Thursday, 9 February 2012

ပထမတရားစီရင်ခြင်း

က ၃း၉-၂၄

အာဒံနှင့်ဧဝတို့အပြစ်ပြုလိုက်သည်နှင့်တပြိုင်နက်သူတို့အပေါ်သေဒဏ်ကျရောက်ခဲ့သည်။ ပြစ်ဒဏ်ကိုအကောင် အထည်ဖေါ်မှုသည်အဆင့်လိုက်ဖြစ်ပေါ်ခဲ့သည်။ အာဒံသည်ဘုရားသခင်ကိုမနာခံသည့်အချိန်လေးအတွင်းမှာ ပင်ဝိညာဉ်ရေး၌သေဆုံးသွားသည်။ အသက် ၉၃၀နှစ်ရှိသည့်တိုင်အောင်ရုပ်ခန္ဓာပိုင်း၌သေဆုံးခြင်းမရှိခဲ့ပေ။

၁။ အာဒံသည်ဆင့်ခေါ်ခြင်းခံခဲ့ရသည် (၃း၉)
၂။ အာဒံသည် စစ်ကြောခြင်းခံခဲ့ရသည် (၃း၁၀-၁၃)
၃။ အာဒံသည် ပြစ်ဒဏ်ပေးခြင်းခံခဲ့ရသည် (၃း၁၄-၁၉)
၄။ အာဒံသည် ကယ်တင်ခြင်းခံခဲ့ရသည် (၃း၂၀-၂၄)

မှတ်ချက် - ဘုရားသခင်၏ကျေးဇူးတော်သည်မောင်းထုတ်ခံရာဧဒင်သို့ပြန်ရောက်စေသည့်နည်းလမ်းကိုဖန်တီးခဲ့ သည်။ မောင်းထုတ်ခြင်းသည်သူ့ထံမှဖယ်ရှားလိုက်ခြင်းမဟုတ်ပါ။ အာဒံနှင့်ဧဝနှစ်ဦးလုံးတို့သည်သူတို့အပြစ်၏ ထာဝရအကျိူးဆက်မှကယ်တင်ခြင်းခံခဲ့ကြရသည်။ အာဒံသည်ရောက်လာမည့်“မိန်းမ၏အမျိုးအနွယ်”ကယ်တင် ရှင်နှင့်ဆိုင်သောကတိတော်ကိုယုံကြည်ခဲ့သည်။ သူသည်ကရာနီကုန်းရှင်းလင်းသောရှေ့ပြေးမြင်ကွင်းတစ်ခုဖြစ် သည့်အပြစ်မဲ့သောဓားစာခံ၏သားရေဖြင့်လွှမ်းခြုံခြင်းကိုခံခဲ့ရသည်။ သူသည်မကြာသေးမီကပင်သေခြင်းအပြစ် ဒဏ်စီရင်ခြင်းခံရသော်လည်းသူ၏မယားကို“ဟဝ”(အသက်ရှင်သောသူအပေါင်းတို့၏အမိ)ဟုမှည့်ခေါ်ခြင်းဖြင့်သူ၏ယုံကြည်ခြင်းကိုဝန်ခံခဲ့သည်။
အာဒံရင်ဆိုင်ရသောတရားစီရင်ခြင်းသည်ပျောက်ဆုံးနေသောသူတို့ရင်ဆိုင်ရမည့်ပလ္လင်ဖြူတရားစီရင် ခြင်း၏အရိပ်ဖြစ်သည်။“သင်သည်အဘယ်မှာရှိသနည်း”ဆိုသည့်သမ္မာကျမ်းစာထဲမှပထမမေးခွန်းကိုထပ်၍ပြန် ကြားရပေလိမ့်မည်။ ထိုအခါအပြစ်ရှိ၍သေလွန်သောသူတို့သည်သူတို့၏သင်္ချိုင်းများထဲမှထွက်လာကြလိမ့်မည်။
“သင်သည်အဘယ်သို့ပြုပြီးသနည်း”ဟူသောဒုတိယမေးခွန်းသည်အပြစ်ရှိကြောင်းထင်ရှားစေသည့်မေးခွန်းဖြစ် လိမ့်မည်။

No comments:

Post a comment

ဤနေရာမှာအကြံပြုစာရေးခဲ့ပါ.....