မိဘများကသားသမီးများအပေါ်အကောင်းဆုံးစေတနာစိတ်ဖြင့် မေတ္တာပြပံ့ပိုးကြသော်လည်း သားသမီးများက ထိုကျေးဇူးကိုမသိမှတ်ဘဲရှိကြသည်။ မိဘကတတ်နိုင်သည်၊ မတတ်နိုင်သည် ကိုမသိ၊ မိမိလိုချင်သည့်အရာကိုသာပမာဏပြုကြသည်။ ကျေးဇူးတရားကို သိတတ်သောသူနှင့် ကျေးဇူးတရား ကိုမသိတတ် သောသူ၏ သဏ္႑န်သည် သူ၏မျက်နှာသွင်ပြင်၌ပင် ကွာခြားပေါ် လွင့်ရုံသာမက အတွင်းနှလုံးသား၏ ဝမ်းမြောက်ခြင်း၌ လည်းများစွာခြားနားလှပါသည်။

ကျေးဇူးပြုခြင်းခံရသော်လည်း
အနူရောဂါသည်(၁ဝ)ဦးကို သခင်ခရစ်တော်ကကျေးဇူးပြုသဖြင့် ဆယ်ဦးစလုံးအနူရောဂါသည် ဘဝမှလူကောင်း ဘဝသို့ ရောက်ရှိသွားကြပါသည(လု၊ ၁၇)။ ‚င်းတို့သည် လူ့အသိုင်းအဝိုင်း၏ဝိုင်းပယ်မှုကိုခံနေရသည့်ဘဝမှ လွတ်မြောက်ရသည့်အတွက် မဖေါ်ပြနိုင်လောက်အောင်ဝမ်းမြောက်ခြင်းကိုခံစားကြရသည်။

 သို့သော် မိမိတို့ခံစားရသည့် ကျေးဇူးတရားကို လူအားလုံးကမသိမှတ်ကြပါ။ ထိုသူများထဲမှတစ်ဦးသာလျှင် သခင်ခရစ်တော် ထံသို့ပြန်လာ၍ မိမိအပေါ် ပြုခဲ့သော ကျေးဇူးအတွက် ကျယ်သောအသံနှင့် ကိုယ်တော့်ရှေ့တော်၌ချီးမွမ်းကြောင်းတွေ့ရသည်။ လူဆယ်ဦးတွင် တစ်ဦးသာ လျှင်ဘုရားသခင်၏ ကျေးဇူးတရားကိုသိမှတ်ပါသည်။ ကျန်ကိုးဦးမှာ ကျေးဇူးပြုမှုကိုအတူတကွခံကြရသော်လည်း ကျေးဇူးတရားကိုသိမှတ်တုန့်ပြန်ခြင်းမရှိကြပါ။

အပြစ်သားဘဝမှ
ဘုရားရှင်သည် လူသားတစ်ယောက်စီတိုင်းအပေါ်တွင် တူမျှစွာကျေးဇူးပြုပါသည်။ သို့သော်ဘုရားသခင်၏ ကျေးဇူးတရား ကိုလူတိုင်းမှတ်ကြပါ။ နေ့စဉ်အသက်မွေးလောက်သောအစာကို ဘုရားရှင်ချပေး၍ဝလင်စွာစားနေရခြင်းသည် ဘုရားရှင်၏ကျေးဇူး တော်ကြောင့်ဖြစ်ပါသည်။ သို့သော် လူအချို့ကဘုရားရှင်ကိုပေးခြင်းကြောင့်မဟုတ်၊ မိမိတို့လုပ်မှမိမိတို့စား ရသည်ဟု ကျေးဇူးတရားကို မသိမှတ်ဘဲဆိုကြပါသည်။ သေချာစွာဆင်ခြင်ကြည့်ပါက အလုပ်လုပ်နိုင်ရန်လို အပ်သော ခွန်အားနှင့် ကျန်းမာခြင်း ကိုဘုရားပေးထားကြောင်းသူတို့မသိကြပါ။

ကျန်းမာခြင်းသည် ဘုရားပေး၍ကျွနု်ပ်တို့ရ နေခြင်းဖြစ်သည်။ ထို့ပြင်နေ့စဉ်ဘေးမသီ ရန်မခဘဲ လုံခြုံဘေးကင်းစွာသွား လာနိုင်ခြင်းသည် ကျွနု်ပ်တို့ကို ဘုရားရှင်ကွယ်ကာ ပေးနေ၍ ဖြစ်သည်။ သာ၍ကြီးမားသော ကျေးဇူးမှာ အပြစ်သားဘဝမှလွတ်မြောက်၍ အပါယ်သို့မလားရတော့ခြင်း ပင်ဖြစ် သည်။

ကျွနု်ပ်တို့လူတစ်ယောက်စီတိုင်းသည် နေ့စဉ်၊ ကာယကံ၊ ဝစီကံ၊ မနောကံတည်းဟူသောကံသုံးပါးပြစ်မှား၍ ဒုစရိုက်ကို ကျူးလွန်နေကြသူများဖြစ်သည်။ သို့ဖြစ်၍အပြစ်တရား၏ အခသေခြင်းဟူသည့်အတိုင်း နောက်ဆုံးတွင်အပါယ်လား ကြမည့်သူများ ဖြစ်ကြသည်။ သို့သော်ဘုရားရှင်က လူကိုချစ်သနား၍ အပါယ်မှလွတ်ဖို့အရေးသခင်ယေရှုကို ကျွနု်ပ်တို့၏ ကိုယ်စားကားတိုင်၌ အသေခံကာအပြစ်ကြွေးများဆပ်ပေးစေပြီးဖြစ်သည်။ ထိုကြောင့်သခင်ယေရှုကိုယုံကြည်ရုံမျှဖြင့် ကျွနု်ပ်တို့ အားအပါယ်မှလွတ်မြောက် ခွင့်ပေးခဲ့ပါသည်။ ထိုကျေးဇူးထက်သာ၍ကြီးမားသောကျေးဇူးမရှိတော့ပေ။ မိတ်ဆွေအနေနှင့် ထိုကျေးဇူးတရားကိုဘုရားရှင်ထံမှ ခံစားရရှိပြီလား၊ မရရှိသေးပါက ယခုပင်သခင်ခရစ်တော်ကိုယုံကြည်ခြင်းအားဖြင့် ရယူခံစားနိိုင်ပါသည်။

ချစ်သောစိတ်နှင့်ပေးပါ
(မဿဲ၊၂၆း၆-၁၃)တွင်၊ လူနူတစ်ဦး၏အိမ်၌ကိုယ်တော်ရှိနေစဉ်တစ်ချိန်ကအလွန်ဆိုးခဲ့ဖူးသောမိန်းမတစ်ဦးသည် မိမိ၌ရှိ သည့်အဖိုးများစွာထိုက်သောဆီးမွှေးကျောက်ဖြူခွက်တစ်လုံးကိုခွဲ၍ ကိုယ်တော့်အပေါ်၌သွန်းလောင်းချကြောင်းတွေ့ရသည်။ ထိုမိန်းမသည် မိမိအပေါ်ကိုယ်တော်ပြုသောကျေးဇူးတရားကိုသိမှတ်၍ ကိုယ်တော်ရှင်အားချစ်သောစိတ်နှင့်မိမိ၌ရှိသည့် အကောင်းဆုံးသောအရာကိုပေးခြင်းဖြစ်ပါသည်။ သို့သော်တပည့်တော်တို့သည် ထိုမိန်းမပြုသောအမှုကိုနားမလည်၍ ထိုဆီမွှေးကိုအဖိုးများစွာနှင့်ရောင်း၍ ဆင်းရဲသောသူတို့အား ပေးစရာကောင်းသည်ဟု အပြစ်တင်လျက် ဒေါသစိတ်နှင့် ဆိုကြသည်။

ရံဖန်ရံခါ ကိုယ်တော်ကိုချစ်သောစိတ်နှင့် ကျွနု်ပ်တို့အကောင်းဆုံးလုပ်ဆောင်သော်လည်းကောင်း၊ ရှိသမျှကိုပေး သော်လည်း၊ လူအများကနားလည်ချင်မှနားလည်ပေမည်။ လူအများနားလည်သည်၊ နားမလည်သည်မှာအရေးမကြီးပါ။ ကိုယ်တော်နားလည်ဖို့ ရန်သာ၍အရေးကြီးပါသည်။ ထိုမိန်းမ၏ကျေးဇူးသိသောစိတ်၊ ချစ်သောစိတ်နှင့်လုပ်ဆောင်ခြင်းကို ကိုယ်တော်ရှင်သိမြင်ကာချီးမွမ်း ပြောဆိုရုံမက မြေတပြင်လုံး၌ဧဝံဂေလိတရားဟောပြောရာတွင် ထိုမိန်းမပြုသော အမှုကိုကြားပြောရလိမ့်မည်ဟု မိန့်တော်မူပါသည်။ ကိုယ်တော်သည် ကျွနု်ပ်တို့၏ကျေးဇူးသိသောသဘောနှင့် ချစ်၍ပြုတော်မူ သမျှကိုလက်ခံ၍ ကောင်းချီးပေးပါသည။ ကိုယ်တော်၏ ကျေးဇူးတရားကိုသိသောသဘောနှင့်လုပ်ဆောင်လေလေ၊ ကိုယ်တော် ထံမှကျေးဇူးပြုမှုကိုခံစားရလေလေ ဖြစ်ပါလိမ့်မည်။

မေတ္တာသက်သေ
ကျေးဇူးပြုခြင်းသည် မေတ္တာရှိခြင်း၏သက်သေလက္ခဏာတစ်ပါးဖြစ်သည်။ မေတ္တာသဘာဝသည် ဘုရားသခင် ထံတော်မှ လာခြင်းဖြစ်သည်။ အကြောင်းမှာ ဘုရားသခင်ကိုယ်တော်တိုင်က ချစ်ခြင်းမေတ္တာဖြစ်ပေသည်။ သခင်ယေရှုကို ယုံကြည်ခြင်းအားဖြင့် ဘုရားသခင်၏သားသမီးဖြစ်သူတိုင်းတွင် ချစ်နိုင်သောမေတ္တာဗီဇကိုဘုရားသခင် ထံမှရရှိထားကြပါသည်။ သို့သော် အာဒံ၏ဇာတိ သဘာဝကဖုံးအုပ်ထား၍ ကျွနု်ပ်တို့မချစ်နိုင်ပါ။ ထိုကြောင့် ချစ်နိုင်ဖို့ဘုရားသခင်ထံမှ ခွန်အားတောင်းခံပါ။ ဘုရားရှင်၏ မစမှုကိုရသည့် အခါ အချင်းချင်းအပေါ်တွင် ချစ်သောစိတ်နှင့် ကျေးဇူးပြုပါ။

ထို့ပြင် မိမိအပေါ်ကျေးဇူးပြုသူများကို မေတ္တာရှင်ဘုရားကို ကျေးဇူး ကန်းရာရောက်ပါသည်။ ထိုကြောင့် ဘုရားရှင်၏မစမှုအားဖြင့် မိမိကိုယ်တိုင် အခြားသူများကို ကျေးဇူးပြုသည်သာမက မိမိအပေါ် ကျေးဇူးပြုသူများကိုလည်း ကျေးဇူးမကန်းမိရန် သတိပြုရပေမည်။ ယနေ့ကျေးဇူးတရားကိုမသိမမှတ်ဘဲ အသက်ရှင်နေကြသူ များစွာ ထဲတွင် ကျေးဇူးတရားကိုသိမှတ်၍ တုန့်ပြန်အသက်ရှင်ခြင်းအားဖြင့် ဘုရားရှင်၏ မေတ္တာသဘာဝကိုထပ်ဆင့်ပြန့်ပွါးစေပါမည့် အကြောင်း မေတ္တာနှင့်အသိပေး ဝေငှလိုက်ပါသည်။

Dr.တင်မောင်ထွန်း-တရားဒေသနာ

Friday, 1 April 2016

စကားတော်ကိုနာခံခြင်း

နှုတ်ကပတ်တော်ဟူသည် အသက်ရှင်တော်
မူသောဘုရားသင်၏ စကားတော်မြတ်ဖြစ်ပါ
သည်။ ဘုရားစကားကို လူသား များစွ္နရှိသည့်
အထဲတွင် အရာခပ်သိမ်းကို သိမြင်တော်မူ၍
တန်ခိုးအစွမ်းကြီးမားတော်မူသည်သာမက
 သေခြင်းကို အောင်ပြီး ရှင်ပြန်ထမြောက်တော်
 မူသောထာဝရဘုရား၏စကားတော်များကို ရေး
သားပြုစုထားသည့်ကျမ်းတော်မြတ် (၆၆)ကျမ်းရှိပါ
သည်။ ထိုကျမ်းတော်မြတ်များသည် ဖတ်ရှုသူတိုင်းနှင့်ကျွမ်းဝင်ပါသည်။

ထိုနှုတ်ကပတ်တော်ကိုဖတ်ရှုပြီးသည့်အခါ ဘုရားရှင်၏စကားတော် ဟုတ်၏ မဟုတ်၏ကိုနှလုံးသားနှင့်ဆင်ခြင်၍သိနိုင်ပါသည်။ နှုတ်ကပတ်တော်စကားသည် သက်သေနှင့်ယှဉ်တွဲလျက်ရှိပါသည်။ ဘုရား၏စကားနှင့်တရားဟူသည်များစွာခြားနားပါသည်။ တရားဟူသည် အတိမ်း အစောင်းလုံးဝမခံသလို၊ တရားစကားကိုကျူး လွန်မိပါက တရားအတိုင်းပြစ်ဒဏ်ခံရမည်သာဖြစ်သည်။ တရားတော် ကကောင်းသောသူတစ်ယောက်မျှမရှိဟုဆိုထားပါသည်။ လူသည်တရားနာလျက်နှင့်မကောင်းနိုင်ပါ။ တရားကြောင့် ပိလေးနေသူများကို ဘုရားရှင်ကငါ့ထံသို့လာခဲ့လော့။ ငါသည်ချမ်းသာပေး မည်ဟု မိန့်တော်မူပါသည်။ လာသောသူလည်း အမှန်ပင်ချမ်းသာရမည်ဖြစ်ပါသည်။

တူမျှသောမေတ္တာ
ဘုရားရှင်သည် မေတ္တာရှင်ဖြစ်သည့်အားလျော်စွာ သီလမြဲမြံ၍ ကိုယ်ကျင့်တရားကောင်းမွန်သောသူတို့ကိုချစ်ရုံမက၊ ဆိုးသောသူ၊ မိုက်သောသူကိုလည်း ချစ်တော်မူပါသည်။ ထိုစကားကို တရားအရဆင်ခြင်ပါက နှစ်သက်လက်ခံ ဖွယ်မကောင်း သလို ဆိုးတတ်သောစိတ်သဘော၊ မိုက်တတ်သောသဘာဝကိုမနှစ်သက်ပါ။ သို့သော် လူ၏အသက်ရှင်မှုနှင့်ပတ်သက်၍ ကောင်းစွာကျင့် ကြံသည်ဖြစ်စေ၊ ဆိုးမိုက်သည်ဖြစ်စေ၊ လူသားမှန်လျှင် ဘုရားရှင်သည်မခွဲခြားစတမ်း ညီတူညီမျှသာချစ်ပါ သည်။

 ဘုရားရှင်ရှေ့တော်တွင် သီလကောင်းစွာဆောက်တည်၍ ကုသိုလ်တရားပွားများသူသည် သီလကုသိုလ််အကျိုးကို ခံစားရမည်ဖြစ် သလို သီလပျက်၍အကုသိုလ်တရားပွားများသူသည်လည်း ဆိုးကျိုးပြစ်ဒဏ်ကို အမှန်ပင်ခံစားရမည်ဖြစ်သည်။ မိဘဖြစ်သူတို့၌ မိမိတို့သားသမီးဖြစ်လျှင် ဆိုးသည်ဖြစ်စေ၊ ကောင်းသည်ဖြစ်စေ၊ ချစ်ကြစမြဲဖြစ်သည်။

လူသားမိဘပင်လျှင် ထိုမျှမေတ္တာစိတ်ရှိသည် ဖြစ်လျှင် ဘုရားရှင်၏မေတ္တာဆိုလျှင်ကား ထို့ထက်သာလွန်ကြီးမြတ်လှပေသည်။ (သု၊၁၆း၉)တွင် လူသည်မိမိသွားသောလမ်းကို စိတ်နှလုံးအတွင်း၌ကြံစည်စဉ်းစား၍ပြုမူသော်လည်း ကောင်းကျိုးချမ်းသာရလဒ်ကိုခံစားစေဖို့ ဘုရားသခင်စီရင်သလို ဘုရားစကား နားမထောင်သူကိုလည်း နောင်တရ၍ ထိုလမ်းမှပြန်လှည့်လာ ရန်တားဆီး သတိပေးပါ သည်။

သစ္စာစကားဖြစ်၏
ဘုရားရှင်သည် မိမိနှုတ်ထွက်စကားတော်အတိုင်း သစ္စာတည်စေသောအရှင်ဖြစ်သည်။ (သု၊၁၉း၁၇)တွင် ဆင်းရဲသားကို သနားသောသူသည် ထာဝရဘုရားအားချေးငှါးသောသူဖြစ်၍ သူပြုသောအမှု၏အကျိုးကို ဆပ်ပေးမည် ဖြစ်ကြောင်းမိန့်တော်မူ ထားပါသည်။ ထိုစကားတော်သည် မည်သည့်ဘာသာတရားကိုမှီဝဲဆည်းကပ်သူမဆို၊ မြည်းစမ်းလုပ်ဆောင်ကြည့်၍ ရသောစကား ဖြစ်သည်။ ဆင်းရဲသူအားသနား၍ ဝေငှပေးကမ်းသူသည် ထိုသီလ၏အကျိုးထူး ကိုအမှန်ခံစား၍ ထာဝရဘုရားစကားတော်တည်ကြောင်း သိလာရမည်ဖြစ်သည်။

 ထိုသို့သိရှိခံစားလာပါက ထာဝရဘုရား သည် အသက်ရှင်သော ဘုရားဖြစ်ကြောင်းသက်သေကို အသက်တာ၌တွေ့မြင်သိရှိလာ မည်ဖြစ်သည်။ ထိုအခါ “သားတော်ကိုယုံကြည်သောသူသည် အပြစ်စီရင်ခြင်းကို မခံရကြောင်း၊ ထိုသူအတွက်အပါယ်တံခါးပိတ်မည်ဖြစ်ကြောင်း၊ သားတော်ကိုယုံကြည်သောသူသည် ဘုရားသားဖြစ်ခွင့်ရကြောင်း ”အာမခံသော ကတိတော်နှင့် အာမခံချက်စကားများကိုခံစားရမည်ဖြစ်သည်။ ယင်းအချိန်ဘုရားသားသမီးတို့၌သာရှိသည့် သဘာဝသစ်နှင့် သက်သေသည် ထိုသူ၏အသက်တာ၌ပေါ်လွင်လာမည်ဖြစ်ပေသည်။

စိတ်နှလုံးကိုစစ်တော်မူ၏
သဗေ္ဗညုတဉာဏ်တော်ရှင်သည် စိတ်နှလုံးကိုစစ်ကြော်သိမြင်တော်မူသောဘုရားဖြစ်သည်။ မနောသီလကံ၏ ရှင်သန်မှုကို လူကမသိမမြင်နိုင်ပါ။ လူသည်နှုတ်ဖြင့်ပြောဆိုမှု၊ ပြုလုပ်မှုလုပ်ဆောင်မှုတို့အပေါ်မူတည်၍ အကျိုးကိုရသည် မဟုတ်။ မနောသီလ၏ နှလုံးမှန်စွာအသက်ရှင်တုန့်ပြန်မှုအပေါ်တည၍ ထာဝရဘုရားထံတော်မှ အကျိုးကိုရရှိ ခြင်းဖြစ်သည်။ လူသည်မနောသီလမှန်စွာ အသက်ရှင်လာရေးကို ဘုရားသခင်ကခန္တီတော်ပါရမီထားပြီး စောင့်ဆိုင်းတော်မူပါသည်။

 ယနေ့တရားသဘောအရ ကြိုးစားလိုက် လျှောက်သူနှင့် ဘုရားစကားတော်အရနာခံလိုက်လျှောက်သူသည် များစွာကွာခြား လှပါသည်။ တရားသဘောအရကြိုးစား နေသူသည် မိမိအစွမ်းနှင့် ရုန်းကန်နေသူဖြစ်ပြီး စကားတော်ကို နာခံသူမူကား ဘုရားကိုကိုးစားသောသဖြစ်၍ ဘုရားသခင်ကိုယ်တော် တိုင်ကကူညီမစပါသည်။ တရားကိုကျင့်သောသူသည် “သည်းခံရမည်”ဆိုသည့်ဘုရားစကားရှိထား၍ သီလစောင့်သည်။ ထိုသူသည်သီလ ကိုစောင့်ရှောက်နိုင်ရန် ပင်ပန်းစွာရုန်း ကန်ရသည်။ ဘုရားကိုကိုးစားသူမူကား ဘုရားကသည်းခံစေလိုသောကြောင့် နာခံ၍ပြုမည်ဟုမနောစိတ်က ပြင်ဆင်သော ကြောင့် ဘုရားမစမူသောအခါ မိလေးခြင်းမရှိဘဲ ပေါ့ပါးစွာတုန့်ပြန်နိုင်ပါသည်။

သဘာဝနှစ်မျိုး
လူတွင်သဘာဝနှစ်မျိုးရှိပါသည်။ လူတွင် ဓါတ်ကြီးလေးပါးအုပ်စိုး၍ အာရုံငါးပါးကိုအလေးထားအသက်ရှင်နေသမျှ လူ့သဘာဝစိုးမိုးနေမည်ဖြစ်သည်။ သို့သော်လူသည် အာရုံငါးပါးဖြင့်မပြီး၊ ဓမ္မာရုံဆိုသည့် လောကုတ္တရာနှင့် ပတ်သက်သည့်တရား စကားအခြေထား၍ အလေးထားအသက်ရှင်မှုကဏ္႑သည် လွန်စွာအရေးကြီးပါသည်။ (ရော၊ ၅း၁၃)တွင် ဆင်းရဲခြင်း၌ဝါကြွား ဝမ်းမြောက်ကြောင်းပြောပါသည်။ ထိုသက်သေကို အာရုံငါးပါးအပေါ်အခြေထား၍ လောကီရုပ်ဝါဒတရား အတိုင်းအသက်ရှင်နေသူ က မခံစားနိုင်ပါ။ ဓမ္မာရုံထဲတွင် နာမ်သက်နှင့်ရှင်သန်၍သက်သေရပြီး ခွန်အားဖြစ်သူကသာ ခံစားရရုံမက ဝါကြွားပြောဆိုနိုင်လေသည်။

ဆင်းရဲဒုက္ခထဲတွင် ဝမ်းမြောက်နိုင်ရန်မှာ တမလွန်အရေးစိတ်အေးနေသူဖြစ်ပြီး ဘုရားရှင်နှင့်နီးကပ်စွာမိတ် သဟာယပြု အသက်ရှင်နေဖို့လိုပါသည်။ တစ်နေ့တာ၏အသက်ရှင်မှုနှင့် ပိုင်ဆိုင်မှုအားလုံးကိုဘုရားလက်တော် ထဲအပ်နှံထားပြီးမှ ဖြစ်လာသော အခက်အခဲပြဿနာနှင့် ဆုံးရှုံးမှုရှိသမျှသည် ဘုရားရှင်ကအကြောင်းရှိ၍ မိမိအကျိုးအတွက ခွင့်ပြုကြောင်းသိရှိကာ အလိုတော်ကို ဝန်ခံတုန့်ပြန်မှုကြောင့် ကြိုးစားအားတင်းစရာမလိုဘဲ ဘုရား၏ခွန်အားပေးမစမှုှုအားဖြင့် ထိုအခြေအနေရှိသမျှကို ဝမ်းမြောက်စွာ သည်းခံနိုင်ပါသည်။ ဘုရားသခင်က မိမိအားတဖန်ပြ၍ကောင်းချီး ပေးမည်ဖြစ်ကြောင်းကိုလည်း သိရှိမျှော်လင့်ကာစိတ်ချပါသည်။

ရန်သူကိုချစ်ပါ
နှုတ်ကပတ်တော်ကမိမိရန်သူကိုချစ်ဖို့ရန် ယုံကြည်သူများအားသွန်သင်ပါသည်။ ထိုစကားတော်သည် လူ့သဘာဝရုပ်စိတ်ဖြင့် စဉ်းစားနာခံဖို့က အလွန်ခက်ခဲသောအမှုဖြစ်သည်။ မိမိကိုအနိုင်ကျင့်စော်ကားသူ၊ မိမိအကျိုးစီးပွား ပျက်အောင်လုပ်သူကို ခွင့်လွတ်ရုံမျှမက ချစ်ဖို့အရေးမှာ လူ့သဘာဝစိတ်ဖြင့် မတတ်နိုင်သည့်အမှုဖြစ်သည်။ သို့သော်ဘုရားရှင် ကဇာတိဖြင့် ကိုယ်တိုင်ပြန်၍ တမတုန့်ပြန်ဖို့၊ မိမိလက်သို့အပ်နှံဖို့၊ ထိုသူကိုအပြစ်အလျောက် မိမိဆပ်ပေးမည်ဖြစ်ကြောင်း ပြောပါသည်။ (ရော၊ ၁၂း၁၆-၂ဝ)။ ဘုရားရှင်၏စကားတော်အတိုင်းစိတ်ချစွာဖြင့် “ကိုယ်တော် ၏၏၏ထိုညီအစ်ကိုသည် အကျွနု်ပ်အပေါ်၌မတရားပြုပါ၏။ သူ့ကိုဇာတိဖြင့် ကျွနု်ပ်မတုန့်ပြန်ပါ။

ခံနိုင်ရန်ရှိရန်အကျွနု်ပ်အားခွန်အားပေးပါ။ သူ့ကိုလည်း ကိုယ်တော်စီရင်တော်မူပါ”ဟု အပ်နှံပါက ထိုအမှုကို ဝမ်းမြောက်သောစိတ်နှင့် သည်းခံခွင့်လွတ်နိုင်ဖို့ရန် ကိုယ်တော်ကခွန်အား ပေးမည်ဖြစ်သလို ထိုသူကိုလည်းအပြစ်နှင့်အလျောက် ကိုယ်တော်ဆုံးမပေးလိမ့်မည်။ ထို့ကြောင့် ကျွနု်ပ်တို့၏ နေ့စဉ်အသက်တာ၌ မည်သည့်အမှုကိုမဆို၊ ဇာတိသဘောဖြင့် မပြုမူဘဲ ကိုယ်တော်စကားကိုနားထောင်နာခံခြင်းအားဖြင့် အသက်ရှင်မည်ဆိုပါက နှုတ်ကပတ်တော်သက်သေကို တွေ့မြင်ခံစားရမည်ဖြစ် သကဲ့သို့ နေ့ရက်ကာလများကို ဝမ်းမြောက်စွာကုန်လွန်စေနိုင်မည်ဖြစ်၍ မေတ္တာနှင့်အသိပေး ဝေငှလိုက်ရပါသည်။

Dr.တင်မောင်ထွန်း-တရားဒေသနာ