Friday, 9 May 2014

မိခင်များနေ့


နှစ်စဉ်နှစ်တိုင်း မေလ(၁၀)ရက်နေ့နှင့် အနီးစပ်ဆုံး တနင်္ဂနွေနေ့ကို မိခင်များနေ့အဖြစ် သတ်မှတ် ထားပါ သည်။ ၎င်းနေ့တွင် မိခင်များကို ဂုဏ်ပြုခြင်း၊ ခွန်အားပေးခြင်း၊ ဆုတောင်းပေးခြင်းများ ပြုလုပ်ပေး ရပါသည်။ ဂုဏ်ပြုခြင်း အစီအစဉ်တွင် မိခင်တိုင်းကို တန်ဖိုး နည်းသည် များသည် မဆိုဘဲ လက်ဆောင်တစ်ခုစီ ချီးမြှင့်ပေး သင့်ပါသည်။ မိခင်များကို ဖခင်များ (အမျိုးသား မိသဟယအဖွဲ့) ကတာဝန်ယူ ဂုဏ်ပြု သင့်ပါသည်။ အသက်ကြီး ဆုံးသောမိခင်များ၊ ကလေးအများဆုံးမွေးသော မိခင်များ၊ ဓမ္မ အမူတော်  ဆောင်များ ကိုမွေး ထုတ်ပေးသော မိခင်များစသည်ဖြင့် အထူးလက်ဆောင် များဖြင့်လည်း ဂုဏ်ပြုသင့်ပေသည်။
      ကမ္ဘာ့ခေါင်းဆောင်ကြီးများ စာရေးဆရာများ၊ အတတ်ပညာရှင်များ၊ သင်းအုပ် ဆရာတော်ကြီးများက၊ မိခင်များကို ဂုဏ်ပြု ပြောဆို ထားကြသော စကားများ၊ ကဗျာလင်္ကါများကို မိခင်များနေ့ အတွက် ဂုဏ်ပြု စကား အဖြစ်သော်၎င်း၊ မိခင်များ၊ ခွန်အားပြန်လည် ရရှိစေနိုင်ရန် အတွက်သော်၎င်း၊ စုဆောင်းဖော်ပြ အပ်ပါသည်။
၁။ “ အမေ” ဟူသောစကားသည် ကမ္ဘာပေါ်တွင် ရှိရှိသမျှသော ချစ်ခြင်းမေတ္တာ စကားအလုံးစုံတို့၏ အချုပ်အချာ စကား ဖြစ်သည်။ အမေ…. ဟူသောခေါ်သံ သည်ကြား ရသော သူတိုင်း၏နှ လုံး သားကို  ပျော်ရွှင်မူငြိမ်သက်မှု ကိုအပေးနိုင်ဆုံး သောစကားဖြစ်စေသည် (စကော့လူမျိုး စာရေးဆရာ Robert Polat )။
၂။ မိခင်မေတ္တာ ဟူသောအကြောင်းအရာကို မည်ကဲ့သို့သော စာရေးဆရာမျှ ပင်လျှင် ပြည့်စုံအောင် မရေးသားနိုင်ပါ။ ( Rev Edwanel Mateel)
၃။ မေတ္တာ၊ ဂရုဏာကိုမြင်ရသောနေရာကား မိခင်များ၏နှလုံးသား မှာသာဖြစ်၏။ (Miss F Lateka Hirmims)
၄။ ဘုရားသခင် သည်နေရာတိုင်းမှာ ဘုရားသခင်၏ မေတ္တာတော်ကို ဖော်ပြပေးနိုင်ရန်အတွက် မိခင်များကို
  ခန့်ထားပေးသည်။ (ယုဒလင်္ကါ)
၅။ မိခင်များနေ့တွင် “မိခင်ကျေးဇူး”ကို သက်သေခံသော သူတိုင်း မျက်ရည်မကျဘဲ အဆုံးသတ်ပြောနိုင် သူများ မရှိသလောက်ပါ။ (စာရေးသူ)
