Thursday, 31 March 2016

သမ္မာတရားနှင့်အညီ တုန့်ပြန်အသက်ရှင်ခြင်း

တရားနှင့်ဘုရားသည် လွန်စွာခြားနားပါသည်။
တရားကိုလူအများနှစ်သက်ကြသည်။ လူအများ
နားလည်၍ ကျင့်ကြံလိုက် လျှောက်ကြသည်။
တရား၏အကျိုးကိုလည်း လက်တွေ့ခံစားရကြပါ
သည်။ သို့သော်တရားသက်သက်နှင့်သာ အ
သက်ရှင်ပြီး ဘုရားကိုအားကိုးဖက်တွယ်ခြင်းမ
ရှိပါက စိတ်ဒုက္ခအမျိုးမျိုးနှင့် ပိလေးမှုများမှသက်
သာရာရမည်မဟုတ်ပါ။ ဘုရားဟူသည်မှာ အ
သက်ရှင်သော သူတစ်ဦး တစ်ယောက်မျှမရှိငြား
လည်း ဘုရးရှင်ကိုအားကိုးခိုလှုံ၍ အသက်ရှင်မည်ဆိုပါက အသက်တာတွင်ကြုံ တွေ့ရသောပြဿနာအခက်အခဲအမျိုးမျိုးတို့တွင် ကိုယ်တော်ရှင်၏စောင့်ထိန်း ကွယ်ကာပို့ဆောင်ခြင်း သက်သေနှင့်ငြိမ်သက်မှုကို လက်တွေ့ခံစားရပေမည်။

ကိုယ်တော်၏အလိုတော်
ဘုရားရှင်သည် ခေတ်ကာလအဆက်ဆက်အသက်ရှင်၍ လူကိုမစကူညီနိုင်သော ပုဂ္ဂိုလ်တော်မြတ်ဖြစ်သည်။ လူအပေါင်းတို့သည် ကယ်တင်ခြင်းသို့ရောက်၍ သမ္မာတရားကိုသိဖို့ ဘုရားရှင်အလိုတော်ရှိပါသည်(၁တိ၊ ၂း၄)။ကယ်တင်ခြင်း ဟုဆိုရာတွင် ဝဋ်ကြွေးကံပိ၍ တမလွန်အရေးအတွက်စိတ်မအေးဖြစ်နေခြင်းမှ ကျေးဇူးတော်အားဖြင့်ကယ်တင်ခြင်းရဖို့ ဦးစွာလိုအပ်ကြောင်း ပြောနေခြင်းဖြစ်သည်။ ကျေးဇူးတော်အားဖြင့် ကယ်တင်ခြင်းကျေးဇူးကိုခံစားနိုင်ဖို့ရန် သမ္မာတရားသိဖို့ လိုအပ်ပြန်ပါသည်။ စားဝတ် နေရေး၊ ပညာရေး၊ စီးပွါးရေးနှင့်လူမှုရေးသာမက သားရေးသမီးရေးကိစ္စများ၌လူသားတို့အတွက် နေ့စဉ်ပိလေးမှုအမျိုးမျိုးမှလွတ် နိုင်သည့် တစ်ခုတည်းသောနည်းလမ်းမှာ သမ္မာတရားကိုသိ၍ သမ္မာတရားနှင့်အညီ သစ္စာရှိစွာတုန့်ပြန်အသက်ရှင်ခြင်းမှလွဲ၍ အခြားမရှိပါ။

ကိုယ်ဉာဏ်ကိုအမှီမပြုနှင့်
လောက၏ဖိစီးမှုအမျိုးမျိုးမှလွတ်ဖို့ရန် လောကသားများသည် အာရုံငါးပါးကိုအခြေထား၍ မိမိဉာဏ်ကိုအမှီပြုကာ အသက်ရှင်ကြသည်။ ထိုနည်းလမ်းသည် မှန်သယောင်ရှိသော်လည်း သမ္မာတရားနှင့် ဆန့်ကျင်ဘက်ဖြစ်သည်။ ဘုရားရှင်၏အလို တော်မှာ စကားတော်ကို ဓမ္မအာရုံနှင့်နားထောင်၍ နာခံလုပ်သောသူဖြစ်၍ ဘုရားသခင်ထံမှ လက်တွေ့အကျိုးရလဒ် သက်သေကို ခံစားနိုင်ပါသည်။ အာဗြဟံ၏ အသက်တာကို ကျွနု်ပ်တို့ကြည့်မည်ဆိုပါက သူ၏ဇနီးစာရာအားဖြင့် သားကိုရဖို့ရန် ဘုရားရှင်ကတိ ရှိသော်လည်းအချိန်မစောင့်နိုင်ဘဲ ကျွနု်ပ်မကိုယူသောကြောင့် သားဣရှမေလကို ရကြောင်းတွေ့ရသည်။ သမ္မာတရားတည်းဟူ သော ဘုရားစကားကိုပယ်၍ ကိုယ့်ဉာဏ်ကိုအမှီပြုသဖြင့် အခြေအနေမှာအဆင်ပြေသယောင်ရှိသော်လည်း ကျွန်မနှင့်ရသေား သားအတွက် ကြာမြင့်စွာစိတ်သောကရောက်ရကြောင်း တွေ့မြင်ရပါသည်။

သမ္မာတရား
အမှန်တရားနှင့်သမ္မာတရားသည် တူညီဟန်ရှိသော်လည်း များစွာခြားနားပါသည်။ အမှန်တရားကအပြစ်ပေးနှင့်အ အလျောက်တူညီသည့် တုန့်ပြန်မှုကိုပေးဆပ်ရပါသည်။ သမ္မာတရားမူကား မတရားပြုခံရလျှင်ပင် ဘုရားကိုနာခံသော သဘောနှင့် မေတ္တာထား၍ ခွင့်လွတ်သည်။ သမ္မာတရားသည် ဘုရား၏စကားတော်ဖြစ်၍ လက်တွေ့နာခံတုန့်ပြန်ပါက သက်သေတွေ့မြင် ခံစားရသည်။ သမ္မာတရားကိုကြား၍ လက်တွေ့နာခံသူသည် ငွေကြေးဓနကြွယ်ဝမှုမရှိသော်လည်း ဝလင်စွာစားရသည်။ ဘေးအန္တ ရာယ်ရှိသမျှကို ကြောက်စရာမလိုဘဲ ဘုရားသခင်၏ကွယ်ကာမှုအောက်တွင် လုံခြုံစွာနေရသည်။

 ၄င်းအပြင် လူဆိုးတို့အကြောင်း ကြောင့်စိတ်မပူဖို့ရန် မတရးပြုသောသူတို့ကိုမငြူစူမိရန် လူဆိုးတို့၏ နှောင့်ယှက်မှုကြောင့် စိတ်ပူပန်စိုးရိမ်မိမှဖြစ်သလို မတရားပြုသော သူများကိုတွေ့မိပါကလည်း ငြူစူမိမည်မှဓမ္မာတရား ဖြစ်ပေ သည်။ သို့သော်ဘုရားရှင်၏ အလိုတော်ကထိုသို့မတုန့်ပြန်ဘဲ မည်သည့် အမှုကိစ္စ၌မဆို ဘုရားရှင်ထံအပ်နှံကိုးစားမည်ဆိုပါက ကိုယ်တော်တိုင်စီရင်မည်ဖြစ်ပေသည်။

ပြောင်းလဲခြင်းမရှိ
ပတ်ဝန်းကျင်အခြေအနေသည် အစဉ်ပြောင်းလဲနေသော်လည်း သမ္မာတရားသည်ပြောင်းလဲခြင်းမရှိပါ။ သမ္မာတရးကို စိတ်နှလုံး၌သိုထား၍လက်တွေ့တုန့်ပြန်အသက်ရှင်ကြသူများကို သမ္မာကျမ်းစားတော်မြတ်တွင်သက်သေအနေနှင့်တွေ့နိုင်ပါသည်။ ယောသပ်၊ ဂိဒေါင်နှင့် ဒါဝိဒ်တို့သည် သမ္မာတရားကို သိရုံသာမက၊ သမ္မာတရားနှင့်အညီ လက်တွေ့အသက်ရှင်ခဲ့ကြသူများဖြစ်သည်။ မိမိတို့အပေါ်၌မတရားပြုသောသူများ၊ ပြစ်တင်ဝေဖန်သူများ၊ ရန်ဖက်ပြုသူများကို ဇာတိနှင့်မတုန့်ပြန်ဘဲ သည်းခံခွင့်လွတ၍ ဘုရားရှင်၏တုန့်ပြန်မှုကို အသီးသီးစောင့်စားခဲ့ကြသည်။

သို့အတွက်ကြောင့် ဘုရားရှင်၏ချီးမြှောက်မှုကို ‚င်းအသီးသီးခံစားခဲ့ရကြောင်းတွေ့ရသည်။ ထိုနည်းတူ ကျွနု်ပ်တို့တစ်ဦး ချင်းစီသည်လည်း မိမိတို့အပေါ်မတရားပြုကြသူများ၊ မဟုတ်မတရားဝေဖန်ကဲ့ရဲ့ပြစ်တင်ကြသူများကြောင့် သမ္မာတရားကိုဘေးဖယ် ထားပြီး ဇာတိသဘောဖြင့် တုန့်ပြန်မိခြင်းမရှိရန် ဦးစွာသတိပြုပြီးမှ သမ္မာတရားနှင့်အညီ ဘုရားရှင်လက်ဝယ်တွင် ထိုအမှုများကို အပ်နှံမည်ဆိုပါက နှုတ်ကပတ်တော်၏ပြည့်စုံခြင်းသက်သေကို လက်တွေ့ခံစားရပြီး ပြဿနာများအကြားတွင်ဝမ်းမြောက်ခြင်းရှိ နိုင်မည်ဖြစ်ကြောင်း မေတ္တာနှင့်အသိပေးဝေငှလိုက်ရပါသည်။

Dr.တင်မောင်ထွန်း-တရားဒေသနာ

Wednesday, 30 March 2016

စစ်မှန်သောဘုရားနှင့် စစ်မှန်သော ယုံကြည်သူ

ဘုရားသခင်၏ကျေးဇူးတော်ကိုချီးမွမ်းတတ်ရန်
လူ့သဘာဝအသိတရားဖြင့် မလုံလောက်ပါ။
 အကြောင်းမှာ လူ့သဘာဝ အသိတရားသည်
 ဘုရားရှင်၏လုပ်ဆောင်မှုကိုနားမလည်နိုင်သော
ကြောင့် ဖြစ်သည်။ ထို့ကြောင့် လူသည်စစ်မှန်
သောကျေးဇူး တော်ချီးမွမ်းခြင်းကိုပြုနိုင်ရန် စိတ်
ဝိညာဉ်အသက်ရဖို့၊ စိတ်ဝိညာဉ်ရှင်သန်ဖို့လိုပါ
သည်။ (ယော၊ ၁၄း၆)တွင် ယေရှုက “ငါသည်
လမ်း ခရီး၊ သမ္မာတရားနှင့် အသက်ဖြစ်
သည်”ဟုဖေါ်ပြပါသည်။ လူသည်ရုပ်နှင့်နာမ်တွဲဘက်အသက်ရှင်နေသောပုထုဇဉ်သား ဖြစ်သည်။ ရုပ်နှင့်နာမ်တွဲဘက်၍ ရှင်သန်နေသောအချိန်သည် လူ့ဘဝသက်တမ်းဖြစ်သည်။

သင်္ခါရနှင့် ထာဝရ
လူသည် ငွေကြေးဥစ္စာကြွယ်ဝနေစေကာမှု တစ်နေ့သေရမည်သာဖြစ်သည်။ ရုပ်သည်သင်္ခါရဖြစ်၍ ထာဝရရှင်သန်ရန် မဖြစ်နိုင်ချေ။ လူသည်သေဆုံးသွားသော်လည်း ဘဝမပြီးဆုံးသွားဘဲ လူ၌ရှိသောနာမ်ပိုင်းသည် မပျောက်ပျက်နိုင်သောကြောင့် ထာဝရခရီးကိုဆက်ရဦးမည်ဖြစ်သည်။ ဤသည်ကိုသိကြသူများက တမလွန်အတွက်စဉ်းစားကာ၊ အမျိုးမျိုးသောနည်းဖြင့် အာမခံချက်ရဖို့ ပြင်ဆင်အသက်ရှင်ကြသည်။

ခရစ်တော်သည် အသက်ဖြစ်တော်မူသည်။ (ဗျာ၊၁း၁၇)တွင် ခရစ်တော်သည် အဦးဆုံးသောသူနှင့်နောက်ဆုံးသူဖြစ်ကြောင်းဖေါ်ပြထားပါသည်။ အချို့သောသူများက လူ့ဇာတိခံယူခဲ့သောသက်တော်စဉ်ကို ကြည့်ကာခရစ်တော်၏အသက်တော်မှာ(၃၃)နှစ်သာဖြစ်သည်ဟု ယူဆကြသည်။ အကယ်စင်စစ်ခရစ်တော်၏ အသက်တော် သည်မကုန်ဆုံးနိုင်ပါ။ ထာဝရကာလတိုင်အောင် ရှင်သန်တည်ရှိသော အရှင်ဖြစ်ပါသည်။ သို့ဖြစ်၍ ခရစ်တော်အားဖြင့်သာလျှင် စစ်မှန်သောအာမခံချက်နှင့် အသက်ကိုရနိုင်မည်ဖြစ်သည်။

သေသောသူကိုပင်အစိုးရသည်
ခရစ်တော်သည်ဘုရားသည် ခရစ်ယာန်ဟုတ်သောသူ၊ ခရစ်ယာန်မဟုတ်သေးသောသူအားလုံးနှင့် သက်ဆိုင်သော အရှင် ဖြစ်သည်။ ထို့ကြောင့်ခရစ်တော်နှင့် စပ်ဆိုင်သောအသက်ကို မည်သူမဆိုခံစားနိုင်ခွင့်ရှိပါသည်။ (ယော၊၁၁)တွင် ခရစ်တော်သည် သေလွန်သောသူကိုပင်အစိုးရ၍ တန်ခိုးနှင့်ရှင်ပြန်စေတော်မူကြောင်းတွေ့ရသည်။ လာဇရု အမည်ရှိသောသူတစ်ဦးသည် ဖျားနာ၍ သောဆုံးသွားပြီးသည့်နောက် လေးရက်ရှိသည့်အချိန်တွင် ခရစ်တော်က “လာဇရု ထွက်၍လာလော့”ဟု မိန့်တော်မူသည့်အခါ သေလွန်ပြီးနောက်လေးရက် တိုင်သင်္ဂြိုဟ်ခြင်းခံရပြီးသောသူသည် အသက်ကိုရ၍ ထမြောက်လာကြောင်းတွေ့ရသည်။

 ထိုအရှင် သည်ယုံကြည်၍ သေလွန်သူများကိုနောက်ဆုံးသောနေ့တွင် အမိန့်တော်နှင့် ထမြောက်စေမည်ဖြစ်ကြောင်း နှုတ်ကပတ်တော်၌ ဖေါ်ပြထားပါသည်။ ထိုအချိန်တွင် ယုံကြည်သူများသာ ထမြောက်ခြင်းတွင် ပါဝင်မည်ဖြစ်ပြီး မယုံကြည်သောသူများမှုကျန်ရစ်ခဲ့မည်ဖြစ်သည်။ ယုံကြည်သူနှင့်မယုံကြည်သူကိုလူက ခွဲခြားမသိနိုင် သော်လည်း နှလုံးကျောက်ကပ်ကိုစစ်တော်မူသောအရှင်က သိတော်မူသည်။

သမ္မာတရား
သမ္မာတရားဟူသည် မှန်ကန်မှုရှိသည်သာမက ကောင်းမြတ်ခြင်း၊ ကျေးဇူးပြခြင်းတည်းဟူသော သုံးဖြာသောဂုဏ်ပုဒ်နှင့် တွဲဘကနေပေသည်။ သမ္မာတရား၏အရှင်ဖြစ်သောဘုရားရှင်သည် မှန်သောဘုရားလည်းဖြစ်ပေသည်။ ထိုဘုရားရှင်သည် အပြစ်ကြွေးမိလေးနေမှုကြောင့်သေခြင်း ကိုကြောက်နေရသောလူသားများအားကယတင်ရန် ကားတိုင်တွင် အသေခံခဲ့ပါသည်။

သို့သော်သုံးရက်မြောက်သောနေ့တွင် သေခြင်းတရားကိုအောင်မြင်၍ ရှင်ပြန်ထမြောက်ခဲ့ပြီး ယနေ့အသက်ရှင်လျက်ရှိသောဘုရား ဖြစ်ပါသည်။ ဤတရားစကားကိုကြားသိပြီး ယုံကြည်မှသာ ဘုရားရှင်ထံမှ အပြစ်လွတ်ခြင်းကျေးဇူးကို ကျွနု်ပ်တို့ခံစားနိုင်မည်ဖြစ်သည် (ရော၊ ၁ဝး၁၁)။ ထိုတရားစကားကိုယုံကြည်နိုင်ရန် စစ်မှန်သောနောင်တစိတ်ရှိဖို့လိုပါသည်။

ကျွနု်ပ်တို့သည်အပြစ်သားဖြစ်၍ တမလွန်တွင် အပါယ်ငရဲ၌ ပြစ်ဒဏ်ခံရမည်ဖြစ်ကြောင်းနှင့် အပြစ်သား ဘဝမှလွတ်မြောက် ရန်ကြိုးစား၍ မရနိုင်ကြောင်းနှင့် အပြစ်သားဘဝမှလွတ်မြောက်ရန်ကြိုးစား၍ မရနိုင်ကြောင်း ရှေးဦးစွာသိရှိဝန်ခံပြီးနောက် ဘုရားရှင်သာ မစကယ်တင်နိုင်ကြောင်းဝန်ခံဖို့လိုပါသည်။

ထိုသို့သိရှိဝန်ခံပြီးမှ စစ်မှန်သော နောင်တစိတ်နှင် ဘုရားရှင်ထံပြန်လာ၍ ကားတိုင်ပေါ်တွင် သခင်ယေရှုပြုပေးခဲ့သောအမှုကိုယုံကြည်လက်ခံပါက တမလွန်တွင် အပါယ်ငရဲသို့ လားစရာမလိုေတော့သည့် အပြင် အပြစ်လွတ်ခြင်းအခွင့်နှင့်အတူ ထာဝရအသက်ကို ရရှိမည်ဖြစ်သည့်အပြင် အပြစ်လွှတ်ခြင်းအခွင့်နှင့်အတူ ထာဝရအသက် ကိုရရှိမည်ဖြစ်သည်။ ထိုသို့ယုံကြည်လက်ခံသူသည် ဘဝသစ်ကိုရရှိရုံမက သဘာဝသစ်၏ သက်သေကိုပါ အသက်တာ၌ထိတွေ့ ခံစားရမည်ဖြစ်သည်။

ယုံကြည်သူအမျိုးမျိုး
(ဗျာ ၂၂း၂)တွင် ဘုရားသခင်၏ရွှေမြို့တော်၌ အသက်ပင်ရှိရာ ထိုအသက်ပင်သည် အသီး၁၂ မျိုးကိုသီး၍ အသီးကို လည်းလတိုင်းပေးတတ်ကြောင်းဖေါ်ပြထားပါသည်။ ထိုအပင်၏အရွက်သည် လူအမျိုးမျိုးတို့၏ အနာရောဂါကိုငြိမ်းစေကြောင့် သိရရှိရပါသည်။ ယနေ့ခရစ်ယာန်ဘောင်ထဲတွင် ယုံကြည်သူများသည် အသက်ပင်၏အရွက်ကိုစားသကဲ့သို့ ခံစားရသောအနာ ရောဂါဝေဒနာအမျိုးမျိုး အတွက်ဆုတောင်းသည့်အခါ ပျောက်ကင်းခြင်း သက်သေကိုခံစားကြရသည်။

 အချို့ကဤသက်သေကို အကြောင်းပြု၍ ကိုယ်တော်ရှင်အားဘုရားဖြစ်ကြောင်း ယုံကြည်ကြည်သည်။ သို့သော် ဤယုံကြည်ခြင်းသည် လုံလောက် ပြည့်စုံသောယုံကြည်ခြင်းမဟုတ်သေးချေ။ ဤအဆင့်၌သာရပ်တန့်သွားပါက ထာဝရကာလနှင့် အမျိုးအစားထဲတွင် အကျုံးဝင် သွားကြပေမည်။ သခင်ယေရှုက ထိုလူစားမျိုးအား “သင်တို့သည် သခင်သခင်ဟု ငါ့ကိုခေါ်ကြသော်လည်း သင်တို့ကိုငါအလျှင်း မသိ၊ ငါ့ထံမှ ဖယ်သွားကြ”ဟု မိန့်တော်မူပါသည်။

အချို့သူတို့သည် နှစ်ပေါင်းကြာမြင့်စွာခရစ်ယာန်ဖြစ်လျက်အသင်းတော်တွင်လည်းကောင်း၊ အဖွဲ့အစည်းအသီးသီးတွင် လည်းကောင်း၊ အဓိကနေရာမှပါဝင်အမှုဆောင်ခဲ့ကြသော်လည်း ကိုယ်တော်၏ အသိအမှတ်ပြုခြင်း ကို မခံရကြသည်မှာ မည်မျှအကျိုး ရှုံးပါသနည်း။ ကျွနု်ပ်တို့၏အသက်တာတွင် အနာရောဂါငြိမ်းခြင်း သက်သေကိုခံစားရ သည့်အဆင့်မှ၊ အပြစ်လွှတ်ခြင်းခံရသည့် အဆင့်အထိ ရှေ့ဆက်တက်လှမ်းသွားဖို့လိုပါသည်။

 ကျွနု်ပ်တို့သည် အပြစ်သားဖြစ်၍ ဘုရားသခင်ရှေ့တွင် အသရေပျက်နေကြောင်း၊ အပြစ်ကြောင့် ငရဲသွားရမည်ကိုသိ၍ စိုးရိမ်တုန်လှုပ်ခြင်းရှိရုံသာမက အပြစ်သားဘဝမှလွတ်မြောက်ရန် ကျွနု်ပ်တို့၏ကြိုးစားမှု အစွမ်းဖြင့်မရနိုင်သဖြင့် သခင်ယေရှုကိုယ်တော်တိုင် ကားတိုင်၌အသေခံခြင်းအားဖြင့် ယုံကြည်လက်ခံသည့်အဆင့်အထိရောက်ရ ပေမည်။ သို့မှသာလျှင် ထာဝရအသက်နှင့်တက တမလွန်အရေးစိတ်အေးရဖွယ် အာမခံချက်ကိုရရှိမည်ဖြစ်သည်။

အသက်တာကို ပြင်ဆင်ပါ
ကျွနု်ပ်တို့တစ်ဦးချင်းစီသည် မိမိတို့၏ယုံကြည်ခြင်းအသက်ကို ပြန်လည်ဆင်ခြင်သုံးသပ်သင့်ပါသည်။ ကျွနု်ပ်တို့၏ယုံကြည် ခြင်းသည် အနာရောဂါကင်းပျောက်သည့်အံ့သြဖွယ်နိမိတ်လက္ခဏာကိုမြင်၍ ယုံကြည်ခြင်းလား၊ သို့မဟုတ် ကျွနု်ပ်တို့အတွက် ကိုယ်တော်လုပ်ဆောင်ပေးခဲ့သောအရာကို သိပြီးနောက် စစ်မှန်သောနောင်တဖြင့် ခရစ်တော်အား သိရှိယုံကြည်ခြင်းလားဟူသည်ကို မိမိကိုယ်မိမိစစ်ဆေးကြည့်ရန်ဖြစ်သည်။ နောင်တရစရာ အကြောင်းမရှိ သောသူ(၉၉)ယောက်ထက်၊ နောင်တရ၍ ကိုယ်တော် ထံပြန်လာသူတစ်ဦးအပေါ်ကိုယ်တော်သည်သာ၍ ဝမ်းမြောက်ကြောင်း ကျမ်းစာကပြောပါသည်(လု ၁၅း၇)။

စစ်မှနသောယုံကြည်သူသည် သြတ္တပ္ပစိတ်ကြည်လင်စွာဖြင့် ဒုစရိုက်ကိုမပြုတတ်ကြောင်း(၁ယော ၃း၉)တွင် ဖေါ်ပြထား ပါသည်။ အကယ်၍ အမှတ်တမဲ့ ဒုစရိုက်ကိုပြုမိပါကလည်း အပြစ်ဝန်မချမချင်း သူ့အသက်တာ၌ ဝမ်းမြောက်ခြင်းမရှိနိုင်ပေ။ ဤနည်းဖြင့် မိမိသည်ဘုရားရှင်ရှေ့တော်တွင် စစ်မှန်သောယုံကြည်သူဟုတ်သည်၊ မဟုတ်သည်ကိုစစ်ဆေးနိုင်ပေသည်။

 ထို့ကြောင့် (ဗာ၊ ၂၂း၁၁-၁၂)တွင် မတရားသောသူသည် မတရားသဖြင့် ပြုစေဦး၊ ဖြောင့်မတ်သော သူသည် ဖြောင့်မတ်သောအသက်တာကို ဆက်၍ ရှင်စေဦးဟု အခွင့်ပြုထားပါသည်။ အကြောင်းမှ သခင်ဘုရားသည် မကြာမီကြွလာမည်ဖြစ်ပြီး လူအသီးသီးတို့အား မိမိတို့ အသက်ရှင်မှုနှင့်အညီ အကျိုးအပြစ်ကို ဆပ်ပေးမည်ဖြစ်ကြောင်းကြိုတင်သတိပေးထားသည်ဖြစ်၍ ကျွနု်ပ်တို့တစ်ဦးချင်းစီသည် ဘုရားရှေ့တွင် မိမိတို့၏ နေ့စဉ်အသက်ရှင်မည်သို့ ရှိသည်ကို သတိပြုဆင်ခြင်လျက် အသက်ရှင်သွားကြပါမည့်အကြောင်း မေတ္တာနှင့် အသိပေး ဝေငှလိုက်ရပါသည်။

Dr.တင်မောင်ထွန်း-တရားဒေသနာ

Tuesday, 29 March 2016

လူသစ်နှင့် ဘုရားသခင်၏ အလိုတော် NEW LIFE AND THE WILL OF GOD

ခရစ်တော်၌လူသစ် အခန်း (၁၆)
လူ့ဇာတိကိုခံပြီး လောကမှာ နေထိုင်ခဲ့စဉ်အချိန်
ခရစ်တော်က ငါသည် ကိုယ့်အလိုသို့ လိုက်ခြင်း
ငွာ ကောင်းကင်မှဆင်းသက်သည် မဟုတ်၊ ငါ့ကို
 စေလွှတ်တော်မူသော သူ၏အလိုကို လိုက်ခြင်းငှာ
 ဆင်းသက်၏ လို့ မိန့်ဆိုခဲ့ပါတယ် (ယော၊၆း၃၈)။
 ကိုယ်တော်ဟာ ခမည်းတော်ရဲ့ အလိုတော်ကို
ဆောင်ဖို့သက်သက် လောကပေါ်ကို ရောက်ရှိ လာခဲ့တာ ဖြစ်ပါတယ်။ ဘုရားသခင်ရဲ့ စိတ်နှလုံးတော်ထဲမှာရှိတဲ့ အကြံအစည်တော်နဲ့ အလိုတော်ကို ပြည့်ဝစေရေးသာလျှင် သူ့ရဲ့ အဓိက ရည်ရွယ်ချက် ဖြစ်တာကြောင့် ငါ့ကို စေလွှတ်တော်မူသော သူ၏ အလိုတော်ကို ဆောင်ခြင်း၊ သူ၏အမှုတော်ကို ပြီးစီးစေခြင်းအမှုသည် ငါစားစရာဖြစ်၏ လို့လည်း မိန့်တော်မူခဲ့တာ ဖြစ်ပါတယ် (ယော၊၄း၃၄)။

လူဟောင်းဘဝမှာ လူဟာ မိမိဆန္ဒရဲ့ ကျေးကျွန်ဖြစ်ပါတယ်။ မိမိဆန္ဒပြည့်ဝစေရေးအတွက် ကြိုးစားရုန်းကန် လှုပ်ရှားနေကြရပါတယ်။ လူသစ် ဖြစ်လာသူအတွက်ကျတော့ ဘုရားသခင်ရဲ့ အလိုတော်ကို ဖြည့်စွမ်းဖို့သာ အဓိကဖြစ်လာပါတော့တယ် (၂ကော၊ ၅း၁၄-၁၅)။

(က) ယုံကြည်ခြင်းအကျင့်သည် ဘုရားသခင်၏ အလိုတော်ဖြစ်သည်
ခရစ်ယာန်ဘာသာဝင် အမ်ားစုက ဘုရားသခင်ရဲ့ အလိုတော်ကို မသိနားမလည်ကြပါ။ သဘောလည်းမပေါက်ကြပါ။ ဘုရားသခင်ရဲ့ အလိုတော်အတိုင်း အသက်ရှင်ခြင်းဆိုတာဘာလဲ ဆိုတဲ့ မေးခွန်းကို တလွဲတချော် ဖြေဆိုတတ်ကြပါတယ်။ ခရစ်တော်က သခင်၊ သခင်ဟု ငါ့ကို လျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ် ကောင်းကင်ဘုံ၌ ရှိတော်မူသော ငါ့ခမည်းတော်၏ အလိုကို ဆောင်သော သူသာလျှင် ဝင်ရလိမ့်မည် လို့ မိန့်တော်မူခဲ့ပါတယ် (မဿဲ၊ ၇း၂၁)။ ဆိုလိုတာကေတာ့ ဘုရားက ဘာအလိုတော်ရှိသလဲဆိုတာကို သေသေချာချာ သိပြီး အလိုတော်ကို လက်တွေ့ဖြည့်စွမ်းဖို့ပါပဲ။

ဘုရားသခင်ရဲ့ အလိုတော်ကို ဖြည့်စွမ်းနိုင်ဖို့ ဘာလုပ်ရမလဲလို့ လူတွေက မေးလာတဲ့အခါ ကိုယ်တော်က ဘုရားသခင် စေလွှတ် တော်မူသော သူကိုယုံကြည်ခြင်း အကျင့်ကား အလိုတော်နှင့် ညီသောအကျင့်တည်းလို့ ပြန်ပြောခဲ့ပါတယ် (ယော၊၈း၂၈-၂၉)။ ဒါကြောင့် လူတစ်ယောက်အနေနဲ့ သခင်ခရစ်တော်ကို မိမိရဲ့ ကယ်တင်ရှင်အဖြစ် ယုံကြည်လိုက်ခြင်းဟာ ဘုရားသခင်ရဲ့ အလိုတော်ကို ဖြည့်စွမ်းရာ ရောက်ပါတယ်။ ဒါဟာ ပထမဦးဆုံးနဲ့ အရေးကြီးဆုံး အချက်ဖြစ်ပါတယ်။

၁) ဘုရားသခင်၏ သားတော်ကို ယုံကြည်သူအပေါင်းတို့သည် ပျက်စီးခြင်းသို့ မရောက်၊ ထာဝရအသက္ကို ရ - (ယော၊၃း၁၆။ ၅း၂၄။ ၆း၄၇)။
၂) ယုံကြည်ခြင်းမရှိလျှင် ဘုရားသခင် စိတ်တော်နှင့် မတွေ့နိုင် (ဗြဲ၊ ၁၁း၆)။
၃) သင်၏ ယုံကြည်ခြင်းသည် သင့်အနာကို ငြိမ်းစေပြီ (မာကု၊ ၅း၃၄)။
၄) ခရစ်တော်ကို ယုံကြည်သောသူသည် စေလွှတ်သော ခမည်းတော်ကို ယုံကြည်၏ (မဿဲ၊ ၁၀း၄၀)။
 အာဒံနှင့် ဧဝတို့သည် စာတန်၏ စကားကို ယုံကြည်ပြီး ဘုရားသခင်၏ စကားကိုမယုံကြည်ခြင်းကြောင့် ကျဆင်းသွားခဲ့ရသည် (က၊၃း၂၃)။

(ခ) ပျောက်ဆုံးဝိညာဉ် ကယ်တင်ခြင်းသည် ဘုရားသခင်၏ အလိုတော်ဖြစ်သည်
ဒုတိယအချက်အနေနဲ့ ဖော်ပြချင်တဲ့ ဘုရားသခင်ရဲ့ အလိုတော်ကတော့ ပျောက်ဆုံးဝိညာဉ်များ ကယ်တင်ခြင်းသို့ ရောက်ရှိဖို့အတွက် ဖြစ်ပါတယ်။ ၁တိ၊၂း၄ မွာ လူအပေါင်းတို့သည် ကယ်တင်ခြင်းသို့ ရောက်၍ သမ္မာတရားကို သိစေခြင်းငှာ ဘုရားသခင် အလိုတော်ရှိ၏ လို့ ဆိုထားပါတယ်။ လူတိုင်း ဘယ္သူမဆို ကယ်တင်ခြင်းဆုကျေးဇူးကို ခံစားရရှိကြဖို့ ဘုရားသခင် အလိုတော်ရှိပါတယ်။

 သူတစ်ပါးတို့၏ စိတ်၊ ဝိညာဉ်ကို ရသောသူသည် ပညာရှိဖြစ်၏ (သု၊ ၁၁း၃၀)။
 သင်တို့သွား၍ လူမျိုးတကာကို ငါ့တပည့်ဖြစ်စေ ... (မဿဲ၊ ၂၈း၁၉)။
(ခရစ်တော်နောက်ဆုံး မွာခဲ့တဲ့စကား)
 လူတစ်ဦး၏ ဝိညာဉ်သည် စကြဝဠာတစ်ခုလုံးထက်မက အဖိုးတန်၏ (လု၊ ၉း၂၅)။
 ဟောပြောသူမရှိလျှင် အဘယ်သို့ ကြားနိုင်မည်နည်း (ရော၊ ၁၀း၁၄-၁၅)။
(ခရစ်တော်၏ ကယ်တင်ခြင်း သတင်းကောင်းကို ဟောပြောကြေညာခြင်းဖြင့် သူတစ်ပါး၏ ဝိညာဉ်ကို ကယ်တင်ရမည် ဖြစ်သည်။)

(ဂ) ဝိညာဉ်တော်နှင့် ပြည့်ဝခြင်းသည် ဘုရားသခင်၏ အလိုတော်ဖြစ်သည်
ခရစ်ယာန်အသက်တာရဲ့ ထူးခြားချက်ဟာ ခရစ်တော်ကို စိတ်နှလုံးအကြွင်းမဲ့ ယုံကြည်ခြင်း၊ ချစ်နေခြင်း၊ ဝိညာဉ်တော်နဲ့ ပြည့်ဝနေခြင်း ဖြစ်ပါတယ်။ ကောင်ကင်းပေါ်ကို ပြန်မတက်ကြွခင် ကိုယ်တော်က သင်တို့အပေါ်သို့ သန့်ရှင်းသောဝိညာဉ်တော် ဆင်းသက်သောအခါ သင်တို့သည် တန္ခိုးကို ခံရ၍ မြေကြီးစွန်းတိုင်အောင် ငါ၏ သက်သေဖြစ်ကြလိမ့်မည် လို့ ပြောထားခဲ့ပါတယ် (တမန်၊ ၁း၈)။
တမန်တော် ရှင်ပေါလုကလည်း လွန်ကျူးစေတတ်သော စပျစ်ရည်နှင့် ယစ်မူးခြင်းကိုရှောင်၍ ဝိညာဉ်တော်နှင့် ပြည့်စုံလျက်ရှိကြလော့ လို့ ဧဖက်၊၅း၁၈မှာ ပြောထားပါတယ်။ သန့်ရှင်းသော ဝိညာဉ်တော်နဲ့ ပြည့်ဝမှုမရှိတဲ့ ခရစ်ယာန်တစ်ယောက်ရဲ့ အသက္တာကို ဘုရားသခင်က ထိထိ ရောက်ရောက် အသုံးပြုလို့ မရနိုင်ပါ။

တမန်တော်များလက်ထက်က ဝိညာဉ်တော်နှင့် ပြည့်ဝသဖြင့် -
 ဝိညာဉ်တော်တန်ခိုးနှင့် ဟောပြောသက်သေခံမှုကြောင့် တစ်ရက်တွင်ပင် လူ(၃၀ဝ၀)ပြောင်းလဲခဲ့သည် (တမန်၊ ၂း၁-၄၇)။
 မကျန်းမာသူကို ကျန်းမာစေနိုင်ခဲ့သည် (တမန်၊ ၃း၃-၈)။
 ဘုရားသခင်၏ နှုတ်ကပတ်တော်ကို ရဲရင့်စွာ ဟောပြောကြသည် (တမန်၊ ၄း၃၁)။
 နှိပ်စက်ညှဉ်းပန်းခြင်းကို ခံနိုင်ခဲ့ကြသည် (တမန်၊ ၇း-)။
 အသင်းတော်များ တိုးတက်ပွားများပြီး ဧဝံဂေလိတရား လျင်မြန်စွာ ပျံ့နှံ့ခဲ့သည် (တမန်၊ ၂း၄ရ)။

(ဃ) မိမိအလိုကို ငြင်းပယ်ခြင်းသည် ဘုရားသခင်၏ အလိုတော်ဖြစ်သည်
ခရစ်ယာန်အသက်တာဟာ မိမိအလိုဆန္ဒအတိုင်း စိတ်ကြိုက် အသက်ရှင်နေတာမဟုတ်ဘဲ မိမိရဲ့အလိုကို ငြင်းပယ်ပြီး ဘုရားသခင်အလိုတော်ကို သာ ဆောင်နိုင်ဖို့အတွက် ဆက်ကပ်အပ်နှံထားတဲ့ အသက်တာဖြစ်ပါတယ်။ ခရစ်တော်က ငါ၌ ဆက်ကပ်လိုသောသူ ဖြစ်လျှင် ကိုယ့်ကိုယ်ကို ငြင်းပယ်ရမည် လို့ မိန့်တော်မူခဲ့ပါတယ် (မဿဲ၊ ၁၆း၂၄။ ၉း၂၃) အရက်၊ ဆေးလိပ်၊ ကွမ်းယာ စတာတွေ သုံးဆောင်တာကအစ တစ်ခြား ကိုယ်ခန္ဓာရဲ့အလို၊ ဇာတိသွေးသားရဲ့အလိုဆန္ဒတွေကို ငြင်းပယ်ရမှာ ဖြစ်ပါတယ်။
ဂလာ၊၅း၂၄ မွာ ခရစ်တော်နှင့် စပ်ဆိုင်သော သူတို့သည် ဇာတိပကတိကိုလည်းကောင်း၊ ဇာတိပကတိစိတ်နှင့် အလိုဆန္ဒကိုလည်းကောင်း လက်ဝါးကပ်တိုင်မှာ ရိုက်ထားကြပြီ လို့ ရှင်းရှင်လင်းလင်းဖော်ပြထားပါတယ်။

 အာဗြဟံသည် မိမိအလိုကို ငြင်းပယ်၍ မိမိဆွေမျိုးများနှင့် တိုင်းပြည်ကို စွန့်ခွါခဲ့သည်။ တစ်ဦးတည်းသောသားကို ပူဇော်ဆက်သခဲ့သည် (ဘုရားက
သားအစား သိုးတစ်ကောင်ကိုသာ ပူဇော်စေခဲ့သည်) (က၊ ၁၂း၁။ ၂၂း၃-၁၄)။
 မိမိအလိုကိုငြင်းပယ်၍ မိမိလက်ဝါးကပ်တိုင်ကို ထမ်းရမည် (မဿဲ၊ ၁၆း၂၄)။
 အသက်ရှင်းခြင်းလက္ခဏာနှင့် ပြည့်စုံသောယစ်ကို ဘုရားသခင်အား ပူဇော်ဖို့လိုသည် (ရော၊ ၁၂း၁)။
(မိမိ၏ ခွန်အား၊ ခြေ၊ လက်၊ မ်က္စိ၊ နား၊ ပါးစပ်နှင့် နှလုံးသားအားလုံးကို ဘုရားအတွက် ပေးလှူခြင်း)။
 မိမိအချိန်ကို ဘုရားအားပေးပါ။ အချိန်မနှောင်းမီ ဘုရားအား ဆက်ကပ်ပါ (ဧဖက်၊ ၅း၁၆)။
 သားတော်ကို ငြင်းပယ်သောသူသည် ခမည်းတော်ကိုမသိ။ သားတော်ကို ငြင်းပယ်သောသူသည် အန္တိခရစ်ဖြစ်၏ (၁ယော၊ ၂း၂၂၊၂၃)။
(မိမိကိုယ္ကိုသာ ငြင်းပယ်ပြီး ခရစ်တော်ကို မငြင်းပယ်မိရန်)။

Monday, 28 March 2016

လူသစ်နှင့် သက်သေခံခြင်း NEW LIFE AND WITNESSING

ခရစ်တော်၌လူသစ် အခန်း (၁၅)
ဘုရားသခင်ဟာကယ်တင်ပိုင်တဲ့ဘုရား၊
ချစ်ခြင်းမေတ္တာနဲ့ပြည့်ဝတဲ့ဘုရား၊ဖြောင့်
မတ်တိကျတဲ့ဘုရားဖြစ်တယ်ဆိုတဲ့အ
ကြောင်းကိုသက်သေပြဖို့အတွက်ကျွန်
တော်တို့(ပြောင်းလဲပြီးသူ)တွေကို လော
ကမှာ ဆက်လက်နေထိုင်ခွင့် ပေးထားတာ
 ဖြစ်တယ်။ ခရစ်တော်ရဲ့အကြောင်းကို
တန်ခိုးနဲ့သက်သေခံရမှာ ဖြစ်ပါတယ်။
တမန်၊၁း၈မှာ-“သင်တို့သည် မြေကြီးစွန်း
တိုင်အောင် ငါ၏သက်သေဖြစ်ကြလိမ့်မည်”လို့ ကိုယ်တော်ပြောခဲ့တဲ့ စကားဟာ ကျွန်တော်တို့အားဖြင့် ဒီခေတ်၊ ဒီအချိန်အခါမှာ ပြည့်စုံလာရမှာ ဖြစ်တယ်။

(က) သတင်းစကားကြားပြောခြင်း
ေ၇ာမ-၁း၁၄-၁၆ယုံကြည်သူတိုင်း တရားဟောတတ်ဖို့ မဖြစ်နိုင်ပါ။ သို့သော်လည်း ယုံကြည်သူတစ်ဦးအနေနဲ့ ခရစ်တော်ရဲ့ ကယ်တင်ခြင်းအကြောင်းကို မပြောပြတတ်စရာ အကြောင်းမရှိပါ။ ကိုယ်တိုင်ကြားရတဲ့အတိုင်း သူတစ်ပါးကို ပြန်ပြောဖို့သာ ဖြစ်ပါတယ်။ လူတွေကို ဘုရားက ချစ်တဲ့အကြောင်း၊ လူဟာ အပြစ်သားဖြစ်တဲ့အကြောင်း၊ ခရစ်တော်က လူ့ရဲ့အပြစ်ကို ဖြေရှင်းပေးပြီး လူကို အပြစ်သားဘဝက ကယ်တင်ခဲ့တဲ့အကြောင်း သတင်းကောင်းကို ကြားပြောခြင်းဟာ ထိရောက်သော သက်သေခံခြင်း ဖြစ်ပါတယ်။

(ခ) အမိန့်တော်ကို နာခံခြင်း
မာ-၁၆း၁၅-၁၆ယ မဿဲ-၂၈း၁၉-၂၀ သင်တို့သည် လောကီနိုင်ငံအရပ်ရပ်သို့ သွား၍ ဧဝံဂေလိတရားကို ဟောကြားလော့လို့ ခရစ်တော်က အမိန့်ပေးထားပါတယ်။ ဒါကြောင့် ဧဝံဂေလိတရား (ခရစ်တော်၏ ကယ်တင်ခြင်း သတင်ကောင်း)ကို ပြောပြဖြန့်ဝေခြင်းဟာ ခရစ်တော်ရဲ့ အမိန့်တော်ကိုနာခံခြင်း ဖြစ်ပါတယ်။ လူဟောင်းဘဝမှာ စာတန်ရဲ့ အမိန့်ကိုနာခံခဲ့သလို လူသစ်ဖြစ်ပြီးတဲ့တောက်လည်း ခရစ်တော်ရဲ့ အမိန်တော်ကို နာခံရင်း သတင်းကောင်းကို ဖြန့်ဝေနေရမှာ ဖြစ်ပါတယ်။

(ဂ) မိမိအတွင်း၌ ရှိသောအရာကို ဖော်ပြခြင်း
၂ကော-၅း၁၇ လူသစ်ဖြစ်သူတိုင်းဟာ ခရစ်တော်ရဲ့ ဧဝံဂေလိတရား သတင်းစကားကို ကြားနာပြီး ပြောင်းလဲလာတာဖြစ်တဲ့အတွက် ဒီသတင်းစကားက ပြောင်းလဲပြီးသူရဲ့ နှလုံးသားထဲမှာ စွဲငြိတည်ရှိနေပြီးသား ဖြစ်နေပါတယ်။ ဒီလို မိမိအတွင်းမှာ ရှိနေပြီးသားဖြစ်တဲ့အရာကို သူတစ်ပါးသိအောင် ဖော်ပြ ပေးရုံသာ ရှိပါတယ်။

ဒါကြောင့်လည်း ပြောင်းလဲပြီးသူဟာ ဘယ်နေရာ ဘယ်အချိန်မှာ ဘယ်လူမျိုးကိုမဆို ခရစ်တော်ရဲ့ သတင်းကောင်းကို ပြောပြဖို့ အသင့်ဖြစ်နေနိုင်မယ် ဖြစ်ပါတယ်။ မိမိအထဲမှာ ကျိန်းဝပ်နေတဲ့ ဝိညာဉ်တော်ရဲ့ တန်ခိုးနဲ့ ဧဝံဂေလိသတင်းစကားကို ပြောပြကြေညာရမှာ ဖြစ်ပါတယ်။

(ဃ) သူတစ်ပါး၏ စိတ်ဝိညာဉ်ကို ရခြင်း
ရေငတ်နေသူကို ရေတစ်ခွက်တိုက်လိုက်ရုံမျှနဲ့ သူဘယ်လောက်ကျေးဇူးတင်မယ်ဆိုတာ စဉ်းစားပြီး စစ်မှန်တဲ့ မေတ္တာငတ်မွတ်နေသူကို ဘုရား သခင်ရဲ့ မေတ္တာတော်နဲ့ ကယ်တင်ခြင်း သတင်းကောင်းပေးလိုက်ရင် သူ့အနေနဲ့ ဘုရားသခင်ပေါ်မှာရော သတင်းကောင်းပေးသူ အပေါ်မှာပါ ဘယ် လောက်အထိ ကျေးဇူးတင်မယ်ဆိုတာ ခန့်မှန်းကြည့်လို့ ရပါတယ်။
သတင်းကောင်းကို ကြားပြီး သူ့ရဲ့ စိတ်နှလုံးဟာ ဘုရားဘက်ကို ပြန်လှည့်လာပြီဆိုရင် ပျောက်ဆုံးနေတဲ့ ဝိညာဉ်ကို ပြန်ရပြီလို့ မှတ်ယူနိုင် ပါတယ်။ ဒါကြောင့် စာတန်လက်ထဲမှာရှိတဲ့ ဝိညာဉ်တွေကို ခရစ်တော်ရဲ့ ကယ်တင်ခြင်း သတင်းေးကာင်း ပြောပြသက်သေခံခြင်းအားဖြင့် ပြန်လည်ရရှိလာနိုင်မှာ ဖြစ်ပါတယ်။

(င) နိုင်ငံတော် ကျယ်ပြန့်စေခြင်း
သတင်းကောင်းကို ကြားပြီး ယုံကြည်ခြင်းနဲ့ တုန့်ပြန်သူတွေရဲ့ စိတ်နှလုံးထဲကို ခရစ်တော် ဝင်ရောက်ပြီး အုပ်စိုးပါတယ်။ ဒါကြောင့် ကြားနာယုံကြည်သူတွေ များလာခြင်းဟာ နိုင်ငံတော်ကို ကျယ်ပြန့်စေခြင်းဖြစ်ပါတယ်။ ခရစ်တော်၌ လူသစ်ဖြစ်ပြီးသူတွေဟာ ခရစ်တော်ရဲ့ သတင်းကောင်း ကို မိမိရှိတဲ့နေရာ (မိမိ ဘုရားထားတဲ့နေရာ)ကနေ ကြေညာပြောဆို နေရမှာ ဖြစ်ပါတယ်။

Saturday, 26 March 2016

လူသစ်နှင့် မိတ်သဟာယ NEW LIFE AND FELLOWSHIP

ခရစ်တော်၌လူသစ် အခန်း (၁၄)
ပြောင်းလဲပြီးသူ အချင်းချင်းမိတ်သဟာ
ယ ဖွဲ့ဖို့လိုပါတယ်။ ဘယ်သူကိုမဆို
ခင်မင်ရင်းနှီးတတ်ဖို့၊ ဖော်ဖော်ရွေရွေ
 နေတတ်ဖို့ လိုအပ်ပါတယ်။ ပြောင်း
လဲပြီးသူအချင်းချင်းအနေနဲ့ အတွင်းကျကျ
 ပေါင်းသင်းမိတ်သဟာယ ဖွဲ့ခြင်းရဲ့
အနှစ်သာရတွေကတော့
 –(Matt. 18:19-20)

(က) မေတ္တာ၌ လက်တွေ့ကျင်လည်ခြင်း(1Cor. 13:1-8)
ဘုရားသခင်ဟာ ချစ်ခြင်းမေတ္တာဖြစ်တယ်။ ခရစ်တော်၌ လူသစ်ဖြစ်သူတွေဟာ ဘုရားသားတွေ ဖြစ်ကြတယ်။ ညီအစ်ကို မောင်နှမရင်းချာတွေ ဖြစ်ကြတယ်။ ခရစ်ယာန်ချင်း ချစ်ရမယ်ဆိုတာကို သဘောတရားအရ သိရှိလက်ခံထားကြပေမယ့် လက်တွေ့မှာတော့ အများအားဖြင့် ချစ်ဖို့မပြောနဲ့ ခင်ဖို့ တောင် မလွယ်လှဘူး။ ရင်းရင်းနှီးနှီး သိပ်မရှိကြဘူး။
ခရစ်တော်၌ လူသစ်ဖြစ်သူတွေဟာ ဒီလိုမဖြစ်သင့်ပါ။ တစ်ယောက်နဲ့တစ်ယောက် ဘုရားမေတ္တာနဲ့ အမှန်ချစ်တဲ့အကြောင်း ပေါ်လွင်ထင်ရှားနိုင် ဖို့အတွက် မိတ်သဟာယဖွဲ့ခြင်းဟာ မရှိမဖြစ်လိုအပ်ပါတယ်။ ခရစ်တော်ကိုဗဟိုပြုပြီးအချင်းချင်း ပေါင်းဖော်နေကြခြင်းဟာဘုရားမေတ္တာ၌ လက်တွေ့ ကျင်လည်နေ ခြင်းဖြစ်ပါတယ်။

(ခ) အင်္ဂါချင်း စိတ်ဓါတ်ရှိခြင်း(၁ကော. ၁၂း၁၂-၃၁)
ခရစ်တော်၌ လူသစ်ဖြစ်သူတွေဟာ ခရစ်တော်ရဲ့ ကိုယ်ခန္ဓာတော်မှာရှိတဲ့ ကိုယ်အဂီါအစိတ်အပိုင်းတွေ ဖြစ်ကြပါတယ်။ တစ်ခုနဲ့တစ်ခု ဆက်စပ် မှုရှိတယ်။ သက်ဆိုင်မှုရှိတယ်။ တစ်ခုနဲ့တစ်ခု ဆောင်ရွက်ရတဲ့ အငန်းအတာတွေမတူကြပေမယ့် အားလုံးဟာ ဦးခေါင်းရဲ့ထိန်းချုပ်ပဲ့ပြင်မှု အောက်မှာ ညီညွတ်မှုရှိနေရမှာဖြစ်တယ်။ တစ်ယောက်တစ်ခြားစီ ဖြစ်မနေသင့်ဘူး။ တစ်ယောက်ရဲ့ လုပ်ငန်းဟာ အခြားတစ်ယောက်ရဲ့ လုပ်ငန်းကို တိုက်ခိုက် ဆန့်ကျင်တဲ့ သဘောလည်း မသက်ရောက်စေရဘူး။

သူ့လုပ်ငန်း ကိုယ့်လုပ်ငန်းဆိုတာထက် တစ်ပါးတည်းသော သခင်ရဲ့လုပ်ငန်းတော်ကို ဝိုင်းဝန်းပြီး မိမိကျရာကဏ္႑ကနေ အသီးသီးလုပ်ဆောင် ပါဝင်နေကြတယ်ဆိုတာကို သဘောပေါက်ရမှာ ဖြစ်ပါတယ်။ ဒီလိုလက်တွေ့ နားလည်သဘောပေါက်နိုင်ဖို့အတွက် အချင်းချင်း မိတ်သဟာယရှိဖို့ အထူး အရေးကြီးပါတယ်။ အချင်းချင်း အတွင်းကျကျ မိတ်သဟာယဖွဲ့ခြင်းဟာ အင်္ဂါချင်းစိတ်ဓါတ်ရှိခြင်းကို သရုပ်ဖော်ပါတယ်။

(ဂ) ဝေမျှခံစားခြင်း(တမန်- ၂း၄၄-၄၇)
အင်္ဂါချင်း ဖြစ်တာကြောင့် တစ်ဦးနစ်နာရင် အားလုံးနစ်နာတယ်။ တစ်ဦးကောင်းစားရင် အားလုံးကောင်းစားတယ်ဆိုတဲ့သက်ဆိုင်မှုရှိနေပါတယ်။ဒါကြောင့်ခရစ်တော်၌အသက်တာအသစ်ဖြစ်ပြီးသူတွေဟာ ကောင်းတိုင်ပင်၊ ဆိုးတိုင်ပင် ဖြစ်ရပါတယ်။

ဒုက္ခဆင်းရဲနဲ့ ကြုံရင်လည်း အချင်းချင်းဒုက္ခဆင်းရဲပြသနာကို ဝေမျှခံစားမယ်။ ကောင်းကျိုးချမ်းသာကို ခံစားရရင်လည်း အချင်းချင်း ဝေမျှခံစား မယ်ဆိုတဲ့ သဘောရှိရပါတယ်။ ကိုယ့်ရဲ့ဒုက္ခ၊ သုခဟာ သူနဲ့ဆိုင်တယ်။ သူ့ရဲ့ဒုက္ခ၊ သုခဟာလည်း ကိုယ်နဲ့ဆိုင်တယ်ဆိုတဲ့ သဘောပါ။ ဒါကြောင့် အချင်းချင်း မိတ်သဟာယ ဖွဲ့နေခြင်းဟာ အချင်းချင်းဝေမျှ ခံစားနေခြင်းဖြစ်ပါတယ်။

(ဃ) ပူးပေါင်းလုပ်ဆောင်ခြင်း(တမန်- ၂း၄၁-၄၂)
လူဟောင်းဆိုတာ မြေကြီးသားပါ။ လောကမှာ ပေါက်ဖွားကြီးပြင်းလာပြီး လောကမှာပဲ ကျင်လည်နေတဲ့ လောကီသား သက်သက်ပါ။ လူသစ် ကတော့ မြေကြီးသားမဟုတ်ဘဲ ကောင်းကင်သားဖြစ်ပါတယ်။ လောကမှာ ခေတ္တလာရောက်နေထိုင်ပြီး စေလွှတ်လိုက်တဲ့ ဘုရားရဲ့အလိုတော်ကို ဆောင်ရွက်နေသူ ဖြစ်ပါတယ်။ ဒါကြောင့် ကောင်းကင်ကနေ တစ်ပါးတည်းသော အရှင်သခင်က စေလွှတ်လိုက်တဲ့ သူအချင်းချင်းဟာ တစ်ခုတည်းသော လုပ်ငန်းတော်ကို ပူးပေါင်းဆောင်ရွက်ရွက်ဖို့ ဖြစ်တယ်ဆိုတာ သဘောပေါက်ဖို့ ဖြစ်ပါတယ်။

လောကီအမြင်၊လောကီစိတ် ဓါတ်တွေပေါ်မှာ အခြေပြုပြီးလုပ်ဆောင်ကြတဲ့ အခါအ ကွဲကွဲအပြားပြားတွေဖြစ်ရုံမက မတော်ရင် အချင်းချင်းပြန်ပြီး တိုက်ခိုက်မိတာတွေပါ ဖြစ်နိုင်ပါတယ်။ ဒါကြောင့် ကောင်းကင်အမြင်၊ ကောင်းကင်စိတ်ထားနဲ့ အချင်းချင်း ရှုမြင်သုံးသပ်ပြီး မိတ်သဟာယ ဖွဲ့နေကြဖို့ လိုပါတယ်။ စစ်မှန်တဲ့မိတ်သဟာယကနေ စစ်မှန်တဲ့ ပူးပေါင်းလေ့လာခြင်း၊ ဆုတောင်းခြင်း၊ ခရစ်တော်အကြောင်း သက်သေခံခြင်းတို့ကို လက်တွေ့ပြုလုပ် ရမှာ ဖြစ်ပါတယ်။

(င) ဂရုစိုက် စစ်ဆေးခြင်း(ဟေဗြဲ.၁၀း၂၄-၂၅)
မိတ်သဟာယရဲ့ အနှစ်သာရဟာ တစ်ဦးနှစ်တစ်ဦး သေသေချာချာ ဂရုစိုက်ခြင်း၊ အာရုံစိုက်ခြင်းနဲ့ အချင်းချင်း စစ်ဆေးပေးခြင်းဖြစ်တယ်။ သူ့ရဲ့လက်တွေ့အသက်ရှင်ခြင်းဟာ ဘုရားအလိုတော်နဲ့ ကိုက်ညီးမှုရှိမရှိ နှုတ်ကပတ်တော်ခံယူခြင်းနဲ့ ပတ်သက်ပြီး လက်တွေ့လုပ်ဆောင်မှုရှိမရှိစတဲ့ ဝိညာဉ်ရေးရား ကဏ္႑တွေရော၊ လူမှုရေးကဏ္႑တွေကိုပါ အချင်းချင်း ဂရိုက်ပြီး စစ်ဆေးရမှာ ဖြစ်ပါတယ်။

Wednesday, 23 March 2016

လူသစ်နှင့် ဆုတောင်းခြင်း NEW LIFE AND PRAYER

ခရစ်တော်၌လူသစ် အခန်း (၁၃)
ဆုတောင်းခြင်းဆိုတာဟာ ဘုရားသ
ခင်နဲ့ စကားပြောဆက်သွယ်ခြင်းပဲ ဖြစ်
ပါတယ်။ လူသစ်အဖြစ်ကို ပြောင်းလဲ
လာခြင်းဟာ ဘုရားသားဖြစ်လာ ခြင်း
ပါပဲ။ ဒါကြောင့် အဘဘုရားသခင်နဲ့ စ
ကားပြောဆက်သွယ်နိုင်တဲ့ အခွင့်ထူး
ကို ခံစားလာရတာ ဖြစ်ပါတယ်။


ဂလာ၊၄း၆ မှာ “ထိုသို့ သင်တို့သည် သားဖြစ်သောကြောင့် အဗ္ဗအဘဟုခေါ်တတ်သော သားတော်၏ ဝိညာဉ်တော်ကို သင်တို့စိတ်နှလုံးထဲသို့ ဘုရားသခင် စေလွှတ်တော်မူ၏”လို့ ဖော်ပြထားပါတယ်။
ယေရမိ၊ ၃၃း၃ မှာလည်း “ငါ့ကို ခေါ်လော့၊ ငါထူးမည်” လို့ ဖော်ပြထားပါတယ်။ ဘုရားက ကျွန်တော်တို့ကို နှုတ်ကပတ်တော် (ကျမ်းစာ)ကတစ်ဆင့် စကားပြောနေသလို ကျွန်တော်တို့ကလည်း ဘုရားကို ဆုတောင်းခြင်းအားဖြင့် ပြန်ပြီး ပြောဆိုရမှာ ဖြစ်ပါတယ်။ ဆိုတောင်းခြင်းမှာ ပါဝင်ရမယ့် အင်္ဂါရပ်တွေကတော့ -

(က) ဂုဏ်တော်ချီးမွမ်းခြင်း (ဆာလံ၊ ၁၀၇း၁)
ဘုရားသခင်ရဲ့ ဂုဏ်တော်တွေဖြစ်တဲ့ ကြီးမြတ်တော်မူခြင်း၊ မြင့်မြတ်တော်မူခြင်း၊ ကောင်းမြတ်တော်မူခြင်း၊ ထူးမြတ်တော်မူခြင်းတွေကို ဆင်ခြင် တွေးတောပြီး ချီးမွမ်းခြင်းဖြစ်ပါတယ်။ ဘုရားသခင်ဟာ ချီးမွမ်းဖွယ်ကောင်းပြီး ချီးမွမ်းထိုက်သူ ဖြစ်ပါတယ်။ ဘုရားသခင်ရဲ့ ဂုဏ်အင်္ဂါတော်တွေကို ဆင်ခြင်စဉ်းစားပြီး ချီးမွမ်းထောပနာပြုလေလေ၊ ဂုဏ်အင်္ဂါတော်တွေဟာ ကျွန်တော်တို့ အသက်တာမှာ ပေါ်လွင်ထင်ရှားလာလေလေ ဖြစ်ပါတယ်။

ကြီးမြတ်တော်မူခြင်းကို မြင်လာတာနဲ့အမျှ ကျွန်တော်တို့ ကြုံတွေ့နေရတဲ့ ပြသနာအခက်အခဲတွေဟာ သေးငယ်လာလေလေ ဖြစ်တယ်။ မြင့်မြတ်တော်မူခြင်းကို စဉ်းစားလေလေ ကျွန်တော်တို့ရဲ့ စာရိတ္တပိုင်းဆိုင်ရာမှာ ပြောင်းလဲ လာလေလေ ဖြစ်လာတယ်။ ပြီးတော့ ကောင်းမြတ်တော်မူခြင်းကို မြင်လာလေလေ ကျွန်တော်တို့ရဲ့ စိတ်ထားပိုင်းဆိုင်ရာ ပြောင်းလဲလာလေလေ ဖြစ်လာမယ်။ ထူးမြတ်တော်မူခြင်းတွေကို ဆင်ခြင်လေ့လာ သိမှတ် လာလေလေ ယုံကြည့်အားကိုးလိုစိတ် တိုးပွားလာလေလေ ဖြစ်လာတယ်ဆိုတာကို လက်တွေ့ ခံစားနိုင်ပါတယ်။ ဂုဏ်တော်ချီးမွမ်းခြင်းဟာ ဘုရားသခင်ကို အာရုံပြုခြင်းအပေါ်မှာ မူတည်နေပါတယ်။

(ခ) အပြစ်ဖော်ပြတောင်းပန်ခြင်း (၁ယော၊ ၁း၉)။
ပြောင်းလဲပြီးသူတစ်ယောက်ဟာ အပြစ်သားအနေနဲ့ ဘုရားရှေ့တော်မှာ “ကျွန်တော်မျိုးရဲ့ မြောက်မြားလှတဲ့ အပြစ်တွေကို ခွင့်လွှတ်တော်မူပါ။ အပြစ်များကို ဖြေလွှတ်ဖြေရှင်းတော်မူပါ”လို့ ဆုတောင်းဖို့မလိုတော့ပါ။ ပြောင်းလဲပြီးသူဟာ အပြစ်သားမဟုတ်တော့ဘဲ ဘုရားသားဖြစ်နေပါပြီ။ ဒါကြောင့် အပြစ်သားအနေနဲ့တောင်ပန်ဖို့မဟုတ်ဘဲ ဘုရားသားတစ်ဦးအနေနဲ့ ကိုယ့်ရဲ့အမှားကို ဖော်ပြတောင်းပန်ရမှာ ဖြစ်ပါတယ်။

ဘုရားသားဖြစ်လာတဲ့အခါ အတွင်းမှာ ဘုရားဝိညာဉ် ကျိန်းဝပ်နေတဲ့အတွက် မှားယွင်းတဲ့ ပြောဆို၊ ကြံစည်၊ လုပ်ကိုင်မှုပြုမိတာနဲ့ ဝိညာဉ်တော် က မှားနေကြောင်း အတွင်းထဲက ဖော်ပြပေးနေပါတယ်။ ဒီလိုဖော်ပြလာတဲ့အခါမှာ ကိုယ့်ကိုယ်ကို သေချာပြန်ဆန်းစစ်ပြီး မိမိရဲ့အမှားကို တိတိကျကျ ဘုရားရှေ့တော်မှာ ဖော်ပြဝန်ချတောင်းပန်ရမှာ ဖြစ်ပါတယ်။

(ဂ) ကျေးဇူးတော်ချီးမွမ်းခြင်း (၂ကော၊၉း၁၅)
ဘုရားသခင်ဟာ ကောင်းမြတ်တော်မူပြီး ကရုဏာတော်နဲ့ ကြွယ်ဝတော်မူတယ်။ ဒါကြောင့် ကျွန်တော်တို့ရဲ့ ဆုတောင်းသံကိုကြားပြီး ကျွန်တော် တို့ လိုအပ်တာတွေကို ချပေးသနားတော်မူပါတယ်။ ကျွန်တော်တို့ တောင်းပန်ကြံစည်သမျှထက်တောင် ပိုပြီးကောင်းကြီးပေးနေပါတယ်။ ဒီလိုဘုရားသခင် ပေးသနားတော်မူတဲ့ ကောင်းကြီးတွေကို ရေတွက်ပြီး ဘုရားသခင်ကို ကျေးဇူးတင်တဲ့အကြောင်း နှုတ်ကနေ ပြောဆိုချီးမွမ်းရမှာ ဖြစ်ပါတယ်။

(ဃ) တောင်းခံခြင်း (ဖိ၊၄း၆-၇)
ကျွန်တော်တို့ရဲ့ လိုအင်ဆန္ဒတွေကို ဘုရားသခင်ဆီမှ တင်ပြတောင်းခံနိုင်ပါတယ်။ သူတစ်ပါးအတွက် ဦးစားပေးပြီး တောင်းပေးပါ။ နောက်မှ မိမိအတွက် လိုအပ်တာတွေကို တောင်းပါ။ ဝိညာဉ်ရေးကိစ္စအတွက်အရင် အဓိကထားပြီး တောင်းပါ။ နောက်မှ လူမှုရေး၊ စားဝတ်နေရေး စတဲ့ ကဏ္႑တွေ အတွက် တောင်းပါ။ ကျမ်းစာကို အခြေခံပြီး ဆုတောင်းဖို့လည်း လိုပါသည်။ ဒါမှသာ ကျွန်တော်တို့ရဲ့ ဆုတောင်ခြင်းဟာ အလိုတော်နဲ့ ကိုက်ညီနိုင်မှာ ဖြစ်ပါတယ်။

Tuesday, 22 March 2016

လူသစ်နှင့် သမ္မာကျမ်းစာ New Life & The Woed Of God

ခရစ်တော်၌လူသစ် အခန်း (၁၂)
လူဟောင်းကနေ လူသစ်အဖြစ်ကို
 ပြောင်းလဲလာဖို့အတွက် နှုတ်က
ပတ်တော်ကို ကြားနာယုံကြည်ခြင်း
ဟာ အဓိကကျသလို လူသစ်ဖြစ်ပြီးတဲ့
 နောက်ပိုင်းမှာလဲ နှုတ်ကပတ်တော်
အပေါ်မှာသာ ယုံကြည်ခြင်းနဲ့ ရပ်တည်ပြီး 
ဆက်လက်အသက်ရှင်ရမှာ ဖြစ်ပါတယ်။ နှုတ်ကပတ်တော်ဖြစ်တဲ့ သမ္မာ ကျမ်းစာကို ခုံမင်နှစ်သက်လာခြင်းဟာ အသက်တာပြောင်းလဲလာခြားရဲ့ လက္ခဏာသက်သေ တစ်ခုဖြစ်ပါတယ်။
နှုတ်ကပတ်တော်ကို ခံယူခြင်း (BIBLE INTAKE)ဟာ ဝိညာဉ်ပိုင်းဆိုင်ရာ အစာစားခြင်း၊ အာဟာရမှီဝဲခြင်းဖြစ်တယ်။ (မဿဲ၊၄း၄)။ နှုတ်ကပတ်တော်ကို ခံယူရမယ့် နည်းအမျိုးမျိုးရှိပါတယ်။

(က) ကြားနာခြင်း (ရော၊ ၁၀း၁ရ)
ယုံကြည်ခြင်းအားဖြင့် ပြောင်းလဲလာပြီးတဲ့နောက် ဆက်ပြီးယုံကြည်ခြင်း တိုးပွားပြည့်စုံနိုင်ဖို့အတွက် နှုတ်ကပတ်တော်ကို များများကြားနာဖို့ လိုပါတယ်။ မပြောင်းလဲခင်က မိမိရဲ့နားကိုအခြားအရာတွေ နားထောင်တဲ့နေရာမှာ အသုံးပြုခဲ့သလို ပြောင်းလဲပြီးတဲ့နောက် မိမိရဲ့နားကို တရားဒေသနာ နားထောင်တဲ့ နေရာမှာ အသုံးပြုရမှာဖြစ်တယ်။

(ခ) ဖတ်ရှုခြင်း (ယောရှု၊၁း၈)
နှုတ်ကပတ်တော်ကို ခံယူတဲ့နေရာမှာ နားကိုသာမဟုတ်ဘဲ၊ မျက်စိကိုလည်း အသုံးပြုရပါမယ်။ တရားဟောပုဂ္ဂိုလ်တွေရဲ့ ဟောပြောချက်တွေကို နားထောင်သလို ကိုယ်တိုင်လည်း ကျမ်းစာကိုဖတ်ဖို့လိုပါတယ်။ ကျမ်းစာကို အများက ဘာသာရေးစာအုပ်တစ်ခုလို့ သတ်မှတ်ထားကြပါတယ်။ ကျွန်တော် ကတော့ ဒီလိုမမြင်ပါဘူး။ ကျမ်းစာဟာ တကယ့်တော့ ဘုရားသခင်က ကျွန်တော့်ဆီကို ရေးလိုက်တဲ့စာ ဖြစ်ပါတယ်။
ဒီစာကို ဖတ်ခြင်းအားဖြင့် ဘုရားက ကျွန်တော်တို့ကို သိစေချင်တာတွေ သိခွင့်ရပါတယ်။ စာမတတ်ဘူးဆိုရင်တောင် စာတတ်တဲ့ကလေးတစ် ယောက်ယောက်ကို ခေါ်ဖတ်ခိုင်းပြီး နားထောင်နိုင်ပါတယ်။ ကျွန်တော်တို့ဖတ်စေချင်လို့ ကျွန်တော်တို့နားလည်နိုင်တဲ့ စကားနဲ့ ပြန်ဆိုရေးသားနိုင်အောင် ဘုရားက စီစဉ်ထားပေးပြီးပါပြီ။ မျက်မမြင်တွေအတွက်လည်း မျက်မမြင်စာနဲ့ ဖတ်လို့ရပါပြီ။ ပြောင်းလဲလာသူတစ်ဦးအတွက် ကျမ်းစာဟာ ဖတ်လို့ အကောင်းဆုံး စာအုပ် ဖြစ်လာပါတယ်။

(ဂ) လေ့လာခြင်း (ဗြဲ၊၅း၁၃)
ကျမ်းစာကို လေ့လာဖို့လည်းလိုပါတယ်။ လေ့လာဖို့အတွက်ကျတော့ အချိန်ပိုယူရပါတယ်။ ကျမ်းစာထဲမှာပါတဲ့ စကားတွေ၊ အဖြစ်အပျက်တွေ လူပုဂ္ဂိုလ်တွေ အားလုံးဟာ နက်နဲတဲ့ အဓိပ္ပါယ်တွေရှိနေပါတယ်။ ဒီအဓိပ္ပါယ်တွေကို လေ့လာခြင်းအားဖြင့်သာ သိနားလည်နိုင်ပါတယ်။ ဘယ်သူက ဘယ်နေရာမှာ ဘာပြောတယ်၊ ဘယ်သူ့ကို ပြောတယ်၊ ဘာကြောင့်ပြောတယ် စသည်ဖြင့် အချိန်ကာလ၊ အရပ်ဒေသ၊ လူတစ်စု၊ လူတစ်ဦးချင်းနဲ့ ဆိုင်တာ တွေကို မှန်ကန်စွာပိုင်းခြားတတ်ဖို့ လေ့လာရမှာဖြစ်ပါတယ်။ ကြားနာခြင်း၊ ဖတ်ရှုခြင်းတွေထက် လေ့လာခြင်းက ပိုပြီးနက်နက်ရှိုင်းရှိုင်း နားလည်စေ ပါတယ်။

လေ့လာတဲ့နေရာမှာကိုယ်တိုင်တစ်ဦးတည်းလေ့လာခြင်း(PERSONAL STUDY) ၊ အဖွဲ့နှင့်လေ့လာခြင်း(GROUP STUDY)၊ သင်တန်းတက်လေ့လာခြင်း(CLASS STUDY) ၊ ကျောင်းတက်ပြီး လေ့လာခြင်းဆိုပြီး အမျိုးမျိုးရှိတယ်။ အဓိကကတော့ ဝိညာဉ်တော်ရဲ့ သွန်သင် ဖွင့်ပြမှုပါပဲ။ ကိုယ်တိုင်လေ့လာခြင်း၊ တတ်ကျွမ်းနားလည်သူတွေဆီမှာ ဆွေနွေးမေးမြန်းခြင်း၊ အထောက်အကူပြုစာအုပ်စာပေနဲ့ သင်ခန်းစာ စာအုပ်တွေ လေ့လာဖတ်ရှုခြင်းတို့ကို လက်တွေ့ပြုလုပ်နိုင်ပါတယ်။ အဖွဲ့အစည်း၊ လူပုဂ္ဂိုလ်တစ်ဦး၊ ဂိုဏ်းဂဏတစ်ခုရဲ့ ဩဝါဒဆိုတာတွေထက် နှုတ်ကပတ်တော်ရဲ့ ဩဝါဒကို အဓိကထားရမှာ ဖြစ်ပါတယ်။

(ဃ) ရွတ်ဆိုခြင်း (ဆာလံ၊ ၁၁၉း၁၁)
ပြောင်းလဲလာပြီးတဲ့ ကျွန်တော်တို့ရဲ့ နှုတ်ပါးစပ်ဟာ ဘုရားသခင်ရဲ့ နှုတ်ကပတ်တော်ကို အမြဲတမ်းရွတ်ဆိုနေတဲ့ အင်္ဂါအစိတ်အပိုင်း ဖြစ်ရ ပါမယ်။ စိတ်နှလုံးအပြည့်ရှိတဲ့အတိုင်း နှုတ်ကနေ ထွက်တတ်တယ်လို့ ကျမ်းစာကပြောထားပါတယ်။ ဒါဆိုရင် ကျွန်တော်တို့နှုတ်ထဲက နှုတ်ကပတ်တော် အမြဲတမ်းထွက်နေဖို့ ဘာလုပ်ရမလဲ။ ကျွန်တော်တို့ရဲ့ စိတ်နှလုံးထဲမှာ ကျမ်းစကားတွေကို များများ သိုလှောင်ထားရမှာ ဖြစ်တယ်။

အမြဲတမ်း ရွတ်ဆိုနေခြင်းဟာ အကောင်းဆုံးသော ကျက်မှတ်ခြင်းဖြစ်ပါတယ်။ ကျွန်တော်တို့ ချစ်မြတ်နိုးတဲ့ သူတစ်ဦးရဲ့ စကားတွေကို ကျွန်တော်တို့ နှလုံးသားထဲမှာ စွဲမှတ်ပြီး အလွတ်ရနေတတ်သလိုပါပဲ။ ဘုရားစကားတော်တွေကို အလွတ်ရပြီး ရွတ်ဆိုနေတတ်ခြင်းဟာလည်း ဘုရားကို ချစ်တဲ့ လက္ခဏာတစ်ခုဖြစ်ပါတယ်။

(င) ဆင်ခြင်လိုက်လျှောက်ခြင်း (ဆာလံ၊၁း၃)
လူတစ်ယောက်ရဲ့ အသက်တာ အမှန်တကယ် ပြောင်းလဲတဲ့ လက္ခဏာဟာ နားလည်သဘောပေါက်လာရုံမဟုတ်ဘဲ လက်တွေ့ အသက်ရှင်လာ ခြင်းဖြစ်ပါတယ်။ ပြောင်းလဲလာသူတိုင်းမှာ ဘုရားစကား နားထောင်ပြီး စကားတော်အတိုင်း အသက်ရှင်လိုတဲ့ ဆန္ဒသစ်ပါရှိလာပြီး ဖြစ်တယ်။ အဲဒီဆန္ဒ အတိုင်း လက်တွေ့အသက်ရှင်လာတဲ့အခါ ပြောင်းလဲခြင်းရဲ့ လက္ခဏာပေါ်လွင်လာပါတယ်။ နှုတ်ကပတ်တော်ကို ဆင်ခြင်လိုက်လျှောက်နေခြင်းဟာ စစ်မှန် စွာ ပြောင်းလဲခြင်းရဲ့ လက္ခဏာပါပဲ။

ဒါကြောင့် ကျမ်းစာကတစ်ဆင့် ဘုရားက မိမိကို ဘာပြောနေသလဲ၊ ဘာဆိုလိုနေသလဲ ဆိုတာကို အချိန်ယူဆင်ခြင်စဉ်းစားပြီး ဘုရားဖော်ပြလာ တဲ့အတိုင်း လက်တွေ့လုပ်ဆောင်ဖို့ ဆုံးဖြတ်ချက်ချရမှာဖြစ်ပါတယ်။ ကျွန်တော်တို့အတွက် တစ်သက်တာလုံးနဲ့ဆိုင်တဲ့ ဘုရားအလိုတော်ကို ကျမ်းစာထဲမှာ ခြုံငုံပြီး ဖော်ပြထားသလို နေ့ရက်တစ်ရက်စီအတွက် အထူးအလိုတော်ရှိတဲ့အရာကိုလည်း ကျမ်းစာကတစ်ဆင့် ဖော်ပြနေပါတယ်။

ကျမ်းစာကို အချိန်ယူပြီး ဆင်ခြင်စဉ်းစားခြင်းဟာ ကိုယ့်အတွက် ဘုရားရဲ့အလိုတော်ကို သိဖို့ဆောင်ရွက်ခြင်းပဲ ဖြစ်ပါတယ်။ ဘုရားက ဘာအလိုတော်ရှိနေတယ်ဆိုတာကို သိလာတာနဲ့ တစ်ပြိုင်နက် လက်တွေ့ထလုပ်ဖို့ ဆုံးဖြတ်ချက်ချ၍ အကောင်းအထည်ဖော်ရမှာ ဖြစ်တယ်။
ဒီနေ့အဖို့ အထူးသဖြင့် ရန်သူကိုချစ်ဖို့ ဘုရားဖော်ပြနေတယ်ဆိုရင် ကိုယ့်ကို မုန်းတီးနေသူဆီကို သွားပြီး လက်တွေ့တစ်နည်းတစ်လမ်းနဲ့ မေတ္တာပြဖို့ ဖြစ်တယ်။ ဒါမှမဟုတ် ကိုယ့်အသက်တာထဲက ဘုရားမကြိုက်တဲ့ အရာတစ်ခုကို စွန့်ပစ်ဖို့ဖော်ပြလာရင် အဲဒီဖော်ပြလာတဲ့အရာကို ပြတ်ပြတ် သားသား စွန့်ပစ်လိုက်ဖို့ပါပဲ။

နှုတ်ကပတ်တော်ကို ကြားနာခြင်း၊ ဖတ်ရှုခြင်း၊ လေ့လာခြင်း၊ ရွတ်ဆိုခြင်းတို့ရဲ့ အချုပ်ဟာ ဆင်ခြင်လိုက်လျှောက်ဖို့ပဲ ဖြစ်ရပါမယ်။ နားလည် သဘောပေါက်ပြီး သူတစ်ပါးကို ပြောဆိုရှင်းပြနိုင်ဖို့အတွက်သာမဟုတ်ဘဲ ကိုယ်တိုင်လက်တွေ့အသက်ရှင်ဖို့ ဖြစ်ရပါမယ်။ အဲဒီတော့မှ နှုတ်ကပတ်တော်ကို နှုတ်ပါးစပ်နဲ့သာမဟုတ်ဘဲ အသက်တာနဲ့ လက်တွေ့ကျကျ ဟောနေသူ ဖြစ်လာနိုင်မှာ ဖြစ်ပါတယ်။

Saturday, 19 March 2016

လူသစ်နှင့် ဝိညာဉ်တော် NEW LIFE AND THE HOLY SPIRIT

ခရစ်တော်၌လူသစ် အခန်း (၁၁)
စစ်မှန်တဲ့ ပြောင်းလဲခြင်းဟာ လူ့အသိ
တရားအားဖြင့် ကိုယ့်ကိုယ်ကို ကြိုးစား
ပြုပြင်ခြင်း မဟုတ်ဘဲ သန့်ရှင်းသော
 ဝိညာဉ်တော်ရဲ့ ပြုပြင်ခြင်း (အသစ်ဖြစ်
စေခြင်း)သာ ဖြစ်ပါတယ်။ လူတစ်ယောက်
 အသက်တာပြောင်းလဲဖို့အတွက် နှုတ်က
ပတ်တော် သမ္မာတရားကို တိတိကျကျ
 ကြားနာရဖို့ လိုပါတယ်။ သမ္မာကျမ်းစာဟာ
သန့်ရှင်းသော ဝိညာဉ်တော်မှုတ်သွင်းခြင်းအားဖြင့် ရေးသားထားတာဖြစ်တဲ့အတွက် လူကို ပြောင်းလဲစေနိုင်တဲ့ တန်ခိုးရှိ ပါတယ်။
ပြောင်းလဲခြင်း(တစ်နည်းအားဖြင့် လူသစ်ဖြစ်လာခြင်း)ဟာ သန့်ရှင်းသော ဝိညာဉ်တော်ရဲ့ လုပ်ဆောင်ချက်ဖြစ်ပါတယ်။
တိတု၊ ၃း၅ မှာ “သန့်ရှင်းသော ဝိညာဉ်တော်၏ အသစ်ပြုပြင်ခြင်း”
ယာကုပ်၊ ၁း၁၈ မှာ “သမ္မာတရားစကား (ဝိညာဉ်တော်မှုတ်သွင်းထားသောအရာ)အားဖြင့် ဖြစ်ပွါးစေ” စသည်ဖြင့် ဖော်ပြထားပါတယ်။

(က) ဝိညာဉ်တော် ကျိန်းဝပ်ခြင်း
ပြောင်းလဲပြီးသူရဲ့ အထဲမှာ ခရစ်တော်ဟာ ဝိညာဉ်တော်အားဖြင့် လာရောက်ကျိန်းဝပ်နေပါတယ်။ ပြောင်းလဲပြီးသူရဲ့ အထဲမှာသန့်ရှင်းသော ဝိညာဉ်တော်လာရောက်ကျိန်းဝပ်ခြင်းဟာ ခရစ်တော်ရဲ့ ကတိစကားတော်ကို ယုံကြည်စိတ်ချခြင်းအားဖြင့် ဖြစ်ပါတယ်။ အပြစ်လွှတ်ခြင်းကို ခံစားရရှိပုံနဲ့ သန့်ရှင်းသော ဝိညာဉ်တော်ကို ခံစားရရှိပုံဟာ အတူတူပဲဖြစ်ပါတယ်။ နှစ်ခုစလုံးဟာ ခရစ်တော်ရဲ့ လုပ်ဆောင်ချက်ပေါ်မှာ ယုံကြည်စိတ်ချခြင်းအားဖြင့်သာ ခံစားရတာ ဖြစ်ပါတယယ်။ ကိုယ်တော်ကားတိုင်ထက်မှာ တက်ပြီး အသေခံခဲ့ခြင်းက ကျွန်တော်တို့ အပြစ်လွှတ်ခြင်းကို ခံစားရဖို့ဖြစ်ပြီး၊ ကိုယ်တော် ပလင်ပေါ် (ခမည်းတော်၏ လကျာ်ဘက်)မှာ ထိုင်ပြီး စိုးစံခြင်းက ကျွန်တော်တို့ သန့်ရှင်းသောဝိညာဉ်တော်ကို ခံစားရရှိဖို့ဖြစ်ပါတယ်။ နှစ်မျိုးစလုံးကို ယုံကြည်ခြင်းဆိုတာ ခရစ်တော်ရဲ့ လုပ်ဆောင်ချက်အပေါ်မှာ စိတ်ချရပ်တည်ခြင်းဖြစ်ပါတယ်။

ဧဝံဂေလိတရားကို ကြားနာခြင်း၊ ယုံကြည်ခြင်းနဲ့ ဝိညာဉ်တော် ကျိန်းဝပ်ခြင်းတို့ဟာ တစ်ခုနဲ့တစ်ခု ဆက်စပ်နေပါတယ်။ ဝိညာဉ်တော် ကျိန်းဝပ်ခြင်းဟာ ယုံကြည်ခြင်းကြောင့်ဖြစ်သလို ယုံကြည်ခြင်းဟာလည်း ကြားနာခြင်းအပေါ်မှာ အခြေခံနေပါတယ်။ ဒါကြောင့် ဧဝံဂေလိတရားကို ကြားနာပြီး ယုံကြည်ခြင်းနဲ့တုန့်ပြန်သူတိုင်းရဲ့ အထဲမှာ ဝိညာဉ်တော်လာရောက်ကျိန်းဝပ်ပါတယ်ဆိုတာ စိတ်ချဖို့ဖြစ်ပါတယ်။

ခရစ်တော် ကျွနု်ပ်
ကားတိုင်ပေါ်တက်သွားခြင်း
ပလင်ပေါ်တက်သွားခြင်း
အပြစ်လွတ်ခြင်း
သန့်ရှင်းသော ဝိညာဉ်တော်
ယုံကြည်သူအနေနဲ့ မိမိအထဲမှာ ခရစ်တော်ရှိနေကြောင်း၊ ပြီးတော့ ခရစ်တော်အထဲမှာ မိမိရှိနေကြောင်းကို ဝိညာဉ်တော်က သိစေပါတယ် (ယော၊၁၄း၂၀)။
ယုံကြည်သူအထဲမှာ ကျိန်းဝပ်နေတဲ့ ဝိညာဉ်တော်က ဘာတွေလုပ်ပေးနေတယ်ဆိုတာကို ဆက်ပြောချင်ပါတယ်။

- အတွင်းသက်သေပေးခြင်း (ရော၊၈း၁၆)။ မိမိဟာ ဘုရားသားဖြစ်တယ် ဆိုတဲ့အကြောင်းကို မိမိဝိညာဉ်နဲ့အတူ ဝိညာဉ်တော်က
အခိုင်အမာ သက်သေခံပေးနေပါတယ်။ ဒါကြောင့် ယုံကြည်သူဟာ ပြင်ပအခြေအနေနဲ့ သူတစ်ပါးတွေရဲ့ သတ်မှတ်ချက်တွေအပေါ်မှာ မူမတည်ဘဲ မိမိအတွင်းထဲကလာတဲ့ ဝိညာဉ်တော်ရဲ့ သက်သေအပေါ်မှာ ရပ်တည်ပြီး မိမိကိုယ်မိမိ ဘုရားသားဖြစ်ကြောင်း စိတ်ချနိုင်တာဖြစ်ပါတယ်။ ဘုရားသားဖြစ်တဲ့အတွက် ကောင်းကင်စည်းစိမ်နဲ့ဆိုင်တဲ့ အမွေဥစ္စာတွေကိုလည်း ပိုင်ဆိုင်ခွင့်ရရှိပါတယ်။ ကောင်းကင်စည်းစိမ်နဲ့ လောကစည်းစိမ်ဟာ အလွန်ပဲ ကွာခြားပါတယ်။ လောကစည်းစိမ်ဟာ လှည့်စားခြင်းဖြစ်ပြီး ကောင်းကင်စည်းစိမ်ဟာ ထာဝရတည်မြဲခြင်းနဲ့ ဆိုင်ပါတယ်။ ဝိညာဉ်တော်ကျိန်ဝပ်လာခြင်းဖြင့် အဲဒီကောင်းကင် အမွေအနှစ်ရဲ့ စရန်ကို ခံစားရနိုင်ပါတယ်။ ကောင်းကင်အရသာကို ယခုဘဝမှာကြိုတင်ပြီး မြည်းစမ်း ခံစားနိုင်ဖို့ ဝိညာဉ်တော် လုပ်ဆောင်ပေးနေပါသည်။

- အတွင်းလူ (ဝိညာဉ်)ကို ခွန်အားပေးခြင်း (ဧဖက်၊ ၃း၁၆)။ ယုံကြည်သူတစ်ဦးအနေနဲ့ ဇာတိကို အောင်နိုင်ပြီး လောကမှာ
ဘုရားပေးတဲ့ တာဝန်တွေကို ထိထိရောက်ရောက် ထမ်းဆောင်နိုင်ဖို့အတွက် အတွင်းဝိညာဉ်မှာ ခွန်အားရှိဖို့ လိုအပ်ပါတယ်။ အဲဒီလို ဝိညာဉ်ပိုင်းဆိုင်ရာမှာ ခွန်အားနဲ့ပြည့်စုံပြီး မြဲမြံခိုင်ခံ့စွာ ရပ်တည်နိုင်ဖို့အတွက် ဝိညာဉ်တော်က လုပ်ဆောင်ပေးနေပါတယ်။

- ဘုရားမေတ္တာဖြင့် အသက်ရှင်စေခြင်း (ရော၊၅း၅)။ သူတစ်ပါးရဲ့ပြစ်မှားမှုရှိသမျှကို ခွင့်လွှတ်ပြီး ရန်သူကို ချစ်နိုင်ဖို့အထိဆိုတာ ကျွန်တော်တို့ရဲ့ လူ့ဇာတိမေတ္တာနဲ့ မလုံလောက်နိုင်ပါ။ သန့်ရှင်းသော ဝိညာဉ်တော်က တစ်ဘက်သတ်ချစ်တတ်တဲ့ ဘုရားရဲ့မေတ္တာတော်ကို ကျွန်တော်တို့ နှလုံးသားထဲအရောက် ယူဆောင်လာပေးပါတယ်။ “ရန်သူကို ချစ်လော့” လို့ အမိန့်ပေးတဲ့ အရှင်သခင်က ချစ်နိုင်တဲ့ မေတ္တာကိုပါ ထည့်သွင်းပေးသူဖြစ် ပါတယ်။ အဲဒီမေတ္တာက အထူးသဖြင့် ဘုရားကို ချစ်နိုင်တဲ့မေတ္တာဖြစ်ပါတယ်။
- သွန်သင်ပေးနေခြင်း (ယော၊၁၆း၁၂-၁၃)။ ရှေးအခါက ဣသရေလတွေကို တောထဲမှာ မိုးတိမ်၊ မီတိုင်ကို အသုံးပြုပြီး ဘုရားသခင်က လမ်းပြခဲ့သလို ယခုအချိန်မှာ ယုံကြည်သူတွေကို နှုတ်ကပတ်တော်အားဖြင့် လမ်းပြသွန်သင်ပေးနေပါတယ်။

 ဒါကြောင့် နှုတ်ကပတ်တော်အတိုင်း လက်တွေ့ အသက်ရှင်နိုင်ဖို့အတွက် နှုတ်ကပတ်တော်ရဲ့ အနက်အဓိပ္ပါယ်ဆိုလိုချက်တွေကို တိတိကျကျ နားလည်ဖို့လိုပါတယ်။ ဒီလိုနားလည်နိုင်အောင် ဝိညာဉ်တော်က သွန်သင်ပေးမယ်။ အကြွင်းမဲ့သွန်သင်ပေးမယ်လို့ ကတိပေးထားပါတယ်။ ဝိညာဉ်တော်ရဲ့ သွန်သင်ဖွင့်ပြမှုမပါရင် နှုတ်ကပတ်တော် (သမ္မာကျမ်းစာ)ကို လူ့ဉာဏ်အားဖြင့် မှန်ကန်စွာနားမလည်နိုင်ပါ။ ဝိညာဉ်တော်က နှုတ်ကပတ်တော်ကို နားလည်အောင် ဖွင့်ပြသွန်သင်ပေးနေရုံမက နေ့စဉ်အသက်တာအရေးကိစ္စတွေမှာလည်း အလိုတော်နဲ့အညီဖြစ်အောင် သွန်သင်ပေးပဲ့ပြင်ပေးနေပါတယ်။ ယုံကြည်သူဟာ အပြင်က ပညတ်တရားရဲ့ ထိန်းချုပ်မှုအောက်မှာ မရှိဘဲ အတွင်းထဲက ဝိညာဉ်တော်ရဲ့ ဦးဆောင်ပဲပြင်မှု အောက်မှာသာ ရှိနေတာဖြစ်ပါတယ်။

- ခရစ်တော်၏ သက်သေခံဖြစ်စေခြင်း (တမန်၊ ၁း၈)။ ခရစ်တော်ဟာ ကယ်တင်ရှင်ဖြစ်ကြောင်း အသက်တာနဲ့ရော နှုတ်နဲ့ပါ ရဲရဲရင့်ရင့် သက်သေခံကြေညာနိုင်ဖို့အတွက် ယုံကြည်သူရဲ့ အထဲမှာ ဝိညာဉ်တော်က တန်ခိုးပေးလျက်ရှိနေပါတယ်။ ရှိတဲ့နေရာမှာ ခရစ်တော်အကြောင်းကို တန်ခိုးနဲ့ သက်သေခံနေသူဖြစ်အောင် ဝိညာဉ်တော်က လုပ်ပေးနေပါတယ်။ မိမိအတွင်းထဲမှာ လာရောက်ကျိန်းဝပ်နေတဲ့ ဝိညာဉ်တော်နဲ့ပတ်သက်ပြီး ယုံကြည်သူ အတွက် သတိပြုရမယ့်အချက်(၂)ချက်ရှိပါတယ်။

(ခ) ဝိညာဉ်တော်ကို စိတ်နာစေခြင်း
ဝိညာဉ်တော်က ဘုရားမနှစ်သက်တဲ့ အရာတွေမလုပ်ဖို့ ကျွန်တော်တို့အထဲကနေ နူးညံ့သိမ်မွေ့စွာ တားဆီးပေးနေပါတယ်။ ဝိညာဉ်တော်ရဲ့ ဆီးတားချက်ကို ဂရုမစိုက်ဘဲ ဇာတိအလိုလိုက်မိပြီး မလုပ်သင့်တာကို လုပ်ပြီဆိုရင် ဝိညာဉ်တော်ဝမ်းနည်းပါတယ်။ စိတ်နာပါတယ်။ အဲဒီအခါ ကျွန်တော် တို့ ကိုယ်တိုင်လည်း မပျော်နိုင်တော့ဘူး။
ကယ်တင်ခြင်းနဲ့ယှဉ်ပြီး ခံစားရတဲ့ ဝမ်းမြောက်ခြင်းလည်း ဆုံးရံှုးပါတယ်။ ဒါကြောင့် အပြစ်မလုပ်ဖို့၊ မာနမကြီးဖို့ တားမြစ်နေတဲ့ ဝိညာဉ်တော် ရဲ့ တားမြစ်ချက်ကို နှလုံးသားနဲ့ရင်းပြီး နာခံတတ်ဖို့ လိုပါတယ်။ ဝိညာဉ်တော်ရဲ့အုပ်စိုးမှုကို နာခံတတ်ပြီးသားပါ။ ဇာတိသဘောကတော့ ဘုရားကို အမြဲဆန့်ကျင်နေတတ်တဲ့အတွက် ဇာတိအလိုလိုက်မိခြင်းဟာ ဝိညာဉ်တော်ကို စိတ်နာစေရာရောက်ကြောင်း သတိပြုရမှာ ဖြစ်ပါတယ်။

(ဂ) ဝိညာဉ်တော်၏ အရှိန်ကို ငြိမ်းစေခြင်း
ပြောင်းလဲပြီးတဲ့ ယုံကြည်သူ တစ်ယောက်အနေနဲ့ လောကမှာ ဆက်လက်အသက်ရှင်နေရတဲ့ အကြောင်ရင်းဟာ ဘုရားအလိုတော်ကို ဆောင်ဖို့ တစ်နည်းအားဖြင့် ဘုရားခိုင်းတာကို လုပ်ဖို့သာဖြစ်ပါတယ်။ အဲဒါကြောင့် ဘုရားက မိမိကို ခိုင်းထားတာတွေလုပ်နေဖို့ ဝိညာဉ်တော်အားဖြင့် အထဲကနေ နှိုးဆော်ခိုင်းစေနေပါတယ်။ ဥပမာ ကျမ်းစာလေ့လာဖို့၊ ဆုတောင်းဖို့၊ ခရစ်တော်အကြောင်း သက်သေခံဖို့၊ ဧဝံဂေလိလှုပ်ရှားမှုတွေမှာ လူကိုယ်တိုင်ဖြစ်ဖြစ်၊ ငွေကြေးဥစ္စာနဲ့ဖြစ်ဖြစ် ပါဝင်ဖို့၊ သူတစ်ပါးအကျိုးအတွက် လက်တွေ့လုပ်ဆောင်ဖို့ စတာတွေကို ဝိညာဉ်တော်က နှိုးဆော်ခိုင်းစေနေပါတယ်။

 မိမိကို တစ်စုံ တစ်ခုလုပ်ဖို့ ဝိညာဉ်တော်က နှိုးဆော်နေမှန်းသိပါလျက်နဲ့ လက်တွေ့မလုပ်ဘဲနေခြင်းဟာ ဝိညာဉ်တော်ရဲ့ အရှိန်ကို ငြိမ်းစေပါတယ်။ ပြောင်းလဲပြီးသူ တစ်ယောက်အနေနဲ့ ဘာတွေရှောင်ရမယ်၊ ဘာတွေလုပ်ဆောင်ရမယ်ဆိုတာတွေကို ဝိညာဉ်တော်က အမြဲတစေ ဖော်ပြပေးနေပါတယ်။ ရှောင်ကြဉ်နိုင်ဖို့ အတွက် တားမြစ်နေတာကို နားမထောင်ရင် ဝိညာဉ်တော် စိတ်နာမယ်။ လုပ်ဆောင်ဖို့နှိုးဆော်နေတာကို နားမထောင်ရင် ဝိညာဉ်တောင် အရှိန်ကို ငြိမ်းစေမယ်ဆိုတာကို အထူးသတိထားရမှာ ဖြစ်ပါတယ်။

Friday, 18 March 2016

ပြောင်းလဲသူ၏ ဖြစ်စဉ် ABOUT THE NEW LIFE

ခရစ်တော်၌လူသစ် အခန်း (၁၀)
ပြောင်းလဲသူဟာ ခရစ်တော်နဲ့ ထပ်
တူထပ်မျှ ဖြစ်ပါတယ်။ ဒီလိုဖြစ်အောင်
 ဘုရားတန်ခိုးတော်က လုပ်ဆောင်
ပေးတာ ဖြစ်ပါတယ်။ ဒီတန်ခိုး တော်နဲ့
လုပ်ဆောင်ပေးခြင်း အကျိုးရလဒ်ကို
ယုံကြည်ခြင်းနဲ့ ဝန်ခံပြီး ခံစားရရှိကြောင်
 ပြောခဲဲ့ပြီးပါပြီ။ ဘယ်တော့မှ မပြောင်းလဲ၊
မပျောက်ပျက်နိုင်မယ့် ထာဝစဉ် တည်မြဲတဲ့
ဘုရားသခင်ရဲ့ နှုတ်ကပတ်တော် ဖော်ပြချက်ဖြစ်ပါတယ် (ယော၊၁၄း၂၀)။

ဒါကြောင့် ယုံကြည်(ဝန်ခံ)သူဟာ
၁။ ဘုရားထည့်ထားပေးခြင်းကြောင့် ခရစ်တော်ထဲမှာ ရှိနေပါတယ် (၁ကော၊၁း၃၀)။
၂။ ခရစ်တော်နဲ့အတူ သေခြင်းအားဖြင့် လူဟောင်းဘဝ အဆုံးသတ်ပါတယ် (ရော၊၆း၆)။
၃။ သင်္ဂြိဟ်ခံခဲ့တဲ့ လက္ခဏာအနေနဲ့ ရေနှစ်ခြင်းမင်္ဂလာခံခြင်း ဖြစ်ပါတယ် (ရော၊၆း၄)။
၄။ ခရစ်တော်နဲ့အတူ ရှင်ပြန်ထမြောက်ပြီး လူသစ်ဖြစ်လာပါတယ် (၁ပေ၊၁း၃)။
၅။ ခရစ်တော်နဲ့အတူ ကောင်းကင်ကို တက်သွားပါတယ် (ဧဖက်၊၂း၆။ ကော၊၃း၃)။
၆။ ဒီကမ်ဘာလောကမှာ ဘုရားအလိုတော်ကိုဆောင်ဖို့ ပုပ်ပျက်တတ်တဲ့ မြေကြီးခန္ဓာထဲမှာ ခေတ္တာလာနေရပါတယ် (၂ကော၊၅း၁-၉)။

ယုံကြည်သူဟာ ဤလောကမှာ ကိုယ်တော်နည်းတူ ဖြစ်နေပါတယ် (၁ယော၊၄း၁၇)။
လောကသား၊ မြေကြီးသားဆိုတဲ့ လူဟောင်းဘဝဟာ ကားတိုင်မှာ ပြီးဆုံးခဲ့ပြီး ကောင်းကင်သားက လောကသို့ အလိုတော်ဆောင်ရန် ဘုရားစေ လွှတ်ခြင်းခံသူ ဖြစ်နေပါပြီ။
ယုံကြည်သူရဲ့ အသက်တာဟာ နှစ်ပိုင်းရှိပါတယ်။ မြေကြီး(လောက)မှာ ရှိတဲ့အပိုင်းနဲ့ ကောင်းကင်မှာ ရှိတဲ့အပိုင်းတို့ ဖြစ်ပါတယ်။ လောကမှာ အလိုတော်ကိုဆောင်ဖို့ ရောက်နေတဲ့တစ်ချိန်တည်းမှာပဲ ကောင်းကင်မှာလည်း ရှိနေပါတယ်။ ခရစ်တော်ရဲ့ ဘုန်းကို ပိုင်ခွင့်ရထားလို့ဖြစ်တယ် (၂သက်၊ ၂း၁၄ နဲ့ ယော၊၃း၁၃ တို့ကို လေ့လာကြည့်ပါ)။

ဥပမာ - လှေပေါ်မှာ ရှိနေတဲ့ တံငါသည်ဟာ လက်ထဲက ပိုက်ကွန်ကို ရေထဲပစ်ချလိုက်တဲ့အခါ အဲဒီပိုက်ကွန် ဘယ်မှာရှိနေသလဲ။ တစ်ပိုင်းက ရေထဲမှာရှိနေသလို တစ်ပိုင်းက လှေပေါ်က တံငါသည်ရဲ့ လက်ထဲမှာ ရှိနေဆဲပဲ ဖြစ်ပါတယ်။ တံငါသည်ဟာ ငါးလိုချင်တဲ့ဆန္ဒနဲ့ ရည်ရွယ်ချက်ကြောင့် ကွန်ကို ခေတ္တရေထဲချထားခြင်းဖြစ်တယ်။အချိန်တန်ရင်ပြန်ဆွဲတင်မှာပါ။ဒီလိုပဲယုံကြည်သူတစ်ဦး(လူသစ်)ရဲ့အသက်တာဟာလဲမြေကြီးပေါ်သို့စေလွှတ်ခြင်းခံရတဲ့တစ်ချိန်တည်းမှာပဲကောင်းကင်(ဘုရားလက်တော်ထဲ)မှာလည်းရှိနေပါတယ်။ ဘုရားစေလွှတ်ထားတဲ့ ရည်ရွယ်ချက်ကတော့ သူ့အားဖြင့် အခြားသူတွေပြောင်းလဲဖို့ ဖြစ်ပါတယ်။ အချိန်တန်ရင် ကောင်းကင်ကို ပြန်ခေါ်ယူမှာဖြစ်ပါတယ်။ အဲဒီအခါကျရင် ဝမ်းမြောက်ဝမ်းသာ ပြန်သွားရုံပါပဲ။
ယုံကြည်သူရဲ့ အသက်တာ နှစ်ပိုင်းထဲက လောကမှာရှိနေတဲ့ အပိုင်းကို အနီးကပ်လေ့လာကြည့်မယ်ဆိုရင် ဇာတိပိုင်းနဲ့ဝိညာဉ်ပိုင်းဆိုပြီး နှစ်ပိုင်း ရှိနေပြန်ပါတယ်။

(က) ဇာတိပိုင်း
သွေးသားနဲ့ ဆိုင်တဲ့အပိုင်း၊ ဗီဇဟောင်းနဲ့ ဆိုင်တဲ့အပိုင်း ဖြစ်တယ်။ အပြစ်တရားခိုအောင်းရာ အပိုင်းလည်းဖြစ်တယ်။ အပြစ်တရား ဆွဲငင်ရာ နောက်ကို လိုက်ပါတတ်တဲ့အတွက် အပြစ်တရား၏ ကိုယ်လို့လဲခေါ်ပါတယ်။ ဒီဇာတိပိုင်းမှာ အဆိုးတွေချည်းမဟုတ်ဘဲ အကောင်းတွေလည်းပါတယ်။ လူသစ်အဖြစ်ကို မရောက်ဘဲ လူဟောင်းအဖြစ်နဲ့ ကြိုးစားကျင့်ကြံသမျှတွေ အားလုံးပါပါတယ်။
ပေါလုဟာ သူမပြောင်းလဲခင်ကတည်းက ဘာသာတရား ကိုင်းရှိုင်းခဲ့တယ်။ တရားကျင့်ပြီး ကိုယ်ကျင့်တရားကောင်းခဲ့တယ်။ခရစ်ယာန်တွေကိုသူညှင်းဆဲခဲ့ခြင်းဟာလည်းသူခံယူထားတဲ့အမှန်တရားအပေါ်မှာ သစ္စာရှိရှိရပ်တည်ခဲ့ခြင်းသာဖြစ်တယ်။ သို့သော် သူပြောင်းလဲပြီးတဲ့နောက်ပိုင်းမှာ ဒါတွေ အားလုံးဟာ ဇာတိနဲ့ဆိုင်တဲ့ အပိုင်းတွေဖြစ်တယ်လို့ ထုတ်ဖော်ခဲ့ပါတယ်။
ဇာတိပိုင်းဟာ ဇာတိနဲ့ဆိုင်တဲ့ မျိုးရိုး(လူမျိုး) ဓလေ့ထုံးစံ အကျင့်စရိုက် အလိုဆန္ဒတွေကို စွဲလမ်းတဲ့ သဘောရှိတယ်။

(ခ) ဝိညာဉ်ပိုင်း
ဘုရားဖြစ်ဖွားစေတဲ့ လူသစ်ပိုင်းဖြစ်တယ်။ အပြစ်တရားရဲ့ ကျွန်မဟုတ်တဲ့အတွက် အပြစ်တရားဆွဲငင်ရာကို လုံးဝမလိုက်ဘဲ ဘုရားအလိုတော်ကို သာ အကြွင်းမဲ့ လိုက်တတ်သူဖြစ်တယ်။ ဝိညာဉ်ပိုင်းဟာ ဆိုးတာတွေကို မလုပ်သလို ကောင်းတာတွေကိုလည်း မလုပ်ဘူး။ ဘုရားခိုင်းတာကိုပဲ လုပ်တတ် တယ်။ ဝိညာဉ်ပိုင်းဟာ ဘုရားနဲ့ဆိုင်တာတွေ၊ ဝိညာဉ်ရေးနဲ့ဆိုင်တာတွေ စွဲလမ်းတဲ့သဘောရှိတယ်။ ကိုယ့်ကိုယ်ကိုရော၊ သူတစ်ပါးကိုပါ ဝိညာဉ်အမြင်နဲ့ ရှုမြင်သုံးသပ်တတ်တယ်။
ဒါကြောင့် ယုံကြည်သူရဲ့ အသက်တာဟာ လောကမှာ ခေတ္တနေရစဉ် ဇာတိပိုင်းနဲ့ ဝိညာဉ်ပိုင်းပေါင်းစပ်ပြီး နေနေရတဲ့ သဘောဖြစ်တယ်။ ဒီနှစ်ပိုင်းထဲမှာ ယုံကြည်သူရဲ့ အဓိကအပိုင်းဟာ ဝိညာဉ်ပိုင်းသာဖြစ်ပြီး ဇာတိပိုင်းဟာ သူ့ရဲ့အနီးကပ်ရန်သူ ဖြစ်လာပါတယ်။ ငြင်းပယ်တိုက်လှန်ရမယ့် အပိုင်းသာဖြစ်ပါတယ်။ ခင်တွယ်စွဲလမ်း တန်ဖိုးထားရမယ့် အပိုင်းမဟုတ်တော့ပါဘူး။
ယုံကြည်သူရဲ့အသက်တာမှာ ဇာတိပိုင်းနဲ့ ဝိညာဉ်ပိုင်းဟာ အစဉ်ပဲ တစ်ဘက်နဲ့တစ်ဘက် ဆန့်ကျင်တိုက်ခိုက်နေပါတယ်။ ဇာတိလွှမ်းမိုးနေတဲ့ အသက်တာဟာ ရံှုးနိမ့်တဲ့ အသက်တာဖြစ်ပြီး ဝိညာဉ်သဘော လွှမ်းမိုးနေသူကတော့ လူသစ်ဖြစ်စေတဲ့ ဘုရားရဲ့ကျေးဇူးတော်၊ ဘုန်းတော်ကို ထင်ရှား စေရင်း အောင်မြင်နေတဲ့ အသက်တာဖြစ်ပါတယ်။

(ဂ) အောင်မြင်ခြင်း
ဇာတိပိုင်းကို အောင်မြင်အနိုင်ယူပြီး ဝိညာဉ်သဘော ဖုံးလွှမ်းနေအောင် ဘယ်လို အသက်ရှင်နိုင်မလဲ။ အချက်(၃)ချက် လိုပါတယ်။

၁။ သိရမယ့်အချက် -ငါ့ရဲ့လူဟောင်းဟာခရစ်တော်နဲ့အတူလက်ဝါးကပ်တိုင်မှာ သေပြီ။ ချုပ်ငြိမ်းပြီးပြီဆိုတာ သိဖို့ဖြစ်တယ်။(KNOW)

၂။ သတ်မှတ်ရမယ့်အချက် -ခရစ်တော်နဲ့အတူရှင်ပြန်ထမြောက်ခြင်းအားဖြင့် ငါဟာလူသစ်လုံးလုံးလျားလျား ဖြစ်နေပြီ။ ဒါကြောင့် ငါဟာ (RECKON) အပြစ်နဲ့ ဆိုင်တဲ့အရာတွေအတွက် သေပြီ၊ ဘုရားအလိုတော်ကို ဆောင်ဖို့ အသက်ရှင်နေတာသာ ဖြစ်တယ်လို့ သတ်မှတ်ထား ရပါမယ်။

၃။ အပ်နှံရမယ့်အချက် - အသွေးအသားနဲ့ တည်ဆောင်ထားတဲ့ ဒီငါ့ရဲ့ကိုယ်ခန္ဓာဟာ စာတန်က ဘုရားကိုပြန်ပြီး တိုက်ခိုက်တဲ့နေရာမှာ (YIELD) ကိုင်တွယ် အသုံးချနေတဲ့ ဒုစရိုက်လက်နက် မဖြစ်စေဘဲ ဘုရားက ကိုင်တွယ်အသုံးပြုနေတဲ့ သုစရိုက် လက်နက်ပဲ ဖြစ်ရမယ်ဆိုပြီး ကိုယ်အင်္ဂါ အစိတ်အပိုင်းတွေကို အပြစ်တရားအတွက် မဟုတ်။ ဘုရားအတွက် ဆက်ကပ် အပ်နှံရမှာ ဖြစ်ပါတယ်။
ကျွန်တော်တို့ရဲ့ ကိုယ်အင်္ဂါတွေဟာ ကျေးဇူးတော်ကြောင့် ကျွန်တော်တို့ လူသစ်ဖြစ်ပြီဆိုတဲ့အကြောင်းကို ပေါ်လွင်ထင်ရှားစေနိုင်သလို၊ လူသစ်ဖြစ်ခြင်းကို မပေါ်လွင်အောင်လည်း ဖုံးကွယ်ထားတတ်ပါတယ်။ ကိုယ်အင်္ဂါတွေကို ဇာတိသဘောနဲ့ သုံးမလား၊ ဝိညာဉ်သဘောနဲ့ သုံးမလားဆိုတာ ကို ရွေးချယ်ဆုံးဖြတ်ဖို့ လိုပါတယ်။

မပြောင်းလဲသောသူ တစ်ယောက်နေနဲ့ အကောင်းလုပ်မလား၊ အဆိုးလုပ်မလား ဆိုတာပဲရွေးချယ်ရပါတယ်။ အဆိုးလုပ်ရင် အဆိုးရဲ့အကျိုးဆက် တွေ ခံစားရမှာဖြစ်ပြီး အကောင်းလုပ်ရင် အကောင်းလုပ်ခြင်းအကျိုးတွေဖြစ်တဲ့ ကိုယ့်ကိုယ်ကို ကျေနပ်ခြင်း၊ သူတစ်ပါးကြည်ညိုလေးစား ချီးမွမ်းခြင်း စတာတွေ ခံစားရမှာဖြစ်တယ်။ ဒီထက်တော့ မပိုပါဘူး။

ပြေင်းလဲပြီးသူကတော့ ဇာတိ(လူဟောင်း) လူအဖြစ်နဲ့ အသက်ရှင်မလား ဝိညာဉ်(လူသစ်)အဖြစ်နဲ့ အသက်ရှင်မလားဆိုတာကို ရွေးချယ်ရ ပါတယ်။ ဘုရားလုပ်ပေးလို့ ငါလူသစ်ဖြစ်ပြီဆိုတဲ့ စိတ်ချမှုရှိလာသူဟာ လူသစ်အဖြစ်နဲ့ ပီပီပြင်ပြင်အသက်ရှင်လာမှာ ဖြစ်ပါတယ်။ လူသစ်အနေနဲ့ အသက်ရှင်လာပြီဆိုရင် လူဟောင်း(ဇာတိ)နဲ့ ဆိုင်တာတွေကို အလိုအလျှောက် ငြင်းပယ်ပြီးသားဖြစ်လာမှာပါ။

နေ့စဉ် အသက်တာမှာ ကိုယ့်ကိုယ်ကို လူသစ်အဖြစ်နဲ့ ခံယူအသက်ရှင်ရင်း လူဟောင်းနဲ့ဆိုင်တဲ့ အရာတွေကို ငြင်းပယ်နေခြင်းဟာ ကိုယ့် လက်ဝါးကပ်တိုင်ကို နေ့တိုင်းထမ်းပြီး သခင့်နောက်ကို လိုက်နေခြင်းပဲ ဖြစ်ပါတယ်။ ဒါဟာ အောင်မြင်ခြင်းပါ။ ကိုယ့်အားဖြင့် ဘုရားသခင်ရဲ့ အောင်မြင်ခြင်း ထင်ရှားနေတာဖြစ်ပါတယ်။ မပြောင်းလဲသေးသူတွေ ဇာတိခွန်အားနဲ့ ကြိုးစားပြီး ဘုရားအလိုတော်ကို လိုက်နေခြင်းနဲ့တော့ လုံးဝကွာခြား လှပါတယ်။ လူသစ်တစ်ယောက် ဘုရားအလိုတော်လိုက်နေခြင်းဟာ ကြိုးစားကျင့်ယူရတဲ့ ကျင့်စဉ်မဟုတ်ဘဲ အလိုအလျောက်ဖြစ်နေတဲ့ ဖြစ်စဉ်သာ ဖြစ်ပါတော့တယ်။

Wednesday, 16 March 2016

ပြောင်းလဲခြင်း HOW TO CHANGE?

အခန်း (၉)
လူဟောင်းအကြောင်းနဲ့ လူသစ်
အကြောင်း အခြေခံကျတဲ့ အချက်
တစ်ချို့ကို လေ့လာပြီးတဲ့နောက်၊
လူဟောင်းဘဝကနေ လူသစ်ဘ
ဝကို ဘယ်လိုပြောင်းလဲနိုင်မလဲ
ဆိုတဲ့အချက်ကို ဆက်ပြီးပြောပြ
ချင်ပါတယ်။ တကယ်တော့ လူ

ဟောင်းနဲ့လူသစ်ဟာ နည်းနည်းပါးပါးမဟုတ်ဘဲ လုံးဝကို ဆန့်ကျင်ကွာခြားလှပါတယ်။
နှိုင်းယှဉ်ကြည့်ပါ။ဇာတိပကတိမွေးသောအရာသည် ဇာတိ ပကတိဖြစ်၏။
ဝိညာဉ်တော်မွေးသောအရာသည် ဝိညာဉ်ဖြစ်၏။
ငါတို့သည် ဘုရားသခင်နှင့် စပ်ဆိုင် သည်ကို၄င်း၊
လောကီသားအပေါင်းတို့သည်မာရ် နတ်လက်၌ရှိကြသည်ကို၄င်း၊ ငါတို့ သိကြ၏။

လူဟောင်း လူသစ်
ထိုကာလအခါ မြေမှုန့်၌ အိပ်ပျော် သော သူများတို့သည်နှိုးကြလိမ့် မည်၊အချို့တို့ကား ထာဝရ အသက် ရှင်ခြင်းနှင့်၄င်း၊
အချို့တို့ကား ရှက်ကြောက်ခြင်း၊ ထာဝရ အသရေပျက်ခြင်းနှင့်၄င်း၊ နှိုးကြလိမ့်မည်။
ကောင်းသောအကျင့်ကို ကျင့်သော သူ တို့သည် အသက်ရှင်ရာ ထမြောက် ခြင်းသို့၄င်း၊
ဆိုးယုတ် သောအကျင့်ကိုကျင့်သော သူတို့သည် အပြစ်စီရင်ရာ ထမြောက် ခြင်းသို့၄င်း ထွက်ရကြလတ္တံ့။

လူဟောင်းနဲ့ လူသစ်ဟာ –
- စတင်ဖြစ်ဖွါးပုံမတူ (DIFFERENT ORIGIN)
- အသက်ရှင်ပုံမတူ (DIFFERENT LIVING)
- ဦးတည်ရာအရပ်မတူ(DIFFERENT DESTINY)
လူဟောင်းကနေ လူသစ်ဖြစ်အောင်.......

(က) လူကြိုးစားအားထုတ်မှုနဲ့ လုပ်ယူလို့ လုံးဝမရနိုင်ပါ
မျောက်တစ်ကောင်ဟာ လူနဲ့အတတ်နိုင်ဆုံးတူအောင် ကြိုးစားလို့ ရချင်ရမယ်။ ဒါပေမယ့် လူဖြစ်အောင်တော့ ဘယ်လိုမှ ကြိုးစားလို့မရနိုင်ပါ။ ဒီလိုပါပဲ လူတစ်ယောက်အနေနဲ့လည်း အကျင့်စရိုက်တွေ၊ စိတ်သဘောထားတွေတတ်နိုင်သလောက် ကြိုးစားပြီး
ပြုပြင်လို့ရနိုင်ပေမယ့် လူဟောင်းဖြစ်နေတာကိုတော့ လူသစ်ဖြစ်လာအောင် ဘယ်နည်းနဲ့မှ ကြိုးစားလုပ်ယူလို့ မရနိုင်ပါ။
ယေရမိ၊ ၁၃း၂၃ မှာ – ကပ္ပလီတစ်ယောက်ဟာ သူ့ရဲ့အသားရောင် ပြောင်းသွားအောင်၊ ပြီးတော့ကျားသစ်ဟာ သူ့ကိုယ်ပေါ်က အကွက်ကျားတွေ ပျောက်သွားအောင် မလုပ်နိုင်သလို လူဟာလည်း ကိုယ့်အပြစ်ကို ကိုယ့်ဟာကိုယ် မပြုပြင်နိုင်ကြောင်း ဖော်ပြထားပါတယ်။ အပြစ်တွေကို ကြိုးစားရှောင်ရှားနိုင်ရင်တောင် အပြစ်တွေကိုတော့ မပြုပြင်နိုင်ပါ။

လူဆိုးကနေ လူကောင်းဖြစ်လာရုံလောက်သာ ကြိုးစားအားထုတ် ပြုပြင်ပြောင်းလဲနိုင်ကြပေမယ့် လူဟောင်းကနေ လူသစ် ဖြစ်လာအောင်တော့ မကြိုးစားနိုင်ပါ။ ကိုယ့်ကိုယ်ကို ပြုပြင်ပြောင်းလဲခြင်းကြောင့် လူကောင်းတော့ဖြစ်ချင်ဖြစ်မယ်။ လူသစ်တော့ မဖြစ်ပါ။
အပြစ်သားအဖြစ်နဲ့ မွေးဖွားလာသူဖြစ်တာကြောင့် အပြစ်နဲ့ကင်းစင်အောင်လည်း ဘယ်လိုမှနေနိုင်မှာမဟုတ်ပါဘူး။ အခုကစပြီး အပြစ်မလုပ် တော့ဘဲ နေနိုင်မယ်ထားပါဦး၊ အရင်အချိန်တွေမှာ အပြစ်တွေရှိခဲ့ပြီးတဲ့အတွက် အပြစ်ကင်းတဲ့ အသက်တာကတော့ မဖြစ်နိုင်တော့ကြောင်း ထင်ရှားနေ ပါတယ်။ တိပ်ခွေထဲမှာ အသံသွင်းနေတုန်း မှားသွားရင် အဲဒီအမှားကိုပြုပြင်ရင်း အမှန်ကိုပြန်သွင်နိုင်ဖို့အတွက် တိပ်ခွေကို ပြန်ရစ်ရတယ် မဟုတ်လား။

 ဒါပေမယ့် ခက်တာက ကျွန်တော်တို့ ဘဝတွေကို တိပ်ခွေလို ပြန်ရစ်လို့ မရနိုင်တဲ့အတွက် မှားပြီးခဲ့တာတွေကို ဘယ်လိုနည်းနဲ့မှ ဖျက်ပစ် လို့မရနိုင်တာ တွေ့ရပါတယ်။ ဒီနေ့လုပ်တဲ့ကောင်းမှုဟာ ဒီနေ့အတွက် တာဝန်ကျေရုံမျှလောက်သာ ဖြစ်တာပါ။
အပြစ်နဲ့မကင်းနိုင်သလို စာတန်လက်ထဲကနေလည်း မလွတ်နိုင်ပါဘူး။ တစ်လောကလုံးဟာ စာတန်ရဲ့အုပ်စိုးမှုအာဏာအောက်မှာ ရှိနေတာ ကြောင့် လောကီသားဖြစ်တဲ့ ကျွန်တော်တို့အနေနဲ့ စာတန်လက်ထဲက လွတ်အောင်အဘယ်အရပ်ဒေသကို ထွက်ပြေးနိုင်မှာလဲ။ ဘာသာတရား ကိုင်းရှိုင်းပြီး အကောင်းဆုံးကျင့်နေသူတွေတောင် စာတန်ရဲ့သားတွေပဲ ဖြစ်တယ်လို့ ကျမ်းစာမှာ ဖော်ပြထားတာကို တွေ့နိုင်ပါတယ် (ယော၊၈း၄၄)။ ဝိညာဉ်သေနေတဲ့ ကျွန်တော်တို့ဟာ ကိုယ့်ကိုယ်ကို ရှင်သန်လှုပ်ရှားနေတယ်လို့ မြင်နေပေမယ့် ဘုရားရဲ့အမြင်မှာတော့ အသေကောင်မျှသာ ဖြစ်ပါတယ်။ သေနေသူ တစ်ယောက်အနေနဲ့ ဘာလုပ်နိုင်မလဲ။

ဘာမှမလုပ်နိုင်ပါဘူး။ ဒါကြောင့် လူဟောင်းဖြစ်နေတဲ့ ကျွန်တော်တို့ရဲ့ကြိုးစားကျင့်ကြံသမျှတွေကို “သေခြင်း နှင့်ဆိုင်သောအကျင့်(DEAD WORKS) လို့သာ မှတ်ယူပါတယ် (ဗြဲ၊၆း၁။ ၉း၁၄)။
“အဝတ်ဟောင်းကို အထည်သစ်နှင့် ဖာလေ့မရှိ” လို့ မဿဲ၊၉း၁၆မှာ ဖော်ပြထားပါတယ်။ ဟောင်းနွမ်းနေတဲ့ အဝတ်မှာ အပေါက်အပြဲတွေ ရှိနေတယ်။ ဒီအဝတ်ဟောင်းကို ဘယ်လိုပဲပြုပြင်ဖာထေးပြီး လျှော်ဖွတ်နေပါစေ အသစ်တော့ပြန်ဖြစ်မလာနိုင်တော့ပါ။ ကျွန်တော်တို့လူသားတွေရဲ့ ဘဝဟာ လည်း ဟောင်းနွမ်းဆွေးမြေ့ခြင်းနဲ့ ပျက်စီးယိုယွင်းခြင်းသာ ဖြစ်နေတဲ့အတွက် ကိုယ်ကိုယ်ကို အတတ်နိုင်ဆုံး ပြုပြင်ဖာထေးနေရတဲ့ သဘောကို တွေ့မိပါ လိမ့်မယ်။ နည်းနည်းသက်သာပြီး ကြည့်ကောင်းရှုကောင်းရုံလောက်သာ အတတ်နိုင်ဆုံးကြိုးစားပြုပြင်ထားရတာဖြစ်ပေမယ့် အသစ်နဲ့တော့ တစ်ခြားစီပါပဲ။

ဒါကြောင့် ဟောင်းနွမ်းဆွေးမြေ့ခြင်းတရားနဲ့ ဆိုင်တဲ့ဘဝကို ကောင်းနိုးရာရာတွေ ရှာပြီးပြုပြင်ဖာထေးနေရတဲ့ ကျွန်တော်တို့အတွက် အလိုအပ်ဆုံးကတော့ ပြုပြင်ဖာထေးစရာ လုံးဝမလိုဘဲ ဟောင်းနွမ်းဆွေးမြေ့ခြင်းနဲ့ ထာဝစဉ်ကင်းလွတ်တဲ့ ဘဝသစ်ပဲမဟုတ်လား။
အမှတ်တမဲ့နေသူတွေတော့ မသိဘူး။ လေးလေးနက်နက် ဆန်းစစ်သူတွေ အနေနဲ့တော့ မိမိကိုယ်မိမိ ဘယ်လောက်ဟောင်းနွမ်းဆွေးမြေ့နေတယ် ဆိုတာကို ကြည့်လေမြင်လေပါပဲ။ လူဟောင်းဘဝအကြောင်း သဘောပေါက်လေလေ လူသစ်ဘဝကို လိုလားတောင့်တလာလေလေဖြစ်မှာ သေချာပါတယ်။

ဆာလံ၊၁၀၇း၉ မှာ “တောင့်တသောဝိညာဉ်ကို ရောင့်ရဲစေ၍ မွတ်သိပ်သော ဝိညာဉ်ကိုလည်း ကောင်းသောအရာနှင့် ဝစေတော်မူ၏” လို့ ဆိုထားပါတယ်။
လူ့ရဲ့ဝိညာဉ်ဟာမိမိရဲ့ ပင်ရင်းပင်မြစ်ဖြစ်တဲ့ ဘုရားနဲ့ကင်းကွာနေကြောင်း သဘောပေါက်လာပြီး မိမိဝိညာဉ်အတွက် အမှန်တကယ် ဘုရားကို လိုအပ်တဲ့အကြောင်း သိမြင်လာသူတွေအတွက် ဝမ်းသာစရာအချက် ဖြစ်ပါတယ်။

ရောမ ၂းရ မှာလည်း “ကောင်းသောအကျင့်ကို အမြဲကျင့်၍ ဘုန်းအသရေကိုလည်းကောင်း မဖောက်ပြန်သော ဇာတိကိုလည်းကောင်း ရှာသော သူတို့အား ထာဝရအသက်ကို ပေးတော်မူလတ္တံ့” လို့ဆိုပြန်ပါတယ်။ ထာဝရအသက်ကိုရဖို့အတွက် ကောင်းသောအကျင့်ကို အမြဲကျင့်ရမယ်လို့ အများက ယူဆထားကြပါတယ်။ ကျင့်ရမှာပေါ့၊ မကျင့်ရင်ဘယ်ဖြစ်မလဲဆိုတဲ့ ခံယူချက်တွေရှိနေသူတွေကတော့ ကောင်းသောအကျင့်ကို အမြဲကျင့်ဖို့ဆိုတာ လုံးဝမဖြစ်နိုင်တဲ့အကြောင်း၊ မိမိဟာ ဖောက်ပြန်တတ်တဲ့ ဇာတိအားဖြင့်သာ ဖြစ်ဖွားလာသူမို့ မဖောက်ပြန်နိုင်တဲ့ဇာတ်(အဖြစ်သစ်)ကို လိုအပ်ကြောင်း ထင်ထင်ရှားရှား သိမြင်လာကြမှာ သေချာပါတယ်။ ဒါဆိုရင် ထာဝရအသက်ဟာ သူတို့နဲ့ သိပ်မဝေးတော့ပါဘူး။ အထက်က ကျမ်းပိုဒ်တွေမှာ –
ရောင့်ရဲစေ၍ ဝစေတော်မူ၍ ပေးတော်မူလတ္တံ့ ဆိုတဲ့ စကားတွေကို သတိထားမိလိုက်ပါ။ ဒီစကားတွေက ဘုရားလုပ်ရပ် (လုပ်ဆောင်တော်မူချက်)ကို ဖော်ကျူး လှစ်ဟထားပါတယ်။

(ခ) ဘုရားသခင်က လုပ်ပေးပြီးပါပြီ
ထာဝရဘုရားသည် ငါတို့အဖို့ ကြီးသောအမှုကို ပြုတော်မူပြီ (ဆာလံ၊ ၁၂၆း၃)။
လူဟောင်းကနေ လူသစ်အဖြစ်ကို ပြောင်းလဲဖို့ဆိုတာ အတိုင်းအဆမရှိ ကြီးမားတဲ့ အမှုကြီးဖြစ်တယ်။ ဒီအမှုကို ဘယ်လူသားကမှ မပြုနိုင်ဘူး။ ဘုရားသခင်ရဲ့ အကူအညီနဲ့လည်း မပြုနိုင်ဘူး။ ဘုရားသခင် ကိုယ်တော်တိုင်က အကူအညီလုံးဝမပါဘဲ ပြုတော်မူခဲ့တာဖြစ်ပါတယ်။ ဘုရားလုပ်ရပ် သက်သက်ပါ (သားတော်အားဖြင့် ပြုတော်မူခဲ့တာပါ)။

ဘုရားသားတော် သခင်ယေရှုဟာ လူ့ဇာတိကို ခံယူပြီး လူအဖြစ်နဲ့လောကကို ကြွလာခဲ့တယ်။ သခင်ယေရှုရဲ့ သက်တော်စဉ်နဲ့ အံ့ဖွယ်အမှုတွေ ကို ခရစ်ဝင် (မဿဲ၊ မာကု၊ ယောဟန်)ကျမ်းတွေမှာ မှတ်တမ်းတင်ထားတယ်။ ကိုယ်တော်ရဲ့ လူ့ဇာတိခံယူခြင်း၊ အသေခံခြင်း၊ ရှင်ပြန်ထမြောက်ခြင်းနဲ့ ဆိုင်တဲ့ နက်နဲတဲ့အဓိပ္ပါယ်တွေကိုတော့ ဩဝါဒစာစောင်တွေမှာ အတွင်းကျကျ ရှင်းပြထားပါတယ်။ သခင်ယေရှုကို ၁ကော၊၁၅း၄၅ မှာ နောက်ဆုံးအာဒံလို့ ဖော်ပြပြီး ၁ကော၊၁၅း၄၇ မှာ ဒုတိယလူလို့ ဆိုထားပါတယ်။
နောက်ဆုံးအာဒံဆိုတဲ့ အဓိပ္ပါယ်က အာဒံရဲ့ အမျိုးအနွယ်ဖြစ်တဲ့ လူဟောင်းဘဝ အဆုံးသတ်ချုပ်ငြိမ်းခြင်းနဲ့ဆိုင်ပြီး ဒုတိယလူ ဆိုတာကတော့ လူသစ်ဖြစ်ဖွားစေခြင်းနဲ့ ဆိုင်ပါတယ်။ သခင်ယေရှုရဲ့ ဖွားမြင်ခြင်း၊ အသေသတ်ခံခြင်း၊ ရှင်ပြန်ထမြောက်ခြင်းတို့ဟာ ကမ်ဘာ့သမိုင်းမှာ ထင်ရှားခဲ့ပါတယ်။

 အေဒီ –- ဘီစီဆိုပြီး ကမ်ဘာ့သက္ကရာဇ်ရဲ့ ဗဟိုချက်ဖြစ်ခဲ့သလို လူသားများအတွက် လူဟောင်းဘဝကနေ လူသစ်ဘဝကို ပြောင်းလဲစေခဲ့တဲ့ ဗဟိုချက်လည်း ဖြစ်တယ်။
သခင်ယေရှု အသေသတ်ခံရခြင်းဟာ သမားရိုးကျ အဖြစ်အပျက်တစ်ခုမဟုတ်ပါ။ သခင်ယေရှု သေရခြင်းဟာ အပေါ်ယံစဉ်စားကြည့်ရင် ဂျူးလူမျိုးတွေရဲ့ လူမျိုးရေးနဲ့ဆိုင်တဲ့ပြစ်မှုလို့ ယူဆနိုင်ပေမယ့် အတွင်းကျကျ လေ့လာကြည့်တဲ့အခါ လူသားထုတစ်ရပ်လုံးရဲ့ ဝိညာဉ်ရေးနဲ့ဆိုင်တဲ့ ပြစ်မှု ကြီးဖြစ်နေတာကို တွေ့ရပါတယ်။ ဘာကြောင့်လဲဆိုရင် ကျွန်တော်တို့လူဟောင်းဘဝကနေ ချုပ်ငြိမ်းလွတ်မြောက်ဖို့အတွက် အသေခံရခြင်းဖြစ်လို့ပါ။

ယေရှုရဲ့သေခြင်းဟာ ကျွန်တော်တို့ရဲ့ လူဟောင်းဘဝသေခြင်းဖြစ်ပါတယ်။ အကြောင်းကတော့ ကျွန်တော်တို့ဟာ ယေရှုခရစ်အထဲမှာ ရှိနေလို့ပါ။
၁ကော၊၁း၃၀ မှာ ဘုရားသခင်က ကျွန်တော်တို့ကို ယေရှုခရစ်တော်ထဲမှာ ထည့်ပေးထားတယ်လို့ ဆိုပါတယ်။ ဘုရားက ထည့်ပေးထားလို့သာ ယေရှုခရစ်အထဲကို ရောက်ရတာပါ။

ဘုရားလုပ်ရပ် - ယေရှုခရစ်နဲ့ ထပ်တူထပ်မျှဖြစ်စေခြင်း (IDENTIFICATION WITH CHRIST)
ရောမ၊ ၆း၆ မှာ “ငါတို့၏ လူဟောင်းသည် ထိုသခင်နှင့်အတူလက်ဝါးကပ်တိုင်မှာ အသေသတ်ခြင်းကို ခံပြီး” လို့ ဖော်ပြထားတဲ့အတိုင်း သခင်ယေရှုရဲ့ သေခြင်းဟာ ကျွန်တော်တို့ရဲ့ လူဟောင်းဘဝ သေဆုံးချုပ်ငြိမ်းခြင်းဖြစ်တာကို တွေ့ရပါတယ်။ ပြီးတော့ - –
ရောမ၊၆း၄ ကို ပြန်ကြည့်တဲ့အခါ “ခရစ်တော်သည် ခမည်းတော်၏ ဘုန်းတန်ခိုးအားဖြင့် သေခြင်းမှ ထမြောက်တော်မူသည့်နည်းတူ ငါတို့သည် လည်း အသစ်သော အသက်တာ၌ ကျင်လည်ရကြသတည်း” လို့ ဆိုထားပြန်ပါတယ်။ ဒီတော့ ခရစ်တော်သေခြင်ဟာ ကျွန်တော်တို့ရဲ့ လူဟောင်းဘဝ ချုပ်ငြိမ်းအဆုံးသတ်ခြင်းဖြစ်ပြီး ခရစ်တော်ရဲ့ ရှင်ပြန်ထမြောက်ခြင်းဟာ ကျွန်တော်တို့ လူသစ်ဖြစ်လာခြင်းပဲလို့ သဘောပေါက်နိုင်ပါတယ်။

၁ပေ၊၃း၃ မှာလည်း “ယေရှုခရစ်ကို ထမြောက်စေတော်မူသောအားဖြင့် ငါတို့ကို တစ်ဖန်ဖြစ်ဖွာစေ...”လို့ ဖော်ပြထားတဲ့အတွက် ခရစ်တော်ရဲ့ အသေခံခြင်းနဲ့ ရှင်ပြန်ထမြောက်တော်မူခြင်းဟာ ကျွန်တော်တို့ကို လူဟောင်းဘဝကနေ လူသစ်ဘဝကို ကူးပြောင်းစေလိုက်တဲ့ ဘုရားသခင်ရဲ့ လုပ်ဆောင် ချက်ဖြစ်တဲ့အကြောင်း ထင်ရှားလှပါတယ်။

(ဂ) ယုံကြည်ခြင်းနဲ့ ဝန်ခံလိုက်ရန်သာဖြစ်ပါတယ်
လူဟောင်းကနေ လူသစ်ဖြစ်လာအောင် ကိုယ့်ဟာကိုယ် မကြိုးစားနိုင်ဘူးဆိုတာကို အကြွင်းမဲ့ဝန်ခံပြီးတော့ ဘုရားက လုပ်ပေးနိုင်တယ်ဆိုတာကို လည်း အကြွင်းမဲ့လက်ခံတဲ့အပြင် ဘုရားက လုပ်ပေးပြီးပြီဆိုတာကို ယုံကြည်ခြင်းနဲ့ ဝန်ခံဖို့ဖြစ်ပါတယ်။ မိမိအနေနဲ့ လုံးဝမလုပ်နိုင်တဲ့အရာကို ဘုရားက အကြွင်းမဲ့ လုပ်ဆောင်ပေးခြင်းဖြစ်တဲ့အတွက် ဘုရားကျေးဇူးတော် သက်သက်ပဲလို့ မှတ်ယူရမှာ ဖြစ်ပါတယ်။
ကျွန်တော်တို့ လူဟောင်းဘဝကနေ လူသစ်ဘဝကို ကူးပြောင်းနိုင်ဖို့အတွက် ဘုရားသခင်က -
-လုပ်ပေးချင်တယ်။
-လုပ်ပေးနိုင်တယ်။
-လုပ်ပေးပြီးပြီ ဆိုတာ ကျေးဇူးတော် သာသနာဖြစ်ပါတယ် (ဧဖက်၊ ၃း၂)။

ကျွန်တော်တို့ လူသစ်ဖြစ်လာအောင် ဘုရားက လုပ်ပေးချင်တဲ့စေတနာ၊ လုပ်ပေးနိုင်တဲ့တန်ခိုးရှိရုံမက လုပ်လည်းလုပ်ပေးပြီးပြီ ဖြစ်ပါတယ်။ ယေရှုခရစ်၌ လုပ်ဆောင်ပေးခဲ့တာဖြစ်ပါတယ်။ ကျေးဇူးတော်သက်သက်နဲ့ လုပ်ဆောင်ပေးခဲ့တာကို ယုံကြည်ခြင်းသက်သက်နဲ့ ဝန်ခံလိုက်တဲ့ခါ ဘုရားလုပ်ရပ်ရဲ့ အကျိုးကို လက်တွေ့ခံစားရမှာ ဖြစ်ပါတယ်။
ကော၊၁း၁၇ မှာ “..သင်တို့သည် ကြား၍ ဘုရားသခင်၏ ကျေးဇူတော်ကို မှန်ကန်စွာ ဝန်ခံသောနေ့မှစ၍ ထိုသို့သော အကျိုးရှိ၏” လို့ ဆိုထားပါတယ်။ ဧပဖြဆိုသူဟာ ကောလောသဲမြို့မှာ ရှိနေသူတွေကို ဧဝံဂေလိတရားနဲ့ ပတ်သက်ပြီး ရှင်းပြပြောဆို သွန်သင်ပေးခဲ့ပါတယ်။

 သူရဲ့ ဟောပြောသွန်သင်ချက်ကို ကြားရသူတွေဟာ ကြားရတဲ့တရားစကား မှန်ကန်မှုရှိကြောင်း မိမိတို့နဲ့သက်ဆိုင်မှုရှိကြောင်း ဝန်ခံခဲ့ကြတယ်။ ဒီလို ဝန်ခံတဲ့အချိန်ကစပြီး ဧဝံဂေလိတရားရဲ့ အကျိုးကို သူတို့လက်တွေ့ ခံစားရရှိတယ်လို့ ကျမ်းစာက မှတ်တမ်းတင်ထားပါတယ်။ ဧဝံဂေလိတရားရဲ့ အနှစ်ချုပ်ဟာ ဘာလဲ။
၁ကော၊၁၅း၃-၄ မှာ ပါတဲ့အတိုင်း (ခရစ်တော်ဟာ ကျမ်းစာလာတဲ့အတိုင်း ကျွန်တော်တို့အပြစ်ကြောင့်သေခံရခြင်း၊ သင်္ဂြိုဟ်ခံပြီးမှ ကျမ်းစာလာတဲ့အတိုင်း သုံးရက်မြောက်သောနေ့မှာ ရှင်ပြန်ထမြောက်တော်မူခြင်း)ပဲ ဖြစ်ပါတယ်။ အတိုကောက်ဆိုရင်တော့ –

ခရစ်တော်ရဲ့ သေခြင်း၊ သင်္ဂြိဟ်ခြင်းနဲ့ ရှင်ပြန်ထမြောက်ခြင်းပါပဲ။
ဧဝံဂေလိတရားရဲ့ အကျိုးက ကျွန်တော်တို့ကို –-
-အပြစ်မှ လွတ်မြောက်စေခြင်းနဲ့
-အဖြစ်မှ လွတ်မြောက်စေခြင်းတို့ ဖြစ်ပါတယ်။
-အပြစ်မှ လွတ်ဖို့အတွက် အသွေးတော်ဖြစ်ပြီး
-အဖြစ်မှ လွတ်ဖို့အတွက်ကတော့ ကားတိုင်တော်ဖြစ်ပါတယ်။
ဘုရားသခင်၏သားတော် ယေရှုခရစ်၏ အသွေးတော်သည် ငါတို့အပြစ်ရှိသမျှကို ဆေးကြောတော်မူ၏ ဆိုတဲ့အတိုင်း အသွေးတော်ကြောင့်ကျွန်တော်တို့ အပြစ်လွတ်ရပါတယ်။

ငါတို့၏ လူဟောင်းသည် ထိုသခင်နှင့်အတူ လက်ဝါးကပ်တိုင်မှာ အသေသတ်ခြင်းကို ခံပြီဟု ငါတို့သိကြ၏ ဆိုတဲ့အတိုင်း ခရစ်တော်နဲ့အတူ သေခြင်းအားဖြင့် ကျွန်တော်တို့ လူဟောင်းဘဝက လွတ်ရပါတယ်။
ဒါကြောင့် ဧဝံဂေလိတရားရဲ့ အကျိုးဟာ ကျွန်တော်တို့ကို အပြစ်များမှ လွတ်စေရုံမက အပြစ်နဲ့ လုံးဝကင်းစင်တဲ့ လူသစ်အဖြစ်သို့ပါ ရောက်ရှိ သွားစေခြင်းဖြစ်ပါတယ်။ ဒီတော့ ကျွန်တော်တို့အနေနဲ့ ငါဘုရားအတွက် ဘာလုပ်ရမယ် ဆိုတဲ့ (WHAT I HAVE TO DO FOR GOD) အပေါ်မှာ မရပ်တည်ဘဲ ဘုရားက ဘာလုပ်ထားပေးသလဲ (WHAT GOD HAS DONE FOR ME) ဆိုတဲ့အပေါ်မှာသာ ရပ်တည်ရမှာ ဖြစ်ပါတယ်။ ဘုရားကျေးဇူးတော်ကြောင့် “ငါအပြစ်ရှိသမျှ လွတ်ပြီ” “ငါဟာ လူသစ်ဖြစ်ပြီ”လို့ ယုံကြည်ခြင်းနဲ့ ဝန်ခံဖို့ပဲ ရှိပါတော့တယ်။

ဒီနေရာမှာ သတိထားစရာ ရှိပါတယ်။ တစ်ချို့က ငါ့အပြစ်တွေအားလုံးကို အသွေးတော်နဲ့ ဆေးပေးပြီးဖြစ်တဲ့အတွက် ငါဘာပဲလုပ်လုပ်
ငရဲမကျနိုင်တော့ဘူး။ ဒါကြောင့် ငါနေချင်သလို နေမယ်ဆိုပြီး တစ်ဝက်တစ်ပျက် ကောက်ချက်ချတတ်ကြပါတယ်။ ဒီလိုဖြစ်နေရတာဟာ အပြစ်မှလွတ်စေ ခြင်း လောက်ကိုသာ သဘောပေါက်ပြီး လူသစ်ဖြစ်စေခြင်းအထိ သဘောပေါက်ဝန်ခံမှု မရှိကြလို့ပါ။

လူသစ်ဖြစ်ခြင်းကို သဘောပေါက်ရင်တော့ လူသစ်ဖြစ်ခြင်းအပေါ်မှာ အခြေခံပြီး အသက်ရှင်လာမှာ ဖြစ်ပါတယ်။ လူသစ်ရဲ့သဘောသဘာဝဟာ လူဟောင်းနဲ့တစ်ခြားစီ မဟုတ်ပါလား။
တစ်ချို့က - ကိုယ့်မှာ အပြစ်ရှိတယ်လို့ မထင်ကြဘူး။
- အပြစ်ရှိပေမယ့် လုံးလုံးလျားလျား အပြစ်သားဖြစ်တယ်လို့ သဘောမပေါက်ကြဘူး။
- အပြစ်သားဖြစ်ကြောင်း သဘောပေါက်ပေမယ့် ကယ်တင်ရှင်ရှိတာကို မသိကြဘူး။
- ကယ်တင်ရှင်ရှိကြောင်း သိပေမယ့် ဘယ်လိုကယ်တင်တယ်ဆိုတာကို နားမလည်ကြဘူး။
- ကယ်တင်ခြင်းအကြောင်း သိရှိနားလည်ပေမယ့် လက်မခံကြဘူး။
- အပြစ်လွှတ်ခြင်းကို လက်ခံပေမယ့် အပြစ်နဲ့လုံးဝကင်းစင်တဲ့ လူသစ်ဖြစ်သွားပြီလို့တော့ ဝန်မခံကြသေးဘူး။
ကျွန်တော်တို့ ဝန်ခံရမှာ -

Tuesday, 15 March 2016

လူသစ် NEW LIFE

ခရစ်တော်၌လူသစ် အခန်း (၈)
လူဟောင်းအကြောင်း သဘော
ပေါက်ပြီးရင် လူသစ်အကြောင်းကို
လည်း သေချာသဘောပေါက်ဖို့လို
ပါလိမ့်မည်။ လူသစ်ဆိုတာ...
(က) ဘုရားသခင် ဖွားစေသောသူ
လူဟောင်းဟာ လူသားမိဘများက
 မွေးဖွားပေးလိုက်တာဖြစ်ပြီး လူသစ်ကတော့
ဘုရားသခင်ကိုယ်တော် တိုင်က ဖွားစေတော်မူရာ ဖြစ်ပါတယ်။ ဘုရားသား(BORN OF GOD) ဖြစ်ပါတယ်။ ဒါကြောင့် လူဟောင်းနဲ့ လူသစ်ဟာ စတင် ဖြစ်ပေါ်လာပုံက ကွာခြားနေတယ်ဆိုတာ ရိပ်စားမိနိုင်ပါတယ်။ ဘုရားသားဆိုတာ လောကီမိဘကနေ မွေးဖွား ဆင်းသက်လာသူမဟုတ်ဘဲ ဘုရားသခင်က ဖြစ်ပွါးစေသောသူသာ ဖြစ်ပါတယ်။
ဒါကြောင့် လူသစ်ဖြစ်ခြင်းဟာ
- လူရဲ့ဇာတိအမျိုးအနွယ်အားဖြင့် မဟုတ်။
- မိခင်၊ ဖခင် (လူသား)တို့ ပေါင်းစပ်၍ ဖြစ်ပေါ်လာခြင်းမဟုတ်။
- ဘုရားသခင်ဖြစ်ဖွားစေခြင်း (မွေးဖွားခြင်း) သက်သက်သာသာဖြစ်ပါတယ် (ယော၊၁း၁၃)။

(ခ) အပြစ်နှင့် ကင်းစင်သောသူ
လူသစ်ဟာ အပြစ်နှင့် လုံးဝကင်းစင်ပါတယ်။ ဘုရားသခင်ရဲ့ မျိုးစေ့တော်အားဖြင့် ဖြစ်ဖွားလာတာ ဖြစ်လို့ပါ။ သူ့မှာအပြစ်ကင်းတဲ့ဗီဇ(SINLESS NATURE) ပါရှိလာပါတယ်။
၁ယော၊၃း၉ မှာ “ဘုရားသခင်ဖြစ်ဖွားစေတော်မူသောသူ မည်သည်ကား ဒုစရိုက်ကို မပြုတတ်။ ထိုသူ၌ မျိုးစေ့တော်တည်လျက်ရှိ၏။ ထိုသူသည် ဘုရားသခင်ဖြစ်ဖွားစေတော်မူသောကြောင့် ဒုစရိုက်ကို မပြုနိုင်” လို့ ဖော်ပြထားပါတယ်။ လူသစ်ဟာ ဗီဇသစ်အားဖြင့် ဖြစ်ဖွားလာခြင်းဖြစ်ပါတယ်။
ဗီဇသစ် = အပြစ်နဲ့လုံးဝကင်းစင်သောဗီဇ
- အပြစ်လုံးဝမလုပ်တတ်။
- အပြစ်လုံးဝမလုပ်နိုင်း။
- အရင်က အပြစ်လုံးဝမရှိခဲ့။
- ယခုလည်းလုံးဝမရှိ။
- နောင်၌လည်း အပြစ်လုံးဝရှိမည်မဟုတ်။
လူသစ်ဖြစ်ဆိုတာ တိတိကျကျလေ့လာကြည့်ရင် အရင်က မပြစ်တွေရှိခဲ့ပြီး အခုနောက်တနှင့်အပြစ်ကင်း
အောင် ကြိုးစားအသက်ရှင်နေရခြင်းမျိုး လုံးဝမဟုတ်ဘဲ အပြစ်နဲ့ပြည့်ဝတဲ့ လူဟောင်းဘဝကနေ ဘယ်တုန်းကမှ အပြစ်မရှိခဲ့ဘူးတဲ့၊ ဒါ့အပြင် အခုရော၊ နောင်ရောဘယ်သောအခါမှ အပြစ်မရှိနိုင်တော့မယ့်လူသစ်ဘဝကို ကူးပြောင်းခြင်းသာ ဖြစ်တယ်ဆိုတာ တွေ့နိုင်မှာဖြစ်ပါတယ်။

(ဂ) ဘုရားလက်ရှိ၌နေသူ
လူသစ်တစ်ဦးရဲ့ အသက်တာဟာ ဘုရားလက်တော်ထဲမှာရှိနေပါတယ်။ စာတန်ချယ်လှယ်မှု အောက် မှာမရှိဘဲ ဘုရားသခင်ရဲ့ အုပ်စိုးထိန်းကျောင်းမှု၊ ကာကွယ်စောင့်ရှောက်မှုထဲမှာသာ ရှိနေပါတယ်။ ယော၊၁၀း ၂၈-၂၉မှာ သခင်ယေရှုက “အဘယ်သူမျှ ထိုသိုးတို့ကို ငါ့လက်မှ မနှုတ်မယူရာ၊ အဘယ်သူမျှ ထိုသိုးတို့ကို ခမည်းတော်၏ လက်မှမနှုတ်မယူနိုင်ရာ” လို့ ဆိုပါတယ်။
ကိုယ်တော်က သိုးထိန်းဖြစ်ပြီး လူသစ်တွေကို သိုးများအဖြစ်နဲ့ ခိုင်းနှိုင်းဖော်ပြထားတာဖြစ်ပါတယ်။ သိုးဟာ သိုးထိန်းရဲ့ထိန်းကျောင်းမှုဦးဆောင်မှု အောက်မှာ ရှိနေသလို လူသစ်ဖြစ်သူတွေဟာလည်း ဘုရားလက် တော်ထဲမှာရှိနေပါတယ်။ လက်တော်ကို ကျော်ပြီး ဘယ်သူကမှ လာမထိပါးနိုင်သလို လက်တော်ထဲက ဘယ်သူကမှ မနှုတ်ယူနိုင်တော့ပါ။
လုံခြုံမှုအပြည့်အဝရှိတဲ့ အသက်တာဖြစ်တယ်။ ဘုရားအခွင့်မရှိဘဲ အဘယ်အမှုမှကြုံတွေ့စရာအကြောင်း မရှိဘူး။ ကြုံတွေ့ရသမျှတွေဟာလည်း သူတို့ကောင်းကျိုးအတွက်သာ ဘုရားလက်တော်နဲ့ ပြုပြင်ရာဖြစ်တယ်။ သူတို့ရဲ့အတိတ်၊ ပစ္စုပ္ပန်၊ အနာဂတ်အရေး အားလုံးဟာလည်း ဘုရားလက်တော်ထဲမှာသာ ရှိပါတယ်။
ကော၊၃း၃ မှာ –“သင်တို့အသက်သည် ခရစ်တော်နှင့်အတူ ဘုရားသခင်၌ ဝှက်ထားလျက်ရှိ၏” လို့ လူသစ်တွေ ကို ရည်ညွှန်းပြီးဖော်ပြထားပါတယ်။

(ဃ) ဝိညာဉ်အသက်ရှင်နေသူ
လူသစ်ဟာ ဇာတိလူမဟတ်ဘဲ ဝိညာဉ်လူဖြစ်တယ်။ ဇာတိလူဟာ ကိုယ်ခန္ဓာပိုင်းနဲ့ စိတ်ပိုင်းကိုသာ အဓိကထားသူဖြစ်တယ်။ မြင်နိုင်တဲ့ ရုပ်ဝတၴုလောကကြီးကို ပိုပြီးနှစ်သက်စွဲလမ်းတတ်တယ်။ စိတ်ပညာ၊ စိတ်တန်ခိုးတွေကိုသာ အဓိကထားတတ်ပါတယ်။ လူသစ်ကတော့ ဝိညာဉ်အသက်ရှင်နေသူ ဖြစ်တဲ့အတွက် အခြားအရာတွေထက် နာမ်ဝိညာဉ်ဖြစ်တဲ့ ဘုရားကို ပိုပြီးနှစ်သက်မြတ်နိုးစွဲလမ်းမှုရှိတယ်။ ကိုယ်ကာယနဲ့ စိတ်ပိုင်းဆိုင်ရာတွေကို ပိုပြီး အရေးထားတတ်တယ်။ လူသစ်ရဲ့ အသက်တာဟာ ဝိညာဉ်သက် (ကောင်းကင် သက်)ဖြစ်တဲ့အတွက် ဘုရားသခင်ရဲ့ အသက်တော်တစ်နည်းအားဖြင့် ထာဝရအသက် ဖြစ်တယ်။ ထာဝရ အသက်ရဲ့ အခြေခံသဘောရထားဟာ ဘုရားသခင်နဲ့ သိကျွမ်းရင်နှီးနေခြင်းလည်း ဖြစ်တယ်လို့ ယော၊၁၇း၃ မှာ ဖော်ပြထားပါတယ်။ လူသစ်ဟာ ဝိညာဉ် အသက်ရှင်နေသူ ဖြစ်တာကြောင့် ဘုရားကို အမှန်တကယ် ကိုးကွယ်ခွင့်ရှိသူ၊ ကိုးကွယ်နိုင်သူ ဖြစ်ပါတယ်။ ဘုရားနဲ့ဆက်သွယ်ပြီး မိတ်သဟာယဖွဲ့နေတတ်သူလည်း ဖြစ်တဲ့အတွက် မမြင်နိုင်တဲ့ ဘုရားသခင်ရဲ့ ဘုန်းကို လူအများရှေ့မှာ ထင်ရှားထွန်းလင်းစေနေသူလည်း ဖြစ်တာ ကိုတွေ့ရပါတယ်။

(င) ထာဝရအသက်ရှင်ခြင်းသို့ ဦးတည်နေသူ
ထာဝရအသက်ကို ပိုင်ဆိုင်ရရှိထားပြီးသူဖြစ်တဲ့အတွက် လူသစ်ဟာ သေခြင်းတရားနဲ့ အစဉ်ကင်းလွတ် သူဖြစ်ပါသည်။ လောကမှာ ခေတ္တနေရခြင်းဟာလည်း သေမင်းရဲ့ အရိပ်လွှမ်းမိုးတဲ့ချိုင်းဝှမ်းကို ခေတ္တဖြတ် လျှောက်သွားခြင်း လောက်သာဖြစ်ပါတယ်။ လူဟောင်းတွေအတွက် ကြောက်စရာအကောင်းဆုံးဖြစ်တဲ့ သေခြင်းဟာ လူသစ်တွေအတွက်တော့ အမှောင်လောကကြီးရဲ့ ချုပ်နှောင်မှုကနေ လုံးဝထွက်မြောက်ပြီ ဘုန်း အသရေနဲ့ ပြည့်စုံတဲ့ ကိုယ်ခန္ဓာအသစ်နဲ့ ထာဝရအသက်ရှင်ရမယ့် အဖြစ်ထဲကို ဝင်စားရာ တံခါးဝသာဖြစ်ပါ တော့တယ်။ ဒံ၊ ၁၂း၂ မှာ “ထာဝရအသက်ရှင်ခြင်းနှင့် နိုးကြလိမ့်မည်။ ယော၊ ၅း၂၉ မှာ အသက်ရှင်ရာထ မြောက် ခြင်းသို့ထွက်ရကြလတ္တံ့”လို့ ဖော်ပြထားပါတယ်။ ‘ဒါကြောင့် လူသစ်ဟာ အို၊နာ၊သေခြင်းနဲ့ အစဉ် ကင်းလွတ်ရာ ထာဝရာအသက်ရှင်ခြင်းကို ဦးတည်ပြီးလျှောက်လှမ်းနေသူဖြစ်တဲ့အကြောင်း ပေါ်လွင်ထင်ရှားစေ ပါတယ်။

Monday, 14 March 2016

လူဟောင်း (OLD LIFE)

ခရစ်တော်၌လူသစ် အခန်း (၇)
ပထမဦးဆုံးအနေနဲ့ လူဟောင်းဆိုတာ
 ဘာလဲ ဆိုတဲ့အကြောင်းအခြေအမြစ်
ကျကျ နားလည်ဖို့ လိုပါတယ်။ အခြေခံ
ကျတဲ့ အခက်တွေကို ဖော်ပြပါမယ်။
(က) မိခင်က မွေးသောသူ –
လူဟောင်းဘဝဟာ မိခင်ဝမ်းမှာ သနေ္ဓတည်
စပြုချိန်က စလာပါတယ်။ ပိုပြီး တိတိကျကျ
 ပြောရရင် တော့ အာဒ့ရဲ့ ကျဆင်းခြင်းကနေ စခဲ့တာပါ။
ဘုရားသခင်က အာဒံကို မြေမှုန့်ကနေ ဖန်ဆင်းပြီး ဧဝကိုတော့ အာဒံရဲ့ နံရိုးနဲ့ ဖန်ဆင်းခဲ့တယ်။ ကျွန်တော်တို့ကိုတော့ မိခင်၊ ဖခင် ပေါင်းစပ်ခြင်းကတစ်ဆင့် ဖန်ဆင်းတာဖြစ် ပါတယ်။ အာဒ့ဟာ အပြစ်ကြောင့် ကျဆင်းသွားတဲ့အတွက် သူ့ရဲ့အမျိုးအနွယ်ဟာလည်း ကျဆင်းနေတဲ့ အမျိုးအနွယ်(FALLEN GENERATION) ဖြစ်ခဲ့ရပါတယ်။ ဒါကြောင့် ကျမ်းစာထဲမှာ ကျွန်တော်တို့ကို မိန်းမမွေးသောသူလို့ ခေါ်ဝေါ်တာ ဖြစ်ပါတယ်။

ယောဘ ၄း၁ မှာ “လူသည် မိန်းမမွေးသောသူဖြစ်သဖြင့် အသက်တို၍ ဒုက္ခနှင့် ပြည့်စုံပါ၏” လို့ ဖော်ပြထားပါတယ်။ အိုခြင်း၊ နာခြင်း၊ သေခြင်းဆိုတဲ့ သင်္ခါရတရားရဲ့ ရိပ်အောင်မှာ မွေးဖွားခြင်းကတစ်ဆင့် လူဖြစ်လာတဲ့ ကျွန်တော်တို့ဟာ မွေးလာကတည်းက စပြီး လူဟောင်းအဖြစ်နဲ့ မွေးလာခဲ့တာဖြစ်ပါတယ်။ ဒါကြောင့်လဲ ဟောင်းနွမ်း၊ ဆွေးမြေ့ယိုယွင်းခြင်းနဲ့ဆိုင်တဲ့ လက္ခဏာတွေ၊ တစ်နေ့တစ်ခြားပေါ်လွင် ထင်ရှား နေတာကို တွေ့မြင်နိုင်တာဖြစ်ပါတယ်။
ဆာလံ ၃၉း၅ မှာ “အကယ်စင်စစ် လူမည်သည်ကား လူ၏ အထွဋ်သို့ရောက်သော်လည်း အနတ္တသက် သက်ဖြစ်ပါ၏” လို့ ဆိုထားပါတယ်။ လူသားတွေအနေနဲ့ သူ့ထက်ငါ သာလွန်ပြီး အထွဋ်အထိပ်ကို ရောက်ဖို့ ကြိုးစားအားထုတ်နေကြပေမယ့် အနတ္တတရိုားတော့ မကျော်လွန်နိုင်တဲ့အကြောင်း၊ ကြိုးစားကျင့်ကြံလို့ ထိပ်ဆုံး ရောက်သွားတယ်ဆိုရင်တောင်မှ အနတ္တတရားရဲ့ အောက်မှာသာ ရှိနေသေတဲ့အကြောင်း တိတိကျကျ ဖော်ပြ ထားတာဖြစ်ပါတယ်။

အနတ္တတရားအောက်မှာ ရောက်နေခြင်းဟာ ဟောင်းနွမ်းဆွေးမြေ့ခြင်းရဲ့လက္ခဏာသက်သေဖြစ်ပါတယ်။ လူသားအချင်းချင်းထဲမှာ မြင့်မြတ်တဲ့ အမျိုးအနွယ်၊ နိမ့်ကျတဲ့ အမျိုးအနွယ်စတဲ့ ခွဲခြားမှုတွေ ပြုနေကြပေမယ့် ဘုရားသခင်ရဲ့ ရှေ့တော်မှာတော့ “ခြားနားခြင်း အလျင်းမရှိ၊ လူအပေါင်းတို့သည် လမ်းလွဲကြပြီ။ တညီတညွတ် တည်း အသုံးရသောသူ ဖြစ်ကြပြီ” လို့ ဆိုထားတဲ့အတိုင်း ကျွနတော်တို့ဟာ ဟောင်းနွမ်းဆွေးမြေ့ဖောက်ပြန်နေ တဲ့ အမျိုးအနွယ်ထဲမှ ပေါက်ဖွားလာကြသူတွေသာ ဖြစ်ပါတယ်။

(ခ) အပြစ်နှင့် ပြည့်ဝသူ
လူဟောင်းဟာအပြစ်နဲ့ ပြည့်ပါတယ်။ အပြစ်ဆိုတဲ့နေရာမှာ နှစ်ပိုင်းရှိတယ်။ အပြစ်သားဖြစ်ခြင်းနဲ့ အပြစ်ပြုခြင်းတို့ဖြစ်တယ်။ တစ်နည်းအားဖြင့် အပြစ်ဗီဇပါရှိခြင်းနဲ့ ကိုယ်တိုင်ပြစ်ကျူးလွန်ခြင်းလို့ ဆိုနိုင်ပါ တယ်။ ဒီနှစ်ပိုင်းမှာ အပြစ်ပြုလုပ်ကျူးလွန်နေခြင်းဟာ အပေါ်ယံပိုင်းဖြစ်တယ်။ ဒါဝိဒ်မင်းကြီးက ဒီအချက်ကို ကောင်းကောင်းသဘောပေါက် ဝန်ခံခဲ့တဲ့အကြောင်း ဆာလံ ၅၁း၅ မှာ တွေ့နိုင်ပါတယ်။ သူ့ရဲ့စစ်သူကြီးဖြစ်သူ ဥရိယရဲ့ ဇနီး ဗာသရှေဘကို ပြစ်မှားပြီး လင်ကိုပါ သေကြောင်းကြံခဲ့တဲ့ ပြစ်မှုကြီးကျူးလွန်မိတဲ့နောက် နောင်တရ ပြီးဘုရးရှေ့တော်မှာ တောင်းပန်ဝန်ခံခဲ့ပါတယ်။
ဒါဝိဒ်ဟာ ငယ်စဉ်က လိမ္မာရေးခြားရှိပြီး ဘုရားကို ချစ်ကြောက်ရိုသေခဲ့တဲ့ လူငယ်တစ်ဦးဖြစ်ပါတယ်။ အခု ဒီပြစ်မှုကြီးကို သူရှင်ဘုရင်ဖြစ်တဲ့နောက်ပိုင်း ကျူးလွန်ခဲ့တာပါ။ ဒါပေမယ့် “ဘုရားသခင် ကျွန်တော်မျိုးဟာ ငယ်စဉ်ကစပြီး လိမ်လိမ်မာမာ နေခဲ့တဲ့ လူကောင်းတစ်ဦးပါ။ အခုမှာ ရှင်ဘုရင်ဖြစ်လာလို့ အောက်ခြေလွတ်ပြီး ဒီလိုအမှားမျိုး ကျူးလွန်မိတာကို ခွင့်လွှတ်ပါ” လို့ မတောင်းပန်ပါဘူး။

သူ့ကိုယ်သူ မညှာမတာ ပြန်ဆန်းစစ်ကြည့်တဲ့အခါ လောလောဆယ်ဆယ်ပြုမိတဲ့ အပြစ်ကိုသာမကဘဲ အမိဝမ်းမှာ သနေ္ဓတည်ချိန်ကစပြီး ပါလာတဲ့ အပြစ်ဗီဇ (SINFUL NATURE) အထိ ရှင်းရှင်းလင်းလင်း မြင်သွားခဲ့တယ်။
ဒါကြောင့်လဲ “ကျွနု်ပ်သည် မွေးစကပင် အပြစ်ပါလျက်ရှိပါ၏။ အမိဝမ်းထဲမှာ ပဋိသနေ္ဓယူစဉ်ပင် အပြစ် စွဲပါ၏” လို့ အခြေအမြစ်ကျကျ ဝန်ခံထားတာဖြစ်ပါတယ်။ ဖောက်ပြန်ကျဆင်းပြီဖြစ်တဲ့ အာဒံရဲ့ အမျိုးအနွယ်ဖြစ် တာကြောင့် လူတိုင်းဟာ မိခင်ဝမ်းမှာ သနေ္ဓတည်စကစပြီး ဒီအပြစ်နဲ့ဆိုင်တဲ့ ဗီဇကို အမွေဆက်ခံခဲ့ကြရတာဖြစ် ပါတယ်။ (INHERITED SIN NATURE) လို့ခေါ်ပါတယ်။
လူဖြစ်လာကတည်းက အပြစ်လုပ်ချင်တဲ့ စိတ်ဆန္ဒ၊ လုပ်တတ်တဲ့ အရည်အချင်းနဲ့ လုပ်နိုင်တဲ့ ခွန်အား ဆိုတဲ့ အပြစ်နဲ့ဆိုင်တဲ့ သဘောသဘာဝတွေ ပါလာကြပြီးသားဖြစ်နေပါတယ်။ ဒါကိုသဘောပေါက်သွားတဲ့ ပေါလုက ရောမ ၇း၁၈ မှာ “ငါ့အထဲမှာ ငါ့ဇာတိ၌ ကောင်းသောအရာ တစ်စုံတစ်ခုသမျှမတည်သည်ကို ငါသိ၏” လို့ ဝန်ခံထားတာတွေ့ရပါတယ်။

မာကု၊ ၇း၂၁-၂၃ ကိုလေ့လာကြည့်တဲ့အခါ လူကို ညစ်ညူးစေတဲ့အရာဟာ လူ့အတွင်းမှာသာ ရှိပြီးဖြစ် ကြောင်း သခင်ယေရှုကအတိအလင်း ပြောထားတာတွေ့ရပါတယ်။ ကျွန်တော်တို့မှာ အပြစ်ဗီဇပါလာတာနဲ့ အမျှ-
- စိတ်နှစ်လုံးနဲ့ပြစ်မှာခြင်း။
- နှုတ်နဲ့ပြစ်မှားခြင်း။
- ကိုယ်ထိလက်ရောက် ကျူးလွန်ခြင်း ဆိုတဲ့ ဒုစရိုက်အပြစ်တွေနဲ့ပြည်နေတဲ့အကြောင်း ကိုယ့်ကိုယ်က
မညှာမတာ ဆန်းစစ်သူတိုင်း သိနိုင်ကြပါလိမ်မယ်။ ဆီကြိတ်တဲ့ စက်ရုံတစ်ရုံဟာ လည်ပတ်နေသ၍ ဆီတွေကို ထုတ်လုပ်နေမှာ ဖြစ်သလို လူဟာ အသက်ရှင်လှုပ်ရှားနေသ၍ အပြစ်တွေကိုသာ ဖြစ်စေ နေတဲ့ သဘောကို မြင်တတ်ဖို့လိုပါတယ်။
ကျွန်တော်တို့မှာ အပြစ်နဲ့ဆိုင်တဲ့ မွေးရာပါဗီဇသဘာဝကို ကြိုးစားပြီး ထိန်းချုပ်နေရတာကြောင့်
ဝန်လေးပင်ပန်းမှုနဲ့ ကြုံတွေ့နေကြရတာ ဖြစ်ပါတယ်။ လူ့အမြင် လူ့သတ်မှတ်ချက်မှာ ကြိုထိန်းချုပ်နိုင် သူကို လူကောင်း၊ မထိန်းနိုင်သူကို လူဆိုးလို့ခွဲခြားတတ်ကြပါတယ်။ တကယ်တော့ ထိန်းချုပ်နိုင်တာ၊ မထိန်းချုပ် နိုင်တာ အပထား အပြစ်ဗီဇအားဖြင့် ဖြစ်ပွါးလားခြင်းကိုက လူဟောင်းခြင်းဘဲဆိုတာ သဘောပေါက်နိုင် ပါတယ်။

(ဂ) စာတန်မာရ်နတ် လက်၌ရှိနေသူ
အာဒံကို မဖန်ဆင်းခင်ကတည်းက ဘုရားကို တော်လှန်ပုန်ကန် ငြင်းဆန်နေနေတဲ့ စာတန်ဟာ ရှိနှင့်ပြီး ဖြစ်တယ်။ ဘုရားက မြင်ရတဲ့အရာတွေကို ဖန်ဆင်းသလို မျက်မြင်မရတဲ့အရာတွေကိုလည် ဖန်ဆင်းခဲ့ပါသည်။ ဒီအထဲမှာ စာတန်ဟာလည်း အဆင့်မြင့် ကောင်းကင်တမန်တစ်ပါးအဖြစ် ဖန်ဆင်းခြင်းခံခဲ့ရသူ ဖြစ်ပါတယ်။ ယေဇ၊၂၈း၁၂-၁၅ မှာ သူ့ရဲ့နဂိုမူလအခြေအနေကို ဖော်ပြထားတယ်။ ဖန်ဆင်းခြင်းခံရချိန်ကစပြီး သူ့အပြစ်ထင် ရှားတဲ့နေ့အထိ ပြုလေရာရာမှာ စုံလင်ခြင်းရှိခဲ့တယ်။ သူ့ရဲ့အပြစ်ဟာ မာနနဲ့ယစ်မူးခြင်းဖြစ်တယ် (၁တိ၊၃း၆)။ သူ့ကို ဘုရားပေးထားတဲ့ အရည်အချင်း အစွမ်းအစတွေနဲ့ ဘုရားကိုသာ ချီးမွမ်းကိုးကွယ်ရမဲ့အစား ဘုရားကို နှိုင်းယှဉ်ပြိုင်ဆိုင်လိုတဲ့ ဆန္ဒနဲ့အကြံအစည်ပေါ်လာချိန်ကစပြီး ဘုရားရဲ့ ရန်သူအဖြစ် သတ်မှတ်စီရင်ခံခဲ့ရသူဖြစ် ပါတယ်(ဟေ၊၁၄း၁၂-၁၄)။ ဘုရားကို ဗဟိုပြုပြီးအသက်ရှင်ရမဲ့အစား ကိုယ့်ကိုယ်ကို ဗဟိုပြုခြင်း (SELF CENTRED) ဟာ အပြစ်တရားရဲ့ အခြေအမြစ်ဖြစ်ကြောင်းသိရှိနိုင်ပါတယ်။

ဘုရားသခင်ဟာ ဖြောင့်မတ်ခြင်း၊ တရားမျှတခြင်းနဲ့ ပြည့်စုံတော်မူတဲ့အတွက် လူကို ဖန်ဆင်းပြီးတဲ့ နောက် လွတ်လပ်စွာရွေးချယ်ဆုံးဖြတ်နိုင်တဲ့ အခွင့်အရေးပေးထားခဲ့ပါတယ်။ ဧဒင်ဥယျာဉ်ထဲမှာ နေစေခဲ့ပြီး ဥယျာဉ်ရဲ့ အလယ်မှာအသက်ပင်နဲ့ ကောင်းမကောင်းသိကျွမ်းရာ အပင်ဆိုပြီး ရွေးချယ်နိုင်ဖို့ အတွက် နှစ်ပင်ထား ပေးခဲ့ပါတယ်။ ကောင်းမကောင်းသိကျွမ်းရာအပင်ရဲ့ အသီးကိုမစားဖို့ အမိန့်ပေးပညတ်ထားရုံမက စားတဲ့နေ့မှာ သေရမယ်ဆိုတဲ့အကြောင်း ကြိုတင်သတိပေးထားခဲ့တယ်။ အသက်ပင်ကတော့ ထာဝရအသက်ကရှင်ခြင်းနဲ့ ဆိုင်ပါတယ်။ တစ်နည်းအားဖြင့်ဆိုရင် တစ်ပင်ကသေပင်၊ တစ်ပင်ကရှင်ပင်လို့မှတ်ယူနိုင်ပါတယ်။

တစ်နေ့မှာ စာတန်က ဘုရားတားမြစ်ထားတဲ့အပင်ရဲ့ အသီးကိုစားဖို့ လူကိုသွေးဆောင်ဖြားယောင်းလာ ပါတယ်။ လူအတွက် ရွေးချယ်ဆုံးဖြတ်ရမဲ့ အချိန်ရောက်လာပါပြီ။ ဘုရားစကားကို နားထောင်ပြီး စာတန်စာကားကို ငြင်းပယ်မလား။ တကယ်တော့ စာတန်က လူကို ဘုရားရဲ့အုပ်ချုပ်မှုအောက်ကနေ သူ့ရဲ့အုပ် ချုပ်မှုအာဏာအောက်ရောက်အောင် ကြံစည်နေသူဖြစ်ပါတယ်။ ဒီတော့ ဘုရားနဲ့ စာတန်ရဲ့ကြားမှာ ရောက်နေတဲ့ လူသားအနေနဲ့ ရွေးချယ်ဖို့ဖြစ်လာတယ်။ နောက်ဆုံးတော့ လူဟာ စာတန်ရဲ့စကားကို နားထောင်ဖို့ ရွေးချယ်ခဲ့မိ တယ်။ အဲဒီအချိန်ကစပြီး လူဟာ စာတန်အတွက် နာခံသူ၊ ဘုရားအတွက်တော့ ငြင်းဆန်ပုန်ကန်သူဖြစ်ခဲ့ရ ပါတယ်။
စာတန်ကို - ၂ကော၊၄း၄ မှာ ဤလောကကို အစိုးရသောဘုရား
- ယော၊၁၂း၃၁ မှာ ဤလောကကို အစိုးရသောမင်း
- ဧဖက်၊၂း၁-၃ မှာ အာကာသကောင်းကင် တန်ခိုးကို အစိုးရသောမင်း၊ ငြင်းဆန်သူတွေကို
ထိန်းချုပ်ပဲပြင်နေတဲ့ ဝိညာဉ်စသဖြင့် ဖော်ပြထားတာတွေ့ရပါတယ်။

 ဒါကြောင့် စာတန်ဟာ အကောင်း၊ အဆိုးနည်းမျိုးစုံနဲ့ လူတွေကို အုပ်စိုး ချယ်လှယ်လျက်ရှိနေတယ်ဆိုတာ သိနိုင်ပါတယ်။ ၁ယော၊၅း၁၉(ခ)မှာ “--လောကီပေါင်းတို့သည် မာရ်နတ် (စာတန်)၏ လက်၌ ရှိကြသည်” လို့ တိတိကျကျဖော်ပြထားတယ်။ အာဒံနဲ့ဧဝတို့ကို ပိုင်ဆိုင်နိုင်တာကြောင့် သူတို့တစ်ဆင့် မွေးဖွားလာတဲ့ လောကီသားအားလုံးကို အလိုလျောက် ပိုင်ဆိုင်သွားတဲ့ သဘောဖြစ်တယ်။ စာတန် အုပ်စိုးချယ်လှယ်မှုအောက်မှာ ရှိနေတာကြောင့် ဒီလောကဟာ မှောင်မိုက်ပြီး အပြစ်ဒုစရိုက်နဲ့ ပြည့်နှက် နေတဲ့ နယ်ပယ်၊ ဘုရားကို တော်လှန်ပုန်ကန်ရာ နယ်ပယ်ကြီး ဖြစ်နေတယ်။ လူသားတွေဟာလည်း သူ့ရဲ့ဘက် တော်သားအဖြစ် သူ့လက်ထဲမှာ ရှိနေကြရတယ်။
ဒီလိုစာတန်လက်ထက်မှာရှိနေခြင်းဟာ လူဟောင်းဖြစ်ခြင်းရဲ့ လက္ခဏာသာ ဖြစ်ပါတယ်။ စာတန်က လူအချို့ကို မကောင်ကို မကောင်းမှုဒုစရိုက်တွေထဲမှာ ကျင်လည်ပျက်စီးနေအောင် ပုံသွင်းထားပြီး ကိုယ်ရဲ့ ကောင်းမြတ်ခြင်း အပေါ်မှာမာနနဲ့ ရပ်တည်နေတတ်အောင် ပုံသွင်းထားတာ တွေ့ရတယ်။ တကယ်တော့ လူဆိုးဖြစ်ဖြစ် လူကောင်းဖြစ်ဖြစ် လူဟောင်း အားလုံးဟာ စာတန်လက်ထဲမှာဘဲ ရှိနေကြပါတယ်။

(ဃ) ဝိညာဉ်သေနေသူ
ကိုယ်ခန္ဓာ၊စိတ်၊ဝိညာဉ်ဆိုတဲ့ အပိုင်း(၃)ပိုင်းနဲ့ လူကို ဘုရားဖန်ဆင်းခဲ့ပါတယ်။ ကိုယ်ခန္ဓာနဲ့စိတ်ဟာ ဘုရားဖန်ဆင်းထားတဲ့ လောကကြီးမှာရှိတဲ့ သက်ရှိသက်မဲ့အရာတွေကို ထိတွေ့ခံစားနိုင်ဖို့ လူသားချင်းပေါင်း သင်း ဆက်ဆံနိုင်ဖို့ဖြစ်တယ်။ အတွင်းအကျဆုံးအပိုင်းဖြစ်တဲ့ ဝိညာဉ်ပိုင်းကတော့ နာမ်ဝိညာဉ်ဘုရားနဲ့ ဆက်သွယ်နိုင်ဖို့အတွက် ထည့်သွင်းဖန်ဆင်းပေးထားတာဖြစ်ပါတယ်။ ဘုရားက လူရဲ့ဝိညာဉ်ကို အုပ်စိုးမယ်။ ဝိညာဉ်ကတစ်ဆင့် စိတ်နဲ့ခန္ဓာကိုပါ အုပ်စိုးထိန်းချုပ်ပြီး မြင်ရတဲ့ လူ့ရဲ့ခန္ဓာအားဖြင့် မမြင်ရတဲ့ ဘုရားဘုန်း တော်ကို ထင်ရှားစေဖို့ အကြံတော်ရှိခဲ့တာဖြစ်ပါတယ်။

ဥယျာဉ်အလယ်မှာရှိတဲ့ ကောင်းမကောင်း သိကျွမ်းရာအပင်ရဲ့ အသီးကို မစားရ၊ စားသောနေ့တွင် ဧကန်အမှန်သေရမယ်လို့ ပညတ်ထားပေမယ့် စာတန်ရဲ့ သွေးဆောင်ဖြားယောင်းမှုကို နားထောင်ပြီး ဘုရားစကားကို ချိုးဖောက်မိတဲ့အတွက် စကားတော်အတိုင်း လူဟာ သေခြင်းတရားနဲ့ ရင်ဆိုင်ခဲ့ရပါတယ်။ ကိုယ်ခန္ဓာမသေခင်မှာ ဝိညာဉ်အရင်သေခဲ့ရပါတယ်။ ခန္ဓာသေခြင်းဆိုတာ ခန္ဓာနဲ့ဝိညာဉ်ကွဲကွာခြင်းဖြစ်ပြီး ဝိညာဉ်သေခြင်းကတော့ ဝိညာဉ်နဲ့ ဘုရားကင်းကွာသွားခြင်း ဖြစ်ပါတယ်။ ဒါကြောင့် သေခြင်းတရားရဲ့အခြေခံ အကြောင်းရင်းဟာ ထာဝရအသက်ရှင်တဲ့ ဘုရားနဲ့ ကင်းကွာခြင်းဖြစ်တယ် ဆိုတာကို သဘောပေါက်နိုင် ပါတယ်။ ဝိညာဉ်ပိုင်းမှာ ဘုရားနဲ့အဆက်ပြတ်ပြီး သေနေတဲ့ လူသားတွေအနေနဲ့ ကိုယ်ကာယအလို၊ စိတ်အလို လိုက်ပြီး အပြစ်ထဲမှာ ဆက်လက်ကျင်လည်နေအောင် စာတန်က ချယ်လှယ်ထိန်းချုပ်နေတယ်ဆိုတာကို ဧဖက်၊၂း၁-၃ မှာတွေ့နိုင်ပါတယ်။

ဘုရားနဲ့ဆက်သွယ်တတ်တဲ့ ဝိညာဉ်ဆိုတဲ့အပိုင်းကသေပြီး အမှောင်ကျနေတာကြောင့် လူတွေဟာဘုရား ကို စိတ်မှန်းနဲ့သာ ရှာဖွေကိုးကွယ် နေကြရတာဖြစ်တယ်။ ကိုယ်ကာယစွမ်းအင်၊ စိတ်စွမ်းအင်တွေ ထက်မြက် အောင် အမျိုးမျိုးကြိုးစားကျင့်ကြံအားထုတ်နေကြတဲ့အချိန်မှာပဲ ဝိညာဉ်သေနေတာကိုတော့ အမှတ်တမဲ့ဖြစ်နေကြ ပါတယ်။ ဝိညာဉ်ရဲ့တန်ခိုးနဲ့ အရေးကြီးပုံကို နားမလည်နိုင်တာကြောင့် စိတ်သာလျှင် အဓိကပဲလို့ ကောက်ချက် ချကြရတာဖြစ်တယ်။ ဒါဟာ လူဟောင်းရဲ့ဘဝပါ။

(င) ထာဝရသေခြင်းသို့ ဦးတည်နေသူ
လူဟောင်းဘဝဟာ ထာဝရသေခြင်းကို ဦးတည်နေတယ်ဆိုတဲ့အကြောင်းအထူးသတိပေးလိုပါတယ်။ သေခြင်း (၃)မျိုးရှိပါတယ်။
- ဝိညာဉ်သေခြင်း (ဘုရားနှင့်ကွဲကွာခြင်း)။
- ခန္ဓာသေခြင်း (ခန္ဓာနှင့်ဝိညာဉ် ကွဲကွာခြင်း)။
- ထာဝရသေခြင်း (ခန္ဓာရော ဝိညာဉ်ပါ ဘုရားနှင့် ထာဝရကင်းကွာသွားခြင်း)
ခန္ဓာကိုယ်သေဆုံးတဲ့အခါ သက်ဆိုင်သူတွေက ဝမ်နည်းကြေကွဲပြီး ငိုကြွေးတတ်ကြတယ်။ ဒါပေမယ့်
ခန္ဓာမသေခင်ကတည်းက ဝိညာဉ်သေပြီးသားပါ။

ခန္ဓာသေရခြင်းဟာလည်း ဝိညာဉ်သေခြင်းရဲ့ အကျိုးဆက်သာ ဖြစ်ပါတယ်။ ဒါတင်မကသေးဘူး တစ်နေ့ကျရင် ခန္ဓာရော၊ ဝိညာဉ်ပါ ဘုရားနဲ့ ထာဝရဝေးကွာရာအရပ်ကို ရောက်ရဦးမှာဖြစ်ပါတယ်။ အဲဒါ ထာဝရသေခြင်းဖြစ်တယ်။ သေလွန်ပြီးသူတွေအားလုံး ပြန်ရှင်လာမယ်။ ခန္ဓာနဲ့ဝိညာဉ် ပြန်ပေါင်းမယ် နောက်ပြီး တရားစီရင်ခံရမယ်။ ဘုရားနဲ့ထာဝရဝေးကွာရာအရပ်ကို ရောက်ကြရမယ်။ ကျမ်းစာမှာ ဖော်ပြထားတယ်။
“ထိုကာလအခါ မြေမှုန့်၌ အိပ်ပျော်သောသူများတိုသည် နိုးကြလိမ့်မည်။ အချို့တို့ကား ထာဝရအသက် ရှင်ခြင်းနှင့်လည်းကောင်း၊ အချို့တို့ကား ရှက်ကြောက်ခြင်း၊ ဌာဝရအသရေပျက်ခြင်းနှင့် လည်းကောင်း နိုးကြ လိမ့်မည်” (ဒံ၊၁၂း၂)။

“ဤအမှုအရာကို အံ့ဩခြင်းမရှိကြနှင့်။ သချၤိုင်းများမှာ ရှိသောသူအပေါင်းတို့သည် သားတော်၏ စကားသံကို ကြား၍ ထွက်ရမည့်အချိန်ကာလရောက်လတ္တံ့။ ကောင်းသောအကျင့်ကို ကျင့်သောသူ တို့သည် အသက်ရှင်ရာထမြောက်ခြင်းသို့လည်းကောင်း ဆိုးယုတ်သော အကျင့်ကို ကျင့်သောသူတို့သည် အပြစ်စီရင်ရာ ထမြောက်ခြင်းသို့လည်းကောင်း ထွက်ရကြလတ္တံ့” (ယော၊၅း၂၈-၂၉)။
အထက်က ကျမ်းပိုဒ်တွေထဲမှာ လူသစ်များနဲ့ ဆိုင်တဲ့အပိုင်းနဲ့ လူဟောင်းများနဲ့ ဆိုင်တဲ့အပိုင်းနှစ်စလုံး ရောပြီး ဖော်ပြထားတာဖြစ်တယ်။ လူဟောင်းများနဲ့ ဆိုင်တဲ့အပိုင်းက အောက်မှာမျဉ်းသားထားတဲ့အပိုင်းသာဖြစ် တယ်။

ဒုတိယကျမ်းပိုဒ်မှာ ကောင်းသောအကျင့် ကျင့်သူနဲ့ ဆိုးသောအကျင့် ကျင့်သူဆိုပြီး ခွဲခြားထားခြင်းဟာ ဘုရားသတ်မှတ်ချက်ပေါ်မှာ မူတည်ပြီး ခွဲပြီးတာဖြစ်တယ်။ ကိုယ့်ကိုယ်ကို အကျင့်ကောင်းသူလို့ ထင်မြင်နေသူ တွေရှိကြပေမယ့် ဒါက လူသတ်မှတ်ချက်သာဖြစ်ပါတယ်။ ဘုရားအမြင်မှာတော့ “ကောင်းသောအကျင့်ကို ကျင့်သောသူမရှိ၊ တစ်ယောက်မှမရှိ” လို့ ဖော်ပြထားပါတယ် (ရော၊ ၃း၁၀-၁၂)။
အမိဝမ်းထဲကစပြီး အပြစ်သားဖြစ်လာခဲ့တဲ့ ကျွန်တော်တို့ စာတန်လက်ထဲမှာရှိပြီး ဝိညာဉ်သေနေတဲ့ ကျွန်တော်တို့ဟာ ဘုရားသခင်ရဲ့ ရှေ့တော်မှာ ဘယင်လိုကောင်မြတ်နိုင်ပါ့မလဲ။ အကျင့်ကောင်းတွေဘယ်လို ကျင့်နိုင်ပါ့မလဲ။ အောက်ပါကျမ်းပိုဒ်တွေကို ဆင်ခြင်ကြည့်ပါ။
“လူသည် ဘုရားသခင့်ရှေ့တော်၌ ကုသိုလ်အဘယ်သို့ ရနိုင်သနည်း။ လူမိန်းမဖွားမြင်သောသူသည် အဘယ်သို့ သန့်ရှင်းနိုင်မည်နည်း” (ယောဘ၊၂၅း၄)။

“အကျွနိုပ်တို့ရှိသမျှသည် စင်ကြယ်ခြင်းမရှိပါ။ ပြုဖူးသမျှသောကုသိုလ်ကောင်းမှုတို့သည် ညစ်သော အဝတ်နှင့်တူကြပါ၏” (ဟေ၊၆၄း၆)။
ဒါကြောင် ဘုရားအမြင်နဲ့ ကိုယ့်ကိုကိုယ်ပြန်ကြည့်ရင် ဟောင်းနွမ်းဆွေးမြေ့ပြီး ဆိုးယုတ်ညစ်ညူးနေ ကြောင်းနဲ့ ထာဝရသေခြင်းဆိုတဲ့အပြစ်စီရင်ခြင်းဆိုကိုသာ ဦးတည်နေတဲအကြောင်း ဝမ်းနည်းစွာ တွေ့ရှိရမှာ ဖြစ်ပါတယ်။

ဗျာ၊၂၀း၁၁-၁၅ မှာ ထာဝရသေခြင်းဖြစ်တဲ့ ငရဲမီးအိုင်ကို ရောက်ရမယ့်အကြောင်း တိတိကျကျဖော်ပြ ထားပါတယ်။ ဘုရားနဲ့ ထာဝရကင်းကွာရာအရပ်ဖြစ်တာကြောင့်ငရဲဟာ ဘယ်လောက်ဆိုးရွား စက်ဆုပ်ရွံရှာ ကြောက်မက်ဖွယ်ကောင်းတယ်ဆိုတာ ခန့်မှန်းကြည့်လို့ရပါတယ်။ အပြစ်ရဲ့ဆိုးကျိုးကို အပြည့်အဝခံစားရမယ့် အရပ်ဖြစ်ပါတယ်။ ဒါဟာ အသက်တာဟောင်းရဲ့ နောက်ဆုံးပန်းတိုင်ဖြစ်တယ် ဆိုတဲ့အကြောင်း အလေးအနက် သဘောပေါက်ဖို့လိုပါတယ်။
လူအပေါင်းတို့သည် လမ်း(ဦးတည်ရာ) လွဲကြပြီ ......။

Friday, 11 March 2016

လူသား ကျဆင်းခြင်း (THE FALL OF MAN)

ခရစ်တော်၌လူသစ် အခန်း (၆)
လူကို ဘုရားသခင် ဖန်ဆင်းခြင်း၏
ရည်ရွယ်ချက်မှာ မိမိအလိုတော်အတိုင်း
လိုက်လျှောက်အသက် ရှင်ပြီး မိမိနှင့်
အမြဲတမ်း မိတ်သဟာယဖွဲ့နေရန် ဖြစ်
သည်။ သို့သော် ပထမဦးဆုံး လူသား
များဖြစ်ကြသည့် အာဒံနှင့် ဧဝတို့သည်
ဘုရားသခင်၏ ရန်သူစာတန်၏
 သွေးဆောင်ရာနောက်သို့ လိုက်ပါကြပြီး ဘုရားသခင်၏
စကားကို နားမထောင်ဘဲ ငြင်းဆန်ပုန်ကန်ခဲ့ကြပါသည် (က၊၃း၁-၇)။
ထိုသို့ဘုရားစကားတော်ကို ငြိုဆန်ပြီး စာတန်၏စကားကို နားထောင်မိချိန်မှစ၍ မူလအခြေအနေမှ ရွေ့လျော့ကျဆင်းပြီး ဘုရားသခင်၏ သဏ္ဌာန်တော်နှင့် မညီတော့ဘဲ ပုံပျက်ခဲ့ရပါသည်။ မူလ ရှိထားသော ဘုရားသခင်၏ ဘုန်းအသရေ ပျောက်ကွယ်ဆုံးရံှုးခဲ့ရပါသည်။ ကြွေရုပ်တစ်ခု အောက်သို့ကျကွဲပြီး ကျေမွသွား သကဲ့သို့ လူသားသည် ဘုရားသခင်၏ ဘုန်အသရေနှင့် ပတ်ရစ်ထားသော သဏ္ဌာန်မှာ ပျက်သုဉ်း ခဲ့ရပါ တော့သည် (က၊၃း၉)။

(က) လူသားကျဆင်းရခြင်း၏ အဓိကအကြောင်း
လူ့အသက်တာ၏ အနှစ်သာရမှာ ဘုရားသခင်ကို ယုံကြည်ခြင်းဖြစ်ပေသည်။ ယုံကြည်ခြင်း မရှိလျှင် ဘုရားသခင်၏ စိတ်တော်နှင့် မတွေ့နိုင် (ဟေ၊၁၁း၆)ဟု ဖော်ပြထားသည်ဖြစ်ရာ ယုံကြည်ခြင်း မရွိပါက ဘုရားသခင်၏ စိတော်အလို စိတ်တော်အလိုပြည့်စုံစေနိုင်မည် မဟုတ်ပါ။
(၁) လူသားကျဆင်းရခြင်း၏ ပထမအချက်မှာ မယုံကြည်ခြင် ပင်ဖြစ်သည်။ စကားတော်ကို မယုံကြည်ခြင်းဖြစ်သည်။ မစားရဟု မိန့်မှာထားသော ဘုရားသခင်၏ စကားကို နားမ ထောင်ဘဲ စားပါဟု တိုက်တွန်းသွေးဆောင်လာသော စာတန်၏စကားကိုသာ နားတောင်ရန် ရွေးချယ်ဆုံး ဖြတ်ခဲ့ကြသည်။ မယုံကြည်ရာရောက်ပေသည်။ မယုံသင့်သော စကားကို ယုံမိခြင်း ဖြင့် ယုံရမည့်စကားကို ငြင်းပယ် လိုက် မိခြင်းဖြစ်သည်။ ဘုရားသခင်၏ စကားတော်ကိုသာ အကြွင်းမဲ့ယုံကြည်မည်ဆိုပါက အခြားဆန့်ကျင်ဘက် စကားကို လက်ခံယုံကြည်မည်မဟုတ်ပါ။ ထို့ကြောင့် ဘုရားသခင်ကို စိတ်နှလုံးအကြွင်း မဲ့ယုံကြည်မှုမရှိခြင်းသည် လူသားကို ကျဆင်းစေ သည့် အဓိကအကြောင်းကြီးပင်ဖြစ်ပါသည်။
(၂) လူသားများကျဆင်းရခြင်း၏ဒုတိယအချက်မှာ မိမိအျပစ္ကို ဝန်မခံခြင်းဖြစ်သည်။ သို့သော် လူသားများသည် မိမိတို့၌အပြစ်ရှိကြောင်း ဝန်ခံရန် ဝန်လေးကြသည်။ အာဒံက မိမိ၏ဇနီးသည် ဧဝကြောင့် အပြစ်ဖြစ်ရခြင်းကြောင်း ဆင်ခြေပေးသလို၊ ဧဝကလည်း မြွေကြောင့်ဟူ၍ သူတစ်ပါး အပေါ်သာ အပြစ်ပုံချခဲ့ကြသည်။
ထိုကြောင့် လူသည် ဘုရားသခင်နှင့် ကွဲကွာပြီးကျဆင်းရသည့် အကြောင်းမှာ ဘုရားစကားကို နားမထောင်ဘဲ ကျူးလွန်ချိုးဖောက်ရုံမက မိမိ၌အပြစ်ရှိကြောင်းဝန်မခံ ခဲ့ခြင်း ကြောင့် ဖြစ်ကြောင်းသိရှိရပါသည်။ ထိုအချိန်မှစ၍ အပြစ်နှင့်ကင်းစင်သော ဘုရားသခင်နှင့် အတူတကြ နေထိုင်ပြီး မိတ်သဟာယဖွဲ့ရန် မဖြစ်နိုင်တော့သောကြောင့် ဧဒင်ဥယာဉ်မှ နှင်ထုတ် ခြင်းခံခဲ့ရကြပေ သည်(က၊၃း၂၃)။

(ခ) အပြစ်ကြောင့် ခံစားရရှိသော ရလာဒ္မ်ား
အလုပ္တစ္ခုကို လုပ်သည့်အခါခါတိုင်း အရံှုးနှင့်အကျိုးဟူ၍ တစ်ခုခုအဖြေရလေ့ရှိသည်။ ပထမလူသား ဖြစ်သည့် အာဒံနှင့် ဧဝတို့ပညတ်ကို ချိုးဖောက်၍ ဘုရားစကားကို ငြင်းဆန်လျက် အျပစ္ကို လုပ်မိခြင်း၏ ရလာဒ်အဖြေသည် အောက်ပါအတိုင်းဖြစ်သည်။
ဂ အျပစ္သားမ်ား ဘဝသို့ရောက်သွား၏ (ဧဖက်၊၂း၁။ ရော၊၃း၉။ ၅း၁၂၊၁၉)။
ဂ မျက်စိပွင့်လာပြီး အဝတ်အချည်းစည်းရှိသည်ကို သိမြင်လာ၏။ မိမိကိုယ် ခန္ဓာသည် ပုံသဏ္ဌာန်ပျက်စီး
ခြင်းသို့ ကူးပြောင်းခြင်းကို မြင်တွေ့လာ၏ (က၊၃း၇၊ ဟောရှေ၊၄၇း၃။ ယေရ၊၁း၈)။
ဂ ဘုရားသခင်နှင့် မိတ်သဟာယဖွဲ့ခြင်းပျက်သွား၏။ ဧဒင်ဥယျာဉ်မှ နှင်ထုတ်ခြင်းကို ခံရ၏(က၊၃း၂၃)။
ဂ ဘုရားသခင်ကို မတွေ့ရဲလောက်အောင် ကြောက်ခြင်းရှိ၏ (က၊၃း၈)။
ဂ ဝိညာဉ်အသက်သေခြင်းသို့ ရောက်သွား၏။ ဝိညာဉ်သက် သေသောကြောင့် ဘုရားသခင်နှင့် မိတ္သဟာယ
ဖွဲ့ခြင်းပြတ်သွား၏။ ဘုရားသခင်သည် ဝိညာဉ်ဖြစ်၍ ဝိညာဉ်သေနေသူနှင့် မိတ္သဟာယ မဖွဲ့နိုင်ပေ
(ရော၊၆း၂၃၊ က၊၂း၁၇။ ရော၊၅း၁၂။ ၅း၁၆)။
- မြွေ သင်သည် ဗိုက်ဖြင့်တွားသွား၍ မြေမှုန့်ကို စားရမည်။
- မိန်းမသည် မွေးဖွားခြင်း၌ ဝေဒနာကို ခံစားရမည်။ မိမိ ခင်ပွန်းသည် သူ့သခင်ဖြစ်ရမည်။ ခင်ပွန်၏ အုပ်စိုးခြင်းကို ခံရမည်။
- ယောကျာ်းသည် ချွေးထွက်၍ ပင်ပန်းစွာ လုပ်စားရမည်။
- အပြစ်တရားကြောင့် လောကတစ်ခုလုံး ဘုရားသခင်၏ အမျက်တော် ကျိန်ခြင်းကို ခံရလတ္တံ့ (ရော၊၃း၁၉။ ဂလာ၊၃း၁၀)။
- ကမ်ဘာပေါ်ရှိ လူသားအားလုံး တို့သည် စာတန်၏ ကျွန်ဘဝသို့ ရောက်ရှိလာ၏ (၂ကော၊၄း၄။ ၁ယော၊၅း၁၉)။
- ဝိညာဉ်တော်၌ ပြန်လည်ဖွားမြင်ခြင်း မခံစားရေသာ လူသားအားလုံးသည် ဘုရားသခင် သားသမီးများမဖြစ်ဘဲ စာတန်၏သားသမီးများသာ ဖြစ်သည် (ယော၊၈း၄၄။ ၁ယော၊၅း၁၉)။
- ဌာဝရငရဲ မီးအိုင်ထဲသို့ ပစ်ချခြင်း ခံရမည် (ဗျာ၊၂၀း၁၄။ မဿဲ၊၂၅း၄၁)။

Wednesday, 9 March 2016

Amazing Grace "အံ့ဖွယ်ကျေးဇုူးတော်" သီချင်း၏ ရာဇ၀င်

သီချင်းစာသား - ဂျွန်နယူးတန် (၁၇၂၅-၁၈၀၇)
တေးရေး - ကာရယ်နှင့် ကလေတန်တို့၏
ဗာဂျီနီးယား ဟာမိုနီ 1831 မွ
ကျမ်းညွှန်း - ၅ရာ ၁၇း၁၆-၁၇

အင်္ဂလန်နိုင်ငံ အိုနေမြို့တွင် ရှိသော ဘုန်းတော်
ကြီးပိုင် အသင်းတော်၀င်း တစ္ခု၌ လိပ်သဲ
ကျောက်ဖြင့် ဆောက်ထား သော အုပ်ဂူလေး
တစ်ခုအပေါ်တွင် ကဗျည်းထိုး ထားသော
စာကြောင်းလေးများ ရှိနေပါသည်။ ထိုစာကြောင်းလေးမှာ တစ်ချိန်က အာဖရိကမွာ ကျွန်ရောင်း၀ယ်ရေး လုပ်သူများ၏ အစေခံကျွန်၊ သစ္စာမဲ့ပြီး ဖောက်ပြန်သော ဂျွန်နယူးတန် အား ကျွနု်ပ်တို့၏ ဘုရားသခင်နှင့် ကယ်တင်ရှင် ယေရှုခရစ်တော်၏ ကြွယ်၀ ပြည်စုံတော်မူသော ဂရုဏာတော်သည် ထိန်းသိမ်းစောင့်ရှောက်လျက်၊ ပြန်လည်ရယူကာ အပြစ်လွှတ်လျက်၊ ယုံကြည်ခြင်းတရားကို ဟောပြောရန် ခန့်အပ် တော်မူသည်။ ဟူ၍ ဖြစ်ပါသည်။ ဆယ့်ရှစ်ရာစုနှစ်အတွင်း ထူးခြား ပြောင်မြောက်သော ဧဝံဂေလိ ဆရာကြီးများ ထဲတွင် တစ်ယောက်ဖြစ်သော ဤကြီးမြတ်လှသည့် ပုဂ္ဂိုလ်၏ ထူးခြား ဆန်းကြယ်လှသော သက်သေခံချက်ကို အသက်ရှင်စဉ်က ဂျွန်နယူတန်ကိုယ်တိုင် သက်သေခံ ဟောပြောခဲ့သော ကိုယ်တွေ့ သက်သေခံချက်များ ဖြစ်သည်။ ထိုအုပ်ဂူလေးတွင် ဖော်ပြထားချက်မှာ အကျဉ်းချုပ် လေးမျှသာ ဖြစ်သော်လည်း ဘ၀တစ်ခုလုံးကို ခြုံငုံ သက်သေခံ နေသကဲ့သို့ ဖြစ်ပါသည်။

ဂျွန်နယူးတန်၏ မိခင်သည် ဘုရား၀တ်တွင် မွေ့လျော်သောသူ တစ်ဦးဖြစ်ပြီး သူ၏အသက် ခုနှစ်နှစ် မပြည့်မီမှာပင် ခေါ်တော်မူခြင်း ခံရသည်။ မကြာမီမှာပင် သူ၏ ဖခင်မှာ နောက်မိန်းမ ထပ်ယူလိုက်သည်။ သူကိုလည်း ပညာ သင်ကြားရန် တစ်နယ် တစ်ကျေးသို့ ပို့ဆောင်လိုက်သည်။ အသက် (၁၁) နှစ်သို့ ရောက်သောအခါ အိမ်သို့ ပြန်လည် ရောက်ရှိလာပြီး ဘခင် ဖြစ်သူနှင့်အတူ သငေ်္ဘာ လိုက်သည့် အလုပ္ကို လုပ်ကိုင်ခဲ့သည်။ ထိုခေတ် သငေ်္ဘာသားများ သေဘာ သဘာ၀အတိုင်း ဆိုးသွမ်း ပေတေစွာ အသက်ရှင် နေထိုင် ခဲ့သည်။ သငေ်္ဘာသား ဘ၀တွင် ဖောက်ပြန်မှု ပျက်စီးမှု များဖြင့်သာ လည်ပတ် နေသည်။ သငေ်္ဘာများ စွာတွင် လှည့်လည် လုပ်ဆောင်ရင်း ကုန်သည်ကြီးများ ထံသို့ အာဖရိကမွ လူမည်းများကို ဖမ်းဆီးပြီး ပြန်လည် ရောင်းချသော အလုပ္ကို လုပ်ဆောင် ခဲ့သည်။ ထိုလုပ်ငန်းသည် အလွန်ရက်စက်သော လုပ်ငန်း ဖြစ်သည်။

ထိုလုပ်ငန်းကို လုပ်ဆောင်ရင် ၁၇၄၈ ခုနှစ် မတ္လ (၁၀)ရက်နေ့တွင် အာဖရိက မွ အင်္ဂလန်သို့ ပြန်လာသော ခရီးစဉ်တွင် ကြီးမားသော မုန်တိုင်းကြီး တစ်ခုနှင့် ရင်ဆိုင် ခဲ့ရသည်။ ထိုမုန်တိုင်းကြောင့် သငေ်္ဘာသား အားလုံ အသက်ဘေး နှင့် ရင်ဆိုင်ခဲ့ရသည်။ အသက်မသေ သော်လည်း ဘ၀ တစ်လျှောက်လုံးတွင် မမေ့နိုင်သော ကြီမားသော ထိပ်လန့်မှုကြီး တစ်ခုအဖြစ် အသက်တာထဲတွင် စွဲထင်နေရစ်သည်။ နောက်ပိုင်းတွင် ဘာသာရေး စာအုပ္မ်ားကို စတင်ဖတ်ရှုလာခဲ့သည်။ သူဖတ်ခဲ့သော စာအုပ်များထဲတွင် သောမတ်စ် အေကင်းမ်ပိစ် ရေးသားသော "ခရစ်တော်ကို အတုခိုးခြင်း" (Imitation of Christ) ဟူသော စာအုပ္ကို ဖတ်ဖြစ်သည်။ အေကင်းမ်ပိစ်သည် နယ်သာလန် ဘုန်တော်ကြီး တစ်ပါးဖြစ်သည်။ ထိုစာအုပ္ကို ဂန္ဓ၀င်စာအုပ် တစ်အုပ် အဖြစ် ယနေ့တိုင် ထုပ်ေ၀နေဆဲ ဖြစ်သည်။ ဤစာအုပ်ထဲတွင် ၀ိညာဉ်ရေးရာ ဟောပြောချက်များအပြင် ပင်လယ်ပြင်ထဲမှ ကြောက်လန့် ဖွယ်ရာ အတွေ့အကြုံတို့သည် နယူတန်၏ အသက္တာကို ပြောင်းလဲစေကာ ခရစ်တော်ကို ယုံကြည်လက်ခံ လာခဲ့သည်။

ထိုသို့ ပြောင်းလဲလာပြီး နောက်တွင် သူလုပ်ကိုင်သော ကျွန်ရောင်း၀ယ်ရေး လုပ်ငန်းမှာ လူမဆန်ကြောင်း ပိုမို သိနား လည်လာ ခဲ့သည်။ နောက်ပိုင်းတွင် ကျွန်ရောင်း၀ယ်ရေး လုပ်ငန်းကို ဆန့်ကျင် တိုက်ဖျက်သော လူတစ်ယောက် ဖြစ်လာခဲ့သည်။ သူသည် အင်္ဂလန် မှာပင်အခြေချ နေထိုင်ရန် စိတ်ဆုံ ဖြတ်ခဲ့ပြီး ငယ်ရီးစား မေရီခက်လက် နှင့် ၁၇၅၀ ခုနှစ် ဖေဖော်ဝါရီလ (၁၂) ရက်နေ့တွင် အိမ်ထောင်ပြု လိုက်သည်။ သူသည် နောက်ပိုင်းတွင် ရိုးသားစွာ နေထိုင်ပြီး လီဗာပူလ် ဆိပ်ကမ်းတွင် စာရေးလေး တစ်ဦး အျဖစ္သာ လုပ်ဆောင် နေထိုင်ခဲ့လေသည်။ သို့သော် အမှုတော် အတွက် ခေါ်ယူခြင်းခံရပြီး ဓမ္မပညာကို ကြိုးစားပြီး သင်ယူလေ့လာ အမှုတော်ထဲတွင် ပါ၀င်ခဲ့သည်။ ထိုခေတ်က သြဇာ အာဏာ ကြီးမားသော အမှုတော်ဆောင်င် ကြီးများဖြစ်သည့် ဂျောစ်၀ှိုက်ဖီလ်း နှင့် ဂျွန်၀ပ်စလီ တို့ မိသားစုနှင့် ရင်းနှီးကျွမ်း၀င်သော်လည်း မိမိနှင့် အဆင်ပြေ သင့်တော်သည့် အင်္ဂလီကန် အသင်းတော် တွင် ဆက်လက် ပါ၀င်ခဲ့သည်။ အသက် (၃၉) နှစ်တွင် အင်္ဂလီကန် အသင်းတော်က ဂျွန်နယူးတန်က လက်တင် ဘိသိတ်ပေးပြီး၊ အင်္ဂလီကန်နိုင်ငံ ကင်းဘရစ်အနီးရှိ အုလ်နေး (Olney) ရွာကလေးတွင် သင်းအုပ်ဆရာ အဖြစ် စတင်လုပ်ဆောင် ခဲ့သည်။ နောက် (၁၅) နှစ်ခန့် ကြာသောအခါ အအောင်မြင် ဆုံးနှင့် အရှိန်အဝါ အကြီးဆုံး အသင်းတော် နှင့် သင်းအုပ်ဆရာ ဖြစ်လာခဲ့သည်။

နယူတန်သည် ပင်လယ်ကူး သငေ်္ဘာသား ဘ၀တွင် ဆိုးပေတေ နေသော ဘ၀မွ အသက် တာ ပြောင်းလဲလာပုံ မ်ားကို သက်သေခံ ဟောပြောလေ့ ရှိသည်။ သူ၏ ဟောပြောမှုကို နားထောင်ရန် လူပေါင်းမြောက်များစွာ ရောက်လာလေ့ ရှိသည်။ တနင်္ဂနွေ ၀တ်ပြု ကိုးကွယ် ခြင်းများသာ မက အခြားရက်များတွင်လည်း ၀တ်ပြုကိုးကွယ်မှုများကို အဆင်ပြေ သလို လုပ်ဆောင်ခဲ့သည်။ ထိုခေတ် အင်္ဂလီကန် အသင်းတော်များအတွက် မကြားဘူး၊ မလုပ္ဘူး သော လုပ်ငန်းများ ပင်ဖြစ်သည်။

အခြားလုပ်ဆောင်ချက် တစ္ခုမွာ အင်္ဂလီကန် အသင်းတော်များတွင် ဖတ်ရွတ်လေ့ ရှိသော ဆာလံ သီချင်းများထက် သူ၏ တရားဟောချက်များဖြင့် တံဆာ ဆင်ထားသော ဓမ္မသီချင်းများကို သီဆိုခြင်း ဖြစ်သည်။ ထိုသို့ လုပ်ဆောင်ရန် သီချင်းများကို လုံလောက်စွာ မရေသာအခါ ကိုယ်တိုင် သီချင်းများကို စပ်ဆိုလေသည်။ ထိုမျှနှင့် မလုံလောက်မှန်း သိသောအခါ အိမ်နီးချင်းလည်းဖြစ်၊ ဂန္ဓ၀င် စာရေးဆရာလည်းဖြစ်သော ၀ီလျံကိုပါ အား ဆက်လက် သိမ်းသွင်းစည်းရုံးပြီး သီချင်းများကို ရေးသားစေခဲ့သည်။ ၁၇၇၉ ခုနှစ်တွင် နာမည်ကြီးသော အုလ်နေ ဓမ္မသီချင်းစာအုပ်ကို ထုပ်ေ၀ခဲ့ကြသည်။ ထိုစာအုပ်ထဲတွင် သီချင်း အပုဒ်ရေ (၃၄၉) ပုဒ် ပါ၀င်ခဲ့ပြီး ၀ီလျံကိုပါ က (၆၇) ပုဒ် ရေးသားထားကာ ကျန်သီချင်းများကို နယူတန္က ရေးသားထားသည်။ ထိုစာအုပ် ထုပ်ေ၀ရခြင်း၏ ရည်ရွယ်ချက်မှာ ခရစ်ယာန်များကို နှစ်သိမ့် အားပေးရန်ဟု ဖော်ပြထားသည်။

၁၇၇၉ ခုနှစ်တွင် နယူးတန်သည် အုလ်နေးမြို့တွင် အမှုတော်ဆောင်ခြင်းကို ရပ္နားခဲ့ျပီး မိမိ၏ ကျန်နေသောသော နေ့ရက်များကို စိန့် မေရီ၀ီလ်နွတ် (St. Mary Woolnoth Church) အသင်းတော်၌ သင်းအုပ် ဆရာအဖြစ် ဆက်လက် လုပ်ဆောင် နေထိုင်ခဲ့သည်။ နယူတန်အားဖြင့် ပြောင်းလဲလာသူများ အထဲတွင် အရှေ့အိန္ဒယမှ သာသနာပြုဆရာ တစ်ဦးဖြစ်သော ကလောဒီးရပ် ဘူချာနန် (Claudius Buchanan) နှင့် သမ္မာကျမ်း အနက်ဖွင့်ကျမ်း ရေးသားသူ သောမတ်စ်စကွတ် (Thomas Scott) တို့ ပါ၀င်ပါသည်။ နယူးတန်သည် ဘာသာရေး အလုပ္မ်ားကို ဆောင်ရွက် နေရင်း ကျွန်ဈေးကွက် ဖျက်သိမ်းရေး လုပ်ဆောင်ချက်များကို နိုင်ငံရေး သမားမ်ား လုပ်ဆောင်လာ ကြစေရန် မိမိ၏ တရား ဟောပြောရာ နေရာများသို့ မိတ်ဆွေဖွဲ့ကာ ဖိတ်ကြားလေ့ရှိသည်။ သူ၏ ကျိုးစား လုပ်ဆောင်မှုဟူ၍ ပြောဆိုနိုင်သည့် ကျွန်ဈေးကွက် ဖျက်သိမ်းမှုကို နယူးတန် သေဆုံးသည့် (၁၈၀၇) ခုနှစ်တွင် ဗြိတိသျှ ပါလီမန္က ကြော်ငြာခဲ့သည်။

၁၇၉၀ ခုနှစ်တွင် နှစ်ပေါင်းလေးဆယ် ပေါင်းသင်းခဲ့ပြီး အနားတွင် အျမဲ ခွန်အားပေးခဲ့သော ဇနီး မေရီ သည် ကင်ဆာရောဂါဖြင့် သေဆုံးသွားခဲ့သည်။ နောက်ထပ် (၁၇) ကြာသောအခါ နယူတန် ကိုယ်တိုင်လည်း မှတ်ညဏ်နည်း၊ မျက်စိမမြင်နိုင်ဘဲ ကျန်းမာရေး ချို့တဲ့လာခဲ့သည်။ လူမ်ားက အနားယူရန် အကြံပေးသော်လည်း အမှုတော်မြတ်မှ အနားမယူခဲ့ချေ။ မသေခင် သူပြောလေ့ ရှိသော စကားတစ်ခွန်းမှာ "ကျွနု်ပ်သည် မှတ်ညဏ်မရှိသလောက် ဖြစ်နေပါပြီး၊ သို့သော်လည်း ကျွနု်ပ်သည် အပြစ်ကြီးသော သူတစ်ယောက် ဖြစ်ကြောင်းကို လည်းကောင်း၊ ခရစ်တော်သည် ကြီးမြတ်သော ကယ်တင်ရှင် ဖြစ်သည်ကို လည်းကောင်း၊ ထိုအရာနှစ်ခုကို တော့ ကျွန်တော် မှတ်မိနေပါသေးသည်။ ဟူ၍ ကြေငြာ ပြောဆိုခဲ့လေသည်။

နယူတန်၏ ဘ၀ကို ထင်သာ မြင်သာ ရှိစေရန် ဖော်ကျူးထားသည်မှာ "အံ့သြဘွယ် ကျေးဇူးတော်" (Amazing Grace) သီချင်း ဖြစ်ပါသည်။ ဘုရားသခင်ထံ အသနား ခံထားခြင်း ဖြစ်သော ဤသီချင်းတွင် မူလက အပိုဒ် (၆) ပိုဒ် ရွိခဲ့ျပီး ရာဇ၀င်ချုပ် ပထမစောင် ၁၇း၁၆-၁၇ ကို အခြေပြုထားသည်။ နောက်ပိုင်းတွင် ဖော်ပြသော သီချင်းများမှာ အပိုဒ် (၃)ပိုဒ် ချန်လှပ်ထားကြောင်း တွေ့ရပါသည်။

"အံ့သြဘွယ် ကျေးဇူးတော်" သီချင်း၏ သံစဉ်မှာ အမေရိကန်တို့၏ တေးသံသာ ဖြစ်ပြီး Loving Lambs ဟူ၍ လူသိများကြသည်။ ဤသီချင်းကို James P. Carrell နှင့် David S. Clayton တို့ ပြုစုပြီး ၁၈၃၁ ခုနှစ်တွင် ထုပ်ေ၀သည့် The Virginia Harmony ဟူသောဓမ္မသီချင်းစာအုပ်ထဲတွင် စတင်တွေ့ရှိရပါသည်။

မှတ်ချက်။ ။ဆရာမင်းလွင် ဘလော့မှကူးယူပါသည်...။

Thursday, 3 March 2016

စာတန်မာရ်နတ်သည် အဘယ်သူနည်း WHO IS SATAN?

စာတန်မာရ်နတ်သည် ကောင်းကင်မှ လျှပ်စစ်
ကဲ့သို့ ကျဆင်းလာသူ ဖြစ်ကြောင်း ယေရှုကိုယ်
တိုင် ဖော် ပြထာါးသည်ကို တွေ့ရပါသည်
(လု၊၁၀း၁၉)။စာတန်မာရ်နတ်သည် ကမ်ဘာဦး
အစ အာဒံနှင့်ဧဝတို့ ဧဒင်ဥယျာဉ်၌ နေစဉ်ပင်
လျှင် ရှိခဲ့ပါပြီ။ ပထမလူဖြစ်သူ အာဒံနှင့်ဧဝတို့ထံ
 မြွေအသွငိဖြင့် လာပြီး အပြစ်သွေးဆောင်ခဲ့ပေသည် (က၊၃း၁-၅)။ ဤ လောကတစ်နိုင်ငံလုံးကို လှည့်ဖြား၍ မာရ်နတ်စာတန် အမည်ရှိသော
ရှေးမြွေဟောင်းတည်းဟူသော နဂါးကြီး ကိုလည်းကောင်း၊ သူနှင့်အတူ သူ၏တမန်တို့ကိုလည်းကောင်း၊ မြေကြီးသို့ ချလိုက်ကြ၏(ဗ်ာ၊ ၁၂း၉)။
စာတန်သည် 
- ဉာဏ်ပညာနှင့် ပြည့်စုံ၍ ချောမော၏ (ယေဇ၊၂၈း၁၂)။
- ကျောက်မျက် ရတနာအမျိုးမျိုးနှင့် ဖုံးထားလျက် ရွိ၏ (ယေဇ၊၂၈း၁၃)။
- ဖြန့်၍လွှမ်းမိုးသော ခေရုဗိမ်ဖြစ်သည် (ယေဇ၊၂၈း၁၄)။
- ဖွားသောနေ့မှစ၍ အပြစ်ထင်ရှားသောနေ့အထိ စုံလင်လျက်ရှိခဲ့သည် (ယေဇ၊ ၂၈း၁၆)။
- အဓမ္မအမှုနှင့် ပြည့်စုံသူဖြစ်သည် (ယေဇ၊၂၈း၁၆)။
- ကိုယ်၌ တင့်တယ်ခြင်းအသရေကြွားခဲ့သည် (ယေဇ၊၂၈း၁၇-၁၈)။
- လူစီဖာ မိုးသောက်ကြယ်ဟု ခေါ်သည် (ဟေ၊၁၄း၁၂)။
- ကောင်းကင်မှကျသော သူဖြစ်၏ (ဟေ၊၁၄း၁၂)။
- စာတန်သွားရာလမ်းကြောင်းသည် ငရဲသို့ဖြစ်၏ (ဟေ၊၁၄း၁၅)။

(က) စာတန်သည် ဘုရားသခင်ကို ဆန့်ကျင်သောသူဖြစ်သည်
- ဘုရားသခင်ပြောသမျှကို ဆန့်ကျင်ဘက် ကန့်ကွက်သူဖြစ်၏ (က၊၃း၄-၆)။
- ရှေးဦးစွာမှ စ၍ ဒုစရိုက္ကို ပြုသူဖြစ်၏ (၁ယော၊၃း၈)။
- စာတန်သည် မာနနှင့် ယစ်မူးသူဖြစ်၏ (၁တိ၊၃း၆)။
- စာတန်သည် ယေရှုခရစ်တော်ကို စုံစမ်းသွေးဆောင်လျက်ဆန့်ကျင်ဘက်လုပ်သူဖြစ်၏(မဿဲ၊၄း၂-
၁၁)။

(ခ) စာတန်သည် လှည့်စားဖြားယောင်းတတ်၍ မုသား၌ ကျင်လည်သူဖြစ်သည်
- စာတန်သည် လူသားကြားထဲ၌ လှည့်လည်၍ လှည့်ဖြားရန် သွားလာလျက်ရှိလေသည် (ယောဘ၊
၁း၇)။
- စာတန်သည် သစ္စာတရား၌မတည်၊ မုသားစကား၌ ကျင်လည်သူဖြစ်၏ (ယော၊၈း၄၄)။
- စာတန်သည် ဧဝကို လှည့်စားဖြားယောင်းခဲ့ပေသည် (၂ကော၊၁၁း၃)။
- စာတန်သည် လောကတစ်နိုင်ငံလုံး လှည့်ဖြားသောသူဖြစ်၏ (ဗျာ၊၁၂း၉)။
- စာတန်သည် မုသား၏ အဘဖြစ်၏ (ယော၊၈း၄၄)။

(ဂ) စာတန်သည် အယောင်ဆောင်တတ်သောသူဖြစ်သည်
- စာတန်သည် လင်းသောကောင်းကင်တမန် ဖြစ်ယောင်ဆောင်တတ်၏ (၂ကော၊၁၁း၁၄)။
- စာတန်သည် ဘုရားသခင် ယောင်ဆောင်သူဖြစ်၏ (ယေဇ၊၂၈း၂)။
- ခရစ်တော်ယောင်ဆောင်သူနှင့် မိစၦာပရောဖက်တို့ ပေါ်လာမည် (မဿဲ၊၂၄း၂၄)။

(ဃ) စာတန်သည် တန်ခိုးပြနိုင်သောသူဖြစ်သည်
- စာတန်သည် ယောဘ၏ အသက္တာ၌ တန်ခိုးပြခြင်း (ယောဘ၊၁း၆-၁၉)။
- စာတန်သည် ထူးဆန်းသော တန်ခိုးနိမိတ်လက္ခဏာ၊ အံ့ဩဖွယ်အမျိုးမျိုးကို ပြခြင်း (၂သက်၊၂း၁၀)။
- စာတန်သည် လှည့်ဖြားလောက်အောင်ကြီးစွာသော နိမိတ်လက္ခဏာ၊ အံ့ဩဖွယ်သောအမှု အမျိုးမျိုးကို
ပြကြလိမ့်မည် (မဿဲ၊၂၄း၂၄)။

(င) စာတန်သည် လူ၏အရာကို စွဲလမ်းသောသူဖြစ်သည်
- လူ၏အရာကို စွဲလမ်းသောသူဖြစ်၏ (မဿဲ၊၁၆း၂၃)။
- အစားအသောက်၌ စွဲလမ်းခြင်းရှိသူဖြစ်၏ (က၊၃း၅-၆)။
- လောကစည်းစိမ်၌ ဝါကြွားခြင်း၊ ွျှပ်မက်ခြင်း ရွိ၏ (၁ယော၊၂း၁၄-၁၆)။

(စ) စာတန်သည် နောက်လိုက်များစွာ ရှိသူဖြစ်သည်
- မာရ်နတ်နှင့်သူ၏တမန်တို့ (မဿဲ၊၁၆း၂၃)။
- ပြစ်မှားသော ကောင်းကင်တမန်တို့ (၂ပေ၊၂း၄)။
- စွန့်ပစ်သော ကောင်းကင်တမန်တို့ကို ထာဝရချည်နှောင်ထားတော်မူ၏ (ယုဒ၊၁း၆၊၁၃)။
- စာတန်နှင့်အတူ သူ၏ တမန်တို့ကို မြေကြီးသို့ ချလိုက်ကြ၏ (ဗျာ၊၁၂း၉)။

(ဆ) စာတန်သည် လောကကို အုပ္စိုးသူ ဖြစ်သည်
- လောကီသားအပေါင်းတို့သည် မာရ်နတ်၏လက်ထဲ၌ ရှိခြင်း (၁ယော၊၅း၁၉)။
- ဥာဏ္မ်က္စိကို ကွယ်စေခြင်း (၂ကော၊၄း၄)။
- ဘုရားသခင်၏ နှုတ်ကပတ်တော်ကို ကြားရသောသူများ၏ စိတ်ထဲမှ ခိုးယူခြင်း (မဿဲ၊၁၃း၁၉)။
- မယုံကြည်သူ သူတို့၏ စိတ်အာရုံပိတ်ပင်ခြင်း (၂ကော၊၄း၄)။

(ဈ) စာတန်သည် လူသတ်သမားဖြစ်သည်
- လူ့အသက်ကို သတ်သောသူဖြစ်သည် (ယော၊ ၈း၄၄)။
- စာတန်သည် ဟောက်သောခြငေ်္သ့ကဲ့သို့ အဘယ္သူကို မြိုရမည်နည်းဟူ၍ လှည့်လည်ရှာဖွေလျက်ရှိ
(၂ပေ၊၅း၈)။

(ည) စာတန်မာရ်နတ်၏ သွားရာလမ်း (THE WAY OF SATAN)
- စာတန်မာရ်သည် မိမိအချိန်ကုန်ခါနီးကြောင်းကို သိ၍ လောကီသားတို့ကို ကြီးစွာသော ဒေါသနှင့်
အနှောင့်အယှက် ပေးလိမ့်မည် (ဗျာ၊၁၂း၁၂)။
- ကောင်းကင်းတမန်သည် အနက်ဆုံးသောတွင်း၏ သော့နှင့် သံကြိုးကြီးကိုကိုင်လျက် စာတန်
မာရ္နတ္ကို ချည်နှောင်၍ အနှစ်တစ်ထောင် တွင်းနက်ကြီးထဲသို့ ချထားလိမ့်မည် (ဗျာ၊၂၀း၃)။
- အနှစ်(၁၀ဝ၀)ကုန်ပြီးမှ ခဏလွှတ်ခြင်း ခံရဦးမည် (ဗ်ာ၊ ၂၀း၇)။
- ပြန်လွှတ်လာပြီးနောက် မြေကြီးလေးမျက်နှာမှာ နေသောလူ အမျိုးမျိုးတို့ကို လှည့်ဖြားလိမ့်မည်
(ဗျာ၊၂၀း၈)။
- သားရဲနှင့် မိစၦာပရောဖက်ရှိရာ ကန့်နှင့် ရောနှောသော မီးအိုင်ထဲသို့ချပစ်၍ နေ့ညမပြတ်ကမ်ဘာ
အဆက်ဆက် ပြင်းစွာသော ဝေဒနာကို ခံရကြလတ္တံ့ (ဗျာ၊၂၀း၈)။

Wednesday, 2 March 2016

တမလွန်အာမခံချက်

လူသည်စဉ်းစားဆင်ခြင်တတ်သောသတ္တ
ဝါဖြစ်သည်။ သို့သော်စဉ်စားဆင်ခြင်မှုတိုင်း
သည်လူကို မင်္ဂလာဖြစစေသည် မဟုတ်ပါ။
 ဘုရားရှင်အကြောင်းနှင့်ပတ်သက်သော အခါ
 နှုတ်မှဖွင့်ဟမပြောသော်လည်း နှလုံးသားထဲမှ
 စဉ်းစားဆင်ခြင်ရုံမျှဖြင့် မင်္ဂလာရှိပါသည်။
 လောကကြီး၏ပြောင်း လဲနေသောနေရေး၊ ထိုင်ရေး၊ စားသောက်ရေးကိစ္စများကိုစဉ်းစားပါလျှင်မူ
စိတ်အေးချမ်းငြိမ် သက်မှုမရှိနိုင်သည့်အပြင် အိပ်၍ပင်ပျော်လိမ့်မည်မဟုတ်ပေ။ အကြောင်းမှာ လောကအရာများသည် အစဉ်ပြောင်းလဲနေသော ကြောင့်ဖြစ်သည်။ ဘုရားရှင်မူကားဘယ်သောအခါမျှပြောင်းလဲခြင်းမရှိသလို ထာဝရအသက်ရှင် သောကြောင့် အစဉ်အမှီပြုကိုး စားနိုင်ပါသည်။ ဘာသာတရားနှင့် ပတ်သက်၍လူတစ်ဦးနှင့်တစ်ဦးဆွေးနွေးကြသည့်အခါ ရံဖန်ရံခါအငြင်းပွားနိုင်သော်လည်း ဘုရားရှင်နှင့်ပတ်သက်၍ ဆွေးနွေးလျှင်မူကား ဘုရားဟူသည်တစ်ဆူတည်းသာရှိကြောင်း သေဘာတူဝန္ခံကာ ကွဲပြားမှုမရှိကြောင်း တွေ့ရသည်။

အဦးဆုံးနှင့်နောက်ဆုံးသောသူ
(ဗ်ာ၊ ၁း၁၇-၁၈)တွင် ဘုရားရှင်သည်အစဦးဆုံးသောသူနှင့် နောက်ဆုံးသောသူဖြစ်သလို ကမ်ဘာအဆက်ဆက်အသက်နှင့် ပြည့်စုံကြောင်း ဖေါ်ပြပါရှိပါသည်။ ဤကမ်ဘာမြေကြီး၌ လူသားဟူ၍ တစ်ဦးတစ်ယောက်မျှ မရှိမီဘုရားသခင်ရှိနှင့်ပါသည်။ ထို့ပြင် နောက်ဆုံးသောနေ့ရက်၌ ဤကမ်ဘာမြေကြီးနှင့်လူသား၍ တစ်စုံတစ်ဦးမျှမရှိတော့ လျှင်လည်း ဘုရားရှင်သည်ဆက်လက်တည်ရှိနေ မည်ဖြစ်ပါသည်။ ဤလောကကြီးတွင် ဘာသာတရားအမျိုးမျိုး၊ သွန်သင်ချက်အမျိုးမျိုးသော်လည်း စစ်မှန်သောဘုရားရှင်သည် တစ်ပါးတည်းရှိပါသည်။ လူသားတိုင်းအတွက်ကွဲပြား ခြားနားခြင်းမရှိပါ။ ထိုဘုရားရှင်သည် ဦးစွာအသေခံတော်မူပြီးနောက် သေခြင်း ကိုအောင်လျက်ရှင်ပြန်ထမြောက်တော် မူသည်ဖြစ်၍ ကမ်ဘာအဆက်ဆက်အသက်နှင့်ပြည့်စုံသောအရှင်ဖြစ်ပါသည်။ သို့ဖြစ်၍ လူသားအပေါင်းတို့ကိုအစိုးရသလို အကျိုးအပြစ်ကိုစီရင်ပိုင်သောအရှင်လည်းဖြစ်ပါသည်။ ကျွနု်ပ်တို့လူသားများအနေဖြင့် နေ့စဉ် အသက်ရှင်ကြရာတွင် ကုသလတရားနှင့်ညီသောအသက်ရှင်မှုအတွက် စိုးရိမ်စရာမရှိသော်လည်း၊ အကုသလတရားအရအသက် ရှင်သူတို့မှာကား လွတ်လမ်းမရှိသည့်အပါယ်ငရဲတွင် ကမ်ဘာအဆက်ဆက်ပူလောင်းပြင်းပြစွာဒုက္ခဝေဒနာခံစားကြရမည်ဖြစ်၍ ကျွနု်ပ်တို့၏ အသက်ရှင်မှုကို ပြန်လည်သတိပြုဆင်ခြင်သင့်ပါသည်။

မရဏာကိုအစိုးရသောအရှင်
လူသည်အခြားသောသူအား မုသားစကားကိုသုံးလျက် အဖြစ်မှန်ကိုဖုံးကွယ်ရနိုင်သော်လည်း ဘုရားရှင်နှင့်မိမိ၏ကိုယ့် ကိုယ်ကိုယ်သိစိတ်ကိုမှု၊ ဆိုးမှုကိုနှလုံးသားကသိမှတ်စမြဲဖြစ်သည်။ ဘုရားရှင်သည် လောကဓာတ်နှင့် လောကဓာတ်အရာများကို ဖန်ဆင်းသောအရှင်ဖြစ်သလို မရဏာနှင့် မရဏာနိုင်ငံတော်ကိုလည်း အစိုးရတော်မူသော အရှင်ဖြစ်ပါသည်။ ဘုရားရှင်သည် မြည်းစမ်း၍သိမှတ်ခံသောဘုရားဖြစ်သလို နှလုံးသားနှင့်တမ်းတ၍ တွေ့လိုသောသူ တိုင်းအားအတွေ့ခံသောဘုရားရှင်လည်းဖြစ် ပါသည်။ ထိုအခွင့်အရေးကို လောကီအသက်ရှင်နေစဉ်၌ ပင်ခံစားနိုင်ပါသည်။ တစ်ဖက်မှလည်း ဘုရားရှင်သည် မတရားသောသူ တို့၏လမ်းဆုံးကိုသိသလို ဖြောင့်မတ်သောသူတို့၏ လမ်းဆုံးကိုလည်း သိမှတ်တော်မူပါသည်။ မတရားသောသူသည် မိမိပြုခဲ့သော ဒုစရိုက်များ၏ ဆိုးကျိုးကြောင့် တမလွန်၌အပါယ်လား ရမည်ဖြစ်ကြောင်း မနောအာရုံကအသိပေးမှုကြောင့် ကြိုတင်သိရှိနိုင်လေသည်။ သို့ဖြစ်၍ သေအံ့ဆဲဆဲအချိန်တွင် ရုန်းကန်၍ဆောက်တည်ရာမရဖြစ်တတ်သည်ကို ကျွနု်ပ်တို့တွေ့မြင်ဖူးကြပါသည်။ ကျွနု်ပ်တို့ တစ်ဦးစီအား ထိုသို့သောအဖြစ်ဆိုးမျိုးမှ လွတ်မြောက်စေရန် ဘုရားရှင်အလိုတော်ရှိပါသည်။ ကျွနု်ပ်တို့အနေနှင့် နှစ်ပေါင်းများစွာ ခရစ်ယာန်တစ်ဦးအဖြစ်အသက်ရှင်ခဲ့ကြသော်လည်း၊ တမလွန်နှင့်ပတ်သက်သည့်အာမခံချက်အကြောင်းကိုစဉ်းစားသည့်အခါ ဇဝေဇဝါဖြစ်နေပါက ကိုယ်တော်အသက်ရှင်ကြောင်းသက်သေကို အသက်တာ၌လက်တွေ့ခံစားနိုင်ရန် နာမတော်မြတ်၌ ခေါ်၍မြည်းစမ်းနိုင်ပါသည်။ မြည်းစမ်းပါရန်လည်းတိုက်တွန်းလိုပါသည်။

ချစ်ခြင်းမေတ္တာဖြစ်တော်မူ၏
ဘုရားရှင်သည် ကျွနု်ပ်တို့တစ်ဦးစီတိုင်းကို ထာဝရမေတ္တာနှင့် ချစ်တော်မူသောအရှင်ဖြစ်ပါသည် (၁ယော၊ ၃း၁၆)။ ကျွနု််ပ်တို့ အပေါ်ထားရှိသည့် ကိုယ်တော်၏ မေတ္တာကိုနှုတ်ဖြင့်ဖွင့် ဟပြောထားသောကျမ်းစကားအရသာမဟုတ်ဘဲ လက်တွေ့သက်သေဖြင့် သိမြင်ခံစားနိုင်ါပသည်။ ထိုအရှင်သည် ကံကြွေး၊ ဝဋ်ကြွေးများကြောင့်အပါယ်လားရမည့်အဖြစ်ဆိုးမှ ကျွနု်ပ်တို့လူသားများအား ကယ်လွှတ်ဖို့ရန် ကားတိုင်ထက်တွင် အသက်တော်ကိုစွန်၍ အသေခံခဲ့ပါသည်။ သို့သော်သေခြင်း၌လမ်းဆုံး၍ ကျွနု်ပ်တို့အား မျှော်လင့်ချက်ကင်းမဲ့စေခဲ့သည်မဟုတ်ချေ။ သုံးရက်မြောက်သောနေ့တွင် သေခြင်းကိုအောင်မြင်၍ ရှင်ပြန်ထမြောက်ခဲ့သောကြောင့် ထာဝရကာလတိုင်ယုံကြည်စိတ်ချနိုင်သောဘုရားရှင်ဖြစ်ပါသည်။


ကိုယ်တော်ထံမှ အပြစ်လွတ်ခြင်းကျေးဇူးကိုခံစားခြင်းဖြင့် အကူသလတရားအရ အပါယ်လားရမည့်ဆိုးကျိုးမှ လွတ်မြောက် ရန်အတွက်၊ မိမိ၏အပြစ်များကိုနောင်တရ၍ ကိုယ်တော်ထံသို့လာပါ။ မိမိ၏အမှားများအတွက် ကိုယ်တော့်ရှေ့တွင်ဝန်ချတောင်း ပန်၍ ကိုယ်တော်ကိုယုံကြည်လာက်ခံပါ။ သို့ပြုပါကလောကီအသက်ရှင်စဉ်အချိန်၌ပင် တမလွန်အတွက်အာမခံစိတ်ချမှုကို ခံစားရကာ နှလုံးသား၌ဝမ်းမြောက်နိုင်မညဖြစ်ပေသည်။ ယနေ့အချို့သောခရစ်ယာန်များ အား တမလွန်နှင့်ပတ်သက်သည့် အာမခံချက်အကြောင်းမေးမြန်းသောအခါ၊ တိကျရေရာသောအဖြေကို မပေးနိုင်သော ခရစ်ယာန်များစွာရှိကြပါသည်။ တစ်ချို့သူများက ဘုရားရှင်သနားလျှင်တော့ ရမည်ဟုဖြေတတ်ကြပါသည်။ အမှန်တွင်လူသားများအပေါ်ဘုရားရှင်ကသနားတော် မူပြီးဖြစ်ပါသည်။ လက်ဝါးကပ်တိုင်တရားသည် လူသားများအပေါ်ထားရှိသည့် ဘုရားရှင်၏သနားခြင်းသက်သေဖြစ်ပါသည်။

ချစ်ခြင်းမေတ္တာဖြစ်တော်မူ၏
ဘုရားရှင်သည် ကျွနု်ပ်တို့တစ်ဦးစီတိုင်းကို ထာဝရမေတ္တာနှင့်ချစ်တော်မူသောအရှင်ဖြစ်ပါသည် (၁ယော၊ ၃း၁၆)။ ကျွနု်ပ်တို့ အပေါ်ထားရှိသည့်ကိုယ်တော်၏မေတ္တာကို နှုတ်ဖြင့်ဖွင့်ဟပြောထားသော ကျမ်းစကားအရ သာမဟုတ်ဘဲ လက်တွေ့သက်သေဖြင့် သိမြင်ခံစားနိုင်ပါသည်။ ထိုအရှင်သည် ကံကြွေး၊ ဝဋ်ကြွေးများကြောင့် အပါယ်လားရမည့်အဖြစ်ဆိုးမှ ကျွနု်ပ်တို့လူသားများအား ကယ်လွှတ်ဖို့ရန် ကားတိုင်ထက်တွင်အသက်တော်ကိုစွန့်၍ အသေခံခဲ့ပါသည်။ သို့သော်သေခြင်း၌လမ်းဆုံး၍ ကျွနု်ပ်တို့အားမျှော် လင့်ချက်ကင်းမဲ့စေခဲ့သည်မဟုတ်ချေ။ သုံးရက်မြောက်သောနေ့တွင် သေခြင်းကိုအောင်မြင်၍ ရှင်ပြန်ထမြောက်ခဲ့သောကြောင့် ထာဝရကာလတိုင်ယုံကြည်စိတ်ချနိုင်သော ဘုရားရှင်ဖြစ်ပါသည်။

ကိုယ်တော်ထံမျ အပြစ်လွတ်ခြင်းကျေးဇူးကိုခံစားခြင်းဖြင့် အကုသလတရားအရ အပါယ်လားရမည့်ဆိုးကျိုးမှ လွတ်မြောက် ရန်အတွက် မိမိ၏အပြစ်များကိုနောင်တရ၍ ကိုယ်တော်ထံသို့လာပါ။ မိမိ၏ အမှားများအတွက်ကိုယ်တော့်ရှေ့ တွင် ဝန်ချတောင်း ပန်၍ ကိုယ်တော်ကို ယုံကြည်လက်ခံပါသည်။ သို့ပြုပါက လောကီအသက်ရှင်စဉ်အချိန်၌ပင် တမလွန်အတွက် အာမခံစိတ်ချမှု ကိုခ္စံားရကာ နှလုံးသား၌ဝမ်းမြောက်နိုင်မည်ဖြစ်ပေသည်။ ယနေ့အချို့သောခရစ်များအား တမလွန်နှင့်ပတ်သက်သည့်အာမခံချက် အကြောင်းမေးမြန်းသောအခါ၊ တိကျရေရာသောအဖြေကို မပေးနိုငသောခရစ်ယာန် များစွာရှိကြပါသည်။ တချိုသောသူများက ဘုရားရှင်သနားလျှင်တော့ရမည်ဟု ဖြေတတ်ကြပါသည်။ အမှန်တွင်လူသားများ အပေါ်ဘုရားရှင်က သနားတော်မူပြီးဖြစ်ပါသည်။ လက်ဝါးကပ်တိုင်တရားသည်လူသားများအပေါ်ထားရှိသည့် ဘုရားရှင်၏ သနားခြင်းသက်သေဖြစ်ပါသည်။

သဗေ္ဗညုတဉာဏ်တော်ရှင်
အချို့သောသူများသည် နှလုံးသားဘုရားကို ဦးထိပ်ထားလေးစားပြီးမှ လုပ်ဆောင်မှုမှားတတ်ကြသည်လည်း တွေ့ရသည် (တမန်၊ ၉)။ ရှောလုသည် သခင်ခရစ်တော်နှင့် မထိတွေ့မီ ဘာသာတရားဘက်၌ စိတ်အားထက်သန်သူတစ်ဦး ဖြစ်ပါသည်။ သူသည် နှလုံးသားကဘုရားကိုတမ်းတ၍ ဦးထိပ်ထားသော်လည်း သဗေ္ဗညုတဉာဏ်တော်ရှင်ဘုရား ဖြစ်တော်မူသည့်အတိုင်းရှောလု၏ နှလုံးသားကိုသိမျတ်၍ ဒမာသက်မြို့သို့သွားသောလမ်းတွင် သူ့အားအတွေ့ခံပြီးစကား ပြောပါသည်။ ရှောလုသည်ကိုယ်တော်နှင့် ထိတွေ့ပြီးသည့်နောက် ပေါလုအမည်သစ်ကိုရသကဲ့သို့ သူ့နှလုံးသားမှ ရိုးသားစွာမှားယွင်းမှုကို ဘုရားရှင်ကတည့်မတ်ပေးပါသည်။ ကိုယ်တော်နှင့် ထိတွေ့ပြီးနောက် ပေါလုသည် တစ်ချိန်ကမိမိနှိပ်စက်ညှဉ်းပန်းခဲ့သောသူတို့နှင့်အတူ ကိုယ်တော့်အကြောင်းကို ရဲဝံ့စွာဟောပြောသက်သေခံသူဖြစ်လာပါသည်။ ထို့နည်းတူကျွနု်ပ်တို့၏ အသက္တာ၌ လုပ်ဆောင်မှုများမှားနေသည်ကအရေး မကြီးပါ။ ဘုရားရှေ့တွင် နှလုံးသားမှန်ကန်မှုရှိဖို့အရေးကြီးပါသည်။ နှလုံးသားမှန်ကန်မည်ဆိုပါက တမန်တော်ကြီးရှင် ပေါလုနည်းတူ ဘုရားရှင်၏ တည့်မတ်ပေးမှုကိုခံရကာ ကိုယ်တော့်အတွက် အသုံးရသောသူများဖြစ်လာကြမည်ဖြစ်ကြောင်း မေတ္တာနှင့်အသိပေး ဝေငှလိုက် ရပါသည်။

Dr.တင်မောင်ထွန်း - တရားဒေသနာ