၆။ သားသမီးများ ၏ကောင်းမွန်ခြင်း ၊အောင်မြင်ခြင်းများ ကိုတွေ့ရ၍ ဝမ်းမြောက်နေသော မိခင်၏ ဝမ်းမြောက်ခြင်းသည် ဤကမ္ဘာပေါ်တွင် အကြီးမားဆုံး ဝမ်းမြောက်သော သူဖြစ်ပါလိမ့်မည်။ (ဂျာမန် သမိုင်းဆရာ Jinpaul Richal)
၇။ ကျွနု်ပ်နှင့် ကျွနု်ပ်၏ အောင်မြင်ခြင်း အရာခပ်သိမ်း တို့သည် မိခင်၏ကျေးဇူးကြောင့် သာဖြစ်သည်။
(Abratham Lincoon)
၈။ အမေသည် ကျွနု်ပ်ကို ခွန်အားပေးသည်။ လမ်းပြသည်။ ကျွနု်ပ်သည် အမေအတွက် အသက်ရှင်သည်။ အမေအတွက် အသက်ရှင်နေသော ကျွနု်ပ်အတွက် အမေသည်အစဉ် အမြဲခွန်အားပေးသည်။ လမ်းညွှန်ပေးသည် (Thomas Adison)
၉။ လူတကာတို့သည် ကျွနု်ပ်ကို မည်ကဲ့သို့ပင် ပုတ်ခတ်ပြော ဆိုနေကြသော်လည်း အမေတစ်ဦးတည်းသာ ကျွနု်ပ် ကိုအစဉ် အမြဲခွန်အားပေး လျက်ရှိနေသောကြောင့် ယခုအထက် အာကာကိုပျံ တက်နိုင် ပါပြီ။ (လေယာဉ်ပျံကို တီထွသ်သူ-Glin LMartin)
၁၀။ အမေ့ကို မချစ်ပေးသော မရိုသေပေးသော ချွေးမကို ယူမိမှာကို အလွန်စိုး ရိမ်မိပါသဖြင့်  ယနေ့အထိ
      မိန်းမကို မယူနိုင်ပါ။ ကမ္ဘာ့သူဌေးကြီး (Andrew Canegie)
မှတ်ချက်။  ။အသက်ငါးဆယ်ကျော်မှ မိန်းမယူဖြစ်သည်။
၁၁။ ဖန်ဆင်းရှင် ဘုရားသခင်ဆိုတာ မရှိနိုင်ဘူးဟူ၍ ကြိမ်ဖန်များစွာ စဉ်းစားခဲ့မိပါသည်။ သို့သော် အမေ၏ ယုံကြည်ခြင်း ကြီးမားမူကြောင့်၊ ယခု ငါသင်းအုပ်ဆရာဖြစ်နေပါပြီ (Rev Richard Wale)
၁၂။ ကမ္ဘာတစ်ခု လုံးမှာရှိသော မကောင်းသော အကျင့်ဆိုးများ ကိုပြုပြင်ပြောင်း လဲလိုပါက မိခင်များမှအစပြုပါ။  (Rev Chals simson)
၁၃။ ပြင်သစ်နိုင်ငံအတွက် ပညာနှင့်ပြည့်စုံသော လူငယ်များစွာပေါ် ထွန်းလာနိုင်ရန် အတွက်မိခင်ကောင်း များစွာလိုအပ်သည်။ (စစ်သူကြီး Nepoleon)
၁၄။ အနာဂတက်မ္ဘာသစ်သည်မိခင်များ၏လက်မှာရှိသည်။ (ပြင်သစ်စာရေးဆရာ Luis Diphufus)
၁၅။ ကျွနု်ပ်ကို သမ္မတအိမ်တော်အထိ ပို့ဆောင်ပေးသောသူသည် ကျွနု်ပ်၏မိခင်ဖြစ်သည် (အမေရိကန် သမ္မတ John Adam)  
၁၆။ မိခင်ကိုစိတ်ချမ်းသာစေသောသူနှင့်သာ မိတ်ဆွေဖွဲ့လိုသည် (ပြင်သစ်စကားပုံ)
Fwd mail မှပြန်လည်ဖေါ်ပြပါသည်..။

No comments:

Post a comment

ဤနေရာမှာအကြံပြုစာရေးခဲ့ပါ.